20 August 2019

RSS Facebook

سوداگریز


تازه خبرونه

په پکتيا کې نږدې سل کيلوګرامه چرس ضبط شول

په پکتيا کې نږدې سل کيلوګرامه چرس ضبط شول

ګرديز / باختر\ د زمري٢٨مه نږدې سل کيلوګرامه چرس په پکتيا...

  بغلانيانو د کابل وروستى ځانمرګى بريد وغانده

بغلانيانو د کابل وروستى ځانمرګى بريد وغانده

پلخمري / باختر\ د زمري٢٨مه بغلانيانو په کابل ښار کې وروستى...

په بغلان کې شپږسوه کورنيو ته اوبه برابرې شوې

په بغلان کې شپږسوه کورنيو ته اوبه برابرې شوې

پلخمري / باختر د زمري٢٨مه : په بغلان کې د...

Youtube Player

khantry design

سوداگریز

سوداگریز

دمحاکمې انلاين سيستم جوړېږي .

Written by  manager
Rate this item
(0 votes)

کابل باختر د چنګاښ ١٨مه :
دسترې محکمې رييس  قانونپوه سيد يوسف حليم په کابل کې  دبريتانيا سفير له مرستيال او سرپرست  جايلز ليور سره وکتل .
دسترې محکمې دخپرونو رياست  باختراژانس ته خبرورکړ ، په دې کتنه کې لومړى  دبريتانيا  سفارت سرپرست  له نشه يي توکو اوداداري فساد  ددرندو جرمونو له عدلي او قضايي مرکز اودغه راز دهېواد ديوشمېر جزايي محکمو سره دخپل متبوع هېواد دمالي ، تخنيکي او روزنيزو همکاريو په باب خبرې وکړې او ددغو همکاريو دپياوړتيا او دمحکمو دعيني اړتياو ددرک کولو په مقصد په دغه سفارت کې دعدلي اوحقوقي نوي سلاکار دټاکنې يادونه وکړه او هيله يې څرګنده کړه چې  نوى سلاکار چې دبريتانيا دقضا او څارنوالى په برخو کې ښې کاري تجربې لري دافغانستان له عدلي او قضايي نظام سره دمرستو او همکاريو ښه همغږى کوونکى وي .
په کابل کې دبريتانيا سفارت سرپرست دغه راز دقضيو په څېړنه کې له نشه يي توکوسره دمبارزې محکمو په خپلواکي اوبيطرفي دساتنې يادونه وکړه .
وروسته  دسترې محکمې رييس  دانګلستان په تېره بيا په عدلي اوقضايي برخو کې دانګلستان هېواد دهمکاريو له امله  په مننې سره ددغو همکاريو ددوام هرکلى وکړ اوديوشمېر مهمو جزايي قضيو د انلاين  محکمې دموضوع په باب خبرې وکړې او دواړو لورو ددغه سيستم دقانوني او عملي بېلابېلو اړخونوپه باب خبرې اترې وکړې
دسترې محکمې رييس هيله څرګنده کړه چې په افغانستان کې ددغه شان سيستم له جوړولو مخکې  دوست هېواد بريتانيا هغو هېوادونو ته ديوشمېر قاضيانو ، څارنوالانو او دامنيتي موظفينو دسفر زمينه چې دغه شان سيستم لري برابره کړي چې ددوى تجربې او زده کړې وکولاى شي  دانلاين محکمو دسيستم دجوړولو په بهير کې  ګټور ثابت شي .
په دې کتنه کې دبريتانيا دسفارت سرپرست  ددغه سيستم دبريښنايي سيستم  او تجهيزاتو  دتامينولو په برخه  او له افغانستان څخه بهر ته دعدلي اوقضايي  منسوبينو دمسافرت د زمينې دبرابرولو په  برخه کې دهمکارى ډاډ ورکړ .
  ختم_ ج _ اکرم

 

Last modified on Tuesday, 09 July 2019 09:15

Leave a comment

Make sure you enter the (*) required information where indicated.
Basic HTML code is allowed.