25 February 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

اجتماعی

کابل/ د سلواغې ۲۷ مه/ باختر
په سمنګانو کې د اوبو رسولو  د درېيو شبکو  کار بشپړ شو او ګټې اخيستنې ته وسپارل شوې.
د باختر آژانس د سيمه ييز خبريال دخبرله مخې؛ د سمنګانو په بر دره صوف ولسوالۍ کې د اوبو رسولو د دغو شبکو د جوړولو کار د کليو د بيا رغاونې او پرمختيا وزارت له بودجې څخه د څه دپاسه ٢٠ مليونو افغانيو په لګښت بشپړ شو او ګټې اخيستنې ته وسپارل شوې.
د بر دره صوف ولسوال احمد علي حسني باختر آژانس ته وويل چې د دغو شبکو د کار په بشپړېدو سره د يو زرو ٥٠٠ کورنيو د اوبو د کمښت ستونزه لرې شوه.
د بر دره صوف ولسوالۍ اوسېدونکي د دغو شبکو د جوړېدو په خاطر د خوښي په څرګندولو سره وويل چې پخوا دوى د سيند له اوبو څخه استفاده کوله او د هغوى ماشومان په ډول ډول ناروغيو اخته کېدل.
ختم- ج - اکرم

 

-کابل / دسلواغې  ٢٥مه / باختر :
دسالنګ لويه لاره  دترافيکو پرمخ پرانستل شوه .
دغه لاره چې پايتخت  دهېواد له شمال ختيځو اوشمال ولايتونو سره نښلوي .
ديوې شپې او ورځې  لپاره له توپان سره يوځاى دواورې دسختو اورښتونو اوهم دواورې ښوييدنې  په دليل دترافيکو پرمخ تړل شوې وه .
  همدا اوس په سالنګ کې  اسمان شين  دى اوله دغې لارې څخه دمسافر وړونکو اوباروړونکو موترو تګ راتګ پيل شوى دى .
دسالنګونودساتنې او څارنې رياست يوه مسوول باختراژانس ته وويل :چې دهغوى خدماتي کارکوونکو له عمومي واټ څخه دواورې ديوې برخې په لرې کولو سره وکولاى شول دغه لويه لاره دترافيکو پرمخ پرانيزي.
هغه وويل :مسافر وړونکى اوباروړونکي موټرونه کولاى شي په سالنګونو کې تګ راتګ وکړي خو تيلري موترونه تراوسه پورې په دې لاره کې دتګ راتګ اجازه نه لري .
دسالنګونودساتنې اوڅارنې رياست مسوولان له موټر لرونکو اوموټر چلوونکو څخه غواړي  چې په دې لويه لاره کې  دتګ راتګ په وخت کې په ژمنيو  وسايلو  په تېره بيا په ځنځير دخپلو موټرونودسمبالولو  ترڅنګ ترافيکي قوانين رعايت کړي .
دهوا پوهنې اداروداټکل له مخې ،ترراتلونکو څلورويشتوساعتونو پورې به سالنګونو دواورې داوريدو او دتندباد دچليدو ډګر نه دي .
ختم_ عطاالله_اکرم

کابل / دسلواغې  ٢٥مه / باختر :
د سلواغې د (۲۶) نېټې په مناسبت د افغانستان دعالمانودسراسري شورا پیغام
د ۱۳۵۸ کال د مرغومي د میاشتې په شپږمه نېټه د وخت د شوروي اتحاد سرو وحشي لښکرو له زغره والو ټانکونو او جیټ الوتکو سره یو ځای په مسلمان، خپلواک او ناپییلې افغانستان باندې ددې لپاره بربنډ او شرموونکي تېری وکړ، چې دغه خاوره د خپل قلمرو یوه برخه وګرځوي خو کله چې د افغانستان مسلمان او پر آزادۍ مین ملت سراسري پاڅون وکړ  او د هجرت او جهاد لاره یې غوره کړه ، نو شوروي وحشي لښکرو ددې ملت په بمبارولو او عامه  وژنو اقدام وکړ، په زرګونو بې ګناه مسلمانان یې په ډله یېزه توګه په کندو کې وغورځول او په بولدوزرونو سره یې خاورې ورباندې واړولې.
په افغانستان کې داسې کلى او سېمه پاتې نه شوه چې د شورویانو زغره والو ټانکونو او جیټ الوتکو ورباندې حمله او یرغل نه وي کړی خو څنګه چې د افغانستان مسلمان اواتل ملت مرګ ته د غلامۍ تر ژوند ترجیح ورکوله او ورکوي یې، نو دغو وحشیانه او عامه وژنو د دوي د ایمان او سرښندنې په ولولو کې هېڅ ډول سستي را نه وسته او له یو نیم ملیون څخه زیات شهیدان او په لکونو معیوب او یتیمان شول، کلي او کورونه یې په کنډوالو بدل شول، ټول اقتصادي تأسیسات یې له منځه لاړل، خو بیا یې هم خپل سپېڅلي جهاد ته تر هغې دوام ورکړ، چې د شوروي اتحاد د هغه وخت مشر ګورباچوپ افغانستان د ځان لپاره یو ناسورټپ وباله او شوروی سرو لښکرو ماتې وخوړه اود ۱۳۶۷ کال د سلواغې د میاشتې په (٢٦) نېټه یې په ټیټو سترګو له افغانستانه د تیښتې لاره غوره کړه او دهغوی وروستى پوځ جنرال بوریس ګروموف د دوی په اصطلاح د دوستي پر پله خپله تاریخي ناکامي په سرحد ور واړوله.
اوس شوروي اتحاد ورک شو، افغانستان ژوندی دی او د افغانستان په قالب کې د اسلام ژوند بښونکی روح   چلیږي، ښکېلاکګرو که د تاریخ په اوږدو کې په دې اسلامي او ازاده خاوره هر څومره یرغلونه وکړل، خو په پای کې یرغلګر نیست او نابود شول او افغانستان  د یو اسلامي او ازاد هېواد په توګه سرلوړی پاتې شو او څو چې دا دنیا ودانه وي، افغانستان به ژوندی وي.
ختم- عطاالله                      

-کابل / دسلواغې  ٢٥مه / باختر :
په  ننګرهار کې ديوه ساتنيز ديوال په جوړيدو سره دبزګرانوپه سلګونو جريبه کرنيزې ځمکې دسيلاونو  له احتمالي خطر څخه خوندي شوې .
دغه  ديوال  دڅه دپاسه  ١٢٠٠  مترو په اوږدوالي په بټي کوټ  ولسوالۍ کې دسيند
پرغاړه جوړ شو ، هغه ځاىچې کلونه کلونه کيږي  ددغه سيند په څپانده کيدو سره دبزګرانو کروندې ويجاړيږي .
دننګرهار دکليو دبيا رغاونې اوپرمختيا رييس  امان الله مياخيل باختراژانس ته وويل چې ددغه ساتنيز ديوال  په جوړيدو سره دلسګونو بزګرانو شپږ سوه جريبه کرنيزې  ځمکې دسيلاونودراوتلو له خطر څخه خوندي شوې  .
ددغه ساتنيز ديوال په جوړولو دمرستندويو بنسټونو له خوا ١٦مليونه  افغانى لګيدلي دي . ختم_عطاالله_ اکرم

Page 9 of 1995