16 September 2019

RSS Facebook

سوداگریز


تازه خبرونه

پنځه تنه په فراه کې د ماین په چاودنه کې ووژل شول

پنځه تنه په فراه کې د ماین په چاودنه کې ووژل شول

فراه /باختر /دوږی ۲۵ په فراه کې پنځه تنه د ښخ...

اووه طالبان په فاریاب کې ووژل شول

اووه طالبان په فاریاب کې ووژل شول

کابل/ باختر/ د وږي٢٥مه د درېيو سیمه ییزو قوماندانانو په ګډون...

په میدان وردګو کې د طالبانو یو قوماندان ووژل شو

په میدان وردګو کې د طالبانو یو قوماندان ووژل شو

کابل/ باختر/ د وږي٢٥مه د طالبانو یو قوماندان تېره شپه په...

Youtube Player

khantry design

سوداگریز

سوداگریز

اجتماعی

خوست \باختر\ د سلواغى ٢٢ مـــــــــــــه

په خوست ښار کي د اورلګيد نې له ا مله درې سوه پنځوس دکا نو نه وسو ځيدل

ويل کيږي چې دغه اور تير ما ښام د خوست ښار په جنو ب لويديځ کې دلر ګيو دپلورني په يو سراي کې ولګيد.

د خوست ولايت امنيه قو ما ندان مل پاسوال سردار محمد ځاځي د باختراطلاعا تي ا ژانس ته  وويل : دغه اور دلرګيو دپلورني په يو سراي کې ولګيد او پراختيا يي وموندله اود شاو خوا دکانو نه يي وسوځول

ددغه سراي دکا ندارا نو په خوست ښار کې د باختر د اطلاعاتي ا ژانس خبريال ته وويل : دوي ته په دې پيښه کې دسلګو نو مليو نو افغا نيو په ارزښت ما لي تا وان او شتې دي

دخوست ولايت امنيه قو ماندان وويل: ددغې اورلګيد نې علت تر او سه پورې نه دې څرګند شوى په دې اړوند دپو ليسو څيړنې پيل شوى دى

- کابل باختردسلواغې دمياشتي ٢١ :

له ټولو ديني عالمانو، دجوماتونوله خطيبانو اوقومي مشرانو څخه غواړم چې دهيواد له بچېانوسره دمرستي په خاطر په هروخت کې  دپوليو دواکسين دتطبيق دکارکوونکو دفعاليت زمينه برابره کړي.

دغه ټکې دافغانستان داسلامي جمهوريت جمهوررييس حامدکرزي تيره شپه په خپلې  پنځلس ورځني راديو وينا کې څرگندکړ.

 جمهوررييس وويل له ټولو عالمانو اودکليو اوبانډو له مشرانو څخه هيله لرم  که چېري وسله وال  مخالفين  دپوليو دواکسين دتطبيق مخنيوي کوي  هغوى پوه کړي  چې ماشومانوته دپوليو دواکسين نه تطبيق  دهيواد له ماشومانو سره ددښمني په مانا ده .

حامدکرزي څرگنده کړه او ويې ويل  ددي  لپاره چې نورزموږ په هيواد کې دپوليو پيښي ونه ليدل شي  لومړي دماشومانو له ميندو اوپلرونو څخه غواړم چې خپل ماشومان په ټاکلي وخت  دپوليو دواکسين دتطبيق کارکوونکو ته بوځي  او دواکسين څاڅکې ورته تطبيق کړي او که چېري دکومي ستونزي له مخې  دغه کار په ټاکلي ورځ ترسره نه شو کړاى  بله ورځ دې  دخپلو استوګنو سيمو ته څيرمه کلينيک ته لاړشي  او په حتمي ډول دې په خپلو ماشومانو دپوليو دواکسين څاڅکې تطبيق کړي.

 جمهوررييس څرگنده کړه  په تيرو څوکلونو کې دپوليويا ګوزڼ  واکسين  ددوره يې اوپه خپل وخت تطبيق له  امله په هيواد کې دماشومانو دګوزڼ دخطرناکې ناروغي پيښې دومره لږي شوي وي  چې دشمير وړ نه وي .اوپه تيرکال کې افغانستان  له پوليوسره دخپلي بريالي مبارزي له امله   دنړۍ  دروغتيايي موسسو دپاملرنې وړ وگرځيد.

په تيرکال کې په ټول هيواد کې دماشومانو دګوزڼ دناروغي پنځه ويشت پيښې  ثبتي شوي وي  خوپه روان کال کې  دهيواد دماشومانو ترمنځ د ګوزڼ يا پوليو دناروغي پيښې  دتير کال په پرتله زيات شوي دي اوله بده مرغه دهيواد په اتلسو ولايتونو کې اتيا تنه ماشومان  دګوزڼ په ناروغي اخته شوي دي.

جمهوررييس  دماشومانو دګوزڼ او معلوليت  موضوع دمهم بللو په ترڅ کې هيله څرگنده کړه  چې آن دهيواد يو ماشوم هم په دغې ناروغي  اخته نه شي.

کابل باختردسلواغې دمياشتي ٢١ :

دبغلان ولايت دتاله اوبرفک ولسوالۍ دګل غنډي دډبرو سکرو دکان څلور تنه کارګران  پرون ووژل شول.

ددغه کان يوتن مسوول دباختراطلاعاتي اژانس ته وويل دغه کارګران دډبرو سکرو دګاز دخپريدو له امله په کان کې وژل شوي دي.

خبرځاى  وويل چې دګل غنډي دډبرو سکرو دکان امريت ددغو وژل شويو هرې يوې کورنۍ سره  لس زره افغاني مرسته وکړه.

يوه نيمه مياشت  مخکې هم دبغلان ولايت دنهرين ولسوالۍ دچارک دډبرو سکرو په کان کې  دګازو دخپريدو له امله دولس تنه کارګران ووژل شول او ديرش تنه نور مسموم شوي وو.

کابل باختر د سلواغي شلمه

په بلخ ولايت کې  دوچکالي  له امله له مصيبت ځپلو سره دخوراکي توکو دمرستې پروګرام پيل شو .

  په دې پروګرام کې ټاکل شوې ده په بلخ ، دهدادي ،  شولګرې  ، کشتنده او چارکينګ  ولسواليو کې په پڼځلسو زرو کورنيو چې ويل کيږي  زياتره يې دوچکالي  له امله زيانمنې شوي دي خوراکي توکي وويشل شي .

 دبلخ ولايت دکرنې او اوبو لګولو رييس شمس دباختر  اطلاعاتي اژانس ته وويل، په دې پروګرام کې  په زيانمنوشويو کورنيو غنم او وريجي  ويشلي کيږي .

 ددهداي  ولسوالۍ يو تن بزګر جمعه خان وايي دوروستيو وچکاليو  له امله دده حاصلاتو  ته زيان  اوښتي دى .

 دغه بزګر دروان ژمي داورښت  له امله خوښي وښودله اودباختر داطلاعاتي اژانس  خبريال ته يې وويل، هيله لري چې دغه اورښت  ته  په پاملرنې  سره وکولاي شي  په راتلونکي کال کې ښه حاصلات ترلاسه کړي .

 مخکې له دې  هم په بلخ ولايت کې ددغه ولايت دکرنې رياست له خوا  ددغې وچکالي له امله له زيانمنو شويو وګړو سره  مرسته شوې ده .

  په بلخ ولايت کې وروستيو وچکاليو  ددغه ولايت  خلکو ته چې زياتره يې بزګران دي  اقتصادي زيان رسولي دي دروان کال داورښتونو په پام کې نيولو سره اټکل کيږي چې په راتلونکي کال کې په دغه ولايت کې زيات محصولات ترلاسه شي .