23 September 2019

RSS Facebook

سوداگریز


تازه خبرونه

څوارلس وسله وال طالبان په بادغيس کې ووژل شول

څوارلس وسله وال طالبان په بادغيس کې ووژل شول

کابل/ د وږي ۳۱ مه / باختر د بادغيس سيمه ييز...

د زارع لپاره د طالبانو نومول شوی ولسوال ووژل شو

د زارع لپاره د طالبانو نومول شوی ولسوال ووژل شو

کابل/ د وږي ۳۱ مه / باختر د بلخ ولایت د...

Youtube Player

khantry design

سوداگریز

سوداگریز

اجتماعی

کابل باختر دتلې دمياشتې  ٢٥
د نيمروز ولايت په مرکز  د زرنج ښار په يوه کوڅه کې  يو ماشوم په يوه سرخلاصې څاه کې ولويد او مړ شو.
يو اووه کلن ماشوم  پرون کله چې  له دغې کوڅې څخه تيريده  په دغې څاه کې
ولويد او  روغتون ته په وخت دده دليږدونې لپاره دګاونډيانو هلوځلو نتيجه ورنه کړه او دغه ماشوم  مړ شو.
دنيمروز ولايت دامنيې قوماندانۍ دجنايي جرمونو پرخلاف دمبارزې مدير عبدالله شيرزى دباخترآژانس خبريال ته وويل :  امنيتي ځواکونو دکور خاوند چې دغه څاه يې  په  کوڅه  کې کيندلې وه   او سر يې نه و پوښلى   نيولى دى.

کابل – باختر د تلې دمياشتې ٢٤
د بشري مرستو په تېره بيا د روغتيايي مرستو وړاندې کول بايد په سياسي حالاتو او احوالو پورې اړوند نه وي او بايد د سيمه ييزو او نړيوالو پرمختياوو تر اغيزې لاندې و نه نيول شي .
د باختر آژانس مبصر ليکي:
په افغانستان کې د سترګو د روښنايي نړيواله ورځ په پرون (د سترګو په روغتيايي خدمتونو د ټولو د برلاسي) تر شعار لاندې په کابل کې ونمانځل شوه .
په افغانستان کې د سترګو د روښنايي نړيواله ورځ په داسې حال کې ونمانځل شوه چې په دغه هيوادکې کال په کال نږدې ٢٥ زره تنه انسانان د ډول ډول ناروغيو د اخته کيدو په دليل د خپلو سترګو روښنايي له لاسه ورکوي.
د سترګو ناروغي يو جدي ګواښ دى چې د بشر سلامتيا له چلنج سره مخامخ کوي او د افغانستان د عامې روغتيا وزارت سره له دې چې هلې ځلې کوي زموږ هيوادوالو ته معياري روغتيايي خدمتونه وړاندې کړي؛ د مشخصو دلايلو له مخې په دې نه دى بريالى شوى چې د ځانګړو روغتيايي څارنو په ترسره کولو په تېره بيا د ګرځنده روغتيايي کلينيکونو په جوړولو سره له دغې ستونزې او نورو روغتيايي ستونزو سره چې افغاني ټولنه په تېره بيا د هيواد په لرې پرتو سيموکې کليوالي اوسيدونکي ګواښوي؛ مبارزه وکړي.
د افغانستان دولت او خلکو په تيروکلونوکې د نړۍ د هيوادونو او د نړيوالو موسسو په تېره بيا په بېلابېلو برخو او له ساري ناروغيو سره د مجادلې په برخه کې د نړۍ د روغتيايي سازمان له زياتو مرستو استفاده کړې ده.
د پوليو د واکسين او د ماشومتوب د دورې د نورو واکسينونو او د چرګانو له انفلوانزا سره د مبارزې په ګډون د نورو ساري ناروغيو په شان د پروګرامونو په عملي کولوکې د دوستو هيوادونو او د نړيوالوو موسسو مرستې ګټورې او د ستاينې وړ دي چې هيڅکله نه شوکولاى سترګې پرې پټې کړو.
سره له دې چې په تيرو ديارلسو لسو کلونوکې نړيوالې ټولنې په بېلابېلو برخو په تېره بيا د روغتيا د سکټور د ودې په برخه کې له افغانانو سره د پاملرنې وړ مرستې کړې دي .
داسې خبرې اوريدل کيږي چې ښيي د روغتيا په برخه کې له افغانستان سره د نړيوالو موسسو د مرستو حجم کمښت موندلى دى او دليل يې د سوريې ، عراق او افريقا حالاتو ته د دغو هيوادونو او موسسو تمرکز بلل شوى دى .
دغه راز له افريقا څخه د ايبولا په نامه د ناروغۍ خپريدل د دې سبب شوي دي چې معتبر نړيوال سازمانونه د دغې وچې په لور تمرکز ولري.
په دې کې د شک ځاى نشته هغه هيوادونه چې د دغې وژونکې ناروغۍ د خپريدو شاهدان دي او د سوريې او عراق په شان نور هيوادونه چې د ډار اچوونکو بانډونه د فعاليت او يا د کورنيو جګړو د دوام شاهدان دي؛ بشري مرستو او د روغتيايي خدمتونو وړاندې کولو ته اړتيا لري او د افغانستان خلک د ځوريدلو خلکو په توګه د هغوى په درد او کړاو پوهيږي او هيله لري چې نړيواله ټولنه هغوى هم هير نه کړي. ځکه لاتراوسه پورې هم په هيوادکې د نا امنيو دوام د روغتيايي فعاليتونو د پراختيا په وړاندې بالقوه خنډ دي او افغانستان لا تراوسه پورې هم د هغو دريو هيوادونو په رديف کې دى چې په هغوکې ماشومانو د فلج يا پوليو د ناروغۍ مثبتې پيښې ترسترګو شوې دي.
دغه راز په دغه هيوادکې د زيږنونو په وخت کې د مړينې د ګراف په ګډون د نورو پيښوکچه لوړه ده او لا تراوسه پورې هم د زيږون په وخت کې په افغانستان کې د ميندو د مړينې کچه لوړه ده او په نورو روغتيايي برخوکې هم ستونزې او ناخوالي شته چې د افغانانو يواځې پريښودل يوه ستره جفا او د يوې اوږدمهالې ژمنې تر پښو لاندې کول دي .
د افغانستان خلک چې زياته برخه يې لا تراوسه پورې هم د بيوزلۍ له کرښې څخه ښکته شپې سبا کوي او لا تراوسه پورې هم په خپل هيوادکې د نا امنيو د دوام شاهدان دي او تروريستي بانډونه په عملي توګه د پوليو پروګرام ګواښوي؛ هيله لري چې د روغتيايي خدمتونو وړاندې کول د سياسي پروګرامونو او د سيمه ييزو او نړيوالو بدلونونو په انحصارکې نه وي او په دې نسبت بايد عاطفي او رښتينى چلند وشي او په خپلو پښو تر دريدو پورې د دوى د روغتيايي ستونزو په حل کولو کې دې لازمه مرسته وشي.

کابل باختر دتلې دمياشتې  ٢٥ :
دستر جنرال غلام غوث ناصري دناڅاپي مړينې له امله  دجمهور رييس دډاډګيرنې پيغام
په ژورې خواشينۍ  سره مې خبر ترلاسه کړ چې  سترجنرال غلام غوث ناصري دهغې  ناروغۍ له امله چې ورپيښه شوې وه  دپنځه اوياکلنۍ په عمروفات شو.
انالله و انااليه راجعون
په دې وسيله دخپلې ژورې خواشينۍ او ډاډګېرنې مراتب  دارواښاد کورنۍ ، دوستانو ، دناصري دقوم شورا ، وسله والو ځواکونو او دافغانستان ګران ملت
ته وړاندې کوم او دارواښاد مړينه دافغانستان امنيتي سکتور ته يوه ستره ضايعه بولم .
دافغانستان امنيتي ځواکونه  اوستر ملت هيڅکله  هېواد  اوخلکو ته به  دخدمت په لاره کې دارواښاد  ناصري ارزښتناک خدمتونه هير نه کړي.

کابل – باختر د تلې دمياشتې ٢٤
د افغانستان د عالمانو د سراسري شورا د ډاډګيرنې پيغام!
په خواشينۍ سره مو خبر ترلاسه کړ چې جيد عالم، د هيواد جهادي شخصيت او د افغانستان د عالمانو د سراسري شورا سابقه لرونکى غړى، استاد يوسف واعظي شهرستانى د هغې ناروغۍ له امله چې ورپيښه شوې وه؛ وفات شوى دى.
د افغانستان د عالمانو سراسري شورا د ارواښاد واعظي مړينه يوه علمي ضايعه بولي او متوفى ته د لوى خداى (ج) له دربار څخه د فردوس جنت او پاتې کسانو ته د جزيل اجر او د جميل صبر هيله کوي او دغه راز د ارواښاد کورنۍ او د دايکنډي ولايت درنو عالمانو او خلکو ته د ډاډګيرنې مراتب څرګندوي .