24 February 2020

RSS Facebook

سوداگریز


تازه خبرونه

د سولې په بهير کې د ښځو ليدلورى مشخص دى

د سولې په بهير کې د ښځو ليدلورى مشخص دى

کابل/ د کب ٤ مه/ باختر د سولې په چارو...

  افغانستان د کرونا ویروس د مخنیوي لپاره له ایران سره په موقتي ډول تګ راتګ دروي

افغانستان د کرونا ویروس د مخنیوي لپاره له ایران سره په موقتي ډول تګ راتګ دروي

کابل/ د کب ٤مه/ باختر د افغانستان اسلامي جمهوریت د کرونا...

په تهران کې د افغانستان سفارت خپل قونسلي خدمتونه وځنډول

په تهران کې د افغانستان سفارت خپل قونسلي خدمتونه وځنډول

کابل/ د کب ٤مه/ باختر په تهران کې د افغانستان سفارت...

Youtube Player

khantry design

سوداگریز

سوداگریز

اجتماعی

کابل- باختر دکب شپږ ويشتمه :
دپل خشتي دجامع جومات  خطيب مولوي عنايت الله بليغ پرون دجمعې دلمانځه په خطبه کې په ميدان وردکو ولايت کې دخاصو امريکايي ځواکونو له خوا  دخلکو ځورونې او له دغه  ولايت څخه دامريکايي ځواکونو دوتلو په اړوند دجمهور رييس  حکم ته  په اشاري سره  وويل  که چيري امريکايي ځواکونه  دميدان وردکو له ولايت څخه  په وتلو کې بې پروايي کوي دا ددې مانا لري  چې هغوى  باداران اوزموږ خلک دهغوى غلامان دي .
ده وويل  چې دافغانستان ملت دچا غلامي نه مني  او که چيري کوم شخص هغه ومني دغه عمل يې  ددين او هيواد پلورنه  ده .
  دپل خشتي دجامع  جومات خطيب زياته کړه نړيوال تعامل دادي په هرځاى کې چې  کوم جنايت کيږي دهماغه ځاى عدلي او قضايي اداري بايد مجرم تر تحقيق او پوښتنې لاندې ونيسي  او په دې اړوند خپل حکم صادر کړي .
مولوي بليغ  دافغانستان واکمني ته دبګرام دجيل دسپارلو دبهير دکمزورتيا په اړوند وويل چې افغانستان  زموږ هيواد دى او هغه کسان چې له موږ سره  جنګيږي ددغه هيواد بچيان دي او بايد په عدلي او قضايي ارګانونوکې  موږ په خپله  دعوا اقامه کړو او تر تحقيق لاندې ونيسو .
ده وويل کله چې موږ دخپلو بنديانو دساتنې واک نه لرو نوامريکا په کوم علت په افغانستان کې  داډواجازه ولري .

کابل\  باختردکب  دمياشتې  ٢٧ :
دپنجشير ولايت د شتل ولسوالۍ زياتره اوسيدونکي د دغې ولسوالۍ د سړک د جوړولوکاربهير کمزورى بولى او ددغه ولايت د فوايد عامې آمريت يې دنه پاملرنې اودجدي څارنې د نه کولو له امله وغانده  .
د هغوى دڅرگندونوله مخې: سره له دې چې ددغه سړک دجوړولوکار د اتو مياشتولپاره د فوايد عامې وزارت له خوا له دوو شرکتونو سره قراردادشوى و؛ خوکاريې په ټاکلې موده کې بشپړ نه شو، بلکې قراردادکوونکي شرکتونه په دې وروستيو کې دڅلورو ميآشتو نور وخت غوښتنه هم کړې ده.
ددغه سړک د جوړولوکار چې پنځلس کيلومتره اوږدوالى لري؛ د روان کال دوري په مياشت کې د فوايد عامې وزارت له بودجې څخه د اتيامليونو افغانيو په لګـښت  پيل شو.
په همدې حال کې د پنجشير ولايت د فوايدعامې د آمريت مسوولينو د نه څارنې  اونه پاملرنې په باب دخلکو خبرې رد کړې او ويې ويل چې د شتل  ولسوالۍ د سړک د جوړولوکار په سلوکې شپيته پرمخ تللى دى او د ژمي په موسم کې د سړک د جوړولوکارڅلور مياشتې وځنډول شو چې ټاکل شوې ده د ١٣٩٢کال د وري په مياشت کې بيا پيل شي .

کابل\  باختردکب  دمياشتې  ٢٧ :
د شهيدانو، معلولينو کار اوټولنيزو چارو وزارت خبرتيا
د شهيدانو، معلولينو، کار او ټولنيزوچارو وزارت په هغې خبرتيا کې چې باخترآژانس ته رسيدلې ده؛ ويل شوى دى:
په کابل ښارکې په اوونۍکې د پنځو ورځوکار اوپه اوونۍ کې دوه ورځې ((پنجشنبه او جمعه ))  له مخې دکار د پيل اوپاى رژيم:
دکال په لومړيو شپږو مياشتوکې :
_   د وري د مياشتې له  لومړۍ نيټې څخه د وږدي د مياشتې ترپاى پورې دکار پيل  دسهار اووه بجې او ديرش دقيقې او دکار پاى په اوونۍ کې د څلويښتو ساعتوکې دکار له مخې د ماسپښين د لمانځه د اداکولو او د غرمې ډوډۍ د خوړلو لپاره  دغرمې له دولسو بجو څخه  له غرمې وروسته تريوې بجې پورې، د يو ساعت وقفې په پام کې نيولوسره، له غرمې وروسته په څلورو بجو او ديرشو دقيقو.
_  د روژې په مبارکه مياشت کې دکار پيل د سهار په اوو بجو او دکار پاى له غرمې وروسته په يوه بجه .
_   دکال په وروستيوشپږومياشتو کې:
د تلې د مياشتې له لومړۍ نيټې څخه، دکب دمياشتې ترپاى پورې دکار پيل، د سهار اته بجې او دکار پاى په اوونۍ کې د پنځه ديرشو ساعتونو کار له مخې، د ماسپښين د لمانځه له اداکولو او د غرمې ډوډۍ د خوړلو لپاره دغرمې له دولسو بجوڅخه له غرمې وروسته تريوې بجې پورې د يو ساعت وقفې په پام کې نيولوسره  له غرمې وروسته په څلورو بجو.
_  په بانکونو او دهيواد په ولايتونوکې دکار د پيل او پاى رژيم په اوونۍکې دشپږو ورځوکار له مخې.
_   دکال په لومړيو شپږومياشتوکې:
د وري د مياشتې له لومړۍ نيټې څخه د وږي د مياشتې ترپاى پورى دکار پيل، د سهار په اتو بجو او د کارپاى په اوونۍ کې د څلويښتو ساعتونوکار له مخې، د ماسپښين د لمانځه د اداکولو او د غرمې ډوډۍ خوړلو لپاره د غرمې له دولسو بجو څخه، له غرمې وروسته تريوې بجې پورې د يو ساعت وقفې په پام کې نيول سره، له غرمې وروسته په څلورو بجو او د پنجشنبې په وروځوکې دکار پيل  د سهار اته بجې او دکارپاى له غرمې وروسته په يوه بجه .
_ د روژې په مبارکه مياشت کې دکار وختونه دکارپيل، د سهار اته بجې او دکار پاى له غرمې وروسته په يوه بجه .
دکال په وروستيو شپږومياشتو کې:
_ د تلې د مياشتې له لومړۍ نيټې څخه دکب د مياشتې تر پاى پورې په اوونۍ کې  دپنځه ديرشو ساعتونوکار له مخې، دکار پيل د سهار په اتوبجو او ديرشو دقيقو او دکار پاى د ماسپښين  د لمانځه  د اداکولو او دغرمې د ډوډۍ خوړلولپاره دغرمې  له دولسوبجو څخه له غرمې وروسته تريوې بجې پورې د يو ساعت وقفې په پام کې نيولو سره، له غرمې وروسته په دريوبحو او ديرشو دقيقو او د پنجشنبې په ورځوکې دکار پيل د سهار په اتو بجو او ديرشو دقيقو او د کار پاى له غرمې وروسته په يوه بجه اوديرشو دقيقو.
په دايمي ډول فعالوبرخو دتوليدي، خدماتي موسسو  دکار وختونه دکار د شفتونو تنظيم ، نشراتي او روغتيايي موسسې دکار دخصوصيتونو او د اقليمي شرايطو په پام کې نيولوسره له اړوندو لايحو اومقرراتو  له مخې، دکال په لومړيوشپږو مياشتو کې په اوونۍ کې دڅلويښتو ساعتونوکار اوپه  وروستيو شپږو مياشتوکې دپنځه ديرشو ساعتونو کار په پام کې نيولوسره دخپل کار رژيم  تنظيم اوعيارکړي.
_  د تعليمي او تخصيلي موسسو ادارې دې د خپل کار رژيم له اړوندو لايحو اومقرراتوسره سم، تنظيم اوعيارکړي.

کابل\  باختردکب دمياشتې  ٢٧ :
درې زره نهه تنه ماشومان نن د آشيانه موسسې له خوا په ښوونځى کې د شموليت په مقصد، د پوهنې وزارت ته معرفي شول.
دکابل ولايت دمطبوعاتي دفتر باخترآژانس ته خبرورکړ: په هغې غونډه کې چې له همدې امله په آشيانه موسسه کې جوړه شوې وه؛ دکابل والي عبدالجبارتقوا، د ښوونې اوروزنې د ارزښت په باب خبرې وکړې، د ماشومانو اوپه تېره بيا دکابل ښار د بيوزلوماشومانو د ښوونې او روزنې په برخه کې يې د آشيانه رول ارزښتناک وباله .