12 July 2020

RSS Facebook

سوداگریز


تازه خبرونه

په نيمروز کې زر بېوزله  کورنیو ته  د چرګانو واړه کورني فارمونه جوړیږي

په نيمروز کې زر بېوزله کورنیو ته د چرګانو واړه کورني فارمونه جوړیږي

کايل/ د چنګاښ ۲۱مه/ باختر د کرنې، اوبولګولو او مالدارۍ وزارت...

د ارواښاد محمد یوسف غضنفر یادغونډه او د دعا مراسم په ارګ کې ترسره شول

د ارواښاد محمد یوسف غضنفر یادغونډه او د دعا مراسم په ارګ کې ترسره شول

کابل/ د چنګاښ ۲۱ مه/ باختر د اقتصادي او سوداګرۍ پراختیا...

د ښوونې او روزنې په نصاب کې به ملي او اسلامي ارزښتونه خوندي وي

د ښوونې او روزنې په نصاب کې به ملي او اسلامي ارزښتونه خوندي وي

کابل/ د چنګاښ ۲۱مه/ باختر د پوهنې وزارت سر پرستې رنګینې...

Youtube Player

khantry design

سوداگریز

سوداگریز

اجتماعی

کايل/ د چنکاښ ۱۸ مه/ باختر
د قندهار په دامان ولسوالۍ کې د کب روزنې یو ستر فارم، دې ولسوالۍ ته  د کرنې وزارت د اوبولګولو او طبعیي سرچینو مرستیال حشمت الله غفوري او ورسره پلاوې د سفر پر مهال ګټې اخیستنې ته وسپارل شو.
د کرنې او مالداری وزارت د معلوماتو له مخې؛ دغه ستر فارم د کرنې وزارت د بڼوالۍ او مالدارۍ ملي پروژې له خوا د دامان ولسوالۍ په انارباغ کې جوړ شوی دی.
دغه فارم په ۴۲ جریبه ځمکه کې د ۶.۳ میلیونه افغانیو په لګښت جوړشوی دی.
یاد فارم په هېواد کې د کب روزنې تر ټولو لوی فارم دی، چې د کبانو د دوه میلیونه بچیو د پالنې وړتیا لري.
قندهار  له هغو ولایتونو څخه دی، چې د کب روزنې ډېر فارمونه لري.
په قندهار  کې د کبانو د غوښې د تولید کلنۍ وړتیا، څه باندې شپږ زره ټنه ده.
باید وویل شي، چې په قندهار کې د کبانو د بچیو د پالني په برخه کې د فارمونو په جوړولو کې پانګونې په پراخېدو دي.

 

کابل/ د چنګاښ ۱۸مه/ باختر

په غزني کې د ښځو د واحد غږ ولایتي مشورتي ډلې د غړو ټاکلو په موخه لومړنۍ ناسته وشوه چې په کې د دغه ولایت والي وحیدالله کلیمزي، د ولایتي شورا رئیس نصیر احمد فقیري، د سولې په پالیسي جوړونه کې د ښځو د واحد غږ مشورتي ډلې د مشرتابه غړې نویدې بیات، د ښځو چارو رئیسې شکریې ولي او په دغه ولایت کې د ښځو ګڼو فعالانو ګډون کړی و.
د سولې په چارو کې د دولت وزارت د معلوماتو له مخې؛ د ښځو د واحد غږ مشورتي ډلې د مشرتابه غړې نویدې بیات دغې ناستې ته وویل چې د ښځو د واحد غږ ولایتي مشورتي ډلو په جوړولو سره د هر ولایت د شرایطو مطابق د ولایتونو د ښځو طرحې، وړاندیزونه او نظرونه راټولیږي او د سولې په چارو کې د دولت له وزارت سره شریک کیږي.
دې زیاته کړه چې حکومت به د دغو ډلو د فعالیتونو پایلو ته په پام سره د سولې په مذاکراتو کې د ښځو د حقونو خوندي کولو په برخه کې اړینې کړنلارې په پام کې ونیسي.
د غزني والي وحیدالله کلیمزي د ښځو د واحد غږ ولایتي مشورتي ډلې د جوړېدو هرکلی وکړ او ژمنه یې وکړه چې سیمه‌ییز حکومت به د دغې ډلې د فعالیت لپاره د آسانتیاوو په برابرولو کې هر اړخیزه همکاري وکړي.
د غزني والي د دغې ډلې د غړو په انتخاب کې پر نه لاسوهنې په ټینګار سره وویل چې د ناستې ګډونوال دې د خپلې اړتیا له مخې د غړو په ټاکلو تصمیم ونیسي.
په دغه ناسته کې د ښځو حقونو ۳۰ تنه فعالانې چې د ولسوالیو استازې، د ښځو حقونو د ملاتړو بنسټونو غړې، د ولایتي شورا او بېلابېلو سکتورونو غړې پکې وې وټاکل شوې. دغو غړو په سولې بهیر کې د غزني ولایت د ښځو د بسیج او ونډې اخیستلو پر مېکانېزم کار پيل کړ.
د سولې په پالیسي جوړونه کې د ښځو د واحد غږ مشورتي ډله له وړاندې د سولې په چارو کې د دولت وزارت له خوا په کابل ښار کې جوړه شوې ده او تر اوسه یې له اړوندو دولتي چارواکو سره د سولې بهیر په اړه ګڼې مشورتي ناستې کړې دي.

 

کابل/ د چنکاښ ۱۸مه / باختر

د شهیدانو او معلولینو په چارو کې د دولت وزارت، نن د جمهوری ریاست د عامه او ستراتېژیکو اړیکو ادارې، د حکومت د اطلاعاتو او رسنیو په مرکز کې د معلولیت برخې اړوند، له ۹ دولتي ادارو سره د دوه اړخیزه همکارۍ تفاهم لیکونه، لاسلیک کړل. د ځمکو او ښارجوړولو وزارت، د تخینکي او مسلکي زده کړو اداره، د بدني روزنې لوی ریاست، د اداري اصلاحاتو کمېسیون، د کلیو بیارغونې او پراختیا وزارت، د کانونو او پترولېم وزارت، ملي راډیو تلویزیون، د سټنډرد اداره او د سوداګرۍ او پانګونې خونه؛ هغه ۹ ادارې وې چې د شهیدانو او معلولینو په چارو کې د دولت له وزارت سره یې د همکارۍ تفاهم لیکونه، لاسلیک کړل. د شهیدانو او معلولینو په چارو کې د دولت وزیر وویل: د دغو هوکړه لیکونو د لاسلیک کېدو له مخې، وزارتونه، خپلواکې ادارې او کمېسیونونه مسوول دي، چې له لاسلیک وروسته په خپله برخه کې معلولیت لرونکو وګړو او د شهیدانو وارثینو د ځان بسیاینې، ټولنیز مشارکت، د ستونزو او ننګونو په نښه کولو، د معلولینو ټولنیز ژوند کې د بدلون، په مختلفو دولتي او غیر دولتي ارګانونو کې د کاري زمینې برابرولو، په سیاسي، ټولنیزو، تعلیمي او علمي برخو کې د معلولیت لرونکو وګړو د ورګډولو، د دولت په اوږدمهالو او لنډ مهالو پلانونو کې د معلولیت سکتور شاملولو او د دغه قشر د پیاوړتیا لپاره بنسټیز خدمتونه تر سره کړي. د ۹ دولتي ادارو او وزارتونو استازیو ژمنه وکړه، چې هر یو به د خپل مسوولیت او فعالیت په ساحه کې د تفاهم لیک له موادو سره سم، له معلولیت لرونکو وګړو سره همکاري کوي. آریوبي زیاته کړه :د دې پروګرام پلي کول او له هغه څخه څارنه، د شهیدانو او معلولینو په چارو کې د دولت وزارت او د جمهوري ریاست د اول معاونیت ګډ کار دی او راپور یې د جمهوري ریاست عالي مقام ته استول کېږي. د شهیدانو او معلولینو په چارو کې د دولت وزارت، له دې وړاندې له ۳۵ بېلابېلو دولتي ادارو سره د همکارۍ ورته، تفاهم لیکونه لاسلیک کړي دي.

کابل / د چنګاښ ۱۸ مه / باختر
د خوړو نړیوال پروګرام په زابل کې له ۵ زره بې وزله کورنیو سره د خوراکي توکو مرسته کوي.
د زابل والي تورن جنرال محمد نبي احمدزي د مرستې د وېش پر مهال د باختر آژانس سیمه ييز خبریال ته وویل چې په دې مرسته کې خوراکي توکي شامل دي چې پر ۵ زره بې وزله کورنیو به ووېشل شي.
پای/وصال

 

Page 3 of 2085