18 September 2019

RSS Facebook

سوداگریز


تازه خبرونه

انتخابات او امنیتي ګواښونه

کابل/ باختر/ د وږي ۲٧ مه د جمهوري ریاست راتلونکي انتخابات...

Youtube Player

khantry design

سوداگریز

سوداگریز

اجتماعی

کابل باختر دتلې دمياشتې ١٣  :
دافغانستان داسلامي جمهوريت دجمهوررييس ډاکتر محمداشرف غني  احمدزي ، اجرائيه رييس ډاکتر عبدالله عبدالله  او دافغانستان دټول مسلمان ملت  په نامه  نن  هم دنيکمرغه لوى اختر په مناسبت  باخترآژانس ته دمبارکۍ پيغامونه رسيدلي دي.
په پيغامونو کې دنيکمرغه لوى اختر  دبختورو ورځو په مناسبت  دډيرو ښو مبارکيو  دمراتبو د څرګندولو ترڅنګ په ټول  هېواد کې  دسولې او امنيت  دټينګښت دتامينولو په اړتيا باندې ټينګار شوى دى اوويل شوي دي  چې  دافغانستان دخلکو يوه  اساسي اړتيا په هېواد کې دسراسري سولې او امنيت ټينګښت او دجګړې او ورور وژنې بندول دي چې بايد دسولې  او امنيت دټينګښت او دجګړې او ورور وژنې دبندولو په خاطر  له ټولو امکاناتو څخه کار واخيستل شي .
دغه راز په پيغامونو کې ويل شوي دي  چې دافغانستان ځوريدلى ملت  دژوندانه  په بيلابيلو برخو کې جدي پاملرنې ته اړتيالري  په تيره بيا  دفساددجرړو  ايستل او دټولنيزو اقتصادي  او داداري نابرابريو له منځه وړل.
دغه پيغامونه  ،  دځينو دولتي ادارو ، مدني او فرهنګي بنسټونو اودوګړنيو شوراګانو دمشرتابه هيئتونو ، سياسي ګوندونو ، ټولنيزو سازمانونو ، دځينو پوهنتونونو او دلوړو او نيمه لوړو  زده کړو  ددولتي او خصوصي موسسو  او ديوشمير ښوونځيو دمشرتابه هيئتونوله خوا رسيدلي دي.

کابل باختر دتلې دمياشتې ١٣  :
دافغانستان  په ولايتونو کې سيمه ييزو مسوولينو دنيکمرغه لوى اختر له امله دولتي  او حکومتي چارواکو او خلکو ته مبارکي وويله .
دهېواد  د  ٣٣ ولايتونو دواليانو ، نظامي قوماندانانو او دولايتي شوراګانو دمسوولينو په ګډون  دولتي او حکومتي چارواکو  باخترآژانس ته دپيغامونوپه  ليږلوسره دنيکمرغه لوى اختر له امله  دافغانستان داسلامي جمهوريت جمهور رييس  ډاکتر محمداشرف غني احمدزي او دملي  وحدت  دحکومت اجرائيه رييس  ډاکتر عبدالله عبدالله او دده مرستيالانو او دافغانستان ټولو خلکو ته مبارکي وويله  او هيله يې وکـــــــــــړه چې  دنوي حکومت  په پروګرامونوسره   افغانستان  دسولې اوپرمختګ  په لور  ګام واخلي .
په دغو پيغامونو کې  له خلکو څخه  غوښتل شوي دي   چې دنيکمرغه لوى اختر په بختورو ورځو کې چې  داسلام په مبين دين کې  ژورې جرړې لري دخپل هېواد دپرمختګ اوترقۍ لپاره دعا وکړي   او له دولت سره  په ګډو هلو ځلو  او همکارۍ سره  دافغانستان خلک  خپلو لرغونو هيلو ته چې هماغه په ټول هيواد کې دسولې او امنيت ټينګښت او دبيوزلۍ له منځه وړل دي ورسوي.
سيمه ييزو مسوولينو په خپلو پيغامونو کې  دنيکمرغه لوى اختر په بختورو ورځو کې دخلکو  د خوښۍ دګډوډولو لپاره  دوسله والو  طالبانو دلسګونو تروريستي طرحو شنډولو ته په اشارې سره له خلکوسره  ژمنه وکړه چې ددوى په پراخو امنيتي پروګرامونوسره ، دافغانستان دخلکو دښمنان نه شي کولاى ددوى  اختر په درد او غم بدل کړي .  

کابل – باختر د تلې دمياشتې ١٢
دهيواد په مليونونوتنو وګړو په ټول هيواد کې داختر لمونځ ادا  او لوى اختر يې پيل کړ.
دوى وايي چې دجګړې او وژنو دپاى ته رسيدو او دهيواد دپرمختګ لپاره يې دعا وکړه .
ملا امامانو داختر دلمانځه په خطبو کې خلک ګډ ژوند او د افغانستان د امنيت دتامينولو لپاره يې له دولت سره همکارۍ ته وهڅول او هيوادته يې دالله (ج) له دربار څخه دسولې او پرمختګ هيله وکړه.
د افغانستان خلکو سږ کال نيکمرغه لوى اختر له نورو کلونو څخه په متفاوت ډول پيل کړل.
دوى دانتخاباتو دبحران په پاى ته رسيدو او د آرامۍ او پرمختګ په لور ديون لپاره د دوى په زړونوکې هيلې اوس زيات شوى او له بل هر وخت څخه خوشحاله دي او په راتلوونکي باورلري.
په مزارشريف ښارکې يو ښوونکى فرهاد وايي چې نن يې د زړه له تل څخه دخپلو خلکودآرامۍ او پرمختګ لپاره دعا کړې ده .
ده له دولت څخه وغوښتل چې دامنيت دتامينولو او دخلکو دبيوزلۍ دله منځه وړلو په لاره کې هلې ځلې وکړي .
نيکمرغه لوى اختر سږ کال ترسختو امنيتي تدبيرونو لاندې پيل شو.
دپوليسو اردو او دملي امنيت په زرګونو تنه ځواکونه په لويو لارو او په ګڼ ميشتو لارو کې په درست هيواد کې ځاى پرځاى شوي دي چې خلک وکولاى شي په خوښۍ او آرامۍ سره لوى اختر ونمانځي.
امنيتي مسوولين وايي دهغو امنيتي پروګرامونو سره چې دوى لري طالبان او نورې تروريستي ډلې د دې وس نه لري چې داختر په ورځو کې دخلکو خوشحالي واخلي.

کابل – باختر د تلې دمياشتې ١٢
دسعودي عربستان مفتي اعظم عبدالعزيز بن عبدالله ال شيخ يوځل په عرفات کې وويل چې ځان مرګي او دنفس قتل په اسلام کې حرام دى له عرفات څخه دباختر آژانس داستول شوې خبريال دخبرله مخې : دسعودي عربستان مفتي اعظم چې ددغه هيواد دعالمانو دشورا رياست هم په  غاړه لري  پرون به عرفاتو کې په يوه خطبه کې وويل : هغه کسان چې مسلمان وژني خوارج دي او داسلام له دين څخه وتلي دي .
ده دغه راز وويل : په اسلام کې ډير خطرناک قتل دنفس وژل دي او هر څوک چې يو مسلمان وژني داسې ويل شوي دي چې دځمکې پرمخ يې ټول انسانان وژلي دي.
دسعودي عربستان مفتي اعظم تيرکال هم په عرفاتو کې طرحه کړى و چې په اسلام کى ځان مرګي او چاودنه حرام دي.
دايواځې دسعودي عربستان مفتي اعظم نه دي چې ځان مرګې بريد او دنفس وژل حرام اعلام کړ، بلکې پخوا شيخ الازهر،د ديوبند عالمانو، دافغانستان دعالمانو سراسري شورا په يوه نوى پرمختيا کې دهيواد جهادي  شخصيت ،عالم او پوه پروفيسر عبدالرب الرسول سياف په صراحت سره اعلام وکړ چې داسلام په دين کې دنفس وژل حرام دي او هغه کسان چې مسلمانان وژني ځاى په جهنم کې دي .
په همدې دليل و چې د افغانستان د اسلامي جمهوريت جمهور رييس ډاکتر محمد اشرف غني احمدزى پرون له درنو عالمانو څخه وغوښتل چې د سولې غږ دجوماتونو له منبرونو څخه پورته کړي  يعنې  ديني عالمان خلک پوه کړى چې ځان مرګي بريد ،چاودنه او دنفس وژل داسلام په دين کې نشته.