25 May 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

اجتماعی

 

 

کابل باختر  دثورديارلسمه

په پکتيا ولايت کې سيمه ئيزو مقاماتو په ګرديز ښارکې ديو ستر تفريخي پارک دجوړولو دطرحې خبر ورکړ .

 دغه پارک به دپکتيا ولايت دګرديز ښار په يوه ډيره ګڼ ميشت سيمه کې ددولس جريبه ځمکې په ساحه کې جوړ شي .

 دګرديز ښاروال اقا محمد سعدي باختراژانس ته وويل چې ددغه ستر تفريحي پارک دجوړولو کار به ډير ژرپيل شي .

 په دې پارک کې نجونواوهلکانو ته په جلاجلا ډول هوټلونه ، شنه او ښکلي ساحه ، لرګينې او ډبرينې  څوکۍ او ورزشي ډګرونه په پام کې نيول شوي دي .

 دګرديز ښاروال وايي چې دغه اداره به ددغه تفريخي پارک دجوړولو لپاره دري ويشت مليونه افغانۍ بيلې کړي . 

 

کابل باختر  دثورديارلسمه

 په سلګونو تنو هيوادوالو نن په کابل ښار کې دپاکستان پرخلاف په مظاهرو لاس پورې کړ .

مظاهره کوونکودافغانستان په خاورې دپاکستاني پوځيانوبريدونه وغندل اودهيواد دوسله والو ځواکونو هغه ميړانه او اتلوالي يې وستايله چې پاکستاني پوځيان يې دننګرهار ولايت دګوشتې ولسوالۍ له اړوندو ساحو څخه په شاوتمبول .

 دباختراژانس دخبريال دخبر له مخې ،په دغو مظاهرو کې چې دافغانستان دځوانانو دسراسري غورځنګ له خوا تنظيم شوې وې  دهيوادله مرکز او ولايتونو څخه په سلګونوتنو خلکوګډون کړي و .

دمظاهرو برخه والو دپاکستان دحکومت دسياستونو او ددغه هيواد دپوځيانود تيري ضد شعارونوپه ورکولو سره دافغانستان داسلامي جمهوريت  له دولت څخه وغوښتل چې دهيواد وسله وال ځواکونه دې لازيات په ضروري تجهيزاتواو امکاناتو سمبال کړي چې دپاکستانيانودتيريو په وړاندې غوڅ ځواب ورکړي .

 دوى وويل هر افغان دشهيد محمد قاسم اتل په شان دپاکستاني يرغلګرو په وړاندې دهيواد دفاع او قرباني ته چمتو دي .

  ددغومظاهرو برخه والو چې دملي دفاع وزارت په وړاندې راغونډ شول په اوو مادو کې يو پريکړه ليک هم صادر کړ .

  په دې پريکړه ليک کې  دملګروملتو له سازمان ، نړيوالې ټولنې ، داسلامي هيوادونو دکنفرانس له سازمان او دناټو له سازمان څخه غوښتل  شوي دي چې دپاکستان په حکومت زور واچوي چې ټول نړيوال قوانين رعايت کړي اودافغانستان په خاورې له هرراز تيري څخه ډډه وکړي .

 په دې پريکړه ليک کې دغه راز  دمظاهرو برخه والو  دافغانستان له دولت څخه وغوښتل  چې دپاکستاني پوځيانو دتيريوپه وړاندې  دې  ملي هدفونه او نړيوال قوانين په پام کې ونيسي او په دې اړوند دې جدي اقدام وکړي .

 دغه راز  دافغانستان له ټولو خلکو ، سياسي سازمانونو او له نړيوالې ټولنې څخه وغوښتل شول  چې دپاکستان  دڅرګندو تيريو په وړاندې  دې  دملي يو والي  په ساتنې سره  عمل وکړي . 

کابل\  باخترد  ثور دمياشتې  ١٢ :
په جوز جان ولايت کې يوې زده کوونکې نجلۍ خپل ځان وواژه .
د دغې ځوانې نجلۍ کورنۍ د هغې مړى تېره شپه د هغې په خونه کې ترلاسه کړ.
ملالۍ اتلس کلنه وه او په شبرغان ښارکې د قزانچي په ليسه کې يې زده کړه کوله.
دشبرغان ښار د روغتون رئيس ډاکترميرويس اميني وايي چې ددغې ځوانې نجلۍ په مړى ترسره شوې څيړنې ښيې چې دې د يوې زياتې اندازې ملتين په هخوړلو سره ځآن وژلى دى. دغې اتلس کلنې نجلۍ مور نه لرله او د خپلې خور په کورکې يې ژوند کاوه.
ددغې ځان وژنې انګيزه لا تر او سه پورې نه ده رو ښانه شوې.
له بلې خواد شبرغان ښار امنيتي مقامات دپيښې دڅيړنې د پيل خبر ورکوي.
ملا لۍ د هغې نجلۍ ټولګي واله وه چې څو ورځې مخکې يې ځان وژلې و.
ددغې نجلۍ د ځان وژنې انګيزه هم لا تر او سه پورې نه ده رو ښانه شوې.
دجوزجان ولايت دپوليسو يو مقام باخترآژانس ته وويل چې دوى هلې ځلې کوي چې ددغو ځنځيري ځآن وژنو انګيزې معلو مې کړي.

کابل\باختر\ دثور١١
د افغا نستان د اسلا مي جمهوريت د ملي شورا مشرا نو جر ګې په ژورې خواشينۍ سره خبر ترلاسه کړ چې د ثور د ماشتې په نهمه نيټه  په پيښور ښار کې ديوځانمرګي بريد له ا مله  دقاضي محمد امين وقاد زوى او په پيښور کې د افغا نستان تجارتي اتشه قاري هلال الدين وقاد اود قاضي محمد امين وقاد وراه او دمها جرينو دراستنولو د چارو وزارت اتشه محمد ادريس شهيدان شوي دي .
انا لله و انا اليه را جعون
دملي شورا د مشرا نو جرګه  ځانمرګي ناروا بريدونه په هرځاى کې چې وي او هر چا ته چې ځان ورسوي ، په کلکه غندي اود خپلې ژورې ډاډ گيرنې او خوا خوږۍ مراتب محترم جهادي شخصيت اود افغانستان دسولې د عالي شورا غړي قاري محمدامين وقاد او دده د کورنۍ نوروغړو اودوستا نو ته څرګند وى اود لوى خداى (ج) له دربار څخه شهيدا نو ته  دفردوس جنت او پا تې کسا نو ته يې د جميل صبر هيله کوي .