29 September 2020

RSS Facebook

سوداگریز


تازه خبرونه

په کابل کې د کوماندو د ضربتي ځواکونو تکتيکي تمرينونه ترسره شول

په کابل کې د کوماندو د ضربتي ځواکونو تکتيکي تمرينونه ترسره شول

کابل/دتلي ٨مه /باختر: د کوماندوضربتي ځواکونو نن تکتيکي تمرينونه ترسره کړل...

 شپږ تنه  د نشه يي توکود قاچاقوپه تور ونيول شول

شپږ تنه د نشه يي توکود قاچاقوپه تور ونيول شول

کابل/دتلي ٨مه /باختر: پوليسو نن د نشه يي توکو ٦ قاچاق...

 په بغلان کې  د طالبانو د باج اخستلو سيمه  له منځه يوړل شو

په بغلان کې د طالبانو د باج اخستلو سيمه له منځه يوړل شو

کابل/دتلي ٨مه /باختر: په بغلان کې نن د هېواد د هوايي...

Youtube Player

khantry design

سوداگریز

سوداگریز

اجتماعی

کابل باختر دليندۍ دمياشتې ١٧
دکابل پولتخنيک د پوهنتون خبرتيا!
دکابل پولتخنيک پوهنتون د خپل الکترونيک پوهنځي د نظري او تطبيقي ميخانيک په ديپارتمنټ کې د دکتورا، ماسترۍ او ليسانس په سويه په علمي کادرکې دوو بستونو ته اړتيا لري. په شرياطو برابر غوښتوونکي دې د خبرتيا د خپريدو له نيټې څخه د روان کال د ليندۍ د مياشتې تر ديرشمې نيټې پورې دخپل شموليت دغو ښتن ليک پړاونه دکابل پولتخنيک د رياست له لارې بشپړ کړي او د نمرو له ترانسکريپ او د تابعيت له تذکرې سره دې پوهنتون ته مراجعه وکړي.

کابل باختر دليندي شپاړلسمه :
د افغانستان د سنا مجلس د پخوانى غړى او د هيواد د سينما او د تياتر دهنر د يومخکښ استاد عبدالقيوم بيسد د مړينې له امله د افغانستان داسلامي جمهوريت دملي شورا د مشرانو جرګې د ډاډګيرنې او خواخوږۍ پيغام!
دملي شورا دمشرانوجرګې په ژورې خواشينۍ سره خبر ترلاسه کړ چې د افغانستان دسنا مجلس يو پخوانى غړى او دهيواد د سينما او تياتر دهنر يومخکښ دهغې ناروغۍ له امله چې ورپيښه شوې وه؛ د پنځه اتياکلنى په عمر دپنجشنبې په ورځ وفات شو.
انالله و انااليه راجعون 
دملي شورا د مشرانوجرګه د استاد بيسد مړينه د هيواد د سينما او د تياتر د هنر په برخه کې يوه نه جبيره کيدونکي ضايعه بولي او د لوى خداى ( ج ) له دربار څخه ارواښاد ته د فردوس جنت او د متوفى پاتې کسانو او ارادتمندانو ته د جميل صبر هيله کوي .
استادعبدالقيوم بيسد دخپل ګران عمر څه دپاسه نيمه پيړۍ دتياتر هنر دپرمختګ په برخه کې تېره کړه او په دې برخه کې يې زيات شمېر شاګردان ټولنې ته وړاندې کړي دي .
استاد بيسد په کارګردانۍ او په عالي تمثيل سربيره چې دسلطان ستيژ په نامه يې شهرت پيداکړ؛ دپوهنې نندارې د مسوول، د هنرمندانو اتحاديې د مشرتابه هيئت دغړي، دمشرانوجرګې په څوارلسمه  دوره کې دکابل دخلکو دمنتخب سناتور او ددغې جرګې دفرهنګي چارو د کميسيون دمرستيال، دکابل پوهنتون دښکلو هنرونو پوهنځي د استاد په توګه او يوه موده هم د اطلاعاتو اوفرهنګ وزارت د معين په توګه دنده ترسره کړه.
اروا دې ښاده وي .

کابل\باختر\د ليندي  د مياشتې ١٦ مه:
د هوا پوهنې ادارې په راتلوونکوڅلور ويشتو ساعتوکې د هيواد د ځينو سيمو د
هوا حالات د سانتي ګراد په حساب په دې ډول اټکل کړى دى :
کابل- آسمان وريځ، د اورښت امکان شته، د تودوخې لوړه درجه ١٥ ټيټه  ١
هرات- آسمان وريځ، د تودوخې لوړه درجه ١١،  ټيټه ٣
جلال آباد- آسمان وريځ، د تودوخې لوړه درجه ٢٤، ټيټه ٨
قندهار- آسمان ځاى ځاى وريځ، د تودوخې لوړه ٢٢ ، ټيټه ٦
مزارشريف- آسمان وريځ، د اورښت امکان شته ، د تودوخې لوړه  ١١، ټيټه ١
کندز- آسمان شين، د تودوخې  لوړه درجه ١٧، ټيټه ٤
غزني- آسمان وريځ، د اورښت امکان شته، د تودوخې لوړه درجه ٧ ، ټيټه ٥-
باميان- آسمان وريځ، د اورښت امکان شته، ، د تودوخې لوړه درجه ٥ ، ټيټه ٤-
فيض آباد- آسمان وريځ، دواورې د اورښت امکان شته ، د تودوخې لوړه درجه ١٢، ټيټه  ١-
شمالي سالنګ- آسمان وريځ، د واورې د اورښت امکان شته، د تودوخې لوړه درجه ١-، ټيټه  ٥-
فراه- آسمان ځاى ځاى وريځ ، د تودوخې لوړه درجه ١٣ ټيټه ٧
خوست- آسمان ځاى ځاى وريځ،د تودوخې لوړه درجه ١٩، ټيټه ٦
ميمنه- آسمان وريځ، د اورښت امکان شته ، د تودوخې لوړه درجه  ١٧ ، ټيټه ٨
لښکرګاه-  آسمان ځاى ځاى وريځ، د تودوخې لوړه درجه ١٨، ټيټه ٦
جنوبي سالنګ- آسمان وريځ، د اورښت امکان شته ، د تودوخې لوړه درجه ١-، ټيټه ٤-
شبرغان –  آسمان وريځ ، د تودوخې لوړه درجه ١٥، ټيټه ٨
جبل سراج- آسمان وريځ، د اورښت امکان شته ،د تودوخې لوړه درجه ٧ ټيټه ٥-
په کابل کې به سبا لمرپه ٦ بجو او ٤٣ دقيقو وخيژي او د مازيګر په ٤ بجو او ٤٤ دقيقو ولويږي . 

کابل باختر دليندي شپاړلسمه :
دهيواد د فرهنګي شخصيت استادعبدالقيوم بيسد د فاتحې مراسم نن د اطلاعاتو اوفرهنګ وزارت او د ارواښاد دکورنۍ له خواپرځاى شول.
دباختر آژانس دخبريال دخبر له مخې: په دغومراسموکې چې په کابل کې پرځاى شول؛ د اطلاعاتو اوفرهنګ وزارت د فرهنګي چارو معين سيدمصدق خليلي ، سلاکار جلال نوراني او ددغه وزارت يوشمېر رييسانو او کارکوونکو ، په علمي اوفرهنګي چاروکي دجمهوري رياست سلاکار وزير څيړنپوه زلمى هيوادمل، يوشمېر  دولتي مسوولينو او رييسانو، د ارواښاد دوستانو او دکورنۍ غړو ګډون کړى وو؛ د ارواښاد پاک روح ته دعا وشوه .
استادعبدالقيوم بيسد په  ١٣٠٧ هجري لمريز کال کې د کابل ښار د ده افغانانو په سيمه کې وزيږيد او په ١٣٢٤ کال کې له استقلال ليسې څخه له فراغت  وروسته په پوهنې ننداره کې خپل هنري کار پيل کړ .
ارواښاد دخپل عمر شپيته کاله د هيواد په تياترکې خدمت ته وقف کړ او په څه دپاسه درې سوه نمايشنامو رول ولوباوه.
استاد بيسد د هغې ناروغۍ له امله چې ورپيښه شوې وه؛ دپنځه اتياکلنى په عمر دوه ورځې مخکې وفات شو .