18 September 2019

RSS Facebook

سوداگریز


تازه خبرونه

انتخابات او امنیتي ګواښونه

کابل/ باختر/ د وږي ۲٧ مه د جمهوري ریاست راتلونکي انتخابات...

Youtube Player

khantry design

سوداگریز

سوداگریز

اجتماعی

کابل – باختر د تلې دمياشتې ٢٦
دننګرهار ولايت دچمتلې ښارګوټۍ په سلګونو تنو اوسيدونکو داستوګنې دخپلو نمرود نه ويشلو په خاطر نن په مظاهرو لاس پورې کړ.
دننګرهار له ولايت څخه دباختر آژانس دخبريال دخبرله مخې : دچمتلې ښارګوټۍ په سلګونو تنو اوسيدونکو دجلال آباد ښار په پښتونستان واټ کې دمظاهرو په کولو سره دمهاجرينو د راستنولو دچارو درياست له خوا د استوګنې دخپلو نمرو دترلاسه کولو غوښتنه وکړه .
ددغه لاريون يو مسوول ملک نواب وايي له دريو کلونو راپه دې خوا موږ له خپلو سندونو سره د مهاجرينو د راستنولو د چارو رياست ته مراجعه کوو خو زموږ غوښتنوته پاملرنه نه کيږي او دمهاجرينو په وړاندې بې توپيره پاتې دي مظاهره کوونکي وايي تر هغه وخته پورې چې زموږ غوښتنې ونه څيړل شي موږ په پراخ ډول خپلو مظاهرو ته دوام ورکوو .
دباختر آژانس خبريال وويل، له پرله پسې اړيکو سره سره دمهاجرينو دراستنولو دچارو رييس غلام حيدرخان له موږ سره خبروته حاضرنه شو.

کابل\باختر\ د تلې د مياشتې ٢٦
د هوا پوهنې ادارې په راتلوونکوڅلور ويشتو ساعتوکې د هيواد د ځينو سيمو د
هوا حالات د سانتي ګراد په حساب په دې ډول اټکل کړي دي :
کابل- آسمان وريځ ، داورښت امکان شته د تودوخې لوړه درجه ٢٢ ، ټيټه  ٣
شمالي سالنګ- آسمان وريځ، داورښت امکان شته د تودوخې لوړه درجه ٢، ټيټه  منفي١
جنوبي سالنګ- آسمان  وريځ، داورښت امکان شته د تودوخې لوړه درجه ١١، ټيټه ٢
قندهار- آسمان ځاى ځاى وريځ ، د تودوخې لوړه ٢٦، ټيټه ١١
باميان-آسمان وريځ ، داورښت امکان شته دتودوخې لوړه درجه ١٩، ټيټه صفر
هرات- آسمان وريځ ، داورښت امکان شته د تودوخې لوړه درجه ٢٧، ټيټه ١٠
فراه- آسمان وريځ ، د تودوخې لوړه درجه ٢٨ ټيټه ١١
مزارشريف- آسمان وريځ ، داورښت امکان شته  د تودوخې لوړه درجه  ٢٧ ټيټه ٩
کندز- آسمان  وريځ ، د تودوخې  لوړه درجه ٢٥، ټيټه ١١
جلال آباد- آسمان وريځ داورښت امکان شته ،د تودوخې لوړه درجه ٢٧، ټيټه ١٤
غزني- آسمان  وريځ ، داورښت امکان شته د تودوخې لوړه درجه ٢٠ ، ټيټه ١
لښکرګاه- آسمان ځاى ځاى وريځ ، د تودوخې لوړه درجه ٢٧، ټيټه ١١
خوست- آسمان وريځ داورښت امکان شته ، د تودوخې لوړه درجه ٢٤، ټيټه ١٢
جبل سراج- آسمان وريځ داورښت امکان شته د تودوخې لوړه درجه ١٨ ټيټه ١٠
ميمنه- آسمان وريځ ، داورښت امکان شته د تودوخې لوړه درجه  ١٩ ، ټيټه ٢
شبرغان –  آسمان وريځ، داورښت امکان شته د تودوخې لوړه درجه ٢٧، ټيټه ١١
فيض آباد- آسمان وريځ ،داورښت امکان شته د تودوخې لوړه درجه ١٩، ټيټه  ٦
په کابل کې به سبا لمر په ٦ بجو وخيژي او د مازيګر په ٥بجو او ١٥دقيقو ولويږي . 

کابل باختر دتلې دمياشتې  ٢٥
د نيمروز ولايت په مرکز  د زرنج ښار په يوه کوڅه کې  يو ماشوم په يوه سرخلاصې څاه کې ولويد او مړ شو.
يو اووه کلن ماشوم  پرون کله چې  له دغې کوڅې څخه تيريده  په دغې څاه کې
ولويد او  روغتون ته په وخت دده دليږدونې لپاره دګاونډيانو هلوځلو نتيجه ورنه کړه او دغه ماشوم  مړ شو.
دنيمروز ولايت دامنيې قوماندانۍ دجنايي جرمونو پرخلاف دمبارزې مدير عبدالله شيرزى دباخترآژانس خبريال ته وويل :  امنيتي ځواکونو دکور خاوند چې دغه څاه يې  په  کوڅه  کې کيندلې وه   او سر يې نه و پوښلى   نيولى دى.

کابل – باختر د تلې دمياشتې ٢٤
د بشري مرستو په تېره بيا د روغتيايي مرستو وړاندې کول بايد په سياسي حالاتو او احوالو پورې اړوند نه وي او بايد د سيمه ييزو او نړيوالو پرمختياوو تر اغيزې لاندې و نه نيول شي .
د باختر آژانس مبصر ليکي:
په افغانستان کې د سترګو د روښنايي نړيواله ورځ په پرون (د سترګو په روغتيايي خدمتونو د ټولو د برلاسي) تر شعار لاندې په کابل کې ونمانځل شوه .
په افغانستان کې د سترګو د روښنايي نړيواله ورځ په داسې حال کې ونمانځل شوه چې په دغه هيوادکې کال په کال نږدې ٢٥ زره تنه انسانان د ډول ډول ناروغيو د اخته کيدو په دليل د خپلو سترګو روښنايي له لاسه ورکوي.
د سترګو ناروغي يو جدي ګواښ دى چې د بشر سلامتيا له چلنج سره مخامخ کوي او د افغانستان د عامې روغتيا وزارت سره له دې چې هلې ځلې کوي زموږ هيوادوالو ته معياري روغتيايي خدمتونه وړاندې کړي؛ د مشخصو دلايلو له مخې په دې نه دى بريالى شوى چې د ځانګړو روغتيايي څارنو په ترسره کولو په تېره بيا د ګرځنده روغتيايي کلينيکونو په جوړولو سره له دغې ستونزې او نورو روغتيايي ستونزو سره چې افغاني ټولنه په تېره بيا د هيواد په لرې پرتو سيموکې کليوالي اوسيدونکي ګواښوي؛ مبارزه وکړي.
د افغانستان دولت او خلکو په تيروکلونوکې د نړۍ د هيوادونو او د نړيوالو موسسو په تېره بيا په بېلابېلو برخو او له ساري ناروغيو سره د مجادلې په برخه کې د نړۍ د روغتيايي سازمان له زياتو مرستو استفاده کړې ده.
د پوليو د واکسين او د ماشومتوب د دورې د نورو واکسينونو او د چرګانو له انفلوانزا سره د مبارزې په ګډون د نورو ساري ناروغيو په شان د پروګرامونو په عملي کولوکې د دوستو هيوادونو او د نړيوالوو موسسو مرستې ګټورې او د ستاينې وړ دي چې هيڅکله نه شوکولاى سترګې پرې پټې کړو.
سره له دې چې په تيرو ديارلسو لسو کلونوکې نړيوالې ټولنې په بېلابېلو برخو په تېره بيا د روغتيا د سکټور د ودې په برخه کې له افغانانو سره د پاملرنې وړ مرستې کړې دي .
داسې خبرې اوريدل کيږي چې ښيي د روغتيا په برخه کې له افغانستان سره د نړيوالو موسسو د مرستو حجم کمښت موندلى دى او دليل يې د سوريې ، عراق او افريقا حالاتو ته د دغو هيوادونو او موسسو تمرکز بلل شوى دى .
دغه راز له افريقا څخه د ايبولا په نامه د ناروغۍ خپريدل د دې سبب شوي دي چې معتبر نړيوال سازمانونه د دغې وچې په لور تمرکز ولري.
په دې کې د شک ځاى نشته هغه هيوادونه چې د دغې وژونکې ناروغۍ د خپريدو شاهدان دي او د سوريې او عراق په شان نور هيوادونه چې د ډار اچوونکو بانډونه د فعاليت او يا د کورنيو جګړو د دوام شاهدان دي؛ بشري مرستو او د روغتيايي خدمتونو وړاندې کولو ته اړتيا لري او د افغانستان خلک د ځوريدلو خلکو په توګه د هغوى په درد او کړاو پوهيږي او هيله لري چې نړيواله ټولنه هغوى هم هير نه کړي. ځکه لاتراوسه پورې هم په هيوادکې د نا امنيو دوام د روغتيايي فعاليتونو د پراختيا په وړاندې بالقوه خنډ دي او افغانستان لا تراوسه پورې هم د هغو دريو هيوادونو په رديف کې دى چې په هغوکې ماشومانو د فلج يا پوليو د ناروغۍ مثبتې پيښې ترسترګو شوې دي.
دغه راز په دغه هيوادکې د زيږنونو په وخت کې د مړينې د ګراف په ګډون د نورو پيښوکچه لوړه ده او لا تراوسه پورې هم د زيږون په وخت کې په افغانستان کې د ميندو د مړينې کچه لوړه ده او په نورو روغتيايي برخوکې هم ستونزې او ناخوالي شته چې د افغانانو يواځې پريښودل يوه ستره جفا او د يوې اوږدمهالې ژمنې تر پښو لاندې کول دي .
د افغانستان خلک چې زياته برخه يې لا تراوسه پورې هم د بيوزلۍ له کرښې څخه ښکته شپې سبا کوي او لا تراوسه پورې هم په خپل هيوادکې د نا امنيو د دوام شاهدان دي او تروريستي بانډونه په عملي توګه د پوليو پروګرام ګواښوي؛ هيله لري چې د روغتيايي خدمتونو وړاندې کول د سياسي پروګرامونو او د سيمه ييزو او نړيوالو بدلونونو په انحصارکې نه وي او په دې نسبت بايد عاطفي او رښتينى چلند وشي او په خپلو پښو تر دريدو پورې د دوى د روغتيايي ستونزو په حل کولو کې دې لازمه مرسته وشي.