24 September 2017

RSS Facebook

سوداگریز


تازه خبرونه

ټولنيزې صفحې به قانونمندې شي .

کابل باختر د تلې لومړي : داطلاعاتو اوفرهنګ وزارت دخپرونو...

Youtube Player

khantry design

سوداگریز

سوداگریز

د تلپاتې پراختیايي موخو په اړه د ځوانانو ملي سمپوزیم

Written by  manager
Rate this item
(0 votes)

کابل_باختر د وري د مياشتې٣٠ مه
د متفکرو ځوانانو ټولنې په نوښت نن د حکومت د اطلاعاتو او رسنیو په مرکزکې د تلپاتې پراختیايي موخو په اړه د ځوانانو ملي سمپوزیم جوړ شو.
دغه لومړنی سمپوزیم د متفکرو ځوانانوله لوري د اقتصاد وزارت په همکارۍ او د ملګرو ملتونو د پراختیايي پروګرام ( UNDP)، او په کابل کې د ډنمارک سفارت په مالي مرسته جوړ شوی او درې ورځې به دوام مومي.
دغه سمپوزیم په هیواد کې د تلپاتې پراختیا د اهدافو لپاره ترسره کیږي، او اصلي موخه یې په هیوادکې د تلپاتې پراختیا د اهدافو او د دغوهیلو د عملي کولو لپاره د مناسبو حل لارو د موندلو په خاطر د دولتي مقاماتو، کارپوهانو، علمي شخصیتونو، ملي او نړیوالو موسسو راغونډول دي.
د دې سمپوزیم ګډون کوونکي به د ځوانانو د کاري اجندا په چوکاټ کې یوه طرحه چې دولت، مدني ټولنې، کورنې او نړیوالې خیریه ټولنې، مدني فعالانو او شبکو، علمي شخصیتونو، پالیسي جوړونکو او سوداګرو ته د منلو وړوي، جوړه او نهايي کړي.
دا طرحه به د هر اړخیزو سلا مشورو او د څه باندې ۳۵۰ ګډون کوونکو له لوري چې د هیواد د ۳۴ ولایتونو د ځوانانو د استازو او نړیوال کارپوهان په کې شامل دي  تدوین او جوړه شي.
ددې سمپوزیم په پای کې به د هیواد د تلپاتې پراختیا د یوه جامع سند په توګه چمتوشي او وروسته به د هیواد له ولسمشر، اړوندو وزارتونو، مدني ټولنو او د ملګرو ملتونو له دفترونو سره شریک شي.
د دغه سمپوزیم په پرانیستغونډه کې د هیواد لومړۍ میرمن بي بي ګل رولاغني، د اقتصاد وزیر عبدالستار مراد او د UNDP مشر ګډون درلود، او د غونډې برخوالو ته یې رزښتناکه ویناوې وکړې او د متفکروځوانانو د ټولنې دغه اقدام یې وستایه او دوی ته یې په راتلونکوکارونو کې د لازیاتو بریو هیله وکړه.

Leave a comment

Make sure you enter the (*) required information where indicated.
Basic HTML code is allowed.