27 May 2020

RSS Facebook

سوداگریز


تازه خبرونه

  جمهورريیس غني د ترکمنستان له جمهورريیس سره ټلیفوني خبرې وکړې

جمهورريیس غني د ترکمنستان له جمهورريیس سره ټلیفوني خبرې وکړې

کابل / د غبرګولي ۷ مه/ باختر د افغانستان د اسلامي...

مطبوعاتي اعلامیه

مطبوعاتي اعلامیه

کابل / د غبرګولي ۷ مه/ باختر د افغانستان پخوانی جمهورريیس...

د طالبانو شپږ بنديان په جوزجان کې آزاد شول

د طالبانو شپږ بنديان په جوزجان کې آزاد شول

کابل / د غبرګولي ۷ مه/ باختر د جوزجان له جېل...

Youtube Player

khantry design

سوداگریز

سوداگریز

اجتماعی

کابل باختر د غبرګولي ديرشمه
دپروان ولايت دسياه ګرد ولسوالۍ يو شمير اوسيدونکو په مظاهرو لاس پورې کړ او دچاريکارو ، باميان لاره يې د ترافيکو پرمخ وتړله.
  مظاهره کوونکو دولتي چارواکو ته ويلي دي چې دوى نور دوسله والو طالبانو له ظلم او زرو زياتي څخه تنګ شوي دي اوله امنيتي مقاماتو څخه غوښتنه کوي چې په سيمه کې دامنيت  په تامينولو کې جدي پاملرنه وکړي .
دغه مظاهرې  په داسې حال کې کيږي چې وسله والوطالبانو تيره شپه دپروان ولايت په سياه ګرد ولسوالۍ کې ديوې کورنۍ دوه تنه غړي شهيدان کړل .
دپروان ولايت دسياه ګرد ولسوال محمد سعيد صديقي باختراژانس ته وويل چې وسله والو طالبانو ديوې کورنۍ دوه تنه غړي چې يو يې  دملي پوليسو سرتيري و او بل يې ازاد کار کاوه تيره شپه له کور څخه يې وايستل  او ددهن واغز په ساحه کې يې دکلاشينکوف په ډزو سره شهيدان کړل .
داپه داسې حال کې ده چې پرون هم دهمدې سيمې څلور تنه  اوسيدونکي طالبانو له موټر څخه ښکته کړل ،درې تنه يې شهيدان کړل اويو تن يې په تيښتې بريالى شو چې دوه تنه يې محصلان وو .
په ساحه کې همدا اوس مظاهرې دوام لري او دچاريکارو باميان لاره دترافيکو پرمخ تړلې ده .

کابل_باختر د غبرګولي ٢٩مه:
د افغانستان د اسلامي جمهوریت جمهوررئیس حامدکرزي د کابل پوهنتون له معترضو استادانو سره  وکتل.
د جمهور رييس د ويندوى دفترباخترآژانس ته خبرورکړ:
په دې کتنه کې چې نن غرمه په ارګ کې ترسره شوه، معترضینو وویل چې د کابل پوهنتون د معترضو استادانو سوله يیزه مظاهره په هیڅ ډول سیاسي او د ملي ګټو پرخلاف حرکت نه دی، بلکې موږ غواړو چې د لوړو زده کړو قانون دې ډير ژره د ملي شورا لخوا تصویب، کابل پوهنتون دې په علمي، اداري او مالي برخو کې خپلواکي ولري، اکاډمیک پستونه دې انتخابي شي، په پوهنتونونوکې دې د ژبنیو، قومي او مذهبي تعصبونو مخه ونیول شي، د لوړو زده کړو او د پوهنتونونو غضب شوي جایدادونه دې د غاصبانو له منګولو څخه وژغورل شي.
دوی همدا راز له جمهوررئیس څخه و غوښتل چې د کابل پوهنتون ته چې د سیمې په کچه یو مهم پوهنتون ګڼل کیږي، باید لازمه پاملرنه وشي او په پوهنتونونو کې دې د بهرنیو هېوادونو او کورنیو سیاسي کړیو د لاس وهنو مخه ونیول شي.
حامدکرزي د کابل پوهنتون د معترضو استادانو د غوښتنو له اوریدو وروسته وویل چې په افغانستان، په ځانګړي ډول په پوهنتونونوکې بهرنۍ لاس وهنې او په تحصیلي مرکزونو کې د سیاسیونو سیاسي لاسوهنې وژونکې دي.
جمهوررئیس له استادانوڅخه وغوښتل چې په هیڅ وجه هیچا ته اجازه ورنه کړي چې په پوهنتونونوکې د ژبې، قوم او مذهب په نامه د محصلینو او استادانو ترمنځ تعصب ته زمینه برابره کړي.
حامدکرزي استادانو ته په خطاب کې وویل چې د افغانستان راتلونکی ستاسو په لاس کې دی، که لس کاله وروسته افغانستان په ښه ډول  پرمختګ وکړي نو دا به ستاسو د هڅو او د پوهنتونونو د غیر سیاسي والي نتیجه  وي او که خدای مه کړه برعکس وي نو دا به د پوهنتونونو د سیاسي والي نتیجه وي.
جمهوررئیس د کابل پوهنتون استادانو ته ډاډ ورکړ چې د دوی ټولې اکاډمیکې، علمي او اداري غوښتنې منل کیږي چې ځینې به یې اوس، ځینې به یې په لنډ او ځینې به یې په اوږد مهال کې عملي شي.
حامدکرزي له استادانوڅخه وغوښتل چې سر د شنبې له ورځې څخه  دې د کابل پوهنتون دروازې د محصلینو پرمخ خلاصې او خپلو درسونو ته دې دوام ورکړي چې د دوی له دغه خوځښت څخه نور ناوړه ګټه پورته نه کړي.
په دې کتنه کې د کابل پوهنتون استادانو پوهنمل فیض الله "جلال"، پوهنوال ډاکتر امین الله "امین"، پوهندوی ډاکتر سید محمد " ټینګار"، پوهندوی ډاکتر عزیزاحمد "فرهمند"، پوهنمل ډاکتر محمد ایاز "نیازي" او یو شمېر نورو خبرې وکړې.#

کابل\باختر\دجوزا٢٩
د چاريکارو _ باميان لاره د خلکو د مظاهرو له پاى ته رسيدو وروسته نن غرمه د ترافيکو پرمخ پرانيستل شو.
دغه مظاهرې نن غرمه په ښکاره توګه داعتراض کوونکو دغوښتنو دڅيړنې په باب د سيمه ييزو مقاماتو له ژمنو وروسته پاى ته رسيدلې دي.
دغه لاره د سياګرد ولسوالۍ په بازارکې د مظاهره کوونکو له راغونډيدو وروسته نن سهار په اتو بجو د ترافيکو پرمخ تړل شوې وه.
د پروان ولايت د سياه ګرد ولسوالۍ سلګو نو تنو اوسيدونکو دطالبانو له خوا د يوه ځوان د وژلو پرخلاف غبرګون کې په مظاهرو لاس پورې کړ.
مظاهره کوونکو په داسې حال کې چې ددغه ځوان سرغوڅ کړاى شوى مړى له ځان سره ليږداوه؛ (مړه دې وي طالبان ، مړ دې وي تروريزم او مړ دې وي پاکستان) د شعارونو په ورکولو سره له دولت څخه وغوښتل چې هيوادوالو ته د ژوندانه د ښو او خوندي شرايطو اوفضا د برابرولو په لاره کې زياتې هلې ځلې وکړي.
درې ورځې مخکې وسله والو طالبانو دپوهنتون دوه تنه محصلان او د دولت دوه تنه کارکوونکي دچاريکارو_باميان د لويې لارې په اوږدوکې د شينواري ولسوالۍ له مربوطاتو څخه وتښتول او دسياه ګرد ولسوالۍ ته يې بوتلل.
د سيمې اوسيدونکي وايي چې نن سهار له دغوځوانانو څخه د يو تن مړى چې دطالبانو له خوا وژل شوى و؛ ترلاسه کړ.
د پروان ولايت دپوليسو يوه مقام باخترآژانس ته وويل چې دڅلورو تنو تښتول شويو کسانو له جملې څخه دوه تنه يې دملي امنيت کارکوونکي وو.
ددغه مقام دڅرګندونې له مخې: طالبانو د امنيت کارکوونکي وواژه، خو د پوليسو کارکوونکي دجګړه مارانو له منګولو څخه په تيښتې بريالي شوي دي. لاتر اوسه پورې د دوو تنو ځوانو محصلانو دبرخليک په باب خبر نه دى ترلاسه شوى.
د پروان والي ډګرجنرال عبدالبصيرسالنګي باخترآ ژانس ته وويل چې ده د اعتراض کوونکو له استازو سره په ټيلفوني اړيکه کې له دوى سره ژمنه کړې ده چې ډير ژر به د چاريکارو _باميان په لاره کې د وروستيو ترورونو عاملين وپيژني او ويې نيسي.
د پروان والي وسله وال طالبان په دې لاره کې د نا امنيو او دمسافرانو د ترور مسوول بولي او وايي چې امنيتي ځواکونه ددغه شان پيښو د عاملينو د نيولو اومجازاتو په لټه کې دي.

کابل\باختر\دجوزا٢٩
د ملي دفاع وزارت خبرتيا !
د هيواد د پوهنتونونو د ژورناليزم، ادبياتو او دکمپيوټرساينس د پوهنځيوهغو فارغانو ته چې پخوا يې د ملي دفاع وزارت د ټولنيزو، پارلماني او د عامه چارو د اړيکو په رياست کې نومونه ليکلي دي؛ خبر ورکول کيږي چې د١٣٩٢ کال دغبرګولي د مياشتې له ٢٩ نيټې څخه دچنګاښ د مياشتې تر ١١ نيټې پورې د بيا نوم ليکنې او د آزموينې د کارت د ترلاسه کولو په مقصد له يوعکس او له نورو تحصيلي سندونو او د هويت د تثبيت له سندونو سره د ملي دفاع وزارت د پرسونل اوتعليماتو د معاونيت د ښوونې او روزنې رياست ته ورشي. البته د نوم ليکنې په وخت کې به د ولايتونو او د قومونو مشارکت په پام کې ونيول شي.
دکارت اخيستل حتمي دى؛ له دې پرته په آزموينه کې نه شامليږي.