20 January 2020

RSS Facebook

سوداگریز


تازه خبرونه

په هرات کې دوه تنه د سندونو د جعل کولو په تور ونيول شول

په هرات کې دوه تنه د سندونو د جعل کولو په تور ونيول شول

کابل / دمرغومي ٣٠مه / باختر د ملي امنيت کار کوونکو...

د ننګرهار په شېرزادوکې د پوځي قرارګاوې جوړول دوام لري

د ننګرهار په شېرزادوکې د پوځي قرارګاوې جوړول دوام لري

کابل / دمرغومي ٣٠مه / باختر په داسې حال کې چې...

د هرات پوهنتون د علمي کچې د لوړولو لپاره هڅې

د هرات پوهنتون د علمي کچې د لوړولو لپاره هڅې

کابل / دمرغومي ٣٠مه / باختر د هرات پوهنتون د محصلانو...

Youtube Player

khantry design

سوداگریز

سوداگریز

اجتماعی

کابل – باختر دليندۍ څوارلسمه:
د هرات ولايت په انجيل ولسوالۍ کې نن د يو کېلومتر اوږدوالې د يوسړک دپخولو کار پيل شو.
دغه پروژه په هرات کې د ايټاليا د بيا رغاونې د ولايتى ټيم په مرسته ترسره کېږي .
د هرات ولايت دکليو دبياجوړولو او پراختيا رييس آغامحمد صديقي باختر آژانس ته وويل: دغه سړک به د يوسلو دوه اتيازرو يورو په لګښت په دريو مياشتوکې قير او ګټې اخيستنې ته وسپارل شي.
د هرات والى ډاکتر داود شاه صبا د دغه سړک دکار  د پرانيستلو په مراسموکې وويل: ددغه کليوالي سړک په جوړولو سره به د انجيل د خلکو د ژوندانه په بېلابېلو برخوکې مثبت بدلونونه رامنځته شي
 

کابل – باختر دليندۍ څوارلسمه:
په پروان ولايت کې پرون يوه ميرمن دخپل ميړه له  خوا ووژل شوه.
د شمشاد د ٢٠٢ساحوي زون د قوماندانۍ مطبوعاتي دفتر باختر آژانس ته خبر ورکړ: محمد همايون خپله ميرمن د پروان ولايت په مرکزکې په خپل کورکې دکلاشنکوف په ډزو سره وژلې ده.
په دې پيښه کې د دغې ميرمنې خور هم ټپي شوې ده. د پوليسو دڅرګندونو له مخې : محمد همايون له ساحې څخه تښتيدلى او پوليس د ده د نيولو په لټه کې دي او د دغې وژنې علت هم تراوسه پورې نه دې څرګند شوې.
 

کابل\  باختردلندي دمياشتې  ١٣ :
دمعلوليت  لرونکو کسانو نړيواله ورځ  نن په کابل کې په داسې حال کې ونمانځل شوه چې په افغانستان کې  څه دپاسه اته سوه زره تنه معلولين اومعيوبين ژوند کوي.
دباختر اژانس دخبريال دخبرله مخې : دمعلوليت لرونکو کسانو نړيواله ورځ نن دشهيدان، معلولينو ، کاراوټولنيزو چارو وزارت له خوا په کابل کې ونمانځل شوه .
دشهيدانو ، معلولينو کار اوټولنيزو چارو وزير آمنې افضلي  په تيرو څو کلونو کې  دمعلولينو  اومعيوبينو دژوندانه دحالت دښه والې په اړوند ددغه وزارت کړه وړه په ګوته کړل او څرګنده يې کړه،  هغه څه چې ډيرمهم دي موږ وکولاي شول  دهيواد  دشهيدانو دپاتې کسانو اومعلولينو دحقوقو اوامتيازونو قانون  توشيح ته ورسوو  او هلې ځلې کوو چې دولسي جرګې او دمشرانو  جرګې دوکيلانو اودنورو حکومتي مرکزونو په همکارۍ عملي اړخ ورکړو او اجرايې کړو.
ميرمن افضلي زياته کړه: موږ غواړو چې دشهيدانو دوارثانو اودمعلولينو دحقوقو ويش  په بانکي سيستم بدل شي  او دبانکونوله لارې  دهيواد دشهيدانو دپاتې کسانو اودمعلولينو دحقوقو دترلاسه کولو لپاره  ډيرې ښې اسانتياوي برابرې شي .
وروسته دښاري پرمختيا  وزارت معين انجينر سالک خبرې وکړې  او ويې ويل  داسې لارښودونه او طرزالعملونه برابرکړي دي  چې دهغو له مخې معلولين کولاي شي  په اساني سره  په دولتي ، تجارتي او خصوصي ودانيو برلاسي پيداکړي او آن  له ساحو څخه بهر هم دغه اسانتياوي برابرې شوي دي .
دټولنيزو چارو وزارت دمعين واصل نورمومنددڅرگندونوله مخې،  په هيواد کې  څه دپاسه اته سوه زره تنه معلولين  اوڅه ناڅه دوه مليونه تنه شهيدان لرو  چې  دشهيدانو يوازې ديوسلو څلرويشت زروشهيدانو په وارثانو حقوق  ويشل کيږي
ده څرګنده کړه چې موږ دشهيدانو  وارثانو او معلولينو ته  بيلابيل روزنيز پروګرامونه  برابر کړي دي  چې تراوسه پورې مو ديوسلو اووه پنځوسو شهيدانو وارثانو اومعلولينوته دماليزيا، قزاقستان ، هندوستان اوپاکستان په هيوادونو کې دزده کړې زمينه برابره  کړې ده او دشپږسوه شهيدانو وارثانو  او معلولينو هم له فني اوحرفوي زده کړو څخه ګټه  اخيستې ده .
سره له دې  چې مسوولينو اومقاماتو دمعلوليت لرونکو کسانو دنړيوالې ورځې
په نمانځنه کې دخپلو خدمتونو اوبرياليتوبونوپه باب خبرې وکړې ، دشهيدانو دوارثانواودمعلولينودساتنې دټولنيزې شورا رييس ايام الدين وطندوست وويل: هغه معاش او امتيازونه چې  معلولينو ، معيوبينو او دشهيدانو وارثانو ته په پام کې نيول شوي دي دبازار اودکورنيو داقتصاد له حالت سره په تناسب کې  ډير ناڅيزي دي  چې ديوې کورنۍ  ډيرې کوچني اړتيا ته هم ځواب نه شي ويلاي .
ده له مسوولو مقاماتو څخه وغوښتل چې دخبرو پرځاى عمل ته ور ودانګي اوددغه مظلوم قشر په نسبت په  زړه سوى سره کار وکړي.
 

کابل\  باختردلندي دمياشتې  ١٣ :
په پنجشير ولايت کې ديو څلور لارې په ګډون ديو نيم کيلومترو په اوږدوالي دڅلورو فرعي سړکونو دجوړولو کار بشپړ اوګټې اخيستنې ته وسپارل شول .
دښارواليو دملاتړ دپروګرام دموسسي يو مسوول محمديوسف باختراژانس  ته وويل: دغه څلور فرعي سړکونه ديو نيم کيلومترو په اوږدوالي دامريکا دمتحده ايالاتو دپرمختيايي پروګرام له خوا دپنځه سوه زرو ډالرو په لګښت  په اساسي ډول قير او دجوړولو کار يې په يو کال کې بشپړ اوګټې اخيستنې  ته سپارل شوي دي .
دپنجشيروالي کرام الدين کريم دامريکا دمتحده ايالاتو  دمرستو له امله قدرداني وکړه  اوپه بيلابيلو برخو کې يې دامريکا دلازياتو مرستو غوښتنه وکړه.