20 June 2019

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

د هېواد د پوهنتونونو د استادانو اعتصاب د معاش د زياتوالي په خاطر نه، بلکې د هغه د ورکولو د قانوني کولو په خاطر دی

Written by  manager
Rate this item
(0 votes)

کابل/باختر/ دکب دمياشتې ٢٩مه
د افغانستان د پوهنتونونو د سراسري اتحاديې رئيس پوهاند نجيب الله امرخېل نن د باختر آژانس له خبريال سره په مرکه کې د هېواد په ګوټ ګوټ کې د پوهنتونونو د استادانو د اعتصاب علت د لوړو زده کړو د قانون د٣٥ مادې تطبيق ته نه پاملرنه  وبلله او زياته يې کړه چې دوى د حقوقو د زياتوالي په لټه کې نه، بلکې د لوړو زده کړو د علمي کدر د غړو د معاشونو او د نورو حقوقو د ورکولو د قانوني کېدو غوښتوونکي دي.
ده ټينګار وکړ چې په ټول هېواد کې د پوهنتونونو د استادانو د اعتصاب له وخت څخه  څه دپاسه يوه اوونۍ تيريږي، خو تراوسه پورې اړوندو مراجعو د دوى قانوني غوښتنو ته هيڅ پاملرنه نه ده کړې.
امرخېل زياته کړه چې پخوا د پوهنتونونو د علمي کادر غړو په ټول هېواد کې خپل حقوق د پخواني جمهوررئيس د تقنيني فرمان له مخې ترلاسه کول، په داسې حال کې  چې د نړۍ په هيڅ  ځاى کې داسې کوم څیز شتون نلري.
دده دڅرګندونوله مخې: د لوړو زده کړو وزارت مسوولينو څلور مياشتې مخکې د پوهنتونونو د علمي کادر د غړو د امتيازونو د مقررې د بشپړولو خبر ورکړى و، خو د ماليې وزير د مقررې له مخې د حقوقو له ورکولو څخه ډډه وکړه او هغه يې غيرعادلانه وباله .
ده زياته کړه: که چيرې اړونده بنسټونه د دوى غوښتنې چې د لوړو زده کړو د قانون         د ٣٥مادې تطبيقول دي؛ پاملرنه ونه کړي؛ تحصن به وکړي او آن په روان کال کې  به د لوړو زده کړو موسسو ته د شمولیت آزموينه تحريم کړي.
پاى \ج\ ذ

 

Leave a comment

Make sure you enter the (*) required information where indicated.
Basic HTML code is allowed.