19 November 2019

RSS Facebook

سوداگریز


تازه خبرونه

جمهورريیس غني د ننګرهار د ولسي پاڅون له قومندانانو سره وکتل

کابل/ دلړم۲۸مه/باختر د افغانستان د اسلامي جمهوریت جمهورريیس محمد اشرف غني...

پنځه وسله وال طالبان په پکتیا کې ووژل شول

کابل/دلړم۲۸مه/باختر د پکتیا د ځاځي آریوب او سېدکرم ولسوالیو په مربوطاتوکې...

Youtube Player

khantry design

سوداگریز

سوداگریز

اجتماعی

کابل\باختردکب ٢٥ مــــــــــــــــــــه

دسالنګونو لاره دتيري شپې له اتو بجو څخه د مسافروړونکو وسايطو پرمخ بيا پرانيستل شوه

دغه لاره د نوى کال درارسيدو په درشل کې چې زموږ په زرګونو هيوادوال دشاه ولايتماب حضرت على (ک) د زيارت جنډي دپورته کولو په مراسمو اود ګل سرخ په ميله کې دګډون لپاره مزارشريف ښارته ځى د واورې دسخت اورښت ،توپانونو اوڅو ځايه دواورې د ښوئيدنې له امله داويا ساعتونو لپاره د موټرو پرمخ وتړل شوه

دسالنګونو دساتنې اوڅارنې رئيس جنرال محمد رجب نن سهار د باختر اژانس خبريال ته وويل: دفوايد عامې وزارت د مشرتابه په لارښوونه ددغه رياست کارکوونکو دګاونډيو ولايتونو دفوايد عامې درياستونو په مرسته و کولاى شول دسالنګونو لاره له دوه اوياساعتونو وروسته دمسا فر وړونکو موټرو پرمخ بيا پرانيزي

جنرال رجب زياته کړه له ټيلري وسايطو پرته بار وړونکې نوروسايط کولاى شي د ماښام له شپږو بجو څخه دسهار تر پنځو بجو پوري په دغه لاره تګ را تګ و کړي

ده يوځل بيا له چلونکو څخه وغو ښتل چې دسالنګو نو له لاري څخه د تيريدو په وخت کې د اړوندو چارواکو ټولي لارښونې په پام کې ونيسي او خپل وسايط په ژمنيو وسايطو سمبال کړى

جنرال رجب دغه راز له ځينو دولتى ادارو څخه شکايت وکړ چې دپخواني پريکړي له مخې يې مسافرينو ته د اسانتيا و په برابرولو کې هيڅ ډول رول نه دى لوبو لاى

کابل باختردکب دمياشتې ٢٤ :

دتخارولايت  سيمه ييز مسوولين وايي چې په تيرو دريو ورځو کې په دغه ولايت کې دهوا دسړښت له امله څه ناڅه درې زره څاروي له منځه تللي دي.

دتخاردوالي مرستيال احمدفريد ذکي په هغې غونډۀ کې چې دولايت په مقر کې جوړه شوې وه څرگنده کړه دغه څاروي ددرقد، خواجه بهاوالدين ، بهارک ، رستاق  اوچاه آب په ولسواليو کې له منځه تللي دي .

ذکي زياته کړه چې دوى دبهارک اوکلفګان په ولسواليو کې دڅارويو دزياتو تلفاتو دمخنيوي په خاطر ددغي ولسوالي له مالدارانوسره  داوو ټنو حيواني وښو مرسته کړې ده .

ده په دې غونډه  کې دکرنې او اوبولګولو  له وزارت څخه وغوښتل چې ډيرژر  ددغه ولايت له بزګرانو   مالدارانو سره بيړنۍ مرستي وکړي .

دتخار دکرنې رييس محمدسالم وويل چې دکال په دغه موسم کې دڅارويو دله منځه تللو علت داو چې مالداران  دهوا په توديدوسره خپل څاروي په ازاده فضا کې ساتي 

خبرځاى دڅرگندونوله مخې  چې اوس هم په دغه ولايت کې دڅارويو دتلفاتو دزياتوالې احتمال شته  خو دوي هلې ځلې کوي چې ددي کارمخه ونيسي.

داپه داسې حال کې ده چې تيره اووني څه ناڅه ٧٦٥ ټنه واښه او حيواني خواړه دتخارولايت په مالدارانو ويشل شوي وو.

پلخمري \ باختردکب دمياشتې ٢٤ :  

په بغلان ولايت کې پرون يوه نجلي دخپل ورور له خوا ووژل شوه.

دمرکزي بغلان دروغتون دجراحي دسرويس آمر ډاکترخليل نرمګوي باختراژانس ته وويل، وژل شوي نجلي چې ښوونکې وه او دصنعتي بغلان ولسوالۍ دپاچاخان په کلي کې يې ژوندکاوه پرون دخپل ورور له خوا دچړې په ګوزار سره ټپي شوه چې وروسته يې په  روغتون کې ساه ورکړه.

دمرکزي بغلان امنيه قوماندان سرڅارمن محمدکمين ددغې پيښې علت کورنۍ تاوتريخوالي وباله او ويې ويل، پوليس هلې ځلې کوي چې قاتل ونيسي.

دبغلان ولايت دښځو دچارو رييسه رحيمه ظريفي وايي دروان کال له پيل څخه تراوسه پورې دښځو پرخلاف دتاوتريخوالي يوسلو اووه اتيا پيښې ثبت شوي دي چې د ١٣٨٩ کال په پرتله ديادونې وړ زياتوالي ښيي.

کابل باختردکب دمياشتې ٢٤ :

دپنجشيرولايت په شتل ولسوالۍ کې  په تيرو دوو ورځو کې دواورې ښوئيدنې له امله داستوګنې پنځه کورونه ويجاړشول . اودپنجشير ولايت له مرکز سره ددغې ولسوالۍ مواصلاتي لاري  دترافيکو پرمخ تړل شوي دي.

دپنجشير ولايت مرستيال عبدالرحمن کبيري باختراژانس ته وويل دغه واوره ښوئيدنه  چې له  دوو ورځو راپه دې خوا  دشتل ولسوالۍ په مربوطاتو کې شوې ده له امله يې داستوګنې دپنځوکورونو په نړيدو سربيره دخلکو  په لسګونو څاروي   له منځه تللي  او له مرکز سره ددغې ولسوالۍ مواصلاتي لاري تړلي شوي دي .

دده دڅرگندونوله مخې ددغې ولسوالۍ په اړوندو سيمو کې دوه متره واوره شوې ده  چې ددغې ولسوالۍ خلک له زياتو ستونزو سره مخامخ شوي دي او دپنجشيرولايت مقام له پيښو سره دمبارزي ملي کميټه چې  په ترکېب کې يې امنيه قوماندان او دکليو دبيا جوړولو اوپراختيا اوداوبو دتنظيم رييسان شامل دي موظفه کړې ده چې ډير ژر دشتل ولسوالۍ  ته لاړشي  اوپه هغو خلکو چې ددغې پيښې له امله   زيانمني شوي دي دغنمو په  گډون خوراکې توکې وويشي  او دغه راز دلارو په بيا پرانستلو اقدام وکړي.

په همدي حال کې دشتل ولسوال ګلاب شاه ويلي دي که چېري حالات په همدي بڼه پاتي شي دخلکو  ژوند به لاپسي خراب شي .