23 September 2019

RSS Facebook

سوداگریز


تازه خبرونه

په بغلان کې ٢٥٠ کورنيو مرسته ترلاسه کړه

په بغلان کې ٢٥٠ کورنيو مرسته ترلاسه کړه

پلخمري/ د وږي٣١ مه/ باختر په بغلان کې د وروستيوجګړو له...

چاودنې په پروان کې يوه ښځه ووژله

چاودنې په پروان کې يوه ښځه ووژله

کابل/ د وږي٣١ مه/ باختر د پروان په مرکز ملتان سيمه...

انتخاباتي کمېسيونونو د همکارۍ هوکړه ليک لاسليک کړ

انتخاباتي کمېسيونونو د همکارۍ هوکړه ليک لاسليک کړ

کابل/ د وږي٣١ مه/ باختر د انتخاباتوخپلواک کمېسيون او د انتخاباتي...

Youtube Player

khantry design

سوداگریز

سوداگریز

اجتماعی

کابل/ باختر/ د وږي ١٩مه
په پروان کې د ملي اتل شهيد احمدشاه مسعود د شهادت د اتلسمې کاليزې او د شهيدانو د اوونۍ درناوى وشو.
د باختر آژانس د سيمه ييز خبريال د خبرله مخې: په هغې غونډهکې چې په همدې مناسبت پرون د ملکي او نظامي مسوولينو، په ملي شورا او ولايتي شورا کې د خلکو د وکيلانو، د دولتي ادارو د رييسانو، سياستوالو، جهادي قوماندانانو، عالمانو، مخورو، مشرانو د مدني ټولنې د فعالانو او د ښځو او ځوانانو په ګډون جوړه شوې وه؛ د پروان والي فضل الدين عيار د هېواد د ملي اتل شهيد احمدشاه مسعود د شهادت د اتلسم تلين او د شهيد د اوونۍ له امله ټولو هېوادوالو په تېره بيا مجاهدينو او د ملي اتل کورنۍ ته د ډاډګيرنې مراتب خرګند کړل او ويې ويل: د هېواد ملي اتل احمدشاه مسعود ژمن او ديندار شخصيت و چې خپل عمر يې د ملي نواميسو او د هېواد د ځمکنۍ بشپړتيا دفاع ته وقف کړ او موږ ته لازمه ده چې د شهيدانو د وينې او آرامان دفاع وکړو .
د پروان والي له تېرو وختونو څخه تر اوسه پورې د هېواد په کچه په تېره بيا په پروان کې له ځنځيري او مرموزو وژنو سره اړيکې ونيولې او هغه يې د خلکو پرخلاف يوه سازمان موندلې توطيه وبلله او له امنيتي، عدلي او قضايي بنسټونو څخه يې وغوښتل چې د دغه جنايت د عاملانو په پېژندلو او نيولوکې جدي پاملرنه وکړي.
د پروان والي دغه راز د سولې په بهير او انتخاباتو کې د هېوادوالو د رول په اړوند خبرې وکړې او له خلکو څخه يې وغوښتل چې د خپلو نورو مسووليتونو ترڅنګ د هېواد له امنيتي او دفاعي منسوبينو سره همکاري وکړي.
په ولسي جرګه کې د پروان د خلکو منتخب استازي صديق احمد عثماني، احمد شاه مسعود څو اړخيز شخصيت او نظامي کادر وباله او په هېواد کې د قومونو په تنظيم او پيوستون کې يې د هغه قدرت او استعداد بې سارى وباله.
دغه راز په غونډه کې د پروان د عالمانو شورا رييس مولوي محمد جاوېد حنفي، د ولايتي شورا مرستيال امين الله شکوري، د مدني ټولنې د بنسټونو د بورد رييس ډاکتر  محمد شفيع مشفق او عالمي اعظمي په وار سره د هېواد د ملي اتل شهيد احمدشاه مسعود د شخصيت او مقام او د شهيد د اوونۍ په اړوند خبرې وکړې او د شهيدانو د لارې او د هغو وينې ته د درناوي پر دوام ټينګار وکړ.
د غونډې په پاى کې د پروان والي له نورو مسوولينو سره د هېواد د ملي اتل شهيد احمدشاه مسعود مقبرې ته لاړ او په ځانګړو مراسمو سره يې د هغه پر مزار د ګلو ګيډۍ کيښودې.
ختم- ف - اکرم

هرات /باختر/ د وږي ۱٨مه
دهرات والي عبدالقيوم رحيمي  معلولانو ته  دسوکالۍ دمرکزونو د جوړولو او دخدمتونو دکيفيت دوړاندې کولو اړتيا جدي وبلله .
دهرات والي دفيزيوتراپۍ دنړيوالې ورځې په مناسبت  دمعلولانو په يوه غونډه کې ټينګار وکړ چې دهرات سيمه ييزه اداره  دمعلولانو دستونزو لېرې کولو ته خاصه پاملرنه کوي.
په دې ترڅ کې هغه معلولين چې  دفيزيوتراپستانو دزحمتونو په درناوي دهرات ښار
په مرکزي واټ کې لاريون کړى دى له معلولينوسره دهرات ولايت دمشرتابه دهڅونې او ملاتړ له امله مننه وکړه او دروغتيايي ټيمونواو ډاکترانو په تيره بيا دفيزيوتراپستانو همکاري يې  دقدر وړ وبلله .
په دې  کتنه کې  دهرات والي دفيزيوتراپستانو دستاينې په لاره کې  دمعلولينو دښه احساس له امله قدردانې وکړه.
دوږي اوولسمه دفيزيو تراپستانو نړيواله ورځ ده چې سږ کال دمعلولانو له لوري په متفاوت ډول په هرات کې  ونمانځل شوه .
پاى \ ذ

کابل/باختر/ د وږي١٧مه
د پروان په غوربند دره کې د جګړو له امله پر زيانمنو کورنيو خوراکي توکي ووېشل شول.
د باختر آژانس د خبر له مخې: په غوربند دره کې د جګړو له امله پر څو زيانمنو شويو کورنيو غوړي، نخود، چاى، بوره او وريجې ووېشل شوې.
د پروان د ولايتي شورا غړي عبدالمتين قدوسي د باختر آژانس خبريال ته وويل چې د پروان له طبيعي پېښو سره د مبارزې ادارې دغه مرستې پر هغو کورنيو باندې چې په شينواري او سياه ګرد ولسواليو او غوربند دره کې د جګړو له امله زيانمنې شوې وې، ووېشلې.
د پروان والي فضل الدين عيار له دغو کورنيو سره همدردي څرګنده وکړه او د جګړو او طبيعي پېښو پر زيانمنو شويو کورنيو باندې د زياتو مرستو د وېشولو ډاډ ورکړ.
ختم- شکريه- اکرم

کابل/باختر/ د وږي ۱۷ مه
د هېواد درې رنګه بيرغ له پنځو کلونو وروسته د وردوج ولسوالۍ پر مقر ورپول شو.
د باختر آژانس د خبرله مخې: د بدخشان امنيتي مسوولين وايي: د وردوج ولسوالۍ چې پنځه کاله د وسله والو طالبانو تر کنټرول لاندې وه، دوه ورځې مخکې د امنيتي او دفاعي ځواکونو په ګډو عملياتوکې د پوځيانو لاسته ورغله او د ملکي او پوځي مسوولينو په شتون د هېواد درې رنګه بيرغ د دې ولسوالۍ پر مقر ورپول شو.
د دغوعملياتو په پايله کې چې څو ورځې مخکې له وسله والو طالبانو څخه د وردوج ولسوالۍ د بېرته نيولو په موخه پيل شوي وو، د دغې ولسوالۍ مرکز او څو کلي د وسله والو طالبانو له شتون څخه پاک شول. دغه راز د بدخشان لپاره د وسله والو طالبانو د نومول شوي ولسوال قاري فصيح الدين په ګډون څه د پاسه ١٠٠ کورني او بهرني جګړه ماران او لسګونه سيمه ييز قوماندانان ووژل شول او لسګونه نور وسله وال طالبان ټپيان شول.
د وردوج ولسوالۍ له شاوخوا سيمو څخه د وسله والو طالبانو د شړلو په موخه د افغان پوځيانو عمليات لا هم دوام لري.
پاى \ ذ

 

Page 8 of 1861