28 May 2020

RSS Facebook

سوداگریز


تازه خبرونه

محمد اشرف غني له استاد محمد محقق سره وکتل

محمد اشرف غني له استاد محمد محقق سره وکتل

کابل/ د غبرګولي ۷ مه/ باختر د افغانستان د اسلامي جمهوریت...

  جمهورريیس غني د ترکمنستان له جمهورريیس سره ټلیفوني خبرې وکړې

جمهورريیس غني د ترکمنستان له جمهورريیس سره ټلیفوني خبرې وکړې

کابل / د غبرګولي ۷ مه/ باختر د افغانستان د اسلامي...

Youtube Player

khantry design

سوداگریز

سوداگریز

اجتماعی

 

داقليم دڅيرې د بدلون  ترعنوان لاندې په نړۍ کې  دځمکې نړيواله ورځ  په داسې حال کې نمانځل کيږي  چې په نړۍ کې داقليم بدلون ناوړې اغيزې کړي دي  او ددغه حالت دوام کيداي شي ددغې خاوريني کرې  اوسيدونکو ته  جدي  خطرونه  په ځان پسې ولري .

دباختراژانس مبصر  ليکي : کال په کال  په نړۍ کې د اپريل دمياشتې يوه ورځ  د ځمکې دورځې په توګه نمانځل کيږي  چې هدف يې  د ځمکې په کره کې په اقليمي بدلونونو دخلکودپوهاوي زياتوالي دى  چې دژوندانه دچاپيريال او دانسانانو دژوندانه دوام ګواښوي .

 دځمکې اوسيدونکي دمليت ، قوم، مذهب او جنس په پام کې نيولو پرته  دنړۍ په ګوټ ګوټ کې دغه ورځ نمانځي او دځمکې دساتنې لپاره په اقداماتو لاس پورې کوي .

 دغه ورځ  په داسې حال کې نمانځل کيږي  چې دهوا تودوخه ، دګلخانه يي ګازونو توليد ، ديخچالونو ويلى کيدل ،  ددښتو زياتوالي ، دوګړو دشمير پراختيا ، دځنګلونو غوڅول اوپه لسګونونورو عواملوپه دې خاورينه کره کې دژوندانه ساحه  تنګه کړې ده  اوکه چيرې ددغوستونزو دلرى کولوپه لاره کې  جدي او بيړنۍ اقدامات ونه شي بشريت به له جدي ګواښونو سره مخامخ شي  ځکه  په نړۍ کې داوبو او هوا  بدلون  اوس  په يوې مهمې او پيچلۍ  مسئلې  بدل شوى دى  او دانسانانو اوحيواناتو په ژوندانه  او په طبيعي منابعو باندې يې جدي اغيزې  کړي دي .

که چيرې  داقليم دبدلون ،  دهوا دتودوخې او ددښتو ستونزه  ديو افغان په نظر وڅيړو دې ته متوجه کيږو  چې دغه ستونزه په افغانستان کې هم  ورځ په ورځ  زياتيدونکي  او دپراختيا  په حال کې ده . نن ورځ په افغانستان کې  زياته برخه ځنګلونه له منځه تللي دي کرنيزې  سيمې اوساحې داستوګنې په سيموبدلې شوي دي ،  دوګړو شمير دهرې ورځې په تيريدو سره  دودې په حال کې دى  او په غير معياري ډول دسون له موادو څخه استفاده  دپراختياپه حال کې ده .

 دځنګلونو غوڅول او دشنو ساحو ويجاړتيا هيواد په شاړو  ځمکو او کنډوالو دبدلون بهير ګړندي کوي  دهيواد په سترو ښارونوکې  دهوا ککړتيا له سرې کرښې  څخه  تيره شوې ده  نن ورځ له سالندي څخه نيولي  تر ناعلاجو ناروغيو پورې  ډول ډول  ناروغۍ  ددې هيواد له اوسيدونکو سره  مخامخې دي  چې ټول او ټول دژوندانه دچاپيريال له ککړتيا  او  ځمکې ته  دنه پاملرنې څخه  سرچينه اخلي . له بده مرغه هغه اقدامات چې ددغه شان ستونزودحل کولوپه لاره کې ترسره شوي دي په دې نه دي بريالي شوي چې دغه ستونزې کمې کړي . که چيرې په هيواد کې  داقليم دبدلون،دځنګلونودغوڅولوپه مخنيوي اوپه دښتودهيواد دبدليدودمخنيوي په نسبت  سملاسي اوبيړنۍ اقدامات ونه شي  دژوندانه چاپيريال به زموږ دهيواد لپاره  له تروريزم څخه  ديره ناوړه  پديده وي ، او په پاى کې به  دغه ستونزه  په يو ناتار بدل شي .

هيله ده چې دولت دهغو په وړاندې چې په هيواد کې دځنګلونوپه غوڅولولاس پورې کوي  سخت قوانين وضع کړي اوله زړواودبې کيفته سون دموادو دواردولو مخه ونيسي، له عاملينو سره يې دژوندانه دچاپيريال  د مخربينو په توګه  چلند وکړي  اوددغه شان  اشخاصو  دمجازاتو کړۍ  تنګه کړي  په دې ترڅ کې ديوې دقيقې کاري ستراتيژي په برابرولو سره دښار او داستوګنې دسيمودغير معياري  پراختيا مخه ونيسي اوداستوګنې په ساحو د کرنيزو ساحو  دبدلون  مخه ونيسي . په پاى کې  دافغانستان خلک بايد دهيواد  په ناوړو  اقليمي شرايطو پوه شي  هر څوک په خپل وار ددغې ستونزې  دلري کولو لپاره  منطقي  پروګرام او طرحه برابره کړي او عملي يې کړي .  زموږ خلک بايد نامساعد  اقليمي شرايط  او دژوندانه  دچاپيريال  ويجاړتيا ديو خبرداري  په توګه  وبولي  او دا ټکۍ هير نه کړي چې لاتراوسه پورې هم داسې  فرصتونه شته  چې په دې لاره کې  کاروکړو او اوسني  او راتلونکو  نسلونو ته  له  دود ، خاورې اوککړتيا څخه خلاص  چاپيريال  په سوغات پريږدو .

  ختم_ ف _ اکرم 

کابل _باختر دوري اته ويشتمه :
دريکتر په مقياس  داووه اعشاريه اتو درجو په سختوالي يوې زلزلې دنيمروز ولايت ځينې سيمې وجړقولې  او دغې پيښې دسرزيان نه دى اړولى .
دنيمروز له ولايت څخه دباختراژانس خبريال عمري خبر راکړ .چې دغې زلزلې پنځه څلويښت ثانيې  دزرنج ښار او دنيمروز ولايت داړوندو ولسواليو  ځينې سيمې  وجړقولې .
  ددغې زلزلې مرکز دايران په سيستان ښار کې تثبيت شوى دى او پرون له غرمې وروسته د درې نيمو بجو په شاوخوا کې شوې ده .
دهرات د زلزلي سنجولو يوه مسوول باختراژانس ته وويل چې په نيمروز ولايت کي ددغې زلزلې سختوالي کم و،  دنيمروز ولايت سيمه ئيزو مقاماتو ويلي دي چې دغې زلزلې  دسرزيان نه دى اړولى . خو د نړيوالو رسنيو دخبرونو له مخې، دغې زلزلې په ايران او پاکستان کې په لسګونو تنه وژلي دي .

کابل _باختر دوري اته ويشتمه :
دکورنيوچارو په وزارت کې دلسګونو لومړيتوبونو دستراتيژيکي هدفونو د تطبيق په باب څلور ورځنۍ  روزنيز سيمينار پاى ته ورسيد .
باختراژانس ته دکورنيو چارو وزارت دمطبوعاتي دفتر دمعلوماتو له مخې،  په دې سمينيار کې دستراتيژيک مديريت په چوکاټ کې دازمايشي پلان دتطبيق په لاره کې چې ددوو ولايتونو بلخ اوسمنګانو دسرحدي زون او دعامه نظم استازو پکې  ګډون کړي و .
دغه روزنيز سيمينارچې دکورنيو چارووزارت دپاليسي او ستراتيژي دمعين پاسوال جمال عبدالناصر  له خوا ددغه معينيت په تالار کې پرانستل شوى و دملي پوليسو دستراتيژي  دهدفونودبيانولو او تطبيق ، داوپراتيفي او تکتيکي اړوندو قدمو دپلان جوړولو په لاره کې دستراتيژيکو پلانونوداستفادې او دهغو د  تکثير او تطبيق دبهير  دکنترول او څارنې په باب هراړخيزې  خبرې وشوې .

کابل _باختر دوري اته ويشتمه :
په دايکندي ولايت کې پرون يوې ښځې  دکورني تاوتريخوالي له امله ځان وواژه .
ددايکندي دسنګ تخت بندر  ولسوال شيرجان محمدى له باختراژانس سره په تيلفوني اړيکه کې وويل، دغه ښځه  چې پنځه ويشت کلنه وه د سنګ تخت ولسوالۍ په ميراثي کلي کې دکورني تاوتريخوالي  له امله دزهرو په خوړلو سره ځان وواژه .؛
خبرځاى زياته کړه: ددغې  ښځې ميړه دپوليسو له خوا نيول شوى دى او پوښتنې  ورڅخه دوام لري .
ددايکندي  ولايت دبشر دحقوقو دخپلواک کميسيون مسوول جواد دادګر وويل، په روان کال کې داپه دغه ولايت کې دښځو دځان وژنې  لومړى پيښه ده .