20 June 2019

RSS Facebook

سوداگریز


تازه خبرونه

په بلخ کې څه د پاسه ٢٥٠٠ تنو د انتخاباتو لپاره نومونه ثبت کړي دي

په بلخ کې څه د پاسه ٢٥٠٠ تنو د انتخاباتو لپاره نومونه ثبت کړي دي

کابل/باختر/دغبرګولي٣٠مه د بلخ د انتخاباتو د خپلواک کمېسيون مسوولين وايي...

په غزني کې د يوې چاودنې مخه ونيول شوه

په غزني کې د يوې چاودنې مخه ونيول شوه

- کابل/باختر/دغبرګولي٣٠مه د غزني د ملي امنيت رياست منسوبینو تېره شپه...

لويه څارنوالي د برېښنا پوروړي تر عدلي تعقيب لاندې نيسي

لويه څارنوالي د برېښنا پوروړي تر عدلي تعقيب لاندې نيسي

کابل/باختر/دغبرګولي٣٠مه د افغانستان برېښنا شرکت او لویې څارنوالۍ ترمنځ د...

Youtube Player

khantry design

سوداگریز

سوداگریز

له آلمان څخه اخراج شوي افغان مهاجر کابل ته ورسېدل

Written by  manager
Rate this item
(0 votes)

برلين /دويچه ويله / دکب دمياشتې ٢٩مه
له آلمان څخه د اخراج شويو افغان مهاجرو یوه بله ډله نن سهار کابل ته ورسیده.
افغان چارواکو ویلي دي چې په دې الوتکه کې ۲۱تنه اخراج شوي افغانان خپل          هېواد ته ستانه شوي دي.
د آلمان خبري آژانس په خپل رپوټ کې لیکلي دي چې د ۲۰۱۶م کال له ډسمبر میاشتې راهیسې دا ۲۲ الوتنه ده چې په ډله يیزه توګه رد شوي افغان مهاجر پکې خپل هېواد ته استول کیږي.
تر دې دمخه په ۲۱  الوتنو کې په ټوليزه توګه ۵۱۲ نارینه خپل ټاټوبي ته ستانه کړاى شوي دي.  
رپوټ زیاتوي چې د تېرکال د جولای میاشتې په لومړیو کې د یوه ډله  يیز اخراج په  ترڅ کې ۶۹ تنه اخراج شوي وو چې یوه تن یې کابل له تررسیدو وروسته ځان وواژه.
د آلمان خبري آژانس په خپل رپوټ کې لیکلي دي چې افغانستان ته د مهاجرو اخراج یوه شخړه يیزه موضوع ده، ځکه چې په افغانستان کې امنیتي وضعیت لا هم ترینګلی دی.
د طالبانو او داعش پر ضد جګړې زور اخیستی او هره ورځ ملکي کسان د جګړې قرباني ګرځي.  طالبان کابو هره ورځ پر حکومتي پوستې او اډو بریدونه کوي.
یوازې په تېره اوونۍ کې د افغانستان په  بېلابېلو ولایتونوکې د امنیتي ځواکونو تر  پنځوسو زیات کسان وژل شوي دي. 
رپوټ زیاتوي چې په ۲۰۱۸م کال یوازې په کابل کې په ۲۲ لویو بریدونو کې تر۵۵۰ زیاتو کسانو خپل ژوند له لاسه ورکړی دی.
پاى \ذکرالله

 

Leave a comment

Make sure you enter the (*) required information where indicated.
Basic HTML code is allowed.