17 December 2017

RSS Facebook

سوداگریز


تازه خبرونه

د دولسو پروژو کار بشپړ شو

کابل \باختردليندۍ دمياشتې٢٦ نيټه : د کليو د بيا...

شپيتو کورنيو ته د څښاک اوبه برابرې شوې

شپيتو کورنيو ته د څښاک اوبه برابرې شوې

کابل \باختردليندۍ دمياشتې٢٦ نيټه : د کليو د بيا...

په ننګرهارکې د اوبو رسولو يوه شبکه جوړيږي

په ننګرهارکې د اوبو رسولو يوه شبکه جوړيږي

کابل \باختردليندۍ دمياشتې٢٦ نيټه : د اوبو رسولو د...

Youtube Player

khantry design

سوداگریز

سوداگریز

اجتماعی

قلات باختر د لیندۍ د مياشتې ۲۵ مه
د زابل ولایت په مزکز قلات کې د اتلسو میليونو افغانيو په لګښت د یوه ښوونځي ودانۍ جوړه او ګټې اخیستنې ته وسپارل شوه.
دغه ودانۍ د پوهنې وزارت د انکشافي بوديجې په لګښت د يوه کال په موده کې جوړه شوې چې تېره ورځ ګټې اخیستنې ته وسپارل شوه.
د زابل د پوهنې رېیس رحيم الله لودين د باختر اژانس سيمه ييز خبريال ته وویل چې دغه ښوونځی شاوخوا دوه زره زده کوونکي لري،خو د زده کړو لپاره يې ودانۍ نه درلوده.
هغه وايي چې مخکې له دې د دغه ښوونځي زده کوونکو په کرايې کورنو کې زده کړې ترسره کولې،چې له امله يې له ګڼو ستونزو سره مخامخ وو.
لودين زیاتوي چې هڅې يې پيل کړي،څو په تدريجي ډول سره ټولو هغو ښوونځيو ته ودانۍ جوړې ګړي چې دا مهال تر شين اسمان لاندې او يا هم په کرايي کورونو کې زده کړې کوي.
په ورته وخت کې د زابل والي خيال محمد حسیني وايي چې، په دغه ولایت کې د بيا رغونې په برخه کې زیات کار ته اړتياشته.
د ولایتي شورا رېیس عطاء جان حق بيان وايي چې په تېرو کلونو کې ددغه ولایت په ټولو برخو او په ځانګړي ډول د پوهنې په برخه کې هېڅ پاملرنه< نه ده شوې.
حق بيان زياتوي چې د ښوونځيو او نورو ښوونيزو ادارو لپاره د ودانيو جوړول د زده کوونکو د زده کړې په بهير کې دمثبت بدلون لامل کېدای شي.پای/وصال

کابل باخترد ليندي پنځه ويشتمه :
په ننګرهار ولايت کې له سلګونو اړو کورنيو سره  دخوراکي توکو مرسته وشوه
دننګرهار ولايت دمهاجرينو دراستنولو دچارو رييس  غلام حيدر  فقيرزي باختراژانس ته وويل  چې په دې پړاو کې په درې سوه  اويا اړو او بې وزلو کورنيو  دمرستندويو  بنسټونو له خوا  اوړه ، غوړي ، دالنخود ، مالګه او ژمني  جامې وويشلې شوې .
ويل کيږي چې  په ننګرهار ولايت کې  له اړو کورنيو سره دمرستې بهير  دوام لري .  ختم_ ف_ اکرم

زرنج  \باختردليندۍ دمياشتې٢٥  نيټه  :
دنيمروز ولايت په زرنج ښارکې داوبورسولو دوه کانالونه ګټې اخيستنې ته وسپارل شول.
دباخترآژانس دخبرله مخې ؛  دغه کانالونه په زرنج ښار پورې اړوند دسيادک او حاجي ګلزار په کليو کې دنيمروز دوالي انجينرمحمدسميع ، دجمهوري رياست دسلاکار عبدالکريم براهوي  او ددغو کليو ديوشمير مشرانو په شتون  ګټې اخيستنې ته وسپارل شول.
دنيمروز والي له دغو کانالونو څخه ګټه اخيستنه دکرنې دپراختيا  لپاره ګټوره وبلله او په دغه ولايت  کې يې داوبولګولو دتاسيساتو او کانالونو جوړول يو ښه پروګرام وباله.
دغه دوه کانالونه دکرنې او اوبولګولو وزارت له بودجې څخه دڅه ناڅه  ١٧ ميليونو افغانيو  په  لګښت  جوړيږي  چې د سيادک  کانال  ١٧٤٤  متره او دحاجي ګلزار کانال ٧٤٠ متره اوږدوالي  لري .
پاى \ ع \ ذ

 

کابل \باختر دليندۍ دمياشتې ٢٤ نيټه  :
دبشردحقوقو اوله اداري فسادسره دمبارزې ترعنوان لاندې غونډه په فيض آباد  ښارکې  جوړه شوه.
دباخترآژانس دخبرله مخې ؛ په دې غونډه کې  چې دبشردحقوقو  دنړيوالې ورځې په مناسبت  ددغه ولايت په مرکز کې جوړه شوې وه  په بدخشان ولايت کې دبشر دحقوقو  دخپلواک  کميسيون  دولايتي دفتر مسئوولې عارفې نويد وويل چې له دولتي مقامونو څخه په استفادې سره امنيتي پوستې په دښمن پلورل کيږي .
ناپوه اوبې ظرفيته کسان په کار ګومارل کيږي او نور داسې موارد ترسره کيږي چې دبشر د حقوقو  موازين ترپښولاندي کوي.
دې زياته کړه چې دبدخشان ولايت په ټولو سيمو کې  روغتيايي خدمتونه يو شان  نه وړاندې کيږي  چې دا په خپله فساد دى  او دبشرحقوق تر پښولاندې کوي او زيات  قاتلان  او دبشر دحقوقو  نقضوونکي دقانون منګولو ته نه سپارل کيږي او دهغوى پرځاى  بيګناه  خلک بندي کيږي.
دبدخشان د ولايتي شورا رئيس ډاکتر عبدالبشيرصميم په دې  غونډه کې وويل چې له بده مرغه  فساد په دولتي او خصوصي ادارو کې اوس هم شته  او افراد  او اشخاص دلياقت  له مخې نه ګورمال کيږي  اوس هم داسې کسان د ادارو مشري کوي چې له خپل مقام څخه ناوړه استفاده کوي.
دمدني ټولني فعال سميع الله سيحون  وويل چې په مرکز کې د واک او قدرت تمرکز د دې سبب شوى دى چې په هېواد کې د نا امنيو ترڅنګ اداري فساد پراختيا ومومي اوټولې پرمختيايي پروژې په وزارتونو کې بشپړيږي چې دا په خپله يو ډول فساد دى.
په دې غونډه کې برخه  والو له  اداري فساد سره  د مبارزې په  لاره کې  خپله همکاري څرګنده کړه .
پاى \ج\ ذ

Page 4 of 1231