20 May 2019

RSS Facebook

سوداگریز


تازه خبرونه

د هېواد په سویل ختیځ کې ۲۲ تنه وسله وال طالبان وژل شوي دي

کابل/باختر/ د غويي د میاشتې ۲۹ مه په تېرو څلرویشتو ساعتو...

Youtube Player

khantry design

سوداگریز

سوداگریز

اجتماعی

کابل باختردثوردمياشتې ٩ :
د ميمنې ښاروالۍ نوې ودانۍ نن ګټې اخستنې ته وسپارل شوه.
د ميمنې ښاروال نظرمحمد صاحبزاده  د باخترآژانس خبريال ته وويل: دغه ودانۍ د ښاروالۍ له پرمختيايي بودجې څخه د څلورو مليونو درې سوه زرو افغانيو په لګښت په يوه پوړکې جوړه شوې ده.
خبرځاى زياته کړه: دغه ودانۍ اووه اداري خونې او نورملحقات لري چې ددغې ودانۍ د کارپه پشپړېدو سره د دفترونو د کموالي له پلوه د دغې ادارې د کارکوونکو ستونزې لرې شوې دي.

کابل باختردثوردمياشتې ٩ :
په جوزجان ولايت کې نن د سيلاوونو د راوتلو له امله په څه د پاسه څلورسوه کورنيو خوراکي توکي وويشل شول.
دغه مرستې  په جوزجان ولايت کې د غضنفر د خيريه مرکزله خوا شوې دي.
دجوزجان ولايت مرستيال انجنير عبدالرحمن محمودي د باخترآژانس خبريال ته  وويل چې په دغو مرستوکې وريجې، غوړي،  بوره او شړۍ شته چې د جوزجان ولايت د درز آب او د قوش تيپې په ولسواليوکې دسيلاوونو د راوتلو له امله په څه د پاسه څلور سوه زيانمنو شويوکورنيو وويشل شوې .
ديو بل خبرله مخې: د بيات مرکز د جوزجان ولايت د خواجه دوکو ولسوالۍ له مصيبت ځپلو کسانو سره د يوې اندازې خوراکي توکو، شړيو  او خيمو مرسته کړې ده.

کابل باختر د ثور اتمه :
دبغلان ولايت د ډبرو سکرو په يوه کان کې دزهرجن ګاز دخپريدو له امله دوه تنه کارګران ووژل شول اويوتن بل يې مسموم شو .
دغه پيښه نن له غرمې نه مخکې دنهرين ولسوالۍ د ډبرو سکرو په کان کې هغه وخت رامنحته شوه چې کارګران په کاربوخت و
دنهرين ولسوال  عبدالفتاح  هاتف  دباختراژانس خبريال ته وويل چې ددغې ولسوالۍ د ډبرو سکرو په کان کې دزهرجن ګاز دخپريدو له امله دوه کارګران ووژل شول اويوتن بل مسموم شو .
ده دپرمختللو فني وسايلوپه تيره بيا دميتان  سنجوونکي دستګاه  او په کان کې دفني  انجنيرانو نشتوالى ددغه راز  مرګونو پيښو  اصلي انګيزه  وبلله .
  په همدې حال کې په دې پيښه کې  دمسموم شوى کارګر حالت خراب بلل شوى دى .
دنهرين  دډبرو سکرو  دکان درا ايستلو کار څه موده  مخکې دحکومت له خوا دهاشمي ګروپ په نامه يوه خصوصي  شرکت ته سپارل شوى دى .
دباختراژانس  خبريال له زياتو هڅو سره سره ددغې  پيښې دڅرنګوالي په باب ددغه شرکت له مسوولينو سره  په خبرو بريالي نه شو .

کابل باختر د ثور اتمه :
دوروستيو سيلاونو په تاواني شويو کسانو  دافغاني سرې مياشتې  دټولنې دسميه ئيز رياست دبشر دوستانه مرستو لومړى انډې دکهسان په ولسوالۍ کې وويشل شول .
په دغو مرستو کې وريجي ، بوره، چاى، مالګه لوبيا د اوبو بوشکې ، شړى  ، دپخلنځي سيټونه او ترپالونه شته دي چې په درې ويشتو زيانمنو شويوکورنيو وويشل شوې .
دافغاني سرې مياشتې دټولنې دلويديځې حوزې رييس نور الدين احمدي وايي له دغو مرستو څخه هغو کسانو ګټه واخيسته چې داسلام قلعه په سيمه کې يې داستوګنې  کورونه ړنګ  شوى دى .