20 August 2019

RSS Facebook

سوداگریز


تازه خبرونه

په پکتيا کې نږدې سل کيلوګرامه چرس ضبط شول

په پکتيا کې نږدې سل کيلوګرامه چرس ضبط شول

ګرديز / باختر\ د زمري٢٨مه نږدې سل کيلوګرامه چرس په پکتيا...

  بغلانيانو د کابل وروستى ځانمرګى بريد وغانده

بغلانيانو د کابل وروستى ځانمرګى بريد وغانده

پلخمري / باختر\ د زمري٢٨مه بغلانيانو په کابل ښار کې وروستى...

په بغلان کې شپږسوه کورنيو ته اوبه برابرې شوې

په بغلان کې شپږسوه کورنيو ته اوبه برابرې شوې

پلخمري / باختر د زمري٢٨مه : په بغلان کې د...

Youtube Player

khantry design

سوداگریز

سوداگریز

اجتماعی

 کابل باخترد وږي دمياشتې  ٢٠  :
دافغان  حاجيانوله خوا په مکه مکرمه کې  داسلامي نړۍ  دتاريخي ځايونو دکتنې بهير نن پيل شو.
له مکې مکرمې څخه دباخترآژانس د استول شوي خبريال سيدحبيب سادات دخبرله مخې :   په سلګونو تنو افغان حاجيانو  جبل الثور ، دعرفات غر ، مزدلفه ، منا ، جمرات ، جبل النور  او دحرا غار  ، دقربانۍ ساحه  او جنت المعلا وکتل .
ددغو مقدسو ځايونو دکتنې په وخت کې  دافغان  حاجيانو  دبعثه  دلارښوونکوله خوا دهېواد  حاجيانو ته دهر ځاى دتاريخ  اوداسلام دستر پيغمبر  حضرت  محمد  مصطفي ( ص)  د  خاطرو او کارنامو  په باب   معلومات وړاندې شول .
په مکه مکرمه کې  دافغان حاجيانو  دبعثه دمناسکو مسوول  مولوي عنايت الله شريفي وويل :  چې ټول افغان  حاجيان   له دغو مقدسو اماکنوسره دبلدتيا او په دې خاطر چې وکولاى شي دفرضي حج  مراسم په آسانۍ سره پرځاى کړي په ترتيب سره دغو ځايونو ته ليږدول کيږي .
يو تن افغان حاجي عبدالرشيد وويل  چې افغان حاجيانو په مکه مکرمه کې  ددې ترڅنګ  چې   خپل ځان  او خپلو کورنيو ته يې   دخير دعا وکړه  دلوى خداى  (ج) له دربار څخه يې هيله وکړه چې له افغانستان څخه دجګړې اونفاق  ټغر ټول شي  او ډير ژر  په افغانستان کې خلکو ته يو خدمتګار حکومت جوړ او  دايمي  سوله او امنيت تامين شي .

کابل باخترد وږي دمياشتې  ٢٠  :
دوزيرانو شورا  په خپلې وروستۍ  غونډه کې   دبدخشان ولايت په ارګو ولسوالۍ کې   داستوګنې دکورونو  اود  اوبو رسولو دشبکو دجوړولو مسله وڅيړله .
دباختر آژانس د خبرله مخې :دروان کال په بهېرکې دبدخشان ولايت دارګو په ولسوالۍ کې   دځمکې  ښوئيدنې له امله داستوګنې يوشمير کورونه ويجاړ اوپه لسګونو تنه هېوادوال شهيدان شول.
ددغه ناتار دڅيړنې په خاطر څو هېوادونو او  دافغانستان يوشميرملي سوداګرو اوخلکو  دارګوله خلکو سره خپلې مرستې اعلام کړې .
دکليو دبيا جوړولو  اوپراختيا وزير دبدخشان ولايت  دارګو ولسوالۍ  دبياجوړولو دکار دپرمختګ دبهېر په باب دکابينې غونډې ته معلومات ورکړل  او ويې ويل :  ددغې ولسوالۍ  دمصيبت ځپلو کسانو داستوګنې دکورونو دبيا جوړولو په مقصد درې سوه جريبه ځمکه بيل کړاى شوې ده  . دغه راز په همدې مقصد ملي سوداګرو ، نړيوالې ټولنې  اوپه تيره بيا د چين دولسي جمهوريت  او دهندوستان دهېوادونو نغدي مرستو په خاص حساب راټولې شوې دي او وړانديز يې وکړ چې له دغو مرستو څخه په استفادې سره دې داستوګنې دکورونو ، داوبو رسولو دشبکو  او دنورو ټولګټو تاسيساتو  دجوړولو په لاره کې  له کورنيو او بهرنيو غير حکومتي موسسو  (انجيوګانو )  سره قراردادونه لاسليک شي  ځکه دغه سيمه سړه سيمه ده  او دژمي فصل هم را روان دى  چې  په  استثنايي  ډول  د وزيرانو شورا  له خوا دتصويب وړ وګرځيد.

کابل – باختر د وږي دمياشتې ١٩
دجمهوري رياست لومړي مرستيال محمد يونس قانوني نن د شهيد سردار محمد داوودخان روغتون ته لاړ او د افغانستان د اسلامي جمهوريت د کورنيو چارو د پخوانى وزير ارواښاد تاج محمد وردګ جنازې ته چې نن وفات شوى دى؛ درناوى وکړ.
د جمهوري رياست مطبوعاتي دفتر باختر آژانس ته خبر ورکړ: د جمهوري رياست لومړي مرستيال په دې مناسبت د خپلې ژورې خواشينۍ او ډاډګيرنې مراتب د ارواښاد کورنۍ او دوستانو ته څرګندکړل او دلوى خداى (ج) له دربارڅخه يې دوى ته د جميل صبر او ارواښاد ته د فردوس جنت هيله وکړه.
دجمهوري رياست لومړي مرستيال تاج محمد وردګ د افغانستان د خلکو ريښتينى خدمتګار وباله او د ارواښاد مړينه يې د افغانستان خلکو ته يو ضايعه وبلله.

کابل – باختر د وږي د مياشتې ١٩ مه:
د حج او اوقافو وزارت خبرتيا!
دکابل ولايت او د دغه ولايت د اړوندو ولسواليو هغوحاجيانو ته چې شمېره يې له ١ څخه تر ٢٥٠  پورې وي؛ خبر ورکول کيږي چې سبا د روان کال د وږي د مياشتې په ٢٠مه نيټه د پنجشنبې په ورځ د سهار په څلورو بجو د عيدګاه جامع جومات ته حاضر شي او دغه راز هغوحاجيانوته چې شمېره يې له ٢٥١څخه تر٥٣٨ پورې دي سبا له غرمې وروسته په يوه بجه د عيدګاه جامع جومات ته حاضرشي چې واکسين يې تطبيق او د حرمين شريفين په لور په ټاکلو الوتنوکې تنظيم شي.
له حاجيانو څخه غوښتنه کيږي چې خپل نوبت رعايت کړي او په الوتنوکې د بې نظمۍ سبب نه شي. له دې پرته به مسووليت د دوى په غاړه وي .
د عيدګاه جامع جومات ته د بدرګه کوونکو په نامه د نورو اشخاصو ننوتل منع دي.
د يادونې وړ ده حاجيان دې بايد خپل د هويت کارتونه له ځان سره ولري.