14 July 2020

RSS Facebook

سوداگریز


تازه خبرونه

 حامدکرزي او ډاکټر عبدالله د سولې پر بهير وغږېدل

حامدکرزي او ډاکټر عبدالله د سولې پر بهير وغږېدل

کابل/ د چنګاښ۲۴ مه/ باختر د هېواد پخواني جمهور رييس حامد...

 عبدالسلام رحیمي: د سولې بهیر د بریا ضمانت یوازې د افغانستان خلک دي

عبدالسلام رحیمي: د سولې بهیر د بریا ضمانت یوازې د افغانستان خلک دي

کابل/ د چنګاښ ۲۴مه/ باختر د جمهور رئيس ځانګړي استازي او...

 جمهوررئیس محمد اشرف غني د امریکا د پوځ د مرکزي قومندانۍ له قومندان سره وکتل

جمهوررئیس محمد اشرف غني د امریکا د پوځ د مرکزي قومندانۍ له قومندان سره وکتل

کابل/ د چنګاښ ۲۴مه/ باختر د افغانستان د اسلامي جمهوریت جمهوررئیس...

Youtube Player

khantry design

سوداگریز

سوداگریز

اجتماعی

کابل باختر د زمري دولسمه :
د هغوسيلاوونو له امله چې تيره شپه دکاپيسا ولايت په دريو ولسواليوکې راووتل؛ خلکو ته مالي تاوان واوښت .
دکاپيسا ولايت د آله ساى ولسوال محمدملا باخترآژانس ته وويل:ددغې ولسوالۍ په سپينه دره کې دسيلاوونو دراوتلو له امله په لسګونو جريبه کرنيزه ځمکه ويجاړه، يو شمېر څاروي له منځه  لاړل او د استوګنې زياتره کورونه زيانمن شوي دي .
دتګاب ولسوالۍ يو تن مخور عبدالعزيزهم دباختراژانس له خبريال سره په ټيلفوني اړيکه کې وويل چې سيلاوونو د شينکى درې ، کوزې درې ، د نازيانو ، لينداخيلو او د اورغل په سيمو کې په بزګرانو او دسيمو خلکو ته مالي تاوان اړولى دى .
دنجراب ولسوالۍ يو قومي مشر غلام حيدر وايي: په دره کلان، فرخشاه، بچغان  او پسخ  د سيلاوونو د راوتلو له امله هم کرنيزې ځمکې او د استوکنې کورونه  ويجاړ شوي دي او دخلکو څاروي له منځه تللي دي .
ويل کيږي چې دکاپيسا د والي له خوا د اوښتو تاوانونو د اندازې دمعلومولو لپاره هيتئونه  ټاکل شوي دي .

کابل باختر د زمري دولسمه :
دبدخشان ولايت د ارګو ولسوالۍ په کدزکلي کې د يوه پله د جوړولوکار د کليو د بيا جوړولو اوپراختيا د وزير له خوا پيل شو .
دکليو د بيا جوړولو او پراختيا وزير ويس احمد برمک ددغه پله دبنسټ د ډبرې د ايښودلوپه مراسمو کې وويل چې دغه پل د نړيوال بانک په مرسته د يو نيم مليونو امريکايي ډالرو په لګښت ديو سلو لسو متروپه اوږدوالي او د اووه نيمو مترو په سور په يو کال او شپږ مياشتوکې دکوکچې سيند د پاسه جوړيږي .
دکليو د بيا جوړولو او پراختيا وزير زياته کړه چې ددغه پله په جوړولو سره چې په  نړيوالو ستندردونو سره جوړيږي؛ د بدخشان لس ولسوالۍ د دغه ولايت له مرکز فيض آباد او د تالقانو _ فيض آباد له عمومي واټ سره نښلول کيږي .
  برمک څرګنده کړه چې په بدخشان کې د دولسو زرو اته سوه پنځه پنځوسو پرمختيايي او بنسټيزه پروژو کار بشپړ شوى  او د ٦١١ نورو ساختماني پروژو کار دوام لري.
دده دڅرګندونو له مخې: ټاکل شوې ده چې د ٦٠٥ نورو پروژکار په ١٣٩٢ او ١٣٩٣ کلونوکې پيل شي او د ١٠٥ مترو په اوږدوالي يوبل پل په پاخه او اساسي ډول جوړيږي چې په دغو پروژو به نږدې ٩٢ مليونه امريکايي ډالره ولګيږي .
دغه راز د ولسي جرګې غړى وکيل عبدالرووف په دغو مراسموکې خبرې وکړې او وې ويل چې خلک بايد په بدخشان کې سوله او امنيت تامين کړي او که چيرې سوله او امنيت نه وي؛ هيڅ  پرمختيايي پروژه به تطبيق نه شي .

کابل باختر د زمري دولسمه :
دبدخشان ولايت د ارګو ولسوالۍ په کدزکلي کې د يوه پله د جوړولوکار د کليو د بيا جوړولو اوپراختيا د وزير له خوا پيل شو .
دکليو د بيا جوړولو او پراختيا وزير ويس احمد برمک ددغه پله دبنسټ د ډبرې د ايښودلوپه مراسمو کې وويل چې دغه پل د نړيوال بانک په مرسته د يو نيم مليونو امريکايي ډالرو په لګښت ديو سلو لسو متروپه اوږدوالي او د اووه نيمو مترو په سور په يو کال او شپږ مياشتوکې دکوکچې سيند د پاسه جوړيږي .
دکليو د بيا جوړولو او پراختيا وزير زياته کړه چې ددغه پله په جوړولو سره چې په  نړيوالو ستندردونو سره جوړيږي؛ د بدخشان لس ولسوالۍ د دغه ولايت له مرکز فيض آباد او د تالقانو _ فيض آباد له عمومي واټ سره نښلول کيږي .
  برمک څرګنده کړه چې په بدخشان کې د دولسو زرو اته سوه پنځه پنځوسو پرمختيايي او بنسټيزه پروژو کار بشپړ شوى  او د ٦١١ نورو ساختماني پروژو کار دوام لري.
دده دڅرګندونو له مخې: ټاکل شوې ده چې د ٦٠٥ نورو پروژکار په ١٣٩٢ او ١٣٩٣ کلونوکې پيل شي او د ١٠٥ مترو په اوږدوالي يوبل پل په پاخه او اساسي ډول جوړيږي چې په دغو پروژو به نږدې ٩٢ مليونه امريکايي ډالره ولګيږي .
دغه راز د ولسي جرګې غړى وکيل عبدالرووف په دغو مراسموکې خبرې وکړې او وې ويل چې خلک بايد په بدخشان کې سوله او امنيت تامين کړي او که چيرې سوله او امنيت نه وي؛ هيڅ  پرمختيايي پروژه به تطبيق نه شي .

کابل\باختر داسد١٠

دانترنت هغه روزنيز ورکشاپ چې درې ورځې مخکې دلوګر ولايت دولتي ادارو يوشميرکارکوونکو اوځوانانو ته جوړ شوى و ، نن پاى ته ورسيد.

دلو ګر ولايت داطلاعاتو اوفرهنګ رئيس محمد شفيق پوپل باخترآژانس ته وويل: په دې ورکشاپ کې چې ددغه رياست له خوا اود لوګر ولايت دمقام په همکارۍ جوړ شوى و؛ د دولتي ادارو پنځه ديرشو تنو کارکوونکو ګډون کړى و.

دده دڅرګندونو له مخې: په دې ورکشاپ کې د انترنت، ايمل، فيسبوک او د انترنت د نوروضروري مواردو په اړوند برخه والو ته معلومات وړا ندې شول اودلوګر ولايت داطلاعاتو اوفرهنګ د رييس له خوا په فارغانو تصديق ليکو نه هم وويشل شول.