17 October 2019

RSS Facebook

سوداگریز


تازه خبرونه

دقندهار _ هرات په لويه لاره کې مرګانى ترافيکي پېښه

دقندهار _ هرات په لويه لاره کې مرګانى ترافيکي پېښه

-کابل / دتلي ٢٥مه / باختر : دقندهار – هرات ...

دپلخمري – ايبکو په لويه لاره کې دناامنۍ عامل ونيول شو .

دپلخمري – ايبکو په لويه لاره کې دناامنۍ عامل ونيول شو .

-کابل / دتلي ٢٥مه / باختر : دطالبانو دډلې يومشهور...

دسرې مياشتې  مخصوصه اوونۍ په لوګر کې ونمانځل شوه .

دسرې مياشتې مخصوصه اوونۍ په لوګر کې ونمانځل شوه .

-کابل / دتلي ٢٥مه / باختر : دافغاني سرې مياشتې...

Youtube Player

khantry design

سوداگریز

سوداگریز

مارشال محمد قسيم فهيم : افغانستان زموږ د ټولو کور دى هر قوم چې په دغه هيواد کې ژوندکوي ددې خاورې ښکلي ګلان دي .

Written by  Administrator
Rate this item
(0 votes)

کابل باختر دمرغومي اوولسمه

  دجمهوري رياست لومړي مرستيال مارشال محمد قسيم فهيم نن دغزني ولايت دولايتي شورا  له غړو سره وکتل .

  دباختر اطلاعاتي اژانس  ته دجمهوري رياست دمطبوعاتي دفتر  دمعلوماتو له مخې،  په دې کتنه کې دغزني ولايت دخلکو استازو ددغه ولايت دځينو ستونزو  په بيانولوسره دهغو څيړنې او دحل  کولو غوښتنه وکړه .

 هغوى وويل، غزني دهيواد  يو لرغوني  ولايت دى اوس  چې په هيواد کې دبيا جوړونې او رغاونې  فرصت برابر شوى دى  بايد په دغه ولايت کې  عمراني پروګرامونه ګړندي کړي شي .

  هغوى دروغتيايي خدمتونو ، پوهنې ، کرنې ، مالداري ، دسړکونو دجوړولو او دغه راز داسلامي ثقافت  دمرکز په  توګه دغزني   دپروژو دبهير  دڅرنګوالي   په برخه کې ځينې ستونزې په ډاګه کړي .

 دغزني دولايتي شورا غړو  دغه راز يوځل بيا د دولت له پروګرامونو  سره خپل ملاتړ نوي کړ .

 دجمهوري رياست لومړي مرستيال دخبرو په ترڅ کې په هيواد کې داوسيدونکو قومونو ترمنځ يووالي او پيوستون  دخلکو دعزت او وياړ سبب وباله اوزياته يې کړه : افغانستان زموږ د ټولو  کور دى او هر هغه قوم چې په دغه هيواد کې ژوند کوي  په حقيقت  کې  ددې خاورې ښکلي ګلان دي .

  دجمهوري رياست لومړي مرستيال دهيواد په بيلابيلو تاريخي دورو کې دغزني دخلکو د ميړانې اوزړورتيا  په يادونې سره وويل، دغزني  دخلکو  اړتياو ته په پاملرنې سره او داچې  غزني تيرو تاريخي اسلامي  دوروکې سابقه او لرغونتوب  لري، خپل دولت مکلف بولى چې دبيا جوړونې او رغاونې  په لور دپروګرامونو په تحقق کې لازمه پاملرنه وکړي .

 دغه راز دجمهوري رياست  لومړي مرستيال  د ٢٠١٣ کال لپاره دغزني دچمتووالي دپروژو  دبيا جوړونې دبهير  چټکتيا  ته داشاري په ترڅ کې  زياته کړه : اوس  په دې اړوند ولايتي کميسيون جوړ شوى دى چې دبيا جوړونې دپروژو دعملي کولو ښه زمينه  برابره کړي شوې وي .

Leave a comment

Make sure you enter the (*) required information where indicated.
Basic HTML code is allowed.