12 July 2020

RSS Facebook

سوداگریز


تازه خبرونه

په نيمروز کې زر بېوزله  کورنیو ته  د چرګانو واړه کورني فارمونه جوړیږي

په نيمروز کې زر بېوزله کورنیو ته د چرګانو واړه کورني فارمونه جوړیږي

کايل/ د چنګاښ ۲۱مه/ باختر د کرنې، اوبولګولو او مالدارۍ وزارت...

د ارواښاد محمد یوسف غضنفر یادغونډه او د دعا مراسم په ارګ کې ترسره شول

د ارواښاد محمد یوسف غضنفر یادغونډه او د دعا مراسم په ارګ کې ترسره شول

کابل/ د چنګاښ ۲۱ مه/ باختر د اقتصادي او سوداګرۍ پراختیا...

د ښوونې او روزنې په نصاب کې به ملي او اسلامي ارزښتونه خوندي وي

د ښوونې او روزنې په نصاب کې به ملي او اسلامي ارزښتونه خوندي وي

کابل/ د چنګاښ ۲۱مه/ باختر د پوهنې وزارت سر پرستې رنګینې...

Youtube Player

khantry design

سوداگریز

سوداگریز

اجتماعی

کابل دچنکاښ ٥مه / باختر :
دننګرهار ولايت په مرکز جلال اباد ښار کې نن  دڅو پرمختيايي پروژو دجوړولو کار پيل شول .
په دغو پروژو کې دفرعي واټونو او ويالو پخول او دسيند تر څنګ داستنادي ديوال جوړول شامل دي .
دجلال اباد ښاروال  روح الامين حسن  باختراژانس ته وويل چې دغه پروژې دولسي تړون  دپروګرام له خوا  د ١٢ ميليونو افغانيو په لګښت تطبيقېږي .
ددغو پروژو په جوړولو سره دجلال اباد ښار ددريمې ناحيې درې زره کورنى ګټه اخلي .
ټاکل شوې ده ددغو پروژو دجوړولو کار ترشپږومياشتو پورې بشپړ شي .
ختم _ ج _ اکرم

کابل دچنکاښ ٥مه / باختر :
دښار جوړولو اواراضي وزارت په کابل کې دښاري غير رسمي ساحو دثبت دپروګرام دتطبيق په دوام  دملکيت دوه زره  ٩٥٣ سندونه ، دکابل ښار دشپاړلسمې ناحيې دغير پلاني  ساحو په مستحقو کسانو وويشل .
دباختراژانس دخبرله مخې، دشپاړلسمې ناحيې په غير رسمي ساحوکې داستوګنې  دکورونو سروې اوثبتول  او د ٣٠زره ٧٥٣کورونو ثبتول پاى ته ورسېدل او اوسيدونکو ته دملکيت دسندونو دصادرولو پړاو دغه راز دوام لري .
  دښار جوړولواواراضي وزارت په کابل کې دښاري غير رسمي دساحو دثبتولو دپروګرام  په تطبيقولو سره  ٤٩٩ زره ٥١٤ داستوګنې کورونه دښار په ٢٢ ناحيو کې سروې اوثبت کړي دي . او تراوسه پورې  ١٤ زره ٨٩٤قطعه دملکيت سندونه دکابل  په بېلابېلو ناحيو کې په مستحقو کسانو ويشلې دي .
ختم _ شکريه_ اکرم                         

کابل /  د چنګاښ ٥ مه / باختر
دښارجوړولو او اراضي وزارت په وروستى  يوه مياشت کې په کابل کې څه دپاسه ٦٠٠٠- جريبه  دولتي ځمکه  سروې او ثبت کړې ده .
دباختراژانس دخبرله مخې، دښار جوړولو اواراضي وزارت ددولتي او عامه ځمکې دبانک دپروګرام دتطبيق دپړاو په دوام ، په وروستى  يوه مياشت کې دکابل په مربوطاتو کې ٦٣٢٠جريبه ځمکه او دولتي املاک سروې اوثبت کړې ده .
ددغه پړاو په پرمختګ کې دځمکې ټول شمېراو ثبت شوي دولتي املاک دکابل په مرکزاو بېلابېلوولسواليو کې ٢٧٣زره او ٢٩٣جريبه ، ٢٦٦ قطعې ته رسېږي .  دښار جوړولواواراضي  وزارت  تراوسه پورې دهېواد په  ٢٨ ولايتونوکې  پنځه ميليونه٨٩٩ زره او ٣٧٩جريبه  ځمکه  او دولتي املاک په شپږ زره ٣٦١ قطعه کې  سروې ، نقشه يې اخستې او ثبت کړې ده .
  ختم _شکريه_ اکرم

 

کابل /  د چنګاښ ۴ مه / باختر
د مالیې وزارت د نوماند او سرپرست وزیر عبدالهادي ارغندیوال په حضور کې، پرون د کابل ښار د ۱۲ مې او ۲۲ مې ناحیې د اوبو رسولو پروژې د لومړي فاز هوکړه لیک د افغانستان د ښاري کانالیزاسیون او اوبو رسونې د عمومي شرکت ريیس انجنیر حمیدالله یلاني او د ولید یوسفزي خصوصي شرکت ريیس نصرت الله یوسفزي په مالیې وزارت کې لاسلیک کړ.
د ماليې وزارت د ويندوى دفتر د معلوماتو له مخې؛ د کابل د اوبو رسونې پروژې د لومړي فاز ارزښت چې ۸ میلیونه امریکایي ډالره دی، ټاکل شوې ده د یوه کال په موده کې د خصوصي سکټور له لارې پلي شي او له پلي کېدو وروسته به په یادو ناحیو کې د ښاروالۍ ښارګوټي او د ملي امنیت pps ښارګوټي لومړی، دویم، درېیم او څلورم بلاکونه د اوبو رسونې تر پوښښ لاندي راشي.
د مالیې وزارت نوماند او سرپرست وزیر عبدالهادي ارغندیوال، د دغه هوکړه لیک د لاسلیک په مراسمو کې وویل چې د ۱۲ او ۲۲ ناحیې د اوبو رسولو پروژه یوه حیاتي پروژه ده او د څښلو پاکو اوبو ته د لاسرسي په برخه کې به د کابل ښاریانو اړتیاوې پوره کړي.
د مالیې وزارت سرپرست پاکو او سالمو اوبو ته د کابل ښار د اوسېدونکو لاسرسي په موخه د دغې پروژې پلي کول یو ستر ګام وباله او د پروژې له پلي کولو یې خپل ملاتړ اعلام کړ.
هغه اړوندو مسوولینو ته سپارښتنه وکړه چې د دغې حیاتي پروژې په پلي کولو کې دې جدي همکاري وکړي.
د افغانستان ښاري کانالیزاسیون او د اوبو رسونې عمومي شرکت ريیس انجنیر حمیدالله یلاني د حکومت او مالیې وزارت له مشرتابه څخه د مننې ترڅنګ، د اوبو رسولو پروژو د پلي کولو په اړه وویل: موږ د ۱۳۹۶ کال اقتصاد عالي شورای په ناسته کې د ۱۲ او ۲۲ ناحیې د اوبو رسولو پروژه وړاندې کړه او په ۱۳۹۸ کال کې د هغوی د تائید او منظورۍ وړ وګرځېده. له نېکمرغه موږ نن د یادو ناحیو د اوبو رسولو لومړي فاز هوکړه لیک د لاسلیک شاهدان یوو.
د ولید یوسفزي خصوصي شرکت ريیس نصرت الله یوسفزي، د افغانستان حکومت له مشرتابه څخه د مننې ترڅنګ وویل: موږ ژمن یوو چې دغه پروژه په رڼه او ښه توګه پلي کړو او هېوادوالو ته د سالمو اوبو رسولو په برخه کې خپله دنده ترسره کړو.
د یادونې وړده، چې د ۱۲ او ۲۲ ناحیې د اوبو رسولو پروژې ټولیز ارزښت چې څو فازونه لري؛ ۵۴.۴۸ میلیونه امریکایي ډالر دی چې د عامه او خصوصي مشارکت له لوري پلي کېږي او له پلي کېدو سره به یې د ۴۵ کلونو لپاره د کابل ښار ۵۳۵۰۰۰ تنه اوسېدونکو ته د پاکو او سالمو اوبو رسولو زمینه برابره شي او د قرارداد له اخیستلو وروسته به یاده پروژه د دریو او یا څلورو کلونو په موده کې پلي او ګټې اخیستنې ته وسپارل شي.
پاى / ذ

 

Page 9 of 2085