23 January 2018

RSS Facebook

سوداگریز


تازه خبرونه

يو انس سره زر په ١٣٣٦ډالرو وړاندې کيږي

يو انس سره زر په ١٣٣٦ډالرو وړاندې کيږي

کابل\باختر\ د سلواغې د مياشتې٣ نيټه په نړيوالو بازارونوکې نن يو...

د هوا حالات

د هوا حالات

کابل\باختر\ د سلواغې د مياشتې ٣ نيټه د هوا پوهنې ادارې...

د اسعارو بيه

د اسعارو بيه

کابل\باختر\ د سلواغې د مياشتې٣ نيټه د کابل د شهزاده سراى...

Youtube Player

khantry design

سوداگریز

سوداگریز

اجتماعی

تالقان \باخترد سلواغې ٢ نيټه  :
د ولسي تړون  ملي پروګرام  پرون په تخارکې پرانستل شو.
په هغې غونډه کې چې په همدې مناسبت  په تالقانو  کې جوړه شوې وه، د تخار ولايت  دکليو د بيا جوړولو اوپراختيا ريېس انجينر  صبغت الله نظري وويل ؛
د ولسي تړون پروګرام چې د ملي پيوستون د پروګرام ځاى يې نيولى دى د وزارتونو ترمنځ او د څو سکتورونو لومړى پروګرام دى  چې د ماليې  ، کرنې، او بولګولو، پوهنې ، عامې روغتيا او دکليو د بيا جوړولو او پراختيا وزارتونه او د سيمه ييزو  ارګانونو خپلواکه اداره په خپلو کې په همکارۍ او همغږۍ سره خپلې پروژې  عملي کوي.
نظري وويل  چې د ولسي تړون  پروګرام په لسو کلونو کې په دريو پړاونو کې په
دغه ولايت کې عملي کېږي چې لومړى پړاو يې  د مرکز په ګډون  پنځه سوه اوولس کليوالي شوراګانې د دغه ولايت په اوو ولسواليو کې ترپوښښ           لاندې نيسي .
پاى \ ف \ ذ

 

سرپل \باخترد سلواغې ٢ نيټه  :
په سرپل کې  پرون دوه ټولګټې پروژې   ګټې اخيستنې ته وړاندې شوې.
د سرپل ولايت  دکليو د بيا جوړولو اوپراختيا ريېس  جاويد جاويد باختر آژانس
ته وويل  چې په دغو پروژو کې د اوبو  د دوو بندونو  او د ٢٨٠ مترو په اوږدوالي د استنادي ديوال  جوړول شامل دي  چې،د کليو د بيا جوړولو او پراختيا  وزارت له پرمختيايي بودجې څخه د دوولسو ميليونو پنځه سوه زرو افغانيو په لګښت  بشپړې  او ګټې اخيستنې ته وسپارلې شوې.
جاويد زياته کړه   چې، د دغو پروژو دعملي کولو دکار په بشپړيدو سره دوه سوه  کورنۍ د موسمي سيلاونو له خطر  څخه خوندي شوې او څلور زره  هکتاره کرنيزه ځمکه  تر خړوبيدو لاندې راغلې ده.   پاى \ ذکرالله \

پلخمري  \باخترد سلواغې ٢ نيټه  :
د پلخمري ښار له سلو بيوزلو  کورنيو سره د ژمنيو جامو مرسته وشوه .
د بغلان ولايت د اطلاعاتو اوفرهنګ رياست د ځوانانو مدير محمد پيوند امين  د باخترآژانس خبريال ته وويل چې، په دغو جامو کې  جمپرونه ، پطلونونه ، جاکټونه ،  کميسونه ، پرتوګونه  اوکوښې شته چې د ځوانانو غورځنګ  د ټولنيز بنسټ او د پلخمري د خير پالو کسانو له خوا برابرې شوې وې.
پاى \ سعيده \ ذ

چغحران  \باخترد سلواغې ٢ نيټه  :
په غور  ولايت کې د عدالت غږ راډيو ودانۍ ته  تېره شپه د ناپيژاندو کسانو      له خوا  اور واچول شو.
د عدالت غږ راډيو يوه مسوول  د باختراژانس سيمه ييز خبريال ته وويل  چې په دې اور لګيدنه کې د عدالت غږ  راډيو  د شبکې تجهيزات له منځه تللي دي.
د غور ولايت دامنيې قوماندانۍ دامنيت آمر ضيا‌‌ءالدين ثاقب د عدالت غږ راډيو د مسوولانو ادعا ردکړده او ويې ويل چې د دغې راډيو په ودانۍ کې  د ګازو د ډبې د چاودنې له امله  اور لګيدلى دى.
څو ورځې مخکې هم  په غور کې د يوې خصوصي راډيو ودانۍ ته د ناپيژاندو
کسانو له خوا  اور  اچول شوى و.         پاى \  ذکرالله \

Page 3 of 1268