10 July 2020

RSS Facebook

سوداگریز


تازه خبرونه

د کانونو په سکتور کې ولسي مشارکت ته زمینه برابرېږي

د کانونو په سکتور کې ولسي مشارکت ته زمینه برابرېږي

کابل/ د چنګاښ ۱۹مه/ باختر د ۳۴ ولایتونو له والیانو او...

په حکومتولۍ کې د ښځو ونډه

کابل / د چنګاښ ٢٠ مه / باختر په دغو وروستیو...

Youtube Player

khantry design

سوداگریز

سوداگریز

اجتماعی

کابل باختر دوږي دمياشتې  ٦ :
د کونړ ولایت یو شمېر مشرانو او دیني عالمانو د افغانستان له جمهوررئیس حامد کرزي سره په کتنه کې خپلې یو شمېر سیمه يیزې ستونزې بیان کړې.
د جمهوري رياست مطبوعاتي دفتر باخترآژانس ته خبرورکړ :
په هغه کتنه کې چې نن غرمه په ارګ کې ترسره شوه، د کونړ ولایت د ولایتي شورا رئیس میا حسن عادل، حاجي محمد روزي او مولوي سید ولي الله د نورو په استازیتوب خبرې وکړي.
ویناوالو له امنیتي ځواکونو سره د کونړ ولایت د خلکو له هر اړخیزې همکارۍ څخه ډاډ ورکړ، وې ویل: د کونړ په  ولایت کې د سیمه يیزو پولیسو په  رامنځته کېدو سره د دغه ولایت د امنیت په ټینګښت کې ښه والی راغلی دی  له دې امله د کونړ خلک د دغو پولیسو د تشکیل د پراختیا غوښتنه کوي.
دکونړ مشرانو په دې وروستیو کې د کونړ په ولایت کې د افغان او بهرنيوځواکونوله مشترکو عملیاتو او د کورونو د تلاشۍ څخه جمهور رئیس ته شکایت وکړ.
دوی همدا راز د مرورې په ولسوالۍ کې د اوبو د یو کانال، د مناګي د اوبو د بند، په اسعد آبادکې د یو درې سوه بستریز روغتون او د حجارۍ او نجارۍ د یوې فابریکې  د جوړولو غوښتنه وکړه.
د کونړ مشرانو د سروبي د برېښنا له بند څخه کونړ ته د برېښنا د مزو د غزولو او د دغه ولایت راستنیدونکو مهاجرینو ته د استوګنې لپاره د ځمکې په ویش او د دغه ولایت د سړکونو په ترمیم باندې ټینګار وکړ.
حامدکرزي د کونړ ولایت د خلکو د ستونزو او غوښتنو له اوریدو وروسته د هغوي د ځینو ستونزو د حل په باب اړوندو چارواکو ته لازمې لارښوونې وکړي او د یو شمېر نورو ستونزو او غوښتنو په اړه یې د کونړ مشرانو ته ډاډ ورکړ چې د هغوی نورې ستونزې به د کابینې په غونډه کې وڅیړل شي.
د هېواد جمهوررئیس په دې کتنه کې پاکستان ته د خپل وروستي سفر او د جمهوري ریاست د راتلونکو انتخاباتو په باب هم خبرې وکړې.
د هېواد جمهوررئیس همدا راز د جمهوري ریاست د انتخاباتو په ترسره کېدو باندې د ټینګار په ترڅ کې وویل: دا دافغانستان د ټولو خلکو حق دی چې د رڼو او شفافو انتخاباتو له لارې د خپلې خوښې وړ کاندید ته رایه ورکړي.
ده وویل د افغانستان راتلونکی جمهوررئیس باید داسې یو شخص وي چې ټول ملت ورباندې راټول شي او دغه شخص  هیڅکله هم  د خپلو شخصي اهدافو لپاره دولتي ادارې استعمال نه کړي .

کابل – باختر دورږې دمياشتې ٦
دننګرهار ولايت د حج او اوقافو د رياست دنوې ودانۍ د بنسټ ډبره نن کيښودل شوه .
دغه ودانۍ  به دحکومت له  پرمختيايي بودجې څخه  دڅه د پاسه اتومليونو افغانيو په لګښت په يوکال کې جوړه  شي.
د ننګرهار ولايت دحج او اوقافو  رييس مولوي محمدابراهيم باخترآژانس ته وويل :
ددغې ودانۍ په جوړولو کې حاجيانو ته ټولې برخې او ادارې او اسلامي برخې په پام کې نيول شوي دي .
په همدې حال کې دننګرهار ولايت مرستيال محمدحنيف ګرديوال  وايي  دوي هلې ځلې کوي خلکوته دخدمتونو دړواندې کولو دښه والى لپاره په  دغه ولايت کې ټولو دولتي اداروته  د ودانيو په جوړولو لاس پورې کړي.

کابل\باختر\ د سنبلي ٦
دخوست  ولايت د تڼيو ولسوالۍ په سلګونو تنو خلکو نن دهغه څه پرخلاف غبرګون کې چې په دغې ولسوالۍ کې د بيا جوړولو په کار کې د دولت نه پاملرنه بولي  په مظاهرو لاس پوري کړ .
مظاهره کوونکو په داسې حال کې چې  موږ  بيا رغاونه  غواړو  شعارونه  ورسره  وو د دريو ساعتونو لپاره يې د خوست عمومي واټ د ترافيکو پرمخ وتاړه .
دوي  په هغه څه  په انتقاد سره چى د بيا جوړولو په کار کې د دولت دوه مخي بولي وايي سره له دې چې  په تڼيو ولسوالۍ کې  دڅو سترو  پلونو د جوړولولپاره بودجه بيله شوې ده خو په دې  برخه کې هيڅ کارنه دى شوى .
د مظاهرو يو تن برخه وال ميرعباس د باخترآژانس خبريال ته وويل  :
په خوست کې د دريو پلونو د جوړولو کار پيل شو خو هغه پل چې ټاکل شوې وه موږ ته جوړ شي کار يې ځنډول شوى دى .
دغه راز په تيروڅوکلونو کې دبيارغاوني هيڅ يوه پروژه نه ده عملي شوې .
دميرعباس دڅرګندونو له مخي د تڼيو ولسوالۍ خلک همدا اوس د موټرو دتګ راتګ د سترو پلونو د نشتوالي له ا مله دې ته اړدي  بازارونو په  تيره بيا دخوست ښار ته د رسيدو لپاره  اوږدې لارې  ووهى .
دغو مظاهره کوونکو دولت ته خبردارى  ورکړ که چيرې دپلونو جوړولو او د دوي    د نورو ستونزو په لرې کولو کې پاملرنه ونه شي خپلو مظاهرو ته به دوام ورکړي .
په همدې حال کې دخوست ولايت د فوايد عامې رييس انجنيرمامورشاه وايي چې د بيا جوړولو ولايتي ټيم په تڼيو ولسوالۍ کې د پله دجوړولو لپاره ژمنه کړې  وه خو خپله ژمنه يې عملي نه کړه  .
ده وويل د غه نور پلونه چې د جوړولوکار يې  پيل شوى  دى د نړيوال بانک  په مالي مرسته جوړيږي
دخوست ولايت د فوايد عامې رييس ژمنه وکړه چې د مرستندويو ارګانونو  د
مرستو دجلبولو له لارې  په د تڼيو خلکو ته  دپله په جوړولو  اقدام وکړي .

کابل\باختر\ دسنبلي٥
په ديني چاروکې د جمهور رييس دستر سلاکار پوهاند نعمت الله شهراني د علمي مقام نن د مشعل پوهنتون له خوا درنا وي وشو.
پو هاند نعمت الله شهراني دهيواد د علمي اوفرهنګي شخصيتونو له جملې څخه دى چې تر اوسه پورې يې نږدې شپيته علمي او ديني آثار اوڅه دپاسه يو زرو پنځه سوه علمي مقالې ليکلې دي.
دباخترآژانس دخبريال د خبر له مخې: په هغې غونډه کې چې په همدې مناسبت جوړه شوې وه؛ د سترې محکمې غړى پوهاند عبدالعزيز،ديني عالم مولوي عنايت الله بليغ ، د لوړو زده کړو وزارت د خصوصي لوړو زده کړو د موسسو رييس، مسعود ترشتوال،د نړۍ فيلسوف محمد صديق افغان او څو تنو نورو د پوهاند شهراني دعلمي شخصيت او د ده د علمي آثارو او ليکنو په باره کې اوږدې خبرې وکړې.
په دې غونډه کې پوهاند شهراني د مشعل پوهنتون د پاملرنې له امله قدرداني وکړه او ويې ويل چې بايد علمي، فرهنګي، خصوصي او دولتي ارګانونه د هيواد د نورو علمي او فرهنګي شخصيتونو درنا وي وکړي.
په پاى کې د مشعل د لوړو زده کړو د موسسې دستاينې لوحه د مشعل پوهنتون د علمي مرستيال سيد حسن علوي له خوا پوهاند شهراني ته ورکړاى شوه.
په دې غونډه کې د پارلمان د يو شمېر غړو په ګډون سربيره په کابل کې د دوستو هيوادونو د سفارتونو ځينو استازو، د پوهنتونونو استادانو او د هيواد علمي او فرهنګي شخصيتونو برخه اخيستې وه.
پوهاند شهراني په ١٣٢٠ هجري لمريز کال کې د بدخشان ولايت د خاش ولسوالۍ په شهران کلي کې زيږيدلى دى او خپلې لوړې زده کړې او دوکتورا يې د مصر او د ا مريکا د متحده ايالاتو له هيوادونو څه ترلاسه کړي دي.