25 February 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

اجتماعی

کابل/ د سلواغې٢٩مه/ باختر
په جوزجان کې د نفتو او ګازو د سروې آمریت د برطرف شويو کارکوونکو مظاهرې نن یوولسو ورځو ته ورسېدې .
د باختر آژانس د سیمه ییز خبریال د خبر له مخې، د دغو کارکوونکو شمېر چې ۵۱۲ تنو ته رسېږي، د جوزجان د تېلو او ګازو د سروې له آمریت څخه د لرې کولو له امله يې ١١ ورځې مخکې پر مظاهرو پيل کړى دى.
مظاهره کوونکي غواړي چې بېرته په خپلو دندو کې شامل شي.
دغو منسوبانو له روغتونونو او بانکونو پرته  په واټونو کې د تحصن خېمو په درولو سره د دوکانونودروازې وتړلې .
د شمال د هایدرو کاربن رییس انجنیر محمد رحیمي د دغو کارکوونکو د لرې کولو  علت د دغې ادارې دغیر فعال کېدو او تخنیکي ستونزې يادې کړې دي.
هغه زیاته کړه: مسوولينو هڅې پيل کړي چې ستونزې حل کړي.
  پای/شکریه

 

کابل/ د سلواغې٢٩مه/ باختر
يو پلاوى د جام څلي د شاوخوا د پاکولو د څېړنې په موخه غور ته سفر کوي.
دغه تصميم په هغې غونډه کې ونيول شو چې نن د اطلاعاتو او فرهنګ وزارت د فرهنګ او هنر د معين پوهاند محمد رسول باوري په مشرۍ جوړه شوه.
د هريرود سيند د غاړو د پاکولو کار چې د جام څلي ته څېرمه موقعيت لري؛ له دوو ورځو راپدېخوا پيل شوى دى، ترڅو د اوبو د څپانده کېدو په موسم کې دغه تاريخي څلى له احتمالي زيانونو څخه خوندي شي.
د باختر آژانس خبريال د خبرله مخې؛ په دې غونډه کې د اړوندو ادارو استازو په دې اړوند خپلې نظريې وړاندې کړې او پرېکړه وشوه چې پلاوى په دوو ډلو کې اړوندې چارې وڅېړي.
دغه راز په غونډه کې ټينګار وشو چې تخنيکي پلاوى دې د پروژې د اساسي کار د پيل په اړه خپل رپوټ وړاندې کړي چې له مخې يې اجراات وشي.
په پلاوي کې د انرژۍ او اوبو، د کليو د بيارغاونې او پرمختيا، د اطلاعاتو او فرهنګ او د ښار او ځمکه والۍ د وزارتونو، د جمهوري رياست د چارو د ادارې، د سيمه ييزو ارګانونو او د ملي امنيت شورا استازي شامل دي چې غور ته د هغوى د سفر زمينه د ملي دفاع  او د کورنيو چارو وزارتونو په همکارۍ او تفاهم برابرېږي.
ختم- ج - اکرم

 

کابل/ د سلواغې٢٩مه/ باختر
د سرپل ولايت سيمه ييزو مسوولينو په دغه ولايت کې د نيالګيو د ايښودلو پروګرام د پيل خبر ورکړ.
د سرپل د کرنې او اوبو لګولو رييس باختر آژانس ته وويل چې ټاکل شوې ده سږ کال د دغه ولايت په کچه ١٠ زره ميوه لرونکي او ډولي نيالګي کېښودل شي.
د سرپل د والي مرستيال عبدالمالک عظيمي د نيالګيو د ايښودلو، د سمسورتيا او د ژوندانه د پاک او سالم چاپېريال د جوړولو د ارزښت په اړوند خبرې وکړې او له خلګو څخه يې وغوښتل چې د نيالګيو د خړوبولو او ساتنې په برخه کې له اړوندو مسوولينو سره همکاري وکړي.
ختم- ج - اکرم

کابل/ د سلواغې٢٩مه/ باختر
په کاپیسا کې ٢٩٠ بی ځایه شویو کورنیو ژمنۍ جامې ترلاسه کړې.
د کاپیسا د مهاجرینو د راستنیولو چارو آمر محمد قسیم ملکزاده د باختر آژانس خبریال ته وویل چې د یوني کلو" موسسې د کاپیسا د نا امنو ولسوالیو پر ٢٩٠ بی ځایه شویو کورنیو د دغه ولایت په مرکزکې ١٤ قلمه ژمنۍ جامې ووېشلې.
پاى/ سعیده

Page 7 of 1995