20 January 2019

RSS Facebook

سوداگریز


تازه خبرونه

دباميانو د څو ولسواليو لارې وتړلې شوې

کابل\باختردمرغومي دمياشتې٢٩نيټه: په باميانو ولايت کې له تيرې شپې څخه د...

  دباميانو د څو ولسواليو لارې وتړلې شوې

دباميانو د څو ولسواليو لارې وتړلې شوې

کابل\باختردمرغومي دمياشتې٢٩نيټه: په باميانو ولايت کې له تيرې شپې څخه د...

د ١٣٩٨ مالي کال لومړنى چک لاسليک شو

د ١٣٩٨ مالي کال لومړنى چک لاسليک شو

کابل\باختردمرغومي دمياشتې٢٩نيټه: د ماليې وزارت په خپلې رسمي ويب پاڼه کې...

Youtube Player

khantry design

سوداگریز

سوداگریز

اجتماعی

کابل – باختر د وږي دمياشتې ٢٤
يوې ځوانې نجلۍ پرون په کابل کې د زهرجنو درملو په خوړلو سره ځان وواژه.
دکابل ولايت دامنيې قوماندانۍ مطبوعاتي دفتر باختر آژانس ته خبر ورکړ :
دغې ځوانې نجلۍ دکابل ښار ديوولسمې امنيتي حوزې په مربوطاتو کې په دې کار لاس پورې کړى دى  تراوسه پورې ددغۍ وژنې علت او انګيزه نه ده معلومه په دې اړوند دپوليسو تحقيقات دوام لري، دپيښې په اړوند يو تن نيول شوى دى .
دغه پيښه په داسې حال کې کيږي چې څه موده مخکې دعامې روغتيا وزارت په کابل کې  دځان وژنې د وقايې لپاره غونډه جوړه  کړې  وه.
په هيواد کې دځان وژنې دپيښو زياتوالي په انديښنې وړ ستونزو بدل شوى دى .

کابل باخترد وږي دمياشتې ٢٤ :
د هوا پوهنې ادارې په راتلوونکوڅلور ويشتو ساعتوکې د هيواد د ځينوسيمو د
هوا حالات د سانتي ګراد په حساب په دې ډول اټکل کړى دى :
کابل- آسمان ځاى ځاى  وريځ ، د تودوخې لوړه درجه ٣٠ ټيټه  ١٣
هرات- آسمان  شين ، د تودوخې لوړه درجه ٣٦،  ټيټه ٢٢
جلال آباد- آسمان وريځ داورښت امکان د تودوخې لوړه درجه ٣٦، ټيټه ٢٧
قندهار- آسمان شين   ، د تودوخې لوړه ٣٨ ، ټيټه ١٦
مزارشريف- آسمان شين   ، د تودوخې لوړه  ٣٤، ټيټه ٢٦
کندز- آسمان  شين  د تودوخې  لوړه درجه ٣٨، ټيټه ٢٣
غزني- آسمان  ځاى ځاى وريځ  ، د تودوخې لوړه درجه ٢٦ ، ټيټه ٩
باميان- آسمان   ځاى ځاى وريځ ، د تودوخې لوړه درجه ٢٨ ، ټيټه ٨
فيض آباد آسمان ځاى ځاى وريځ ، د تودوخې لوړه درجه ٣٢، ټيټه  ١٦
شمالي سالنګ- آسمان شين ، دتودوخې لوړه درجه ١١، ټيټه  ٣
فراه- آسمان شين ، د تودوخې لوړه درجه ٣٦ ټيټه ٢٢
خوست- آسمان وريځ  داورښت امکان ،  د تودوخې لوړه درجه ٣١، ټيټه ٢٢
ميمنه- آسمان شين، د تودوخې لوړه درجه  ٣٦ ، ټيټه ١٩
لښکرګاه-  آسمان شين  ، د تودوخې لوړه درجه ٤٠، ټيټه ١٩
جنوبي سالنګ- آسمان  شين ، د تودوخې لوړه درجه ١٨، ټيټه ١٠
شبرغان –  آسمان شين   ، د تودوخې لوړه درجه ٤٠، ټيټه ٢٣
جبل سراج-آسمان  ځاى ځاى وريځ  ،ددوخې لوړه درجه ٣١-ټيټه ٢٠
په کابل کې به سبا لمرپه ٥ بجو او ٣٥ دقيقو وخيژي او د مازيګر په ٦بجو او ٢ دقيقو ولويږي . 

کابل – باختر د وږي دمياشتې ٢٤
د اطلاعاتو او فرهنګ وزير ډاکتر سيدمخدوم رهين د ژورنالستانو دملي اتحاديې دتشکيلاتو دمسوول خيرالله بشردوست دمړينې له امله دخپلې ژورې خواشينۍ او ډاډګيرنې مراتب څرګند کړل .
دباختر آژانس دخبرله مخې  :  د ژورنالستانو دملي اتحاديې يوتن بنسټ يښودونکې خيرالله بشر دوست چې په يوه ترافيکي پيښه کې ټپي شوى و پرون دشهيد سردار محمد داود په روغتون کې په  حق ورسيد.
داکتر رهين د اروښاد کورنۍ او د هيواد خبريالانو ته   د خوا خوږۍ او ډاډ ګيرنې دمراتبو په څرګندولو سره وويل ، . ارواښاد دخيرالله بشر دوست دخپل عمر زيات کلونه  درسنيو په څانګه کې کار کړى و خداي  (ج)  دې هغه وبخښي.

کابل\باختر\ دسنبلي٢٤
له پيښو سره د مبارزې  د  دولتي عالي کميسيون  غونډه  نن له  غرمې وروسته د جمهور رييس د مرستيال او ددغه کميسيون درييس محمدکريم خليلي په مشرۍ جوړه شوه .
دجمهوري رياست مطبوعاتي دفتر باخترآژانس ته خبر ورکړ  :
په دې غونډه کې چې دغور والي او په ملي شورا کې د دغه ولايت دخلکويوتن استازي  هم برخه لرله  .
لومړى دجمهور رييس مرستيال محمدکريم خليلي دآسياد جنوب دهيوادونو  په سياليو کې د هيواد د فوټبال د ملي ټيم د اتلوالۍ له ا مله  دغونډې غړو ، د افغانستان خلکو او  ورزشي ټولنې ته  مبارکي وويله  او د فوټبال  د ملي ټيم په واسطه په دغو سياليو کې داتلوالۍ دجام ترلاسه کول يې يو ستر ورزشي برياليتوب و باله .
دجمهور رييس مرستيال  ورزش په افغانستان کې د يووالي او پيوستون د پياوړتيا يوه زمينه وبلله او د آسيا دجنو ب د هيوادونو د جام  په سياليو کې دافغانستان د برياليتوب په نسبت دخلکو خوشحالي يې  په دې برخه کې يوه څرګنده بيلګه و بلله
وروسته دغور والي دوچکالۍ اود نورو طبيعي پيښو په اړوند غونډې ته رپوټ وړاندې کړ او ويې ويل چې په دغه ولايت کې د وچکالۍ پراخو اړخونو ته په پاملرنې سره د غور ولايت خلک د وچکالۍ داحتمالي پيښو له پلوه په ژوره توګه انديښمن دى او په هغه صورت کې چې بيړني اقدام  ونه شي ددغه ولايت د خلکو دبيځايه کيدو سبب به هم شي .
د ده دڅرګندونو له مخې   د هغې نوې سروې له مخې چې له اړوندو ادارو اوله نړيوالو موسسو سره په همکارۍ کې ترسره شوېده ،  ددغې وچکالۍ له ا مله د
غور ولايت په بيلا بيلوسيمو کې څه دپاسه اتيازره کورنۍ زيانمنې شوي دي .
په ملي شورا کې دغور دخلکو استازي هم څرګنده کړه چې وچکالۍ ، دحيوا ني ناروغيو خپريدل او د رو غتيايې مرکزونو کمښت  د دغه ولايت دخلکو جدي
ستونزې دي .
د غوروالي او په ملي شورا کې د دغه ولايت د خلکو استازي دخوراکي توکو ، حيواني وښو ،  درملو او دڅښاک  د روغتيايي اوبو کمښت د دغه ولايت دخلکو بيړنۍ اړتياوي وبللې او له پيښو سره د مبارزې له عالي کميسيون څخه يې وغوښتل چې د احتمالى پيښو اود خلکو د بيځايه کيدو دمخنيوي لپاره دي دمواصلاتي لارو له تړل کيدو مخکې په عملي اقداما تو لاس پوري کړي  .
کميسيون د غور د والي د رپوټ له اوريدو  وروسته د دغه ولايت خلکو ته ډاډ
ورکړ چې په  ټول توان سره له مصيبت ځپلوکسانو سره دمرستې ، د احتمالي پيښو
د مخنيوي اوله  وچکالۍ سره د مقابلي لپاره د غور ولايت د خلکو ترڅنګ ولاړ دى
او په  لا زمواقداماتو لاس پورې کوي  .
کميسيون د کرني او اوبولګولو وزارت ته  دنده  وسپارله  چې په غور ولايت کې په ٢٧٠٠ ټنو موجودو غنمو سربيره شپږ  زره ټنه نور غنم دې دغه ولايت ته وليږدوي او د اړتيا وړ حيواني وښو د برابرولو او له حيواني ناروغيو سره د مقابلې په کار کې دې ديوې اوونۍ  په دننه کې خپلې څيړنې ترسره کړي او په عملي توګه دې اقدام وکړي .
د غور د سيمه ييزي ادارې  په  وړانديز پريکړه  وشوه چې دخلکو احتمالي ستونزو ته د ځواب ورکولو په مقصد دې  پنځه مليونه افغاني دکميسيون له بودجې څخه دغه  ولايت ته بيل کړاى شي  .
کميسيون دکليو دبيا جوړولو او پراختيا اودفوايدعامي وزارتونو ته هم  دنده وسپارله چې دڅښاک دروغتيايي اوبو د برابرولو او د ژمي په فصل کې د غور ولايت د مواصلاتي لارو دپرانستي ساتلو لپاره لازم اقدامات ترلاس لاندې ونيسې او دعامي روغتيا وزارت  هم موظف کړاى شو چې د احتمالي ناروغيو د خپريدو دمخنيوي او په دغه ولايت کې د خلکو دروغتيايي ستونزو دڅيړنې په مقصد لازم تدبيرونه ونيسي .
دنړيوالو موسسو په ګډون د کميسيون غړو ادارو د غور له خلکو سره د مرستي او له وچکالۍ سره د مقابلې لپاره خپل تيارى  اعلام کړ او ډاډ يې ورکړ چې په خپل وخت به اقدام و کړي .
دسرې مياشتې ادارې او د اوچا نړيوالۍ موسسې هم  ډاډ ورکړ چې له خلکو سره 
د مرستې او د اړتيا وړ توکو دليږدونې لپاره پروګرامونه  ترلاس لا ندې لري اوهلې ځلې کوي چې د نورو نړيوالو موسسو همکارۍ  هم جذب کړي  .
په دې غونډه کې ټينګار وشو چې په هغو نورو ولايتونو کې چې د وچکالۍ له امله زيانمن شوي دي هم  لا زمې څيړنې وشي  .
دغه راز کميسيون د بدخشان ولايت په  پرنه خم کلي کې دځمکې ښوئيدو له ا مله له زيانمنو شويو کسانو سره دمرستې او دننګرهار ولايت په کچره کلي کې دکرنيزو ځمکو دغاړو دټينګښت  په باب له پيښو سره د مبارزې د ادارې وړانديز په اصولو کې تاييد کړ   .