16 September 2019

RSS Facebook

سوداگریز


تازه خبرونه

پنځه تنه په فراه کې د ماین په چاودنه کې ووژل شول

پنځه تنه په فراه کې د ماین په چاودنه کې ووژل شول

فراه /باختر /دوږی ۲۵ په فراه کې پنځه تنه د ښخ...

اووه طالبان په فاریاب کې ووژل شول

اووه طالبان په فاریاب کې ووژل شول

کابل/ باختر/ د وږي٢٥مه د درېيو سیمه ییزو قوماندانانو په ګډون...

په میدان وردګو کې د طالبانو یو قوماندان ووژل شو

په میدان وردګو کې د طالبانو یو قوماندان ووژل شو

کابل/ باختر/ د وږي٢٥مه د طالبانو یو قوماندان تېره شپه په...

Youtube Player

khantry design

سوداگریز

سوداگریز

اجتماعی

کابل باختر د تلي ١٣:
اختر دپخلاينې اوورور ولي په سترې فلسفې سره را ورسيد .  اوس په مومنانو پورې اړه لري چې په الهي لارښوونو په ډډې لګولوسره دې په هيوادکې دسولې او ملي پخلاينې دزياتې پياوړتيا په لاره کې ګام واخلي .
دباختراژانس مبصر ليکي .  داخترونويوه اساسي فلسفه له کينې اوکدورت څخه  لرې والي او پخلاينه اوورورولي ده . نو په ټولو مسلمانانو پورې اړه لري چې دالهي ارشاداتو  دتطبيق په خاطر  له کينې ، جګړې او وينې تويولو څخه ډډه وکړي او دسولې دتامينولوپه لاره کې چې هماغه الهي ارشاد او ددې هيواد دهرې ښځې اوماشوم ، هرسپين ږيري اوځوان غوښتنه ده  هڅه او هاندوکړي .
څه دپاسه ديرش کاله کيږي چې افغانستان دجګړې په اور کې سوځي، دهرې ورځې په تيريدو سره  ديتيمانواوکونډو شميرزياتيږي ددغې ټولي وروروژنې اوورانۍ حاصل  يوازې داسلام په مبين دين ناپوهي ده  هغه کسان چې ددين په باب پوره معلومات نه لري په جګړې اوورانکارۍ لاس پورې کوي او په دې ډول ددښمن په ژرنده کې اوبه زياتوي .
ددې هيواد ښځه ، نارينه ، ماشوم ، ځوان اوسپين ږيري  وژني، ابادي چې دهيوادخلکو ته ډيره لوړه بيه تمامې شوې دي ويجاړوي .
سليم عقل حکم کوي بايد ددين  په مولفو منګولي ښخ کړو او دشيطان له خره څخه راښکته شي ، خلک له دې زيات ونه ځوروي اودجګړې اوورور وژنې پرځاى چې لوى خداى ( ج )  لارښوونه کړې ده  دسولې لاره غوره کړو اودسولې ، ملي وفاق او دافغانستان دآبادۍ په باب فکر وکړو .
دافغانستان اسلامي جمهوريت کلونه کلونه مخکې په الهي لارښوونو په پوهيدو سره  سراسري  روغه جوړه  اعلام کړه اوله مخالفينو څخه يې وغوښتل چې دخلکو ارادې ته چې سوله ده ، مثبت ځواب ووايي اوجګړه اووينې تويول پاى ته ورسوي .
اوس چې دافغانستان خلک  دنيکمرغه لوى اختر هرکلي کوي خلک له وسله والو مخالفينوڅخه غواړي چې داختر دفلسفې په پيروي اوپه  الهي لارښوونو سره  په هيواد کې جګړه او ورور وژنه پاى ته ورسوي اوخپل  پلرنۍ  ټاټوبي  دسولې  اوداسلامي ورور ولي په رڼا کې  دترقۍ اوپرمختګ تګلوري ته  برابر کړي .

کابل باختر دتلې دمياشتې ١٣  :
دافغانستان داسلامي جمهوريت دجمهوررييس ډاکتر محمداشرف غني  احمدزي ، اجرائيه رييس ډاکتر عبدالله عبدالله  او دافغانستان دټول مسلمان ملت  په نامه  نن  هم دنيکمرغه لوى اختر په مناسبت  باخترآژانس ته دمبارکۍ پيغامونه رسيدلي دي.
په پيغامونو کې دنيکمرغه لوى اختر  دبختورو ورځو په مناسبت  دډيرو ښو مبارکيو  دمراتبو د څرګندولو ترڅنګ په ټول  هېواد کې  دسولې او امنيت  دټينګښت دتامينولو په اړتيا باندې ټينګار شوى دى اوويل شوي دي  چې  دافغانستان دخلکو يوه  اساسي اړتيا په هېواد کې دسراسري سولې او امنيت ټينګښت او دجګړې او ورور وژنې بندول دي چې بايد دسولې  او امنيت دټينګښت او دجګړې او ورور وژنې دبندولو په خاطر  له ټولو امکاناتو څخه کار واخيستل شي .
دغه راز په پيغامونو کې ويل شوي دي  چې دافغانستان ځوريدلى ملت  دژوندانه  په بيلابيلو برخو کې جدي پاملرنې ته اړتيالري  په تيره بيا  دفساددجرړو  ايستل او دټولنيزو اقتصادي  او داداري نابرابريو له منځه وړل.
دغه پيغامونه  ،  دځينو دولتي ادارو ، مدني او فرهنګي بنسټونو اودوګړنيو شوراګانو دمشرتابه هيئتونو ، سياسي ګوندونو ، ټولنيزو سازمانونو ، دځينو پوهنتونونو او دلوړو او نيمه لوړو  زده کړو  ددولتي او خصوصي موسسو  او ديوشمير ښوونځيو دمشرتابه هيئتونوله خوا رسيدلي دي.

کابل باختر دتلې دمياشتې ١٣  :
دافغانستان  په ولايتونو کې سيمه ييزو مسوولينو دنيکمرغه لوى اختر له امله دولتي  او حکومتي چارواکو او خلکو ته مبارکي وويله .
دهېواد  د  ٣٣ ولايتونو دواليانو ، نظامي قوماندانانو او دولايتي شوراګانو دمسوولينو په ګډون  دولتي او حکومتي چارواکو  باخترآژانس ته دپيغامونوپه  ليږلوسره دنيکمرغه لوى اختر له امله  دافغانستان داسلامي جمهوريت جمهور رييس  ډاکتر محمداشرف غني احمدزي او دملي  وحدت  دحکومت اجرائيه رييس  ډاکتر عبدالله عبدالله او دده مرستيالانو او دافغانستان ټولو خلکو ته مبارکي وويله  او هيله يې وکـــــــــــړه چې  دنوي حکومت  په پروګرامونوسره   افغانستان  دسولې اوپرمختګ  په لور  ګام واخلي .
په دغو پيغامونو کې  له خلکو څخه  غوښتل شوي دي   چې دنيکمرغه لوى اختر په بختورو ورځو کې چې  داسلام په مبين دين کې  ژورې جرړې لري دخپل هېواد دپرمختګ اوترقۍ لپاره دعا وکړي   او له دولت سره  په ګډو هلو ځلو  او همکارۍ سره  دافغانستان خلک  خپلو لرغونو هيلو ته چې هماغه په ټول هيواد کې دسولې او امنيت ټينګښت او دبيوزلۍ له منځه وړل دي ورسوي.
سيمه ييزو مسوولينو په خپلو پيغامونو کې  دنيکمرغه لوى اختر په بختورو ورځو کې دخلکو  د خوښۍ دګډوډولو لپاره  دوسله والو  طالبانو دلسګونو تروريستي طرحو شنډولو ته په اشارې سره له خلکوسره  ژمنه وکړه چې ددوى په پراخو امنيتي پروګرامونوسره ، دافغانستان دخلکو دښمنان نه شي کولاى ددوى  اختر په درد او غم بدل کړي .  

کابل – باختر د تلې دمياشتې ١٢
دهيواد په مليونونوتنو وګړو په ټول هيواد کې داختر لمونځ ادا  او لوى اختر يې پيل کړ.
دوى وايي چې دجګړې او وژنو دپاى ته رسيدو او دهيواد دپرمختګ لپاره يې دعا وکړه .
ملا امامانو داختر دلمانځه په خطبو کې خلک ګډ ژوند او د افغانستان د امنيت دتامينولو لپاره يې له دولت سره همکارۍ ته وهڅول او هيوادته يې دالله (ج) له دربار څخه دسولې او پرمختګ هيله وکړه.
د افغانستان خلکو سږ کال نيکمرغه لوى اختر له نورو کلونو څخه په متفاوت ډول پيل کړل.
دوى دانتخاباتو دبحران په پاى ته رسيدو او د آرامۍ او پرمختګ په لور ديون لپاره د دوى په زړونوکې هيلې اوس زيات شوى او له بل هر وخت څخه خوشحاله دي او په راتلوونکي باورلري.
په مزارشريف ښارکې يو ښوونکى فرهاد وايي چې نن يې د زړه له تل څخه دخپلو خلکودآرامۍ او پرمختګ لپاره دعا کړې ده .
ده له دولت څخه وغوښتل چې دامنيت دتامينولو او دخلکو دبيوزلۍ دله منځه وړلو په لاره کې هلې ځلې وکړي .
نيکمرغه لوى اختر سږ کال ترسختو امنيتي تدبيرونو لاندې پيل شو.
دپوليسو اردو او دملي امنيت په زرګونو تنه ځواکونه په لويو لارو او په ګڼ ميشتو لارو کې په درست هيواد کې ځاى پرځاى شوي دي چې خلک وکولاى شي په خوښۍ او آرامۍ سره لوى اختر ونمانځي.
امنيتي مسوولين وايي دهغو امنيتي پروګرامونو سره چې دوى لري طالبان او نورې تروريستي ډلې د دې وس نه لري چې داختر په ورځو کې دخلکو خوشحالي واخلي.