23 September 2019

RSS Facebook

سوداگریز


تازه خبرونه

څوارلس وسله وال طالبان په بادغيس کې ووژل شول

څوارلس وسله وال طالبان په بادغيس کې ووژل شول

کابل/ د وږي ۳۱ مه / باختر د بادغيس سيمه ييز...

د زارع لپاره د طالبانو نومول شوی ولسوال ووژل شو

د زارع لپاره د طالبانو نومول شوی ولسوال ووژل شو

کابل/ د وږي ۳۱ مه / باختر د بلخ ولایت د...

Youtube Player

khantry design

سوداگریز

سوداگریز

اجتماعی

له پيښو  سره دمبارزې ددولتي کميټې  غړو دسنا مجلس درييس فضل هادي مسلميار  په مشري دمشرانو جرګې  په ننني غونډه کې له طبيعي پيښو سره په مبارزه کې ددغې کميټې  دځينو کړو وړو په باب دسناتورانو پوښتنو ته ځوابونه وويل .

 دمشرانوجرګې مطبوعاتي دفتر دباختر اطلاعاتي اژانس ته خبر ورکړ دمشرانوجرګې په ننني غونډه کې انديښنه څرګنده شوه چې  په روان کال کې دواوري سخت اورښتونه به دتودوخي په فصل کې داوبو د ځپانده کيدو او دسيلاونو دراوتلو سبب شي چې له پيښو سره دمبارزې دولتي کميټه دې بايد  له اوسنيو زيانمنو شويو  هيوادوالو  سره په مرستې سربيره   دسيلاونو او نورو طبيعي پيښو دزيانونو دمخنيوي په خاطر  سر له اوسه  لازم ندبيرونه ونيسي .

 دغونډې په پيل کې  دعامه سوکالي  دکميسيون رييس ډاکتر احمد بشير صميم  دواوري داورښتونو له امله دزيانمنو شويو خلکو د ستونزو ديادونې په ترڅ کې وويل چې مسوولين دى بايد په ټولو سختو لارو لرونکو  سيموکې دلارو له بنديدو مخکې داړتيا وړ توکي ليږدولي  واي او دفوايد عامې وزارت بايد دسړکونو د پاکولوپه خاطر  له  څو تنو سره قرارداد کړي واي  چې په يو وخت کې  څو لارې پاکي شوي واي او زياته يې کړه ښايي  په راتلونکي کې خطرناک  سيلاونه راووځي  او له پيښو سره  دمبارزې  کميټه دى دغه کارته پاملرنه وکړي .

 دغه راز په غونډه کې  دزيانمنونکو ولايتونو يو شمير  سناتورانو په خپلو ولايتونوکې دطبيعي  پيښو له امله رامنځته شوي ستونزې بيان کړې او وي ويل   په زيانمنونکو ولايتونوکې دواوري داورښت او دهوا دسړښت  له امله يو شميرخلک له منځه تللي دي او يو شمير  نورو ته زيات مالي تاوان واوښت اويو شمير نور د واوري  په کلابندي  دي  که چيري په سملاسي ډول ورسره مرسته ونه شي انساني زيان به ډير شي اوزياته يې کړه دمواصلاتي لارو له تړل کيدو او دسړکونو،  دوکانونو اوکورونو ميوه لرونکو او بي ميو ونو  په له منځه تللو سربيره  ماشومان او بوډاګان  په  ډول ډول  ناروغيو اخته شوي دي .

 سناتورانو دغه راز په ځينو ولايتونو له دې جملې څخه په زابل ولايت کې دواوري پاکولو په  پيسو په مزو چړچو انتقاد وکړ او وي ويل دواټونو او غاښو دواوري دپاکولو تړون له داوطلبي پرته  زبرځواکواو ددوى خپلوانو ته ورکړ  شوي دي اويا هم هيڅ قرارداد نه دى  شوي .

 وروسته له پيښو سره دمبارزې دکميټې مرستيال ددغې کميټې دځينو فعاليتونو يادونه وکړه او وي ويل زياترو لږو زيانمنو شويو ولايتونو ته دوه ، دوه مليونه افغانۍ او څو مصيبت ځپلو ولايتونو ته درې ، درې مليونه افغانۍ ليږلى شوي دي اوزياته يې کړه دهيواد په څوارلسو ولايتونوکې په دوه سوه زرو کورنيو چې وچکالي  له امله زيانمنې شوي دي  څلور اويا زره متريک ټنه خوراکي توکي اوحيواني واښه ويشل شوي دي او په شلو نورو  ولايتونوچې په دويمه درجه کې دوچکالي  له امله زيانمن شوي دي شپيته زره متريک  ټنه خوراکي توکي ويشل شوي دي اودژمنيو پيښو دشهيدانو له کورنيو او ټپيانو او ددغو پيښو له بي ځايه شويوکسانو سره   هم مرسته شوې  اوله محدوديتونو سره سره بيا هم په ستراتيژيکو زيرموکې توکي شته .

 دغه راز دفوايد عامې وزارت معين دواوري  پاکولو دتړونونو په باب معلومات ورکړل  ويې ويل دهيواد ٢٣ ولايتونه   له ژمنيو ستونزو سره مخامخ دي او ټولې مصيبت ځپلي سيمې  پيژندل شوي او قرارداد شوي دي چې دغه قراردادونه دولايتي شوراګانو ، واليانو او ځينو ولايتي چارواکو له خوا شوي او پيسې يې ددغه وزارت له خوا ليږلى شوي دي .

  دغه راز په غونډه کې دکليو دبيا جوړولو او پراختيا وزارت استازي يو رپوټ وړاندي کړ او ويې ويل، دغه وزارت په خپلو ګوډامونو کې يوه اندازه لومړني مواد لر ي اوهم دډبليو اف پي داداري له لارې  دبدخشان ، بادغيس ، بلخ ،باميانو ، دايکندي ، فارياب ، غزني ، غور ، هرات ، کونړ ، ننګرهار ، نورستان ، لغمان ، سمنګانو او سرپل دولايتونو  ٦٧ ولسواليو ته څه ناڅه لس زره ټنه غنم ليږدول شوي دي .

 دغه راز دعامې روغتيا وزارت معين وويل، دغه وزارت يوه اندازه داړتيا  وړ درمل مصيبت ځپلو  ولايتونو ته ليږدولې ده او دملي دفاع وزارت دبيړني حالت رييس وويل، تراوسه پورې دبدخشان ولايت ته دمرستې رسولو ٢٩ الوتني شوي اوله مصيبت ځپلو سره دلومړنيو توکو مرستې شوي دي اوپه مستحقو کورنيو ژمني  مرستې او خوراکي توکي ويشل شوي دي .

 دغونډې په پاى کې پريکړه وشوه چې له پيښو سره دمبارزې ددولتي کميټې نور غړي دى دخپلو اجرااتو  رپوټونه په ليکلي ډول دعامه سوکالي او دژوندانه دچاپيريال کميسيون ته وليږي .

  سناتورانو له پيښو سره دمبارزې په چاروکې ترسره شوي اجراات کافي ونه بلل او څرګنده يې کړه له پيښو سره دمبارزې دولتي کميټه  دى بايد په افغانستان کې اغيزمن مخکې له مخکې تدبيرونه چې تل  له طبيعي  حالت څخه اغيزمن کيږي ونيسي .

 ديوبل خبر له مخې ، دمشرانوجرګې رييس فضل هادي مسلميار  نن دسمنګانو ولايت ددره صوف ولسوالۍ  له يو شمير عالمانو  سپين ږيرو  او مشرانو سره وکتل .

 په دې کتنه کې په داسې حال کې چې ددغه ولايت سناتور سيد اقا حسين  هاشمي هم حاضر و يو تن دنوروپه استازيتوب دخلکو دستونزودحل کولو  په لاره کې دمشرانو جرګې کړه وړه  وستايل او په دغې ولسوالۍ کې يې دسړکونودخرابوالي  او دواوري دوروستيواورښتونو له امله  دمواصلاتي لارو دتړل کيدو، په ښوونځيو کې دمسلکي ښوونکو دکمښت او په کلينکونو کې دطبي متخصص  پرسونل دکمښت په باب خپلې غوښتنې وړاندي کړي او هيله يې وکړه چې په دغو برخوکې همکاري وشي .

  دمشرانوجرګې رييس دخلکو دستونزو او دافغانستان ددولت دمالي امکاناتو په باب دخبرو په ترڅ کې  توضيحات ورکړل او ژمنه يې وکړه چې دهغوى دستونزودحل  کولو لارې چارې  به له اړوندو ارګانونوسره  په سلامشوره کې دمشرانودجرګې له لارې ولټوي .

کابل باختر د کب  څوارلسمه

  دهرات پوليس دهغه سړي په لټه کې دى چې نن سهار يې خپله ميرمن له يوبل سړي   سره وژلې  ده .

 دباختر اژانس دخبر له مخې، دغه پيښه نن سهار رامنځته شوه دهرات ولايت دغوريانو ولسوالۍ يو تن اوسيدونکي خپله ميرمن دنامشروع اړيکو  دلرلو په تور په ډزو سره ووژله او دتيښتې  په وخت کې يې په يوبل سړي هم ډزې کړى او هغه يې هم وواژه .

دهرات دپوليسو مسوولينو وويل چې دغه سړي تښتيدلى  او پوليس دهغه دنيولو په لټه کې دى .

 په هرات  کې دبشر دحقوقو دکميسيون يو تن چارواکي  وويل چې ځوانه ميرمن په ګومان اوشک سره وژل شوې ده   او ددغې ميړمنې ميړه داحساساتو له مخې عمل  کړى دى په داسې حال کې چې هغه بايد دقانوني مراجعو له لارې اقدام کړى واي .

کابل باختر د کب  څوارلسمه

  دکال له پيل څخه تراوسه پورې څه ناڅه څلور سوه کورنۍ له ايران او پاکستان څخه دفراه ولايت ته ستني شوي دي .

 دفراه ولايت دمهاجرينو  دراستنولو دچارو مسوول عبدالواحد دباختر اژانس ته وويل، له  ١٥٨ راستنو شويو اوبي ځايه شويو کورنيو سره په هرات ولايت کې دمهاجرينو په چارو کې  دملګرو ملتو دعالي کميشنري  داداري له خوا ددغه رياست  په مشري دخوراکي توکو مرسته شوې ده .

 ده زياته کړه :دغه راز د ډبليو اف پي موسسي په  څه ناڅه  درې سوه کورنيو خوراکي توکي چې غنم ، غوړي ، دال نخود اومالګه پکې ده ويشلي دي .

 دغه راز  ده وويل ، ګاونډيو ولايتونو ته له بي ځايه شويو کورنيو سره هم چې شمير يې نهه سوه  کورنيو ته رسيږي مرسته شوې ده .

  ده په ډاګه کړه چې په اووه سوه يو څلويښتو بي ځايه شويو او راستنو شويو کورنيو داستوګنې نمرې ويشل شوي دي .

 خبرځاى زياته کړه، دمهاجرينو دراستنولو دچارو رياست په پام کې لري چې په دغه ولايت کې نورو راستنو شويو اوبي ځايه شويو کسانو ته لازمي اسانتياوي برابرې کړي .

کابل باختر د کب  څوارلسمه

 دهلمند ولايت دولتي مامورينو ځوانانو او خبريالانو ته شپږ ورځني روزنيز پروګرام جوړ شو .

 دهلمند والي محمد ګلاب منګل باختر اژانس ته وويل ، دغه روزنيز پروګرام  دهلمند ولايت دمطبوعاتي دفتر  او دکوريت ميديا ګروپ موسسي  له خوا پيل شوي  چې دوه سوه تنه دولتي مامورين ، ځوانان او خبريالانو ته په بيلابيلو برخو کې دمجربو ښوونکو له خوا لوست ورکول کيږي .

  دهلمند والي وويل، دغه روزنيز پروګرام په هلمند ولايت کې په تيرو لسو کلونوکې بي ساري دى او دظرفيت  دلوړولو په برخه کې  ګټور دى .

 دده دڅرګندونو له مخې،  په هلمند ولايت کې په هره برخه کې ښه پرمختګونه شوي دي  او هلې ځلې کيږي چې دظرفيت  دلوړولو برخې  ته هم پاملرنه وشي .

 په دې روزنيز پروګرام  کې دژورناليزم په برخه کې  په لوست برسيره  عملي کارونه هم کيږي .