10 December 2019

RSS Facebook

سوداگریز


تازه خبرونه

فضل هادي مسلم یارپه کابل کې  دچګ جمهوريت  له سفير سره وکتل

فضل هادي مسلم یارپه کابل کې دچګ جمهوريت له سفير سره وکتل

کابل /دليندې ١٩مه /باختر : د مشرانوجرګې رئیس فضل هادي مسلم...

د( ګنج  قناعت)  دښکلې ليکنې داثارو نندارتون پرانستل شو .

د( ګنج قناعت) دښکلې ليکنې داثارو نندارتون پرانستل شو .

کابل /دليندې ١٩مه /باختر : داطلاعاتواوفرهنګ وزارت دفرهنګ او هنر معين...

Youtube Player

khantry design

سوداگریز

سوداگریز

ننګرهار امن شوې ساحې بيا رغاول کېږي

Written by  manager
Rate this item
(0 votes)

 کابل/ د لړم ٣٠ مه/ باختر
حکومت په ننګرهارکې د وسله والو ډار اچوونکو له شتون څخه پاکې شوې ساحې  بيارغاوي.
ټاکل شوې ده دغه طرحه د لسګونو پرمختياي پروژو په ترسره کولو سره عملي شي.
دا په داسې حال کې ده چې د ننګرهار په ځينو سيموکې د طالبانو او داعشيانو کلونو کلونو شتون د دې سبب شوى دى چې په زرګونو کليوالي خلک له پرمختګ او د ژوندانه لومړنيو خدمتونو ته له لاسرسي څخه بې برخه شي.
د ننګرهار د والي مرستيال تميم عارف مومند باختر آژانس ته وويل: ټاکل شوې ده په نږدې راتلوونکي کې په ننګرهارکې دوسله والو طالبانو او داعشيانو له شتون څخه د پاکو شويو ساحو د بيارغاونې بهير پيل شي.
د دغې طرحې له مخې د لسګونو ښوونځيو او روغتونونو ودانۍ، سړکونه، پلونه او د اوبو لګولو کانالونه چې دننګرهار په ځينو سيموکې د ډاراچوونکو د شتون اوفعاليت په بهيرکې ويجاړ شوي دي، بيا روغاول شي.
د دې ترڅنګ ټاکل شوې ده لسګونه نوې پروژې ددغه ولايت په ځينو سيموکې پلې شي .
د ننګرهار د والي مرستيال وايي: دغه پروژې د کليوالي خلکو د اړتياوو او د هغوى دغوښتنو له مخې دننګرهار په ځينو سيموکې بيا رغاول کېږي.
دهېواد جمهوررييس محمد اشرف غنني ننګرهار ته په خپل وروستي سفرکې په دغه ولايت کې د داعش د بشپړې ماتې خبر ورکړ او د ننګرهار له خلکو سره يې ژمنه وکړه، دهغو سيمو د  بيارغاونې بهير به چې د وسله والو ډار اچوونکو د شتون په وخت کې زيانمنې شوې دي؛ په نږدې راتلوونکي پيل شي.
پاى \ ذ

Leave a comment

Make sure you enter the (*) required information where indicated.
Basic HTML code is allowed.