26 September 2020

RSS Facebook

سوداگریز


Youtube Player

khantry design

سوداگریز

سوداگریز

اجتماعی

کابل باختردسنلې دمياشتې ٢ :
دهوا پوهنې ادارې په راتلوونکوڅلور ويشتو ساعتو کې د هيواد د ځينوسيمو د هوا حالات د سانتي ګراد په حساب په دې ډول اټکل کړى دى:
کابل- آسمان شين ، د تودوخې لوړه درجه ٣٣ ټيټه  ١٣
هرات- آسمان  شين ، د تودوخې لوړه درجه ٣٦،  ټيټه ٢٢
جلال آباد- آسمان  شين داورښت امکان د تودوخې لوړه درجه ٣٩، ټيټه ٢٧
قندهار- آسمان شين  ، د تودوخې لوړه ٣٩ ، ټيټه ٢٣
مزارشريف- آسمان شين  ، د تودوخې لوړه  ٣٩، ټيټه ٢٧
کندز- آسمان  شين  ، د تودوخې  لوړه درجه ٣٧، ټيټه ٢٤
غزني- آسمان  شين  ، د تودوخې لوړه درجه ٢٨ ، ټيټه ١٢
باميان- آسمان  شين   ، د تودوخې لوړه درجه ٢٥ ، ټيټه ١٥
فيض آباد آسمان ځاى ځاى وريځ ، د تودوخې لوړه درجه ٣١، ټيټه  ١٢
شمالي سالنګ- آسمان شين  ، دتودوخې لوړه درجه ١٢، ټيټه  ٣
فراه- آسمان شين ، د تودوخې لوړه درجه ٣٨ ټيټه ٢٤
خوست- آسمان ځاى ځاى  وريځ   د تودوخې لوړه درجه ٣٦، ټيټه ٢٥
ميمنه- آسمان شين ، د تودوخې لوړه درجه  ٣٣ ، ټيټه ١٩
لښکرګاه-  آسمان شين  ، د تودوخې لوړه درجه ٤١، ټيټه ٢١
جنوبي سالنګ- آسمان  شين ، د تودوخې لوړه درجه ١٤، ټيټه ٧
شبرغان – آسمان شين   ، د تودوخې لوړه درجه ٣٥، ټيټه ٢١ 
جبل سراج-آسمان شين ،ددوخې لوړه درجه ٣١-ټيټه ٢٠
په کابل کې به سبالمرپه ٥ بجو او ٢٦ دقيقو  وخيژي او  د مازيګر په ٦ بجو او ٣٦ دقيقو  ولويږي . 

کابل – باختر دوږې دمياشتې ٤
دحج او اقافو وزارت خبرتيا:
ټولو کابل ښاريانو او دولتي مقاماتو ته خبر ورکول کيږي چې دحاجيانو دچارو د تنظيم بهرله څه مودې راپه دې خوا دعيد ګاه په جامع جومات کې پيل شوى دى او اوس دتمثيلي کعبې  په درولو سره د حاجيانو عملي لوست دوام لري  او د حج دتنظيم او  روزنې پروګرامونه پيل شوي دي چې دپروګرام برخه وال  حاجيان ٢٤ ساعته دعيدګاه په جامع جومات کې دي .
له  همدې امله په درنښت سره غوښتنه کيږي چې د فاتحې اخستلو مراسم دې دکابل ښار په يو بل سترجومات کې پرځاى شي او دحج او اوقافو  وزارت دجوماتو او حسينورياستونه به په دې برخه کې لازمې همکارۍ وکړي.

کابل – باختر دوږې دمياشتې ٤
د بغلان ولايت په  بزګرانو دزعفرانو د پيازو دويشلو بهير نن پيل شو .
دغه  پياز دکرنې او اوبو لګولو رياست له خوا په  اوو  ولسواليو کې د زعفرانو دنمايشي کروندو  د جوړولو په مقصد ويشل کيږي .
دبغلان ولايت دکرنې او اوبو لګولو رييس عزيزالله ايماق باختر آژانس ته وويل :    په دغه بهير کې دمرکزې  بغلان ، نهرين ،دهنه غوري بنو  او د ده صلاح  په ولسواليو او د پلخمري ښار په هر  بزګر  د زعفرانو څلور سوه  ګرامه پياز او د اړتيا وړ سره  ويشل کيږي .
ايماق د زعفرانو بوټې دبنګو او کوکنارو پرځاى ښه بديل وباله او  زياته يې کړه تيرکال هم په څو ولسواليو کې نمايشي کروندې جوړې شوي دي  چې  له دغو کروندو څخه يو کيلو او نوې ګرامه زعفران  راټول کړى  شول.

کابل – باختر دوږې دمياشتې ٤
په قندهار ښارکې دټکسيانو چلوونکې ادعا کوي چې د ترافيکو پوليس له  دوى سره  بد چلند کوي .
هغودمظاهرو په ترڅ کې د دغه ولايت د ترافيکو دمديردګوښه کولو غوښتنه وکړه  . مظاهره کوونکې ادعا کوي چې د ترافيکو پوليس هره ورځ له دوى څخه په غير قانوني ډول پيسې اخلي او هغوى ته سپکاوى کوي او  وهې او ډبوي  يې  او بايد
د ترافيکو مدير ګوښه کړي شي.
يو تن مظاهره کوونکې فضل الدين باختر آژانس ته وويل  :
پرون دقندهار دعيدګاه په واټ کې يې خپل موټر درولى و او دترافيکو پوليسو دهغه دموټر ښيښې ماتې کړې .
دقندهار دټکسيانو چلوونکو داتحاديې مسوول محمد داوود هم وويل :   چې          د ترافيکو پوليس کولاى شي د اصولو له مخې د سرغړنې په وخت کې د ټکسي     له چلوونکو سره قانوني چلند وکړي خود چلوونکو دوهلو ،  ډبولو او هغوى  ته دسپکاوې حق نه لري .
دقندهار د ترافيکو مدير سمونوال محمد الله وايي  دټکسي چلوونکې له دې امله شکايت کوي چې د ترافيکو د پوليسو منسوبين په دې وروستيو کې د غيرقانوني موټر و ددرولو  پروګرام پيل کړى دى .
ده زياته کړه که چيرې دترافيکو پوليس دټکسي له چلوونکو سره  ناوړه چلند او يايې له هغوى څخه پيسې اخستې اويايې  د دوي د موټرو ښيښې يي ماتې کړي وي بايد هغوي دترافيکو مديريت ته مراجعه وکړي موږ دهغوى ستونزې او د دوى دحقوقو داعاده کولو په خاطر څيړنې کوو.