25 May 2020

RSS Facebook

سوداگریز


تازه خبرونه

سولې ته رسېدل، هر اړخیزه ستراتېژي غواړي

سولې ته رسېدل، هر اړخیزه ستراتېژي غواړي

کابل / د غبرګولي ۵ مه / باختر شک نشته چې...

په غور کې د ولسي تړون د ۱۴ پروژو کار عملي کیږي .

په غور کې د ولسي تړون د ۱۴ پروژو کار عملي کیږي .

فیروزکوه د جوزا ۵ باختر د غور د لعل او سرجنګل...

Youtube Player

khantry design

سوداگریز

سوداگریز

اجتماعی

کابل\باختر\ دسنبلي١٧
دهيواد د ملي اتل د شهادت د دولسم تلين په مناسبت د جمهوري رياست د لومړي مرستيال مارشال محمدقسيم فهيم پيغام
ګرانو هيواد والو ، خويندو او ورونو!
سبا د وږي د مياشتې اتلسمه زموږ د ګران هيواد افغانستان د ملي اتل احمدشاه مسعود د شهادت له دولسم تلين او د شهيد له اوونۍ سره برا بره ده.
په دې مناسپت د خپلې ژورې ډاډګيرنې او خواخوږۍ مراتب مسلمان، اتل او شهيد پال ملت او د افغانستان دخلکو د جهاد او ملي مقاومت د شهيدانو ټولو کورنيو ته وړاندې کوم او د ګران هيواد د آزادۍ او خپلواکۍ او د پرمختګ د لارې د ټولو شهيدانو پاک روح ته دعا کوم.
خويندو او ورونو!
زموږ د خلکو ملي اتل احمدشاه مسعود زموږ د خلکو د روا جهاد او مقاومت يوه مخکښ او وياړ و. ده خپل ګران عمر دخپلو خلکو د ډير ستر آرمان چې هماغه د ده د هيواد، آزادى او خپلواکي وه؛ وقف کړ او په دې لاره کې يې خپل ژوند قرباني کړ.
احمدشاه مسعود زموږ د خلکو د لارې له مخکښانو څخه و چې په هوښيارى او زړورتيا سره يې د خپل هيواد د غرونو ټولې لوړې څوکې يې خپل سنګراو ټاټوبى غوره کړ او يواځينۍ هيله يې دا وه چې له خپلو ګرانو او مجاهدو خلکوسره يوځاى يوه ورځ يرغلګر دښمن له خپل پلرنى هيواد څخه  وشړي.
دى په دې لاره کې د خپلو ګرانو خلکو تر څنګ ودريد او د خپل اتل ملت د جهاد د کاروان ستره برخه يې رهبري کړه او پرې يې نه ښودل چې د ذلت دوړې د ده د خلکو په دروازه او ديوال  کښيني او د ده دخلکو غرور د پرديو د متروکو قرباني شي.
زموږ د خلکو ملي اتل احمدشاه مسعود د خپل عمر ډيرشه کلونه په همدې لاره کې تيرکړل او په دې لاره کې يې کړاوونه وګالل چې يواځې ميړني انسانان کولاى شي و زغمي.
ده تل د خپل هيواد د آزادى او خپلواکي په باب فکرکا وه او په دې لاره کې يې په هيڅ هيواد پورې د تړلتياغاړه کښې نښوده او د جهاد او مقاومت د سنګردارانو     ترڅنګ يې په سرلوړى او ميړانې سره دخپلو خلکو پت او عزت وساته. زموږ خلک اوس او په را تلوونکي وخت کې تل د ده او دخپل ګران هيواد دلارې اود نورو شهيدانو دپاکې وينې په قدر پوهيږي او بيځايه نه ده چې هرکال دغه ورځ او د خپل هيواد د ګرانو شهيدانو د وينې د توئيدو د ورځې په توګه نمانځي.
يوځل بيا د هيواد د ملي اتل او زموږ د ګران هيواد افغانستان د نورو شهيدانو د شهادت د تلين په مناسبت دخپلې ډاډګيرنې مراتب خپل مسلمان او اتل ملت ته وړاندې کوم او هيله لرم چې د هيواد ځوانان د خپلو پلرونو او نيکونو په شان تل دخپل هيواد او د خپلو خلکو د عزت او پت ساتندويان واوسي.
زموږ د ګران هيواد افغانستان د آزادى او خپلواکي د لارې د ټولو شهيدانو اروا دې ښاده وي.

کابل باختر  دوږي  اوولسمه :
دملي پيوستون دپروګرام له خوا نن په بادغيس ولايت کې د دريو ټولګټو پروژوکار پيل شو .
ددغو پروژو دکار له پيل کيدو سره جوخت د بالامرغاب ولسوالۍ څه دپاسه يو سلو پنځوسو تنواوسيدونکو ته دکار زمينه برابره شوې ده .
دبالامرغاب ولسوال ضياالدين باخترآژانس ته وويل: په دې پروژه کې د بالامرغاب ولسوالۍ په دريوکليوکې د دريو استنادي ديوالونو جوړول شامل دى چې ددغو پروژو په عملي کيدو سره کرنيزې ځمکې د سيلاوونو له خطر څخه خوندي پاتې کيږي.
د ضياالدين د څرګندونو له مخې: دغه پروژې به په راتلوونکې يوه مياشت کې بشپړې او د استفادې وړ وګرځي.
د بالامرغاب ولسوال زياته کړه چې په دغو پروژوکې څه دپاسه دوه سوه زره ډالره لګيږي چې دکليو د بيا جوړولو او پراختيا وزارت له خوا د جوى ګنج، کابلي او جوى نو په کليوکې جوړيږي .

کابل باختر  دوږي  اوولسمه :
د ارشاد، حج او اوقافو وزارت خبرتيا!
  دکابل ښار د ناحيو هغو محترموحاجيانوته چې شيمرې يې له ٤٥١ څخه تر ٧٠٠ پورې  دي؛ خبر ورکول کيږي چې سبا د ١٣٩٢ کال دوږي دمياشتې په ١٨ نيټه  د دوشنبې د ورځې له غرمې وروسته په څلوروبجو د عيدګاه جامع جومات ته  ورشي چې واکسين يې تطبيق او د حرمين شريفين په لور په ټاکلو الوتنوکې تنظيم شي.
له محترموحاجيانوڅخه غوښتنه کيږي چې خپل نوبت رعايت کړي او خپل بانکي آويزونه له ځان سره ولري او په الوتنوکې د بې نظمۍ سبب نه شي.
له دې پرته به مسووليت په خپله د دوى په غاړه وي.
د شيعه دکابل ولايت او د هغه د اړونده ولسواليو د حاجيانو الوتنې وروسته  اعلاميږي.
دعيدګاه جومات ته  د بدرګه کوونکي په نامه د اشخاصو ننوتل منع دى.

کابل\باختر\ د سنبلي١٦
دهيواد دملي اتل شهيداحمد شاه مسعود د شهادت د تلين اود شهيد داوونۍ د
را رسيدو له ا مله نن د کورنيو چارو  په وزارت کې دقرآن عظيم الشان ختم وشو.
دکورنيو چارو وزارت مطبوعاتي دفتر باخترا ژانس ته خبر ورکړ:
په دغو مراسمو کې د کورنيو چارو و زارت سرپرست محمدعمر داود زي د هيواد دځمکنۍ بشپړتيا او ملي نواميسو د دفاع او د تروريزم او د ډار اچوني په وړاندې ددغه شهيدد نه ستړي کيدونکو مبارزو  په لاره کې د هيواد دملي اتل شهيد احمد شاه مسعود سرښندنو اوځان تيريدونو ته په اشارې سره وويل : دافغانستان دخلکو د ناموس اوپت د دفاع په لاره کې د مجاهدينو مبارزې د هيواد سترې وياړنې بلل کيږي  .
ده  څرګنده کړه  چې د جهاد او مقاومت د ارزښتونو ساتنه او د هيواد د سرتيرو  او افغانانوترمنځ دعا لي روحيې دانګيزې درامنځته کيدوپه لاره کې ددغو ارزښتونو  څخه ښه استفاده  د دولت دواکمنانو او کارکوونکو دنده  ده .