11 July 2020

RSS Facebook

سوداگریز


تازه خبرونه

په نيمروز کې زر بېوزله  کورنیو ته  د چرګانو واړه کورني فارمونه جوړیږي

په نيمروز کې زر بېوزله کورنیو ته د چرګانو واړه کورني فارمونه جوړیږي

کايل/ د چنګاښ ۲۱مه/ باختر د کرنې، اوبولګولو او مالدارۍ وزارت...

د ارواښاد محمد یوسف غضنفر یادغونډه او د دعا مراسم په ارګ کې ترسره شول

د ارواښاد محمد یوسف غضنفر یادغونډه او د دعا مراسم په ارګ کې ترسره شول

کابل/ د چنګاښ ۲۱ مه/ باختر د اقتصادي او سوداګرۍ پراختیا...

د ښوونې او روزنې په نصاب کې به ملي او اسلامي ارزښتونه خوندي وي

د ښوونې او روزنې په نصاب کې به ملي او اسلامي ارزښتونه خوندي وي

کابل/ د چنګاښ ۲۱مه/ باختر د پوهنې وزارت سر پرستې رنګینې...

Youtube Player

khantry design

سوداگریز

سوداگریز

اجتماعی

کا بل باختر دمرغومي  څلور ويشتمه :
په دايکندي ولايت کې څه دپاسه ٥٩٠٠ کورنيو پرون دملي پيوستون دپروګرام دټولګټو پروژو له اسانتياو څخه ګټه واخيسته .
دکليو دبيا جوړولو او پراختيا وزارت داطلاعاتو او عامه اړيکو رياست باختراژانس ته  خبر ورکړ چې داووه څلويښتو مليونو اووه سوه زرو  افغانيو په لګښت دملي پيوستون دپروګرام دشپږ ديرشو ټولګټو پروژو  کار د دايکندي ولايت دشهرستان ، کيتيو ،  کجران ،  او دسنګ تخت په ولسواليو کې بشپړاودخلکو داستفادې وړ ګرځيدلي  دي .
په دغو پروژو  کې دکرنيزو اوبو دکانالونو اودمخافظوي  ديوالونو جوړول ، دکليوالي سړکونو جوړول او کريړ اچول ، دسړک  دغاړو  دويالو پخول ، دڅښاک دروغتيايي  اوبو دشبکو غځول  او دڅښاک دروغتيايي او بو  دڅاه ګانو کيندل شامل دي
دکليو دبيا جوړولو او پراختيا وزارت دملي پيوستون پروګرام په دايکندي ولايت کې ٧٥٠ کلي دټولګټو پروګرامونو تر پوښښ لاندې نيولي دي او تراوسه پورې  يې په بيلابيلو  برخه کې ١١٣٢ پروژې بشپړې او  داستفادې وړګرځولې دي .

کا بل باختر دمرغومي  څلور ويشتمه :
دسمنګان ولايت دکليو دبيا جوړولو او پراختيا رياست مسوولين وايي چې دوى دملي پيوستون دپروګرام  په دويم پړاو کې په دغه ولايت کې دپنځه سوه څلور څلويښتو بيلابيلو پرمختيايي پروژو کار بشپړ او ګټې اخستنې ته يې وړاندې کړې دي .
دسمنګانو په ولايت کې ددغه پروګرام مسوول انجنير احمد ضيا رحيمي دباختراژانس خبريال ته وويل: دکليو دبيا جوړولو او پراختيا وزارت له لارې دملي پيوستون دپروګرام  په دويم پړاو کې دسمنګانو ولايت په مرکز او پنځو ولسواليو کې نهه شپيته بيلابيلې پروژې منظورې شوې وې چې له دې جملې څخه د پنځه سوه څلور څلويښتو پروژو کار بشپړ شوى او په پنځه شپيتو نورو پروژو کار  همدا اوس دوام لري .
دانجنير ضيا دڅرګندونو له مخې: ددغو پروژو لګښت اوولس مليونه دوه سوه پنځه اويا زره امريکايي ډالره کيږي چې دملګروملتو دسازمان دپرمختيايي ادارې ، نړيوال بانک ، نړيوال وجهي صندوق دافغانستان دبياجوړولو دصندوق  او دجاپان دپرمختيايي صندوق له خوا دکليو دبيا جوړولو  او پراختيا له وزارت سره مرسته شوې وه چې ددغو پروژو له ښيګڼو  څخه دسمنګانو ولايت څه دپاسه اووه ويشتو زرو اته سوه کورنيو ګټه احستې ده .
ښاغلي رحيمي څرګنده کړه چې ددغو پروژ له جملې څخه دترانسپورت په برخ کې دوه اتيا پروژې چې دپلونو او دپلګوټو جوړول ، د کليوالي سړکونو ترميمول او کريړ اچول ، دپوهنې په برخه کې لس پروژې  چې دښوونځيو دودانيو جوړول پکې شامل دي دڅښاک دروغتيايي اوبو دبرابرولو په برخه کې دوه سوه پنځه شپيته پروژې ، دکرنيزو ځمکو دخړوبولو په برخه کې يو اويا پروژې ، په کليو کې دبريښنا دمزو دغځولو  دشبکو دتنظيم په برخه کې څوارلس پروژې او دټولنيزو مرکزونو دودانيو د جوړولو په برخه کې يوسلو اووه شپيته پروژې شاملې دي .
ده څرګنده کړه چې دوى دغه پروژې دسمنګانو ولايت په مرکز ايبکو ښار او ددغه ولايت دحضرت سلطان ، فيروز نخچير ، براو کوز دره صوف او دخرم سارباغ په ولسواليو کې  پلې کړي دي او ددغه پروګرام دويم پړاو به دروۍ دوآب  په ولسوالۍ کې  په راروان پسرلي کې پيل شوي دي .
په همدې حال کې دسمنګانو ولايت دکليو دبيا جوړولو او پراختيا رييس انجنير محمد اصف دولت شاهي له دغو پروژو څخه دګټې اخستنې په تاييدولو سره وويل: دکليو دبيا جوړولو او پراختيا وزارت دساحوي سمون دپروګرام له لارې دنهه ويشتو کرنيزو پروژو کار چې دکرنيزو اوبو دبندونو اودکانال دمحافظتي  ديوالونو جوړول او دچينو پاکول شامل و ديو اتيا مليونو سلو زرو افغانيو په لګښت  پيل کړى و چې له دې جملې څخه ددرې ويشتو پروژو کار  ددغه ولايت په مرکز ايبکو او دفيروز نخچير ، حضرت سلطان ،  خرم سارباغ او دروي دوآب  په ولسواليو کې بشپړې شوې دي او په شپږو نورو پروژو کار دوام لري .
له دغو پروژو  څخه په ګټې اخستنې سره  دڅه دپاسه لسو زرو جريبه کرنيزې  ځمکې دخړوبولو ستونزې حل شوي دي .
  ښاغلي دولت شاهي وويل: دوى دملي پيوستون دپروګرام په لومړي پړاو کې چې دسمنګانو ولايت دمرکز او داړوندو ولسواليو ټول کلي تر پوښښ لاندې نيولي و يوزرو درې سوه درې اويا بيلابيلې پروژې  داوولسو مليونو او نهه سوه زرو ډالرو په لګښت  بشپړې او ګټې اخستنې ته وړاندې کړې وې چې له دې جملې څخه دترانسپورت په برخه کې ٣٣٧ پروژې دڅښاک داوبو دبرابرولو په برخه کې ٤٢٧ پروژې ، دښوونې او روزنې په برخه کې ٢٣٥ پروژې ، دژوندانه دبديل په برخه کې  ١٣٣ پروژې ، دبريښنا انرژۍ په برخه کې ١١٠ پروژې ، دکرنيزو ځمکو دخړوبولو په برخه کې ٩٩ پروژې او دټولنيزو مرکزونو دودانيو دجوړولو په برخه کې دوه ديرش  پروژې شاملې وې  چې ددغو پروژو په پلي  کيدو سره دسمنګانو ولايت دخلکو يوه اندازه ستونزې لرې شوې دي .
له بلې خوا هم ددغه ولايت اوسيدونکي په خپلوکليو او بانډو کې ددغه  پروګرام دلومړي او دويم پړاو دتطبيق له امله  خوښي څګرندوي او وايي چې ددغو پروژو په تطبيق  سره دترانسپورت  ، ښوونې او روزنې بريښنا انرژۍ ،  کرنې او روغتيا په ګډون ددوى دژوندانه په بيلابيلو برخوکې زياتې  ستونزې حل شوې دي .

کا بل باختر دمرغومي  څلور ويشتمه :
په جوزجان ولايت کې دشهيدانو له درې شپيتو کورنيو او معلولينو سره  دديرشو قلمو خوراکي توکو او دلګښتي  مالونو مرسته وشوه .
دغه مرسته په شمال زون کې دافغانستان لپاره دملګروملتو دسازمان دماين پاکولو دموسسې  له خوا برابره شوې وه .
په شمال زون کې دملګروملتو دسازمان دماين پاکولو دموسسې  مسوول عبدالوکيل  دباختراژانس خبريال ته وويل :په دې مرسته کې غوړي ، وريجې ، بوره ، لوبيا ، دپخلنځي لوښي ، توشکې ، شړۍ  ، فرشونه ، دګازو ډبې او ژمنۍ جامې شته چې په هغو کورنيو وويشل شوه چې پخوا ددغې موسسې  له خوا سروې شوې وې .
  دده دڅرګندونوله مخې : دغه مرسته له هغو کورنيو سره  شوې ده چې دماينونو دچاودنې او دوسله والو طالبانو او ددولتي ځواکونو دجګړو له امله قرباني او يا معلولې شوي دي .
عبدالوکيل زياته کړه چې په پوځيانو پورې اړوندې کورنۍ په دې پروګرام کې شاملې نه دي او دغه مرسته يواځې له هغو ملکي کورنيو سره  چې  دطالبانواو ددولتي ځواکونو ترمنځ جګړه کې دکورنۍ غړي يې له  منځه تللي دي او يا معلول شوي دي .

کابل – باختر د مرغومې دمياشتې ٢٣
د اساسي قانون د اوونۍ په درناوي نن د مخابراتو او معلوماتي تکنالوژۍ په وزارت کې يوه غونډه جوړه شوه.
د باختر آژانس د خبريال دخبرله مخې:
په دې غونډه کې د دغه وزارت معين وهاب الله سادات او د اساسي قانون پرتطبيق باندې د څارنې د کميسيون غړي پوهندوى قاسم هاشم زي د هېواد د اساسي قانون په باب خبرې وکړې او تطبيق يې د يوې قانونمندې ټولنې لپاره د يوې ملي وثيقې په توګه ارزښتناک وباله.
په دې غونډه کې دغه راز وينا والو د اساسي قانون تطبيق د هېواد د ټولو اتباعو او په تېره بيا د چارو د مسوولينو رسالت وباله او ټينګار يې وکړ چې د قانون واکمني د هېواد او خلکو د راتلوونکې ضمانت کوي.