29 February 2020

RSS Facebook

سوداگریز


تازه خبرونه

معلولانو په هرات کې  دمهربانۍ مرکز جوړ کړ

معلولانو په هرات کې دمهربانۍ مرکز جوړ کړ

کابل /دکب ٩مه / باختر : يوشمېر معلولانو ، معلولو...

په بلخ کې  د ورزشکارو نجونودځغاستې  سيالي ترسره شوه

په بلخ کې د ورزشکارو نجونودځغاستې سيالي ترسره شوه

کابل /دکب ٩مه / باختر دکب مياشتې د نهمې د هېواد...

ننګرهارکې  پر لسګونوبزګرانود کار وسايلو وېش

ننګرهارکې پر لسګونوبزګرانود کار وسايلو وېش

-کابل /دکب ٩مه / باختر په ننګرهار کې لسګونوبزګرانو ...

Youtube Player

khantry design

سوداگریز

سوداگریز

اجتماعی

کابل- باختر د زمري دمياشتې ١
په يوه پراخه غونډه کې ديني عالمانو د سولې تامينول او د هيواد د اوسنيو ستونزو حل د ديني عالمانو اساسي وجيبه وبلله او ژمنه يې وکړه چې په دې لاره کې به هلې ځلې وکړي.
دغه غونډه پرون د لوګر ولايت د اطلاعاتو او فرهنګ رياست د کنفرانسونو په تالارکې جوړه شوې وه چې د لوګر ولايت په لسګونو تنو ديني عالمانو، روحانيونو او د دولتي ادارو مسوولينو پکې ګډون کړى و او زموږ د خلکو د ستونزو د حل کولو او د خلکو په لاره د پرتو چلنجونو په باب يې خبرې وکړې.
په دې غونډه کې مولوي الف خان د هيواد د اوسنيو ستونزو د حل کول د شرعي حکمونو په پاملرنې سره د دين عالمانو له مسووليتونو څخه وبلل او ويې ويل چې ديني عالمان دې بايد د هيواد د اوسنيو ستونزو د له منځه وړلو په لاره کې خپل ايماني او وجداني مسووليتونه ادا کړي چې په هيواد کې سراسري سوله ټينګه شي.
د پل علم ښار د جامع جومات خطيب مولوي امير جان وويل: که چيرې ټولې چارې د عظيم الشان قرآن د حکمونو له مخې ترسره شي؛ په هيوادکې په روانې ستونزې ډير ژرحل شي.
ده د اسلام د مبين دين په لارښوونو په ټينګار سره د اختلافونو او بې باوريو په له منځه وړلوکې يې يو والى او پيوستون اساسي شرط وباله او زياته يې کړه چې د اسلام مبين دين سوله د انسانانو لپاره خير او فلاح بللې ده.
د غونډى په بهيرکې مولوي رضوان الله د عظيم الشان قرآن د مبارک آيت په رڼا کې د مومنانو وژنه نه بخښوونکى جنايت وباله او زياته يې کړه: هغه کسان چې د مسلمانانو په وژلو لاس پورې کوي؛ د هغوى سزا دوزخ دى .
ده ځانمرګي بريدونه او چاودنې چې د ملکي وګړو او د افغان امنيتي ځواکونو د مرګ ژوبلې سبب کيږي؛ په کلکه وغندلې او له مرورو وسله والو ډلو څخه يې وغوښتل چې د سولې له بهير سره يوځاى شي او په ګډو هلوځلو سره د هيواد په سوکالى او آبادولوکې ونډه واخلي.
د لوګر ولايت د حج او اوقافو رييس قاضي محمد نقيب او د اطلاعاتو او فرهنګ رييس محمد شفيق پوپل د پروګرام د موضوعګانو په راټولو سره يې ژمنه وکړه چې د منبرونو، جوماتونو او د رسنيو له لارې خلکوته د پوهاوى د ورکولو، له دولت سره د مرستې او همکارۍ او د سولې د تامينولو په خاطر به عملي ګامونه واخلي.
دغه پروګرام د اطلاعاتو او فرهنګ او د حج او اوقافو د رياستونو له خوا د لسګونو تنو ديني عالمانو، روحانيونو او قومي مشرانو په ګډون د لوګر ولايت د اطلاعاتو او فرهنګ د رياست په تالار کې جوړه شوې وه.

کابل- باختر د زمري دمياشتې ١
زاړه موټرونه په هرات ولايت کې د ژوندانه د چاپيريال ساتنې د ککړتيا اصلي عامل دى.
همدا اوس په زرګونو زاړه او لوږي توليدونکي موټرونه په هرات ښار او ولسواليو کې فعاليت کوي چې د دوى توليدونکی لوږى د ژوندانه چاپيريال ساتنې ته ستونزې رامنځته کړې دي.
دهرات ولايت د ژوندانه دچاپيريال ساتنې رييس نصير احمد فضلي ددغو ليږونکو وسايطو د شتون له امله په انديښنې سره وايي: همدا اوس په شخصي وسايطو برسيره ملي بسونه او عمومي مسافروړونکي موټرونه د تخنيکي ستونزو له امله لوږى توليدوي او د چاپيرال د ککړتيا سبب کيږي.
د ژوندانه د چاپيريال ساتنې رييس څرګنده کړه: څو څو ځلې د دغو وسايطو خاوندانو ته يې د دغو وسايطو د درولو او ترميمولو په خاطر خپلې انديښنې د وسايطو خاوندانو او د ملي بس چارواکو ته څرګندې کړې دي او هيله لري چې په نږدې راتلوونکې کې د دغو وسايطو تخنيکي ستونزې لرې شي. فضلي وايي: دې ته په پاملرنې سره چې د لوږى توليدونکي موټرونه د هوا د ککړتيا اصلي عامل دى؛ بايد دهغو خاوندان د دغو موټرو د ترميمولو په لاره کې اقدام وکړي.
په همدې حال کې د هرات د ملي بس د آمريت اداري مدير نور احمد عسکر يار وايي: د دغې ادارې ټول ملي بس موټرونه تخنيکي ستونزې نه لري.
ده وويل: اوس ۴۰ ملي بسونه د هرات ښار او ولسواليو په کچه فعاليت کوي چې تخنيکي ستونزې نه لري او لوږى نه توليدوي.
لوږى توليدونکي وسايط په داسې حال کې د چاپيريال ساتنې د ککړتيا د اصلي عامل په توګه پيژندل کيږي چې کارپوهان د ژوندانه د چاپيريال ککړتيا د جلدي، سترګو، سرطان او ساه لنډۍ د ناروغيو او د شنه فضا دله منځه تلو له مهمو عواملو څخه بولي.

کابل باختر د چنګاښ  يو ديرشمه :
دجوزجان والي دآمو سيند داوبو دکچې دلوړيدو له امله انديښنه څرګنده کړه .
دى وايي چې دآمو سيند داوبو کچه لوړه شوې ده او هغو خلکو چې ددغه سيند په غاړو کې  ژوند کاوه له خپلو کورونو څخه وتلو ته اړ شوي دي .
  دجوزجان والي لطف الله  عزيزي دباخترآژانس خبريال ته وويل، دآمو سيند داوبو کچه  نږدې دوه متره لوړه شوې ده او همدا اوس د قرقين او خماب  په ولسواليو کې يوشمير کورنۍ تر فشار لاندې دي او زياترو يې داوبو دګواښ له امله له دغې سيمې څخه نورو ځايونو ته کډه  کړې ده  .
عزيزي زياته کړه چې له طبيعي پيښو سره  دمبارزې  ډلې يې تر ګواښ لاندې  ولسواليو ته استولي دي او هغوى هلې ځلې کوي چې دسيند په غاړو کې دشګو بورۍ  ځاى پرځاى کړي چې دخلکو کورونه اوکرنيزې  ځمکې دسيلاو له خطر څخه وژغوري خو دغه هلې ځلې  کافي نه دي .
هغه سروې  ګانې چې داوبو دڅپانده کيدو په باب  شوي دي ښايي سږ کال دسيند داوبو کچه څلور متره نوره لوړه شي چې په تيرو پنځوسو کلونوکې بې سارى کار دى  اوکه چيرې په ريښتينې توګه دغه شان وشي خلکو ته زيات تاوان اوړي .
دجوزجان والي زياته کړه چې دسيند داوبو کچه د هرې ورځې په تيريدو سره لوړيږي او دوى هلې ځلې کوي هغه کورنۍ  چې دسيند په دواړو غاړو  کې دي خوندي ځايونو ته وليږدوي . او له ګاونډيو هيوادونوسره يې داوبو دتنطيم دپروګرامونو په باب کار پيل کړى دى .

کابل –باختر د چنګاښ دمياشتې ٣٠
د بدخشان ولايت په شغنان ولسوالۍ کې تېره شپه د سيلاوونو د راوتلو له امله د استوګنې ٨٢ کورونه ويجاړ شوي دي.
د بدخشان ولايت له پيښو سره د مبارزې د ادارې رييس سيد عبدالله همايون دهقان دغه خبرتاييد کړ او ويې ويل: سيلاوونو تېره شپه د شغنان ولسوالۍ د روښان سيمې د چاويد په ساحه کې د استوګنې ٨٢ کورونه ويجاړ کړي او ٣٢  نور کورونه يې يو څه ويجاړ کړي دي او له هرې زيانمنې شوې کورنۍ سره پنځه شړۍ او د څښاک د اوبو د تصفيه کولو په خاطر ١٠٠بوتله کلورين ويشل شوي دي.
د ده د څرګندونو له مخې: په دې پيښه کې د کرنې ٧٠٠ جريبه ځمکه ويجاړه او ٣٠٠ څاروي هم له منځه تللي دي او دغه راز سړکونو او ويالوته هم زيان اوښتى دى.
د ده د څرګندونو  له مخې: د آغاخان د دفتر روغتيايي ټيم او د نړۍ دخوړو د سازمان استازي چمتو شوي چې له مصيبت ځپلو سره د خوراکي توکو مرسته وکړي.
ده دغه راز وويل چې د بدخشان ولايت له پيښو سره د مبارزې رياست ٨٢ کارتنه شيدې، ٤١ بورى مکروني، ٢٧ بورى تور چاى او ٥٠ کارتنه بسکيټ په مصيبت ځپلو ويشلي دي .
دماشومانو د ملاتړ موسسې هم له سيلاو ځپلو سره د ماشومانو د جامو مرسته کړې ده .