07 April 2020

RSS Facebook

سوداگریز


تازه خبرونه

په کندزکې د مهماتو یوه زېرمه ضبط شوه

کابل / د وري ۱۹ مه / باختر د کندز د...

په سمنګانو کې د طالبانو بريد په شا وتمبول شو

کابل / د وري ۱۹ مه / باختر د سمنګانو په...

په نورستان کې د طالبانو بريد په شا وتمبول شو

کابل / د وري ۱۹ مه / باختر په نورستان کې...

Youtube Player

khantry design

سوداگریز

سوداگریز

اجتماعی

کابل / د وري ۱۷ مه / باختر
د بغلان د آزادو ژورناليستانو ټولنه، د آغاخان پرمختیايي بنسټ او د دغه ولایت د عامې روغتیا ریاست په همکارۍ د کرونا ويروس د خپرېدو د مخنیوي په موخه په بغلان کې د ملي او سیمه ییزو رسنيو په دفترونو کې عفوني ضد درمل وشنیدل.
د بغلان د آزادو ژورناليستانو د ټولنې رییس محمد ذاکر نوري باختر آژانس ته وویل چې دغه پروګرام له کویډ- ۱۹ ویروس څخه د خبریالانو د خونديتوب په موخه ترسره شو.
هغه د کرونا ویروس پر وړاندې د رسنیو په دفترونو کې د عفوني ضد درملو شیندل د خبریالانو لپاره یو مهم او حیاتي کار وباله او د آغاخان پرمختیایي بنسټ له همکارۍ څخه مننه وکړه.
ختم/ع

 

کابل / د وري ۱۷ مه / باختر
د دایکنډي سیمه يیز مسوولين وایي چې پنځه تنه په سیند کې ډوب شوي دي.
د دایکنډي له طبیعی پېښو سره د مبارزې ريیس اسدالله سروري د باختر آژانس خبریال ته وویل چې یو موټر سایکل له څلورو سپرلیو سره د دغه ولایت د مرکز نیلي ښار په غدار کلي کې له یوه پله څخه د تېریدو په وخت کې په سیند کې وغورځید او سپرلۍ یې ډوبې شوې.
هغه زیاته کړه چې دغه پنځه تنه د یوې کورنۍ غړي وو او د کلي اوسېدونکو چې غوښتل يې هغوی وژغوري؛ هم ډوب شول او تر اوسه لادرکه دي.
سروري زیاته کړه چې د دغه موټر سایکل په سپرلیو کې یو سړی، دوه ښځې او دوه ماشومان شامل دي چې یوه ښځه او یو سړی ژغورل شوي دي او د یوه تن مړی ترلاسه شوی دی او نور يې تراوسه لادرکه دي.
پاى/سعیده

 

کابل / د وري ۱۷ مه / باختر اوس په ټوله نړۍ کې خلک دې پایلې ته رسېدلي دي چې د کرونا ویروس د چټکې خپرېدا د مخنیوي تر ټولو اغېزمنه او ښه لاره په کورونو کې پاتې کېدل دي. که ډېره بېړنۍ اړتیا نه وي، خلک باید له خپلو کورونو و نه وځي. پر بلې وینا خلک باید د قرنطین ټول شرایط رعایت کړي، یانې په کورونو کې پاتي شي. د قرنطین په شرایطو کې د خلکو لپاره د سالمې تفریح او بوختیا اسانتیاوې باید برابرې شي. تجربو ښودلې چې په دغه راز حالاتو کې تر ټولو ډېر خلک ټلویزیون ګوري، کتاب مطالعه کوي، کتاب لیکي او د کور په ورځنیو کارونو کې ونډه اخلي. د دغو ټولو لپاره برېښنا ته اړتیا ده. د باختر آژانس مفسر د قرنطین په حالت کې د برېښنا اړتیا او په دې برخه ستونزو ته کتنه کړې ده او لیکي: نن برېښنا د انسان د ژوندانه نه بېلېدونکې برخه ده. که ښه پام وکړو، هر څه مو له برېښنا سره تړلي دي. په ځانګړي ډول د قرنطین په شرایطوکې چې خلک باید له خپلو کورونو ونه وځي، برېښنا ته سخته اړتیا ده. له بده مرغه موږ په دې برخه کې ګڼې ستونزې لرو. حکومت و نه شوای کولای په تېرو نولسو کلونو کې د برېښنا انرژۍ د پراختیا لپاره لکه څنګه چې لازمه ده، کار وکړي. زموږ ډېره اتکا پر وارداتي برېښنا ده. په داسې حال کې چې افغانستان هم د برېښنا بندونو د جوړولو، هم د لمریزې او بادي برېښنا د تولید لپاره ښه امکانات لري. پر دغو امکاناتو که پانګونه وشي، نو افغانستان نه یوازې د برېښنا له پلوه خپلې اړتیاوې پوره کولای شي، بلکې برېښنا نورو هېوادونو ته هم صادرولی شي. په تېرو کلونوکې یوازې سلما بند د هند په مرسته جوړ شو. که دغه راز بندونه د هېواد په نورو سیموکې جوړ شوي وای، نن به موږ د برېښنا د کمښت او یا هم نشت له ستونزې سره مخ نه وای. په هر حال د افغانانو هیله دا ده چې حکومت دننه په کور د برېښنا د تولید لپاره کار وکړي او په دې برخه کې د پانګونې اسانتیاوې برابرې کړي. اوس، یانې د قرنطین په حالت کې باید د برېښنا ستونزې د حل لپاره څه وشي؟ تر هرڅه وړاندې باید د برېښنا مزیو او ستنو امنیت وساتل شي. که اضافي امنیتي پوستو ته اړتیا وي، باید جوړې شي اواضافي پرسونل په کې توظیف شي. ښایي په ځینو سیمو کې د امنیتي پوستو جوړول ګران وي، هلته باید له ولسي خلکو په تېره بیا قومي مخورو، سپین ږیریو او عالمانو مرسته وغوښتل شي. همدارنګه په خطرناکو سیمو کې باید د مخالفانو له ځایي مسوولینو سره خبرې وشي او هغوی ته وویل شي چې برېښنا د رڼا یوه وسیله ده او باید د فشار د وسیلې په توګه ونه کارول شي. همدارنګه برېښنا شرکت باید د حرارتي برېښنا د تولید ظرفیت د چاپېریال ساتنې د معیارونو په پام کې نیولو سره، لوړ کړي. موږ په بېړني حالت کې یوو او په دغه راز حالت کې بېړنیو اقداماتو ته اړتیا ده. وړاندیز مو دا دی چې د برېښنا ستونزه د کابینې په یوه غونډه کې مطرح شي او د دغې ستونزې د حل لپاره ګټوره طرحه برابره او عملي شي. پاى/ن.ش

-کابل / د وري ۱۶ مه / باختر
له کرونا ويروس سره د افغانستان د مبارزې پر دوام په قندهارکې پر تګ راتګ  محدوديتونه ولګول شول.
قندهار تراوسه د کرونا ويروس د درېيو مثبتو پېښو ډګر دى.
د قندهار مسوولين وايي چې دغه محدوديتونه د ١٠ ورځو لپاره لګول شوي دي او د کرونا بحران د دوام په پايله کې به تمديد شي.
د دغو محدوديتونو له مخې؛ له روغتيايي مرکزونو او د لومړنيو توکو له پلورنځيو پرته ټول پلورنځي او مرکزونه تړل کېږي او خلک هم د بېځايه ګرځيدو اجازه نه لري.
د قندهار والي حيات الله حيات باختر آژانس ته وويل چې خلک بايد د کرونا د مخنيوي لپاره پر لارښوونو عمل وکړي او له بې مورده ګرځېدو څخه د ډډې کولو ترڅنګ په دې وژونکې ناروغۍ د اخته کېدو د مخنيوي لپاره دې روغتيايي ټکي په پام کې ونيسي.
کرونا تراوسه په افغانستان کې ٥ تنه وژلي دي او دغه راز ٢٩٩ تنه نور په دغه ويروس اخته شوي دي.
ختم -ج -اکرم
 

Page 2 of 2033