20 May 2019

RSS Facebook

سوداگریز


تازه خبرونه

د هېواد په سویل ختیځ کې ۲۲ تنه وسله وال طالبان وژل شوي دي

کابل/باختر/ د غويي د میاشتې ۲۹ مه په تېرو څلرویشتو ساعتو...

Youtube Player

khantry design

سوداگریز

سوداگریز

اجتماعی

کابل باختردثوردمياشتې ٧ :
دبدخشان ولايت په څلورو ولسواليوکې وروستيو سيلاوونو خلکو ته زيات تاوانونه اړولي دي.
دبدخشان ولايت له پيښو سره د مبارزې د تيارى د ادارې د سرپرست محمدآصف  دباخترآژانس خبريال ته وويل : د شهدا، درايم ، تشکان  او دکشم په ولسواليوکې د سيلاوونو د راوتلو له امله د استوګنې کورونو، دوکانونو او کرنيزو ځمکوته زيان  اوښتى دى او له نيکه مرغه د سرزيان يې نه دى اړولى .
يوه اړونده خبرځاى وويل چې د سروې هيتونه د دغو سيلاوونو له امله د اوښتو تاوانونو د څيړنې په خاطر دغو ولسواليو ته استول شوي دي چې د تاوانونوپه تثبيتولو سره د دغو سيمو زيانمنوشويوکسانو ته مرستې برابرې شي.

_ کابل باختردثوردمياشتې ٧ :
دکورنيو چارو وزارت د افسرمل پاسوال غلام رسول تره خيل جنازه نن د خاصو نظامي مراسموپه ترڅ کې خارو ته وسپارل شوه.
دباخترآژانس دخبرله مخې: د ارواښاد د جنازې د وړلو او ښخولو په مراسموکې د کورنيو چارو وزارت ستر امنيتي معين سترپاسوال محمدايوب سالنګي، د سولې د عالي شورا د دارالانشا رييس معصوم ستانکزي، د ولسي جرګې غړي عبدالجبار قهرمان او دملي دفاع او دکورنيوچارو د وزراتونو يوشمېرجنرالانو او افسرانو ګډون کړى و.
مل پاسوال غلام رسول تره خيل د هغې ناروغۍ له امله چې ور پيښه شوې وه؛ پرون وفات شو او جنازه يې نن دکابل په تره خيلوکې د دوى په پلرنى اديره کې خارو ته وسپارل شوه .
ارواښاد د عامه نظم او امن د لوى قوماندان په ګډون د کورنيو چارو وزارت په مهمو پستونوکې دندې ترسره کړې وې.

کابل_باختر د ثور دمياشتې٧ مه:
د افغانستان د اسلامي جمهوريت د جمهور رييس حامدکرزي د خواخوږۍ او ډاډګيرنې پيغام!
په ډیرې خواشینۍ سره خبر شوم چې د مومندو د خپرندویې ټولنې مشر نصیر مومند د ورپیښې ناروغۍ له امله له دې فاني نړۍ څخه سترګې پټې کړې دي.
ارواښاد نصیر مومند د فرهنګ یو تکړه خدمتګار و، د علمي، ادبي او پوهنتوني کتابونو د چاپ او نشر له لارې یې د هېواد د فرهنګ ډیر خدمت کړی دی، د ده مړینه یوه ضایعه ده.
د خپلې خواخوږۍ او ډاډګیرنې مراتب د ده کورنۍ، دوستانو او د ننګرهار ولایت خلکو ته وړاندې کوم. الله تعالی دې دی وبخښي او کورنۍ ته دې یې جمیل صبر په نصیب شي.#

کابل باختردثوردمياشتې ٧ :
د ملي اردو منسوبينو په جوزجان ولايت کې د سيلاوونو د راوتلو له امله مصيبت ځپلوکسانو ته بيړنۍ مرستې ورسولې .
د ملي دفاع وزارت د ويندوى مطبوعاتي دفترباخترآژانس ته خبرورکړ:
د جوز جان ولايت دخواجه دوکو ولسوالۍ په مربوطاتوکې د سيلاوونو د راوتلو له امله يوشمېر کورنۍ زيانمې شوې دي.
د ملي اردو منسوبينو په يوسلو اووه ويشتوکورنيو دغوړيو، چايو، غنمو، وريجې، دال نخود او د بورې په ګډون اته زره څلور سوه پنځه نوي کيلوګرامه خوراکي توکي او دغه راز  په څه دپاسه زرو تنو لازم درمل وويشل .
د ملي اردو منسوبينو د سيلاو د راوتلو په لومړۍ ورځ يو زرو دوه سوه تنه او په دويمه ورځ اته سوه تنه چې د سيلاو د سخت ګواښ له خطر سره مخامخ وو؛ امن ساحو ته وليږدول او په دويمه ورځ د مرستې پنځه سوه کيلوګرامه خوراکي توکي دملي اردو د هوايي پوځ د هليکوپټرو په واسطه ليږدولي دي.
دغه راز د جوزجان  ولايت  مسوولين ، امنيه قوماندان او ژورناليستان د هوايي پوځ د هليکوپټرونو په واسطه مصيبت ځپلوسيمو ته ليږدول شوي دي .