25 February 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

اجتماعی

کابل/ د سلواغې ٢٩مه/ باختر
په لوګر کې یو شمېر دیني عالمانو او د جوماتونو ملا امامانو په یوې غونډه کې په هېواد کې د روانې جګړې د پای ته رسېدو او اوربند غوښتنه وکړه.
د باختر آژانس د سیمه ييز خبریال د خبر له مخې؛ په دې غونډه کې د لوګر د حج اوقافو رییس عبدالواسع صافي وویل چې په هېواد کې روان ناوړه وضعیت هېڅ افغان ته د منلو نه دی او د جګړې ښکېلو اړخونو ته په کار ده چې نور د سولې او اوربند لاره غوره کړي.
په همدې حال کې مولوي محمد نبي له وسله والو غوښتنه وکړه چې افغان وژنه بس کړي، سوله او اوربند وکړي.
دا په داسې حال کې ده چې ښايي ډېر ژر د امریکا د متحدو ایالاتو او وسله‌ والو طالبانو ترمنځ د افغانستان سولې په اړه هوکړه ‌لیک لاسلیک شي.
پای/وصال

 

کابل / دسلواغې  ٢٩مه /باختر :
دکليوبيارغاونې اوپرمختيا وزارت دخپلو غلو دانو دبانکونو له لارې پرون په بادغيس  کې پر پنځه ديرشو  بې وزلو کورنيو خوراکي توکي  ووېشل .
دکليو بيارغاونې اوپرمختيا وزارت وياندفريدون آژند د باختراژانس خبريال ته وويل چې د يوسلو شپږ دېرشو زرو افغانيو په ټول ارزښت دغه مرستې چې وريجې او غوړي  پکې دي د بادغيس  د مقر ولسوالۍ  دهوتک ، سيد عظيم  او پايين کمري دکليو پر بې وزلو او مستحقو کورنيو وېشل شوې دي .
  ختم_ عطاالله _ اکرم

کابل / دسلواغې  ٢٩مه /باختر :
دکليو بيا رغاونې اوپراختيا وزارت په بادغيس کې ديوولسو لومړنيو ښوونځيو دجوړولوکار پرون بشپړ کړ.
دکليوبيا رغاونې او پرمختيا وزارت وياند فريدون آژند باختراژانس ته وويل چې دغه ښوونځي د ولسي تړون ملي پروګرام په آډانه کې د بادغيس  په قادس ، مقر، جويند او دابکمري  په ولسواليو کې جوړ شوي دي.
آژند زياته  کړه چې  د دغوښوونځيو په جوړيدو سره د دوه زره پنځه سوه نجونو اوهلکانو درسي ستونزې لرې شوې دي .
ختم_ ف _اکرم

 

کابل/ د سلواغې ٢٨مه/ باختر
په ننګرهارکې نن پر سلګونو اړو کورنیو د بشر دوستانه مرستې د وېش بهیر پیل شو.
ټاکل شوې ده په دغه پروګرام کې د ملي او نړیوالو مرستندويو بنسټونو مرستې، په ننګرهارکې د وروستیو طبیعي پېښو پر یو زرو ٢٠٠ زیانمنو شویو کورنیو ووېشل شي.
د ننګرهار د والي مرستیالې حبیبې کاکړ د باختر آژانس خبریال ته وویل چې پر دغو کورنیو د مرستې د وېش تصمیم په وروستیوکې د بیړني حالت د کمېټې غړو او د  کورنیو او نړیوالو مرستندیو بنسټونو استازو په يوه غونډه کې ونيو.
هغه وویل: ټاکل شوې ده په راتلونکو څو اوونیوکې د ننګرهار په ځینو برخوکې د طبیعي پېښو زیانمنو شویو یو زرو ٢٠٠ کورنيو اوړه، غوړي، بوره، چای، لوبیا، جامې او د کور وسايل ترلاسه کړل.
دا په داسې حال کې ده چې په ننګرهارکې زرګونو کورنيو د طبیعي پېښو په تېره بيا د د سېلاوونو د راوتلو له امله زیانمنې شوې.
دغو پېښو زرګونه جریبه کرنیزه ځمکې او سلګونه کورونه ویجاړ کړل.
یو شمېر زیانمنې شوې کورنۍ په پرانیستې فضا او عمومي اماکنو او یا هم د خپلوانو په کورونوکې شپې سبا کوي او سملاسي بشري مرستې ته اړتیا لري.
پاى/ سعیده

 

Page 8 of 1995