26 September 2020

RSS Facebook

سوداگریز


Youtube Player

khantry design

سوداگریز

سوداگریز

اجتماعی

کابل باختر د چنګاش پنځلسمه :
دبدخشان ولايت دکوز يفتل په ولسوالۍ کې دموټر دتګ راتګ يوپل چې دسمين جو سيند دپاسه جوړ شوى دى پرون ګټې اخستنې ته وسپارل شو .
دبدخشان دوالي ويندوى باختراژانس ته وويل، دغه پل دنړيوال بانک له بودجې څخه داته ديرشو مليونو افغانيو په لګښت دسلو مترو په اوږدوالي او داتو مترو په سور جوړشوى دى .
ده زياته کړه: ددغه پله دجوړولو کار چې دبدخشان ولايت نهه سرحدي ولسوالۍ  ددغه ولايت له مرکز سره نښلوي په شلو مياشتو کې بشپړ شوى دى .
دسيمې يو تن اوسيدونکى عزيز الله وايي کال په کال دسمين جوسيند دڅپانده کيدوله امله له دولسو تنو څخه ترپنځلسو تنو پورې په اوبو کې ډوب اوله منځه تلل چې ددغه پله په جوړيدو سره له سيند څخه دتيريدو له پلوه دخلکو ستونزې لرې شوي دي .

کابل -باختر  د چنکاښ د مياشتې ١٥:
د هوا پوهنې ادارې په راتلوونکوڅلور ويشتو ساعتوکې د هيواد د ځينوسيمو د هوا حالات د سانتي ګراد په حساب په دې ډول اټکل کړى دى:
کابل- آسمان ځاى ځاى وريځ ، د تودوخې لوړه درجه ٣٦، ټيټه ١٥
هرات- آسمان ، شين ، د تودوخې لوړه درجه ٣٧،  ټيټه ٢٠
جلال آباد- آسمان ځاى ځاى وريځ ، د تودوخې لوړه درجه ٤٣، ټيټه ٣١
قندهار- آسمان ، شين، د تودوخې لوړه ٤٢ ، ټيټه ٢٥
مزارشريف- آسمان شين ، د تودوخې لوړه  ٣٨، ټيټه ٢٧
کندز- آسمان  شين، د تودوخې  لوړه درجه ٣٩، ټيټه ٢٤
غزني- آسمان  شين، د تودوخې لوړه درجه ٣٢ ، ټيټه ١٥
باميان- آسمان ځاى ځاى وريځ ، د تودوخې لوړه درجه ٢٩ ، ټيټه ١٣
فيض آباد- آسمان ځاى ځاى وريځ ، د تودوخې لوړه درجه ٣٦، ټيټه  ١٥
شمالي سالنګ- آسمان ځاى ځاى وريځ،  دتودوخې لوړه درجه ١٦ ، ټيټه  ٦
جنوبي سالنګ- آسمان شين ، د تودوخې لوړه درجه ٢٩، ټيټه ١٣
  شبرغان - آسمان شين ، د تودوخې لوړه درجه ٣٧، ټيټه ٢٤
فراه- آسمان ، شين، د تودوخې لوړه درجه ٤٠ ټيټه ٢٢
خوست- آسمان ځاى ځاى وريځ، ، د تودوخې لوړه درجه ٣٧، ټيټه ٢٥
ميمنه- آسمان شين ، د تودوخې لوړه درجه  ٣٩ ، ټيټه ١٨
لښکرګاه- آسمان شين ، د تودوخې لوړه درجه ٤٠، ټيټه ٢٥
جبل سراج-اسمان شين ،ددوخې لوړه درجه ٣٠-ټيټه ٢١
په کابل کې به سبا لمرپه ٤ بجو او ٣١ دقيقو وخيژي او د مازيګر په ٧بجو او ٩ دقيقو ولويږي . 

کابل باختر د چنګاش پنځلسمه :
دافغانستان داسلامي جمهوريت دجمهور رييس حامدکرزي د ډاډ ګيرنې او خواخوږۍ پيغام .
په ژورې خواشينۍ سره مې خبر ترلاسه کړ چې دهيواد يو ملي سوداګر نعيم باى دهغې ناروغۍ له امله چې پيښه شوې وه وفات شو .
انالله وانااليه راجعون
  ارواښاد نعيم باى  دسوداګرۍ له لارې هيواد ته په خدمت بوخت او يو خير غوښتوونکى او خدمتګار شخص و  مړينه يې ضايعه ده.
  دخپلې ډاډګيرنې او خواخوږۍ مراتب دده کورنۍ او دوستانو او دفارياب ولايت خلکو ته څرګندوم  متوفى ته دمغفرت  اوپاتې کسانو ته يې دجميل صبر هيله کوم .

کابل باختر د چنګاښ پنځلسمه :
دافغانستان  داسلامي جمهوريت دجمهور رييس حامدکرزي دخواشينۍ او ډاډ ګيرنې پيغام .
په ډيرې خواشينۍ  سره خبر شوم چې دهيواد دمدني ټولنې يوفعال ، دوکتور سعيد نيازي ديوې ترافيکي حادثې له امله له دې فاني نړۍ څخه سترګې پټې کړې دي .
انالله وانااليه راجعون
  ارواښاد دوکتور سعيد نيازي يو تعليم يافته ، زيارکښ او خدمتګار شخص و. له خپلو مسلکي کارونو سربيره يې دهيوادپه مدنى ټولنې کې هم فعال حضور درلود ، دده مړينه يوه ضايعه ده .
دخپلې خواخوږۍ او ډاډګيرنې مراتب دده کورنۍ ، دوستانو ، دهيواد مدنى ټولنې اودلغمان ولايت خلکوته وړاندې کوم . الله تعالى دې دى وبخښي اوکورنۍ ته دې يې جميل صبر په نصيب شي .