22 September 2019

RSS Facebook

سوداگریز


تازه خبرونه

څوارلس وسله وال طالبان په بادغيس کې ووژل شول

څوارلس وسله وال طالبان په بادغيس کې ووژل شول

کابل/ د وږي ۳۱ مه / باختر د بادغيس سيمه ييز...

د زارع لپاره د طالبانو نومول شوی ولسوال ووژل شو

د زارع لپاره د طالبانو نومول شوی ولسوال ووژل شو

کابل/ د وږي ۳۱ مه / باختر د بلخ ولایت د...

Youtube Player

khantry design

سوداگریز

سوداگریز

اجتماعی

-کابل باختر د لړم لومړي:
له سعودي عربستان څخه  افغانستان ته دافغان حاجيانودليږدونې بهير په عادي ډول دوام لري .
  په سعودي عربستان کې  دافغانستان  دحج قونسل  محمد عثمان حامدي  نن دباختراژانس خبريال ته وويل ، دفرضي حج  دمراسمو له پاى ته رسيدو وروسته  له سعودي عربستان څخه  دهيواد پنځو زونونوته دافغان حاجيانو دليږدونې بهير په عادي ډول دوام لري او تر نن ورځې پورې نږدې څوارلس زره تنه افغان حاجيان دهيواد دهوايي شرکتونو دالوتکو په واسطه  ليږدول شوي دي .
  په مدينه منوره کې دافغان حاجيانو  بعثه رييس  طالب شاه معصومي هم  يادونه وکړه  چې همدااوس  نهه زره  اووه سوه پنځه  نوي تنه  افغان حاجيان  دڅلويښتو لمونځونو دبشپړولو  او  دعبادت  دترسره کولو په خاطر  په مدينه منوره کې  په نبوي  حرم کې دي او هغوى نبوي حرم ته څيرمه  په اوسا ودانيو کې شپې سبا کوي .
معصومي څرګنده کړه ،دګوتې په شمار افغان حاجيان  په مکه مکرمه کې پاتې دي  او هغوى هم  مدينې منورې ته  ليږدول کيږي .
  طالب شاه معصومي وويل  چې له برابر شوي پروګرام سره سم  هيواد ته دافغان حاجيانو دليږدونې بهير دمحرم الحرام  دمياشتې تردولسمې پورې  پاى ته رسيږي

کابل باختر د لړم لومړي:
دافغانستان داسلامي جمهوريت  دجمهور رييس  ډاکتر محمد اشرف غني احمدزي  د ډاډ ګيرنې او همدردۍ پيغام .
په خواشيني سره مې خبر ترلاسه کړ چې ارواښاد استاد عبدالرزاق  شجاع يوسف دشپږ شپيته کلني په عمر  داطريش  په وين ښار کې وفات شوى دى .
ارواښاد عبدالرزاق شجاع يوسف په ١٣٢٧هجري لمريز کال کې دهرات په هنرپال ولايت کې په يوه  دينداره او عالمه  کورنۍ کې  وزيږيد اوعربي او دري مقدماتي علوم يې  دخپل پلار قاضي محمديوسف په ښوونځى کې  چې دهيواد يومشهور پوه  او قاضي و ، زده کړل او وروسته دنورالدين عبدالرحمن جامي له ليسې څخه  په عالي درجه فارغ شو . لوړو زده کړوته يې  دکابل د پيداګوژۍ په انستيتوت کې  د دري ژبې او ادبياتو په څانګه کې دوام ورکړ .ارواښاد عبدالرزاق شجاع يوسف څوارلس کاله دسلطان غياث الدين غوري او دهرات  په جامي ليسو او دکابل  دحبيبيې  او استقلال  په ليسو کې دښوونکي په توګه  دنده ترسره کړه .
  ارواښاد دهرات ولايت  دپوهنې درييس ، دپوهنې وزارت  دتاليف او ترجمې رياست  دسرپرست ،  دپوهنې دوزير دسلاکار ، دخبرونو داصلاح اوادبي برخې دڅارنې دمسوول او دافغانستان دملي راډيو ټلويزيون  د خبري ويندويانو دښوونکي په توګه دندې ترسره کړې دي .
په ١٣٦٩کال کې دافغانستان ښوونکو ته  ددري ادبياتو د درسي ميتود دکتابونو تدوين دارواښاد يوسف  له مهمو فرهنګي  کارونو څخه  دي .
دى زيات هنري او ادبي اثار لري .
په دې وسيله  دارواښاد دمرينې په مناسبت  دخپل ژور خپګان  مراتب  دارواښاد کورنۍ ، خپلوانو ، دهيوادفرهنګي ټولنې او دافغانستان  ګران ملت ته  څرګندوم او دده  مړينه  په  افغانستان کې يوه ستره فرهنګي ضايعه بولم .
دافغانستان سترملت به هيڅکله  هيواد اوخلکو ته دخدمت په لاره کې  دارواښاد يوسف  ارزښتناکې هلې ځلې هيرې نه کړي .

کابل – باختر د تلې د مياشتې ۳۰مه:
د مشرانو جرګې د رئيس فضل هادي مسلميار له خوا د ګيرادلارچر(Gerard Larcher) په نامه د مباركۍ پيغام چې نوى د فرانسې د سنا مجلس د رئيس په توګه انتخاب شوى دى؛ ليږل شوى او په پيغام كې افغانستان د سولې او ثبات د ټينګښت او له تروريزم سره د مبارزې په کار كې د دغه هېواد د مرستو له امله مننه شوې او په دې برخه كې د دغه هېواد د لا زياتو همكاريو غوښتنه شوې ده.#

کابل – باختر د تلې دمياشتې ٣٠
د ملګرو ملتو د سازمان د جوړيدو ٦٩مه کاليزه نن د کابل پوهنتون د حقوقو او د سياسي علومو د پوهنځي له خوا ونمانځل شوه.
د باختر آژانس د خبريال د خبرله مخې:
په هغې غونډه کې چې په همدې مناسبت جوړه شوې وه؛ لومړى د کابل پوهنتون د حقوقو او سياسي علومو د پوهنځي رييس پوهنوال اقرار واصل د ملګرو ملتو د سازمان د تاريخچې په باره کې معلومات ورکړل او ويې ويل: نهه شپيته کاله مخکې له دويمې نړيوالې جګړې وروسته چې ٥٠ مليونه تنه انسانان پکې قرباني شول؛ د وخت د يو پنځوسو خپلواکو هيوادونو له خوا د نړيوالې سولې او امنيت د ساتنې د دوستانه اړيکو د ټينګښت او پياوړتيا او د ملګرو ملتو د سازمان دځاى ناستو هيوادونو ترمنځ د همکارۍ په مقصد چې په دې بريالي شوي وو د جګړې د مخنيوي په وړاندې خپل مسووليت ادا کړي؛ د ملګرو ملتو د سازمان په نامه ډير ستر نړيوال او نړۍ شمول بنسټ جوړ شو.
ده زياته کړه چې افغانستان په ١٩٤٦ م کال کې د ملګرو ملتو د سازمان غړيتوب ترلاسه کړ.
په دې غونډه کې د لوړو زده کړو وزارت سرپرست ډاکتر عبيدالله عبيدهم د نړيوالې سولې او ثبات د تامينولو او د سوله ييز ګډ ژوندانه د زمينو د برابرولو او د نړۍ د هيوادونو د سوکالۍ په خاطر د ملګرو ملتو د سازمان د رول او هڅو په اړوند خبرې وکړې او ويې ويل:
په بېلابېلو برخو په تېره بيا د افغانستان په بياجوړولوکې د دغه سازمان هڅو او فعاليتونو ته بايد د قدر په سترګه وکتل شي.
دغه راز په افغانستان کې د ملګرو ملتو د سازمان ځانګړي استازي مرستيال هم په ځانګړي توګه په افغانستان کې د دغه سازمان د فعاليتونو په باب معلومات ورکړل او د دغه سازمان يو مهم هدف يې په ټوله نړۍ کې د يوې هميشنۍ سولې او عدالت تامينول او د نړۍ د هيوادونو ترمنځ د دوستانه اړيکو او همکارۍ پراختيا وبلله.
په پاى کې د حقوقو او سياسي علومو پوهنځي يو تن محصل هم د موضوع په اړوند خبرې وکړې.