20 October 2017

RSS Facebook

سوداگریز


تازه خبرونه

د جمهوررئیس غني په حضور کې یو ټوک تاریخي کتاب ملي موزیم ته تسلیم شو

د جمهوررئیس غني په حضور کې یو ټوک تاریخي کتاب ملي موزیم ته تسلیم شو

کابل باختر د تلې اووه ويشتمه یو ټوک هغه تاریخي کتاب...

دانسانانو لپاره  د ډيرو زهري خزنده  وژونکو  خطر .

دانسانانو لپاره د ډيرو زهري خزنده وژونکو خطر .

-نوي ډيلي باختر د تلې اووه ويشتمه : دهند دژوندانه دچاپيريال...

١٠٢ تنه ډار اچوونکي ووژل شول او ٤٤ تنه نور ټپيان شول .

١٠٢ تنه ډار اچوونکي ووژل شول او ٤٤ تنه نور ټپيان شول .

-کابل باختر د تلې اووه ويشتمه : دهېواد په يوشمير ...

Youtube Player

khantry design

سوداگریز

سوداگریز

اجتماعی

ترینکوټ باختر د تلې د میاشتې ۱۸ مه
په ترینکوټ ښار کې د حرفوي زده کړو ښځينو کارکوونکو په هغه کورس کې لومړنۍ لاسي غالۍ واوبدله چې درې میاشتې وړاندې يې د کار او ټولنیزو چارو ریاست له لوري د ۴۰ میرمنو په ګډون ۱۰۰ تنو لپاره زمينه برابره شوی وه.
د کار او ټولنیزو چارو ریاست امر صفت الله د باختر اژانس سيمه ېیز خبريال ته وویل چې ، دغه کورس درې میاشتې وړاندې پیل شوی او پکې ۱۰۰ تنو ته چي ۴۰ يی میرمنې دي، د غالیو اوبدلو په ګډون بېلا بېلې حرفوي زده کړې ورکول کېږي.
صفت الله زیاتوي چې مرکزي ادارې ته يې د غالیو پلورلو لپاره د ځانګړي مارکیټ د جوړولو وړاندیز هم کړی او هغوی هم ورسره د یو ځانګړي میکانیزم د جوړیدو ژمنه کړې ده.
د هغه په وینا چې د حرفوي زده کړو د کورس له بشپړېدو وروسته به دغو ښځينه غالۍ اوبدونکو ته د غالۍ اوبدنې اړین سامان هم ورکول شي.
د صفت د څرګندونو له مخې د له دغه کار څخه یې موخه په روزګان کې د غاليو اوبدلو دود عامول دي.
بل خوا خاطره، چې په دغه کورس کې د غالې اوبدنې ښوونکې ده،له دولت څخه غواړي څو د غالي اوبدلو لپاره ورته  د بازار موندنې په برخه کې زمينه برابره کړي.
پای/وصال

نيمروز \ باختر دتلې دمياشتې ١٨ :
د نيمروز ولايت د کنګ ولسوالۍ د اداري ودانۍ د جوړولو کار پرون پيل شو.
د باختر آژانس د سيمه ييز خبريال د خبرله مخې:
د دغې ودانۍ د جوړولو کار د نيمروز د والي انجنير محمد سميع او د دولتي او پوځي ادارو د رييسانو له خوا پيل شو.
خبرځاى زياته کړه: دغه ودانۍ د ښار او کور جوړولو وزارت له بودجې څخه د څلرويشتو ميليونو افغانيو په لګښت په پاخه او اساسي ډول جوړيږي چې د دغې ودانۍ په جوړيدو سره به ددغې ولسوالۍ د اداري کارکوونکو ستونزې لرې شي.               
پاى \ سعيده \ ذ

 

خوست باختر د تلې د میاشتې ۱۸ مه
د خوست ولایت په پنځو ولسواليو کې ۳۸ ښوونځيو ته لمرېزه برېښنا ورکول کېږي.
د خوست والي پوهندوی حکم خان حبیبي د باختر اژانس سيمه ېیز خبریال ته وویل چې پر دغه پروژه (٩،٥) ميليونه افغانۍ لګښت راځي او دغه لګښت د پوهنې وزارت په چوکاټ کې (GPE) پروګرام له لوري ورکول کېږي چې چارې به يې په څلويښتو ورځو کې بشپړې او ګټې اخیستنې ته به وسپارل شي.
د حبیبي په وينا د دغې برېښنا په مټ به په  ښوونځيو کې د زده کوونکو لپاره د کمپيوټر ليب او نورو تکنالوژيکي وسايلو د کارولو اسانتياوې برابرې شي.
د يادونې وړ ده چې دغه پروژ د خوست ولایت په ګربزو ولسوالۍ کې پيل شوې او په نږدې راتلونکي کې به پاتې نورو څلورو ولسوالیو ته هم وغځول شي.
پای/وصال

کابل \ باختر دتلې دمياشتې ١٨ :
د کرنې اوبو لګولو وزارت په یوه وخت د هېواد په ۳۴ ولایتونوکې د ۱۰ زره  متریک ټنه اصلاح شويو کرنیزو تخمونو د وېش لړۍ پیل کړه او په پام کې ده چې دغه کرنیز غنم  په ټول هیواد کې ۲۰۰ زره اړو کروندګرو ته ورکړل شي.
د دغه غنمو د ويشلو په ترڅ کې به ۴۰۰ زره جریبه کرنیزه ځمکه د کښت تر پوښښ لاندې راشي او مالي لګښت یې ۶ میلیونو ډالرو ته رسیږي چې د کرنې اوبو لګولو وزارت له خوا ورکول کیږي.
د یادونې وړ ده چې د غنمو هره یوه بوجۍ کروندګرو ته  د ۷۲۶ افغانیو په بدل کې برابره شوې ده.
د کرنې اوبو لګولو وزارت سرپرست او نوماند وزیر نصیر احمد "دراني" د دغو اصلاح شویو کرنیزو غنمو د وېش په  لړ کې وویل:"  تمه کیږي چې د راتلونکي کال په بهيرکې په هغو سیموکې چې اصلاح شوي کرنیز تخمونه  کرل شوی دي؛ د  غنمو د  حاصلاتو کچه په سلوکې له ۲۵ څخه تر ۳۰ پورې زیاته شي.  
د کرنې اوبو لګولو وزارت د روان کال د پروګرام په اساس به یاد اصلاح شوي کرنیز تخمونه د هېواد د ۳۴ ولایتونو په ۳۷۱ ولسوالیو کې ووېشل شي او له دغو غنموڅخه به هر ولایت ته  د شته کرنیزې ځمکې او کروندګرو ته د ټاکل شوې برخې په  ترڅ کې ورکړل شي.
روان کال چې کوم اصلاح شوی غنم ویشل کیږي، د دولت لخوا د  ۶۰ سلنې بلا عوض (سب سایدی) او د  کروندګرو د ۴۰ سلنې برخې په اخیستو سره  برابر شوي دي".
په کابل کې د ویشل شویو اصلاح شویو کرنیزو غنمو د ویش  اندازه ۲۰۰ متریک ټنه ده او ددې ولایت د ۱۴ ولسوالیو په ۴زره کروندګرو به وویشل شي. 
هغه کروندګر چې د روان کال په لړ  کې د غنمو  اصلاح شوی کرنیز تخم  تر لاسه کوي، تر راتلونکو ۵ کلونو پورې به بیا ددې اړتیا  نه لري، چې د دوهم ځل لپاره دې غنم ورکړل شي او دوی کولای شي چې هر کال له دغو غنمو څخه د لاسته راغلو حاصلاتو په صورت کې د کښت لپاره یوه اندازه غنم وساتي. #
پاى_ج

Page 7 of 1180