29 January 2020

RSS Facebook

سوداگریز


تازه خبرونه

د افغانستان او پاکستان ترمنځ د تورخم بندر د ترافيکو پرمخ پرانيستل شو

د افغانستان او پاکستان ترمنځ د تورخم بندر د ترافيکو پرمخ پرانيستل شو

کابل / دسلواغې ٩مه / باختر د افغانستان او پاکستان ترمنځ...

 سوله غوښتونکو سمنګانو ته سفر وکړ

سوله غوښتونکو سمنګانو ته سفر وکړ

کابل / دسلواغې ٩مه / باختر د وګړنى سولې کاروان يوه...

Youtube Player

khantry design

سوداگریز

سوداگریز

اجتماعی

کابل باخترد جوزا دمياشتې٢٠ نيټه :

دفوايد عامې وزارت په سرپل ولايت کې دسيلاونو دراوتلو له امله  دويجاړوشويو تاسيساتو دبياجوړونې په مقصد د ١٢٠ زرو ډالرو دورکولو ژمنه وکړه .

دغه ژمنه پرون دغه ولايت ته دنجيب الله اوژن اودده دمعينانو دسفر په وخت کې وشوه.

دسرپل دوالي ويندوى باختراژانس ته وويل: دفوايد عامې وزير او ددغه وزارت معينانو دسرپل دهغو سيمو دکتلو په ترڅ کې چې دوروستيو سيلاونو له امله  زيانمنې شوي دي ژمنه وکړه چې ددغه وزارت  له پرمختيايي بودجې څخه  يوسلو شل زره امريکايي ډالره سرپل ولايت ته بيلوي  چې دهغو پروژو په ترميمولو اوبياجوړولو کې يې ولگوي چې په لومړيتوب کې دي .

دغه راز ده وويل دسرپل  _  سانچارک او دسرپل _ صياد سړک په سملاسي ډول ترميموي  .

داپه  داسې حال کې ده چې دوروستيو سيلاونو له امله په سرپل کې دولتي تاسيسات  داستوګنې  کورونه او کرنيزې ځمکې ويجاړې شوي  اوپه لسګونو کسان وژل شوي دي

هرات \باختر \ دغبرګولي ١٨ مــــــه

د هرات و لايت داستيناف څارنوالى رئيسې ماريا بشير د هيواد د لوى څارنوالى دعا لي مقام له خوا وستايل شوه .

د لوى څارنوالى د عالى مقام ستاين ليک چې د عدالت د تامينولو په کار کې د ميرمن بشير داغيزمنو هڅو له ا مله منظور شوى دى نن دې ته ورکړ شو.

د باختر ا ژانس دخبر له مخې، ميرمن بشير په هيواد کې دڅارنوالى  د لومړنى ښځينه رئيسې په تو ګه له دې مخکې هم په سلو تنو ښځو کې مطرح او اغيزمنه ټاکل شوې وه او په خپلې کاري دوره کې يې ديادونې وړ برياليتوبو نه ترلاسه کړي دي

 دلوى څارنوالى ستاين ليک د قا نون دتطبيق اود عدالت د تامينولو په لاره کې د ميرمن  بشير د ارزښتناکو خدمتونو له ا مله دې ته منظور شوى دى

کابل باخترد جوزا دمياشتي١٧ نيټه :

دلوګرولايت  يوشمير اوسيدونکو نن په مظاهرو لاس پورې کړ او دکابل _ ګرديز لويه لاره يي دلنډمهال لپاره دترافيکو پرمخ وتړله .

دغه مظاهره کوونکي  دبهرنيو ځواکونو له خوا دبيګناه خلکو دوژنې پرخلاف داعتراض په توګه  واټونو ته راوتلي دي .

دباختراژانس دخبرله مخې  تيره شپه دنړيوالو ځواکونو په هوايي بريد کې اووه تنه وسله وال طالبان ووژل شول دسيمې اوسيدونکي ادعا کوي چې په دغو عملياتو کې يوشمير بيګناه وګړي وژل شوي دي .

مظاهره کوونکو امريکايي ضدشعارونه ورکول اوله دولت څخه يي وغوښتل چې  دملکي کسانو  دسردزيانونو مخه ونيسي .

په همدي حال کې  دلوګر دامنيې قوماندانۍ دامنيت آمر سمونوال رييس خان صادق باختراژانس  ته وويل په دې پيښه  کې  اووه تنه وسله وال طالبان چې بشيراخندزاده په کور کې و هم وژل شوي دي .

مظاهره کوونکو دکابل -  ګرديز لويه لاره دڅوساعتونولپاره وتړله  او دليږدونکو وسايطو سپرلۍ  دلوى لارې په شمالي او جنوبي دروازو کې په دوو لورو کې دلويي لارې دپرانستل  کيدو ته سترګي په  لاره وو .

له هغه وروسته  مظاهره  په تاوتريخوالي بدله شوه او په مظاهره کوونکو دامنيتي ځواکونو دډزو له امله يو تن اعتراض کوونکى ټپي شو او دامنيتي ځواکونو په وساطت  مظاهره پاى ته ورسيده  اوس لويه لاره  بيا دترافيکو پرمخ پرانستل شوې ده.

کابل باخترد جوزا دمياشتي١٧ نيټه :

دهيواد دلويديځي حوزې دعالمانو اوروحانيو عالي شورا له اداري فسادسره جدي مبارزه دهيوادوالو ديني اوملي دنده وبلله  اوپه دې لاره کې يې دمسوولينو په جدي مبارزې ټينګاروکړ.

دباختراژانس دخبرله مخې  دلويديځي حوزې دعالمانو اوروحانيونو دعالي شورا رييس الحاج مولوى خدا داد صالح ددغې شورا په غونډه کې ددغه ټکي په بيانولو سره چې له اداري فسادسره مبارزه دجدي عزم غوښتنه کوي وويل  دخلکو ديني اوشرعي دنده اورسالت  ددې غوښتنه کوي چې داداري فساد دجرړو له منځه وړلو په لاره کې مبارزه وکړي .

ده دخلکو ديو لړ ستونزو په بيانولو سره چې بنسټ  يې په ټولنه کې اداري فساد دي ددغو ناخوالو په لري کولو کې يې دټولو هيوادوالو دهمکاري غوښتنه وکړه.

دعالمانوشورارييس دغه راز دهرات ولايت په کچه په ستندردو روغتيايي خدمتونو دنه لاس بري له پلوه دخلکو دستونزو په بيانولو سره دروغتيايي برخي  مسوولينو ته يې لارښونه وکړه چې په روغتيايي مرکزونو  په عادلانه ډول مناسـب روغتيا يي خدمتونه خلکو ته وړاندى کړي.

دشورارييس په همدي حال کې دحج دفضايلو په بيانولو سره دحاجيانو دپچي اچوني په مراسمو کې يي ځينې اداري سرغړونې بيان کړي اودهرات ولايت  وګړو او جغرافيايي ساحي په پام کې لرلو سره دغه ولايت ته ورکړاي شوي ونډه لږه وبلله .

له بله پلوه داطلاعاتو اوفرهنګ رييس احمداحسان سروريار هم دديني عالمانو په غونډه کې ديني  باورونو اواعتقادونو ته دهرات دخلکو داصيل فرهنګ  ژورتيا اواړيکو ته په اشاري سره دفرهنګي حالت دښه والۍ په خاطر دديني عالمانو دهمکاري غوښتنه وکړه.

ده عالمان دانبياو وارثان اوداسلامي ټولنې معنوي مشران وبلل  او دغه قشر يې دقانون جوړولو ښه اوستر مرجع وباله.

په دې غونډۀ  کې دعالمانو دشورا په مرستيال مولوى کبابيانى سربيره يوشمير ويناوالو  ديولړ ټولنيزو ستونزو اودهغو دحل دلارو چارو په باب خبري وکړې .

په پاى کې  دعالمانو دشورا شرعي فتوا ولوستل شوه او دبرخه والو له خوا تائيده شوه.