25 September 2020

RSS Facebook

سوداگریز


تازه خبرونه

په پکتیکا کې ۱۱ طالبانو ته مرګ ژوبله اوښتې

کابل/ د تلې ۴مه/ باختر طالبانو نن د یوسفخیلو ولسوالۍ...

 جمهوررئیس محمد اشرف غني او د پاکستان لومړي وزير ټليفوني خبرې وکړې

جمهوررئیس محمد اشرف غني او د پاکستان لومړي وزير ټليفوني خبرې وکړې

کابل/ د تلې ۴مه/ باختر د افغانستان د اسلامي جمهوريت...

Youtube Player

khantry design

سوداگریز

سوداگریز

اجتماعی

کابل – باختر دلړم دمياشتې ٢٥:
دشاعر  اوافغان فرهنګي شخصيت  نصرالله  حافظ  دفاتحې داخستلو مراسم
دننګرهارولايت په مرکز دجلال آباد ښار په عيدګاه جومات کې پرځاى شول.
په دې مراسمو کې چې دننګرهارولايت داطلاعاتو اوفرهنګ درياست ، دچپرهار ولسوالۍ  دمحصلينو  ، دعلمي اوفرهنګي شورا او دددغه شاعر  دکورنۍ له خوا پرځاى شوي  و، برخه والو  ددغه فرهنګي شخصيت   کارنامې او آثار يې هم وڅيړل .افغان شاعر حبيب الله شينوارى  ، دننګرهار داطلاعاتو اوفرهنګ درياست  يو مسوول امرالله   او ځينو نورو  فرهنګي او ادبي شخصيتونو په دغو مراسمو کې  د نصرالله  حافظ مړينه  يې  فرهنګي ټولنې او په تيره بيا دپښتو ژبې او ادبياتو ته يوه ستره ضايعه  وبلله .
دارواښاد نصرالله  حافظ دفاتحې  په مراسمو کې   په سلګونو تنو فرهنګي شخصيتونو، شاعرانو  ، ليکوالو ، سيمه ييزو مسوولينو  ، قومي مشرانو او دارواښاد دکورنۍ غړو ګډون کړى وو.
افغان شاعر نصرالله  حافظ په دې وروستيو وختو کې  دهغې ناروغۍ له امله چې  ورپيښه شوې وه  وفات شوى دى .
له ارواښاد څخه په نظم او نثر کې  زيات ادبي آثار پاتي دي.

کابل – باختر دلړم دمياشتې ٢٥
د افغانستان  داسلامي جمهوريت د جمهور رييس حامد کرزي د خواشينۍ  او ډاډګيرنې پيغام .
په ډيرې خواشينۍ سره خبر شوم چې دننګرهار پوهنتون دساينس يو سابقه دار استاد پوهندوى عزيزالله  مياخيل   د ورپيښې نارغۍ له امله  له دې فاني نړۍ
څخه سترګې پتې کړي دي .
انا لله وانا اليه راجعون .
ارواښاد عزيزالله مياخيل ټول عمر دننګرهار ولايت په تعليمي او تحصيلي موسسو کې خدمت وکړ او ډير شاګردان يې و روزل دده  خدمتونه  دقدر وړ  او مړينه يې  يوه ضايعه ده .
دخپلې خواخوږۍ او ډاډګيرنې مراتب د ده کورنۍ دوستانو او  دننګرهار ولايت خلکو ته وړاندې کوم .
الله تعالى دې دى وبخښي او کورنۍ ته دې يې جميل صبر  په نصيب شي.

کابل\باختر\دلړم  دمياشتې  ٢٥:
د هوا پوهنې ادارې په راتلوونکوڅلور ويشتو ساعتوکې د هيواد د ځينوسيمو د
هوا حالات د سانتي ګراد په حساب په دې ډول اټکل کړى دى :
کابل- آسمان وريځ داورښت اټکل د تودوخې لوړه درجه ١٥ ټيټه  منفي٢
هرات- آسمان ځاى ځاى  وريځ ، د تودوخې لوړه درجه ١٨،  ټيټه صفر
جلال آباد  اسمان ځاى ځاى وريځ  ، د تودوخې لوړه درجه ٢٠، ټيټه ٨
قندهار- آسمان شين ، د تودوخې لوړه ١٩ ، ټيټه ٥
مزارشريف- آسمان وريځ د اورښت اټکل ، د تودوخې لوړه  ١٨، ټيټه ٤
کندز- آسمان   شين  د تودوخې  لوړه درجه ١٨، ټيټه ٦
غزني- آسمان   وريځ دواورې داورښت اټکل  ، د تودوخې لوړه درجه ١٠ ، ټيټه منفي٤
باميان- آسمان  وريځ  دواورې اورښت ، د تودوخې لوړه درجه ٧ ، ټيټه منفي ٥
فيض آباد- آسمان وريځ  دواورې اورښت، د تودوخې لوړه درجه ١٥، ټيټه  ٣
شمالي سالنګ- وريځ   دواورې اورښت ، د تودوخې لوړه درجه  منفي ٣، ټيټه  منفي ٥
فراه- آسمان   ځاى ځاى وريځ ، د تودوخې لوړه درجه ٢٠ ټيټه ٣
خوست- آسمان وريځ  د تودوخې لوړه درجه ١٧، ټيټه ٦
ميمنه- آسمان  وريځ  د تودوخې لوړه درجه  ١٧ ، ټيټه ٢
لښکرګاه-  آسمان شين، د تودوخې لوړه درجه ٢٠، ټيټه ٦
جنوبي سالنګ- آسمان  وريځ   داورښت اټکل، د تودوخې لوړه درجه ١، ټيټه منفي ٦
شبرغان –  آسمان  وريځ   ، د تودوخې لوړه درجه ١٧، ټيټه ٣
جبل سراج-آسمان  وريځ  داورښت اټکل ،د تودوخې لوړه درجه ١٧ ټيټه منفي ١
په کابل کې به سبا لمرپه ٦بجو او ٥٢ دقيقو وخيژي او د مازيګر په ٤بجو او ٣٧ دقيقو ولويږي . 

کابل – باختر دلړم دمياشتې ٢٥
په بغلان ولايت کې تيره شپه د دوو کورنيو ترمنځ د لفظي شخړې له امله  دوه تنه ووژل شول او دوه تنه  نور ټپيان شول .
دبغلان ولايت امنيې قوماندانۍ ويندوى احمدجاويدبشارت باختر آژانس ته وويل په پلخمري ښار پورې اړوند دقول پلنګ په  ساحه کې د دوو کورنيو د غړو د ماشومانو ترمنځ دشخړې له امله نښته  وشوه چې له  امله يې له  دواړو لورو څخه دوه  تنه  ووژل شول او دوه تنه  نور  ټپيان شول .
بشارت زياته کړه ،  دټپي شويو کسانو روغتيايي حالت مخه په ښه والي دى  او يو تن  دقضيې په تور دپوليسو له خوا نيول شوى دى.