26 May 2020

RSS Facebook

سوداگریز


تازه خبرونه

د کرونا په اړه بې پروا چلند ستر ناورین رامنځ ته کولای شي

د کرونا په اړه بې پروا چلند ستر ناورین رامنځ ته کولای شي

کابل / د غبرګولي ۶ مه / باختر د کروناویروس خپرېدا...

د ملي امنيت شورا سلاکار پکتيا ته سفر وکړ

د ملي امنيت شورا سلاکار پکتيا ته سفر وکړ

- کابل / د غبرګولي ٦ مه / باختر د ملي...

Youtube Player

khantry design

سوداگریز

سوداگریز

اجتماعی

کابل\باختر\ د سنبلي ٦
دګجر قومونو ټولنيزې شورا نن له غرمې وروسته د جمهور رييس له مرستيال محمدکريم خليلي سره و کتل اوخپلې ځينې ستو نزې يې ور سره طرحه کړې .
دجمهوري رياست مطبوعاتي دفتر باخترآژانس ته خبر ورکړ :
په دې کتنه کې د ګجر قومو نو مشرانو اوسپين ږيرو دهيواد په مرکز او ولايتونو کې دغو قومونو ته د استوګني د نمرو د ورکړې په باب د جمهوري رياست دفرمان د تطبيق ، د روغتيا يي کلينيکونو د جوړولو د تحصيلي بورسونو د ورکړې  او دګجرقوم محصلانو ته د ليلې د اسانتيا وو د برابرولو غوښتنه و کړه .
دوي د ګجرقومونو هغو بيځايه شويو کسانو ته د پاملرنې غوښتنه وکړه چې په تخار ولايت کې دسيمه ييزو زبرځواکو د ظلم او زور زيا تي له امله بيځايه شوي دي
دګجر قومونو سپين ږيرو دغه راز  په حکومتي جوړښت کې  ددغو قومونو 
دزده کړې  خاوندو کسانو د مشارکت غوښتنه وکړه .
دوي په طبيعي پيښو کې ددغو قومونو زيانمنو شويو کسانو ته په اشارې سره  له رښتينو مستحقو کسانو سره له پيښو سره دمبارزې د ملي کميټې دسملاسي مرستو غوښتنه و کړه .
دګجر قومونو مشرانو او سپين ږيرو  د جمهوري رياست انتخاباتو ارزښت ته  په اشارې سره درايې ورکولو د کارتونو د ترلاسه کولو په برخه کې د لازمو تدبيرونوپه نيولو اوپه انتخاباتو کې د دغو قومونو په فعال ګډون باندې ټينګار وکړ .
په دې کتنه کې دجمهور رييس مرستيال محمدکريم خليلي دګجر قوم دافغانستان د خلکو يو ميړني ،زړور او زيارکښ قوم و باله  .
دجمهور رييس مرستيال څرګنده کړه  چې له نږدې ددغو قومونو د محروميتونو په باب معلومات لري .
ده دغه راز دګجر قومونو دټولنيزې شورا د جوړيدو له امله دمبارکۍ دويلو په ترڅ کې  د دغى شورا په لازياتې  پياوړ تيا اوټينګښت باندې ټينګار وکړ .
د جمهور رييس مرستيال دې ته په اشارې سره چې په نوي فصل کې دافغانستان دټولو خلکو د ترقۍ اوپرمختګ په لاره کې ښه فضا برابره شوې ده څرګنده کړه چې ددغوشرايطو د دوام په صورت کې  په پړاويز ډول کولاى شو په ټولوستونزو بريالي شو.
د جمهور ييس مرستيال د رايې ورکولو دکارتونو تر لاسه کولو ته د کتنې د برخه والو دهڅونې په ترڅ کې په انتخاباتو کې فعال ګډون په هيواد کې داتباعودحقوقو د تا مينولو يوه  لاره وبلله

کابل  \ باختردوږي دمياشتې ٥ :
دهوا پوهنې ادارې په راتلوونکوڅلور ويشتو ساعتوکې د هيواد د ځينوسيمو د هوا حالات د سانتي ګراد په حساب په دې ډول اټکل کړى دى:
کابل- آسمان شين ، د تودوخې لوړه درجه ٣٦ ټيټه  ١١
هرات- آسمان  شين ، د تودوخې لوړه درجه ٣٨،  ټيټه ١٨
جلال آباد- آسمان  ځاى ځاى وريځ تودوخې لوړه درجه ٤٠، ټيټه ٢٩
قندهار- آسمان شين  ، د تودوخې لوړه ٣٩ ، ټيټه ٢١
مزارشريف- آسمان شين ، د تودوخې لوړه  ٣٩، ټيټه ٢٢
کندز- آسمان  شين  ، د تودوخې  لوړه درجه ٣٨، ټيټه ٢١
غزني- آسمان ځاى ځاى وريځ ، ، د تودوخې لوړه درجه ٢٩ ، ټيټه ١١
باميان- آسمان شين ، ، د تودوخې لوړه درجه ٢٩ ، ټيټه ٩
فيض آباد آسمان شين ، د تودوخې لوړه درجه ٣٣، ټيټه  ١٣
شمالي سالنګ- آسمان شين  ، دتودوخې لوړه درجه ١٢، ټيټه  ٢
فراه- آسمان شين ، د تودوخې لوړه درجه ٣٧ ټيټه ٢٠
خوست- آسمان شين   د تودوخې لوړه درجه ٣٧، ټيټه ٢٦
ميمنه- آسمان شين ، د تودوخې لوړه درجه  ٣٦ ، ټيټه ١٩
لښکرګاه-  آسمان شين  ، د تودوخې لوړه درجه ٤٠، ټيټه ١٩
جنوبي سالنګ- آسمان  شين ، د تودوخې لوړه درجه ١٧، ټيټه ٩
شبرغان – آسمان شين   ، د تودوخې لوړه درجه ٣٩، ټيټه ٢١ 
جبل سراج-آسمان شين ،ددوخې لوړه درجه ٣٣-ټيټه ٢٠
په کابل کې به سبالمرپه ٥ بجو او ٢٨ دقيقو  وخيژي او  د مازيګر په ٦ بجو او ٣٤ دقيقو  ولويږي . 

کابل باختر دوږي دمياشتې  ٦ :
د کونړ ولایت یو شمېر مشرانو او دیني عالمانو د افغانستان له جمهوررئیس حامد کرزي سره په کتنه کې خپلې یو شمېر سیمه يیزې ستونزې بیان کړې.
د جمهوري رياست مطبوعاتي دفتر باخترآژانس ته خبرورکړ :
په هغه کتنه کې چې نن غرمه په ارګ کې ترسره شوه، د کونړ ولایت د ولایتي شورا رئیس میا حسن عادل، حاجي محمد روزي او مولوي سید ولي الله د نورو په استازیتوب خبرې وکړي.
ویناوالو له امنیتي ځواکونو سره د کونړ ولایت د خلکو له هر اړخیزې همکارۍ څخه ډاډ ورکړ، وې ویل: د کونړ په  ولایت کې د سیمه يیزو پولیسو په  رامنځته کېدو سره د دغه ولایت د امنیت په ټینګښت کې ښه والی راغلی دی  له دې امله د کونړ خلک د دغو پولیسو د تشکیل د پراختیا غوښتنه کوي.
دکونړ مشرانو په دې وروستیو کې د کونړ په ولایت کې د افغان او بهرنيوځواکونوله مشترکو عملیاتو او د کورونو د تلاشۍ څخه جمهور رئیس ته شکایت وکړ.
دوی همدا راز د مرورې په ولسوالۍ کې د اوبو د یو کانال، د مناګي د اوبو د بند، په اسعد آبادکې د یو درې سوه بستریز روغتون او د حجارۍ او نجارۍ د یوې فابریکې  د جوړولو غوښتنه وکړه.
د کونړ مشرانو د سروبي د برېښنا له بند څخه کونړ ته د برېښنا د مزو د غزولو او د دغه ولایت راستنیدونکو مهاجرینو ته د استوګنې لپاره د ځمکې په ویش او د دغه ولایت د سړکونو په ترمیم باندې ټینګار وکړ.
حامدکرزي د کونړ ولایت د خلکو د ستونزو او غوښتنو له اوریدو وروسته د هغوي د ځینو ستونزو د حل په باب اړوندو چارواکو ته لازمې لارښوونې وکړي او د یو شمېر نورو ستونزو او غوښتنو په اړه یې د کونړ مشرانو ته ډاډ ورکړ چې د هغوی نورې ستونزې به د کابینې په غونډه کې وڅیړل شي.
د هېواد جمهوررئیس په دې کتنه کې پاکستان ته د خپل وروستي سفر او د جمهوري ریاست د راتلونکو انتخاباتو په باب هم خبرې وکړې.
د هېواد جمهوررئیس همدا راز د جمهوري ریاست د انتخاباتو په ترسره کېدو باندې د ټینګار په ترڅ کې وویل: دا دافغانستان د ټولو خلکو حق دی چې د رڼو او شفافو انتخاباتو له لارې د خپلې خوښې وړ کاندید ته رایه ورکړي.
ده وویل د افغانستان راتلونکی جمهوررئیس باید داسې یو شخص وي چې ټول ملت ورباندې راټول شي او دغه شخص  هیڅکله هم  د خپلو شخصي اهدافو لپاره دولتي ادارې استعمال نه کړي .

کابل – باختر دورږې دمياشتې ٦
دننګرهار ولايت د حج او اوقافو د رياست دنوې ودانۍ د بنسټ ډبره نن کيښودل شوه .
دغه ودانۍ  به دحکومت له  پرمختيايي بودجې څخه  دڅه د پاسه اتومليونو افغانيو په لګښت په يوکال کې جوړه  شي.
د ننګرهار ولايت دحج او اوقافو  رييس مولوي محمدابراهيم باخترآژانس ته وويل :
ددغې ودانۍ په جوړولو کې حاجيانو ته ټولې برخې او ادارې او اسلامي برخې په پام کې نيول شوي دي .
په همدې حال کې دننګرهار ولايت مرستيال محمدحنيف ګرديوال  وايي  دوي هلې ځلې کوي خلکوته دخدمتونو دړواندې کولو دښه والى لپاره په  دغه ولايت کې ټولو دولتي اداروته  د ودانيو په جوړولو لاس پورې کړي.