26 September 2020

RSS Facebook

سوداگریز


Youtube Player

khantry design

سوداگریز

سوداگریز

اجتماعی

کابل باختر –د وږې دمياشتې دويمه:
د دايکندي ولايت دمشورتي شورا غړو نن له غرمې وروسته دجمهور رييس له مرستيال محمد کريم خليلي سره  وکتل او خبرې يې  وکړې .
دجمهورى رياست مطبوعاتي دفتر باختر آژانس ته خبرورکړ:
دغه شورا چې  د  دايکندي ولايت له يو شمير محصلانو  ، ځوانانو  ښځو او      سپين ږيرو  څخه جوړه شوې  د ه  په سياسي ، اقتصادي او فرهنګي برخو کې يې دخپلو فعاليتونو رپوټ د جمهور رييس مرستيال ته وړاندې کړ .
په دې کتنه کې چې په ولسي جرګه کې د  دايکندي ولايت يو تن استازې اسدالله سعادتي هم حاضر و دکتنې برخه والو دهيواد دراتلونکې لپاره د جمهوري رياست دراتلونکو انتخاباتو ارزښت ته په اشارې سره په دغه ولايت کې مخ په زياتيدونکې نا امني او دغه راز په هرې ولسوالۍ کې دنوم ليکنې د يوازې  يو مرکز په خاطر درايې ورکونکو دنوم ليکنې دمرکزونو لرې والي يې په دغه ولايت کې دانتخاباتو په وړاندې له مهمو چلنجونو څخه وبلل او په دې برخه کې يې د ستونزو لرې کولو ته د دولت دجدي پاملرنې غوښتنه وکړه.
د دايکندي ولايت دمشورتي شورا غړو دغه راز د دغه ولايت دبيارغاونې په برخه کې د دولت دزياتې  پاملرنې غوښتنه وکړه .
په دې کتنه کې دجمهور رييس مرستيال محمد کريم خليلي د دايکندي دخلکو دمشورتي شورا له غړو سره دکتنې له امله دخوښي دڅرګندونو په ترڅ کې حکومت ته دخلکو دستونزو په ليږدولو کې دمدني ټولنو رول مهم وباله .
د جمهور رييس مرستيال دې ته په اشارې سره چې په نوي فصل کې دافغانستان ټولوخلکو ته د ودې او پرمختګ ښه فضا برابره شوې ده له دوي څخه يې وغوښتل چې له موجودو شرايطو څخه دافغانستان دترقي او پرمختګ لپاره استفاده وکړى.   ده دغه راز دترقي او پراختيا په لور دهيواد په يون کې د جمهوري رياست دانتخاباتو ارزښت ته  په اشارې سره له ټولو خلکو څخه وغوښتل چې د نوم ليکنې او د رايې ورکولو د کارتونو په ترلاسه کولو سره په پراخ ډول په انتخاباتو کې ګډون وکړې.
دجمهور رييس مرستيال دغه راز دکانونو او سړکونو په  ګډون دبنسټونو وده  او پرمختيا په تيروکلونو کې د دولت له اساسي هدفونو څخه وبلل او څرګنده يې کړه چې جنوب ته  دشمال سړک او دغه راز د ميدان وردګو – چغچران – هرات سړک له ملي پروژو څخه دي چې د بشپړيدو په صورت کې کولاى شي دافغانستان دخلکو داقتصاد په  وده اوغوړيدو کې مهم رول ولري.

کابل باختر د وږي  لومړي :

د جوماتونو ملا امامانو، خطيبانو او واعظانو نن دجمعې د لمانځه په خطبوکې خلک له ګناه څخه ډډې کولو او په بشپړه توګه د الهي حکمونو او د نبوي ارشاداتو پيروي ته راوبلل .

دهيواد له مرکز او ولايتونو څخه دباخترآژانس د خبريالانود خبر له مخې: په دغو خطبوکې دهغو نعمتونو په باب چې لوى خداى ( ج )  په دنيا کې د انسانانو په برخه کړي دي؛ خبرې وشوې اوڅرګنده شوه چې داسلام مبين دين په دنيا کې مسلمانانو ته زيات مسووليتونه سپارلي دي چې بايد دغه مسووليتونه رعايت شي .

 په خطبوکې دغه راز وويل شول چې هر مسلمان دخپل ځان ، کورنۍ او هيواد په وړاندې مسووليت لري او د الهي حکمونو او د نبوي اخلاقو او ارشاداتو په پيروۍ دې هم ځان او هم خپل بچيان دعلم او پوهې په ګاڼه سمبال کړي او په دې کارکې د نورو مسلمانانو په وړاندې هم مسووليت منوونکي وي .

 په دغو خطبوکې وويل شول چې د اسلام دمقدس دين د مسلمانانو او د اسلامي ټولنې پرمختګ، ترقۍ او نيکمرغۍ په يو والۍ پيوستون او د يوبل په منلوکې ويني او توپير، نفاق او تاوتريخوالى چې د مسلمانانو د بېرته پاتې والي، بدمرغۍ اوبې لارۍ توب سبب کيږي؛ مردود بللى دى .

 دغه راز په ټينګار سره له خلکوڅخه وغوښتل شول چې له ګناه څخه ډډه وکړي او هم څرګنده شوه چې مسلمانان په هغه صورت کې چې ګناه يې کړى وي؛ بايد توبه وباسي او دګناه له تکرار څخه دې ډډه وکړي .

 په دغو خطبوکې په مصرکې دخلکو وژل وغندل شول او ددغه هيواد دخلکو د آرامۍ اوسوکالۍ او هم د افغانستان دخلکو او د ټولې نړۍ د مسلمانانو د نيکمرغۍ او سولې لپاره دخير دعا وشوه. 

کابل باختر د وږي  لومړي :

 په بغلان ولايت کې شپږوګړني پروژې ګټې اخستنې ته وسپارل شوې .

په دې پروژه کې دمرکزي بغلان په ولسوالۍ کې د يو استنادي ديوال او د يوټولنيزو مرکز جوړول، د ژورو څاه ګانو کيندل، کبيوني ديوالونو اوبدل او پنځوکيلومترو په اوږدوالي په سړک کريړ اچول او اوارول شامل دي.

 دبغلان ولايت دکليو د بيا جوړولو او د پراختيا رييس عبدالرب حکيمي باختر آژانس ته وويل چې دغه پروژې د اتومليونو او اووه سوه زرو افغانيو په لګښت بشپړې شوې دي .

 ويل کيږي چې د دغو پروژو په بشپړيدو سره دمرکزي بغلان په ولسوالۍ کې د نږدې زرو کورنيو سيمه ييزې ستونزې حل شوې .

 په همدې حال کې د بغلان ولايت دکليو دبيا جوړولو او پراختيا د ادارې مسوولينو په دغه ولايت کې د لسګونونورو وګړنيو پروژو دکار دپيلولو خبر ورکړ .

 دغه پروژې به د مرستندويو ادارو او دکليو دبيا جوړولو اوپراختياوزارت په همکارۍ  تطبيق شي . 

دننګرهار ولايت د چپرهار ولسوالۍ د پوهنې د مديرپه سرمعلم مشهور د شهيد حاجي محمدعظيم خان نايل د فاتحې مراسم چې جنازه يې پخوا د دوى په پلرنى اديره کې خاورو ته سپارل شوې ده؛ د مشرانو جرګې د رييس فضل هادي مسلميار او ددغې جرګې د غړو ، د ارواښاد د کورنۍ ،مشرقي قومونو او دپوهنې وزارت له خوا سبا د روان کال د وږي د مياشتې په دويمه نيټه دشنبې د ورځې له غرمې وروسته له يوې نيمې بجې څخه تر درې نيمو بجو پورې دکابل ښارحضوري چمن ته څېرمه د عيد ګاه په جامع جومات کې پرځاى کيږي.

دوستان دې خبر وي.