19 February 2020

RSS Facebook

سوداگریز


تازه خبرونه

درې وسله وال طالبان په هلمند کې ووژل شول

درې وسله وال طالبان په هلمند کې ووژل شول

کابل/د سلواغې۲۹مه/باختر د هلمند په نوزاد، سنګین او واشیر ولسوالیو کې...

په خوست کې ۶ تنه د جنايي جرمونو په تړاو ونیول شول

په خوست کې ۶ تنه د جنايي جرمونو په تړاو ونیول شول

متون/دسلواغې۲۹مه/باختر د خوست د ولایتي ادارې چارواکي وايي چې د دغه...

  په جوزجان کې د کارګرانو مظاهرې دوام لري

په جوزجان کې د کارګرانو مظاهرې دوام لري

کابل/ د سلواغې٢٩مه/ باختر په جوزجان کې د نفتو او ګازو...

Youtube Player

khantry design

سوداگریز

سوداگریز

اجتماعی

کابل\  باختردکب  دمياشتې  ٢٧ :
د شهيدانو، معلولينو کار اوټولنيزو چارو وزارت خبرتيا
د شهيدانو، معلولينو، کار او ټولنيزوچارو وزارت په هغې خبرتيا کې چې باخترآژانس ته رسيدلې ده؛ ويل شوى دى:
په کابل ښارکې په اوونۍکې د پنځو ورځوکار اوپه اوونۍ کې دوه ورځې ((پنجشنبه او جمعه ))  له مخې دکار د پيل اوپاى رژيم:
دکال په لومړيو شپږو مياشتوکې :
_   د وري د مياشتې له  لومړۍ نيټې څخه د وږدي د مياشتې ترپاى پورې دکار پيل  دسهار اووه بجې او ديرش دقيقې او دکار پاى په اوونۍ کې د څلويښتو ساعتوکې دکار له مخې د ماسپښين د لمانځه د اداکولو او د غرمې ډوډۍ د خوړلو لپاره  دغرمې له دولسو بجو څخه  له غرمې وروسته تريوې بجې پورې، د يو ساعت وقفې په پام کې نيولوسره، له غرمې وروسته په څلورو بجو او ديرشو دقيقو.
_  د روژې په مبارکه مياشت کې دکار پيل د سهار په اوو بجو او دکار پاى له غرمې وروسته په يوه بجه .
_   دکال په وروستيوشپږومياشتو کې:
د تلې د مياشتې له لومړۍ نيټې څخه، دکب دمياشتې ترپاى پورې دکار پيل، د سهار اته بجې او دکار پاى په اوونۍ کې د پنځه ديرشو ساعتونو کار له مخې، د ماسپښين د لمانځه له اداکولو او د غرمې ډوډۍ د خوړلو لپاره دغرمې له دولسو بجوڅخه له غرمې وروسته تريوې بجې پورې د يو ساعت وقفې په پام کې نيولوسره  له غرمې وروسته په څلورو بجو.
_  په بانکونو او دهيواد په ولايتونوکې دکار د پيل او پاى رژيم په اوونۍکې دشپږو ورځوکار له مخې.
_   دکال په لومړيو شپږومياشتوکې:
د وري د مياشتې له لومړۍ نيټې څخه د وږي د مياشتې ترپاى پورى دکار پيل، د سهار په اتو بجو او د کارپاى په اوونۍ کې د څلويښتو ساعتونوکار له مخې، د ماسپښين د لمانځه د اداکولو او د غرمې ډوډۍ خوړلو لپاره د غرمې له دولسو بجو څخه، له غرمې وروسته تريوې بجې پورې د يو ساعت وقفې په پام کې نيول سره، له غرمې وروسته په څلورو بجو او د پنجشنبې په وروځوکې دکار پيل  د سهار اته بجې او دکارپاى له غرمې وروسته په يوه بجه .
_ د روژې په مبارکه مياشت کې دکار وختونه دکارپيل، د سهار اته بجې او دکار پاى له غرمې وروسته په يوه بجه .
دکال په وروستيو شپږومياشتو کې:
_ د تلې د مياشتې له لومړۍ نيټې څخه دکب د مياشتې تر پاى پورې په اوونۍ کې  دپنځه ديرشو ساعتونوکار له مخې، دکار پيل د سهار په اتوبجو او ديرشو دقيقو او دکار پاى د ماسپښين  د لمانځه  د اداکولو او دغرمې د ډوډۍ خوړلولپاره دغرمې  له دولسوبجو څخه له غرمې وروسته تريوې بجې پورې د يو ساعت وقفې په پام کې نيولو سره، له غرمې وروسته په دريوبحو او ديرشو دقيقو او د پنجشنبې په ورځوکې دکار پيل د سهار په اتو بجو او ديرشو دقيقو او د کار پاى له غرمې وروسته په يوه بجه اوديرشو دقيقو.
په دايمي ډول فعالوبرخو دتوليدي، خدماتي موسسو  دکار وختونه دکار د شفتونو تنظيم ، نشراتي او روغتيايي موسسې دکار دخصوصيتونو او د اقليمي شرايطو په پام کې نيولوسره له اړوندو لايحو اومقرراتو  له مخې، دکال په لومړيوشپږو مياشتو کې په اوونۍ کې دڅلويښتو ساعتونوکار اوپه  وروستيو شپږو مياشتوکې دپنځه ديرشو ساعتونو کار په پام کې نيولوسره دخپل کار رژيم  تنظيم اوعيارکړي.
_  د تعليمي او تخصيلي موسسو ادارې دې د خپل کار رژيم له اړوندو لايحو اومقرراتوسره سم، تنظيم اوعيارکړي.

کابل\  باختردکب دمياشتې  ٢٧ :
درې زره نهه تنه ماشومان نن د آشيانه موسسې له خوا په ښوونځى کې د شموليت په مقصد، د پوهنې وزارت ته معرفي شول.
دکابل ولايت دمطبوعاتي دفتر باخترآژانس ته خبرورکړ: په هغې غونډه کې چې له همدې امله په آشيانه موسسه کې جوړه شوې وه؛ دکابل والي عبدالجبارتقوا، د ښوونې اوروزنې د ارزښت په باب خبرې وکړې، د ماشومانو اوپه تېره بيا دکابل ښار د بيوزلوماشومانو د ښوونې او روزنې په برخه کې يې د آشيانه رول ارزښتناک وباله .

کابل- باختر دکب شپږ ويشتمه :
  دولسي جرګي درييس دپلار ، ورور او وريرونو دشهادت له امله  نن هم دولسي جرګي درييس عبدالروف ابراهيمي په نامه باختراژانس ته د ډاډګيرنې اوخواخوږي پيغامونه رسيدلي دي .
په دغو پيغامونوکې ددې ترڅنګ  چې ددغه ستر جنايت عاملين په ډيرو سختو الفاظو  سره غندل شوي دي دلوى خداى ( ج ) له دربار څخه ددغې پيښې قربانيانو ته دفردوس جنت او پاتي کسانو ته يې دجميل صبر هيله شوې ده
دغه پيغامونه  دماليې دوزير ډاکتر عمر زاخيلوال او ددغه وزارت دمشرتابه هيئت دسرحدونو قومونو او قبايلو دچارو وزارت  دمشرتابه هيئت دافغانستان داسماعيليانو  او په ولسي جرګه کې دخلکو داستازي  سيد منصور نادري له پيښو سره دمبارزي دتياري دملي اداري دمشرتابه هيئت او دنورو مرکزونو له خوا رراسيدلي دي .

کابل- باختر دکب شپږ ويشتمه :
دافغانستان دمبارزسياسي  او فرهنګي شخصيت ارواښاد استادعبدالهادي داوي دديرشم تلين ياد غونډي ته دافغانستان داسلامي جمهوريت دجمهور رييس حامد کرزي پيغام .
  دافغانستان په معاصر تاريخ کې دسراج الاخبار نشر دعطف يوه نقطه  ده ارواښاد محمود طرزي او دهيواد نورو منورينو په ګډه له همدي دريځه په افغانستان کې دتجدد او تنور  دخوريدو لپاره عملي مبارزه پيل کړه .
په هيواد کې دنوى تمدن دپرمختياوو له معرفي او عاميدو سربيره دهيواد دسياسي استقلال ، ملي حاکميت او  دخلکو دمدني ازاديو اوحقوقو خونديتوب ددغو منورينو عمده اهداف وو محمود طرزي دسراج الاخبار دچلولو په چارو کې دوه ځوانان ملګري پيداکړل .
عبدالرحمن لودين او عبدالهادي داوي ، ارواښاد طرزي دا دواړه خپل وزرونه بلل
عبدالهادي داوي دحبيبيي ښوونځي کې تر زده کړو وروسته په ١٢٩٠ کال په دې اخبار کې کار پيل کړ له محمود طرزي  ، مولوي عبدالرب ، مولوي غلام محي الدين افغان او نورومنورينو سره محشور شو دفکر اواستعداد  وده او روزنه يې له همدي وخته پيل شوه ډير ژر يې په ځوانانو کې ځلانده او نافذ موقف وموند او دهيواد په  نوى فکري او ادبي غورځنګ کې دلومړۍ  صف له شخصيتونو څخه شمار شو .
  دارواښاد استاد عبدالهادي  داوي  ژوند له ځواني له لوړو او ځوړو سره مل تير شوى دى  خو په ټولو حالاتو کې ديو وطندوست  مفکر او منور شخصيت په توګه تل دهيواد دملي ګټو ترشاه ولاړ و ،  دده سياسي ، فکري او فرهنګي خدمات د ډير قدر وړ دى زموږ  دهيواد په سياسي اوفرهنګي تاريخ کې يې نوم اوزکارنامې  خپل ثابت مقام لري .
  دخوشحالۍ ځاى دى چې داستاد داوي دکورنۍ او داطلاعاتو او فرهنګ وزارت له خوا دده دديرشم تلين په مناسبت داحاضره غونډه جوړه شوې ده اميد دي چې زموږ علما ددغه حقدار شخصيت  ژوند ،کارنامو ، مفکورو او اثارو په باب په زړه پوري بحثونه او مقالي  خپلو خلکو ته وړاندې کړي او داستاد داوي ځلاند شخصيت لاوځلوي .
ستاسي دغونډي بري دلوى  څښتن  له درباره غواړم او د غونډي جوړونکېو ته کور ودانۍ وايم .