28 January 2020

RSS Facebook

سوداگریز


تازه خبرونه

دبريښنا له کمښت سره مخامخ يو .

دبريښنا له کمښت سره مخامخ يو .

کابل /دسلواغې ٧مه / باختر: دپايتخت اوسيدونکي په کابل...

هرات دګازارګاه  مير صاحب جنازه  خاوروته وسپارل شوه .

هرات دګازارګاه مير صاحب جنازه خاوروته وسپارل شوه .

کابل /دسلواغې ٧مه / باختر: دهرات دپير دارامګاه دفقيد پيژندل شوي...

په غزني کې دراغورځيدلې الوتکې  نوعيت معلوم نه دى .

په غزني کې دراغورځيدلې الوتکې نوعيت معلوم نه دى .

کابل /دسلواغې ٧مه / باختر: لومړني رپوتونه ددې څرګندوي دي چې...

Youtube Player

khantry design

سوداگریز

سوداگریز

کابل /دسلواغې ٧مه / باختر:
  دپايتخت اوسيدونکي په کابل ښار کې دبريښنا دپرچاويو  له دوام څخه سرټکوي او دبريښنا شرکت په دې برخه کې  دبې پروايي او ناغيړۍ تور لګوي .
دکابل ښار اوسيدونکي  او په يوه وزارت کې مامور محمد رفيع په دې اړوند وويل دژمي په فصل کې زموږ ستونزې بيخې زياتې شوي دي په ژمي کې هيڅکله  کابل دغه  شان بې بريښنانه و خواوس موږ بې بريښنا يو په ساعتونو ساعتونو بريښنا نه وي له يوې خوا ژمى دى او له بلې خوا دادارې کارونه  په خپل وخت نه اجرا کېږي  چې دندې ته  نه ورتګ او په خپل وخت دکار نه اجرا کول  په خپله اداري  فساد دى .
دپايتخت بل اوسيدونکي ادريس خان وويل زه په اوس وخت کې نه شم کولاى په خپل موبايل کې  خبرې وکړم اولږ ترلږه خپل موبايل نه شم چارچ کولاى   دشپې ناوخته بريښنا راځي  اوسهار دلمانځه له اداکولو څخه مخکې بريښنا خپله کمپله ټولوي آن دبريښنا شرکت  له جدول سره سم دبريښنا پرچاوي نه شي تنظيمولى ، څه بايد وکړو .؟
هغه زياته کړه څرنګه چې دژمي په فصل کې  سهار تورتم دى لږ ترلږه بايد  تر هغه وخته پورې چې  کارکوونکي دندې ته ځي بريښنا وي  چې نشته .
دبريښنا شرکت رييس امان الله غالب وايي چې دپرچايو  جدول وروستى شوى دى اوتر چارشنبې  پورې  هېوادوالو ته وړاندې کېږي.
غالب  وويل سږ کال  دژمي په فصل کې  زموږ بريښنا دګاونډي  هېواد ازبکستان له لوري کمه شوې ده چې له دې لارې موږ دهېواد شمال اوکابل ته بريښنا ورکوله .
هغه زياته کړه چې دبريښنا شرکت دشپې له خوا اتيا ميګاواټه بريښنا روښانوي البته دماښام له پنځوبجو څخه تر شپږو بجو پورې   چې ټولې فابريکې پرچاوېږي او دغه راز وايي چې دژمي په فصل کې   دبريښنا انرژى له لګښتي وسايلو څخه ګټه  اخستنه  دبريښنا داضافه بارکېدو او دپرچاوى دزياتيدو سبب شوې ده .
هغه زياته کړه  که چيرې زموږ  هېوادوال دخپلو کورونو دتودولو لپاره له بريښنا څخه ګټه وانه خلي  دابه په حقيقت کې دبريښنا په سپما کې دهغوى همکاري وي . .   هغه  زياته کړه  په ټوله کې  کابل  ٧٠٠ميګاواټه بريښنا ته  اړتيا لري چې اوس موږ  ٤٥٠ميګاواټه  بريښنا لرو .
ختم- عطاالله _ اکرم

 

کابل /دسلواغې ٧مه / باختر:
دهرات دپير دارامګاه دفقيد پيژندل شوي روحاني مير محمد افضل خادم جنازه نن دخواجه عبدالله انصاري ارامګاه ته څېرمه خاوروته وسپارل شوه .
دباختراژانس دخبريال دخبرله مخې ،دهرات  والي  عبدالقيوم  رحيمي  او په
لسګونو  روحاني اومذهبي شخصيتونو ، مشايخو او ساداتو ، قومي مشرانو اومخورو چې دمير محمد افضل د جنازې دوړلو او ښخولو په مراسمو کې ګډون کړي و ددغه روحاني شخصيت له ملي ګټو سره دهمغږو اقداماتو او ارزښتناکو خدمتونو يادونه وکړه او دهغه دخاطرو درناوى وکړ .
ددغو مراسمو برخه والو ميرمحمد افضل په معتدلو افکارو  او په ملي اواسلامي روحيې سره دملي پال شخصيت په توګه وباله اودهغه مړينه يې ضايعه وبلله . 
دارواښاد دفاتحې مراسم سبا په هرات ښار کې پرځاى کېږي .
  ختم- ف – اکرم

 

کابل /دسلواغې ٧مه / باختر:
لومړني رپوتونه ددې څرګندوي دي چې يوه مسافروړونکي  الوتکه نن دغزني په ده يک ولسوالۍ کې  راغورځېدلې ده
دکورنيو چارو وزارت وياند وايي چې دغه الوتکه  داريانا په هوايي شرکت پورې اړه لري  چې دغزني په ده يک  ولسوالۍ  کې راغورځېدلې ده
دکورنيوچارو وزارت وياند نصرت رحيمي وايي چې دغه الوتکه له کابل څخه قندهار ته روانه وه چې  نن له غرمې وروسته په يوه بجه اوديرشو دقيقو دغزني په ده يک ولسوالۍ کې راغورځېدلې ده
دغزني دولايتي شورا غړي خالق داد اکبري وايي چې الوتکه په هغې ساحه کې راغورځېدلې ده چې دمخالفو وسله والو ډلو  ترواکمني لاندې ده
هغه وويل چې په دې پېښه کې يوشمېرسپرلي   شهيدانې شوې اولومړني رپوټونه ښيي چې يوشمېر نور هم په دې پېښه کې ټپيان شوي دي .
دهغه دڅرګندونوله مخې، الوتکه دبيړنۍ ناستې په وخت  کې راغورځېدلې ده اوښايي چې يوشمېر کسان له دغې پېښې څخه ژوندي پاتې شوي وي
اکبري دغوڅ ملاتړ له ځواکونو څخه دمرستې غوښتنه کړې ده چې دقربانيانو دمړو او ټپيانو په لېږدونه  کې همکاري وکړي
  خو داريانا دهوايي شرکت  دبازار موندنې مسوول ضيا اريا باختراژانس ته وويل چې دوى نن دوه الوتنې لرلې چې په عادي ستونزې سره ترسره شوي دي او هغه الوتکه چې راغورځېدلې ده په اريانا شرکت پورې اړه نه لري .
  ختم_ عطاالله _ اکرم

 

کابل / د سلواغي 7 مه / باختر
د افغانستان د اسلامي جمهوریت د ملي امنیت سلاکار ډاکټر حمدالله محب نن په مراز شریف کې د بلخ ولایت د ولایتي شورا له غړو او په ولسي جرګه کې د یاد ولایت له استازو سره پر امنیتي موضوعاتو او حکومتي خدماتو خبري وکړې.
باختر آژانس ته د ملی امنیت سلاکار د مطبوعاتي دفتر د معلوماتو له مخې،
د پارلمان او ولایتي شورا غړو د ملي امنیت سلاکار ته وویل، چي د امنیت تامین، سوله، د قانون تطبیق، له جرایمو سره غوڅه مبارزه، مجرمینو ته سزا ورکول او پوهو اشخاصو پر کار ټاکل یې د ولس اساسي غوښتني دي.
دوی همداراز وویل، چي وسله وال طالبان او نوري غیر مسوولې وسله والې ډلي دې په جدي توګه وځپل شي او دد ې کار لپاره باید په امنیتي سکتور کي موجودې تجهیزاتي او تشکیلاتي ستونزي حل شي.
هغوی د مواصلاتي لارو خلاصون، د صحي، تعلیمي او تحصیلي خدماتو ښه والي د بلخ د ولسونو د نورو غوښتنو په توګه مطرح کړې.
د ملي امنیت سلاکار ډاکټر حمدالله محب د بلخ د خلکو له استازو مننه وکړه، چي د خلکو ستونزي په ډاګه کوي او د خلکو او حکومت ترمنځ یې د وصل د نقطې نقش ادا کړی دی.
نوموړي وویل، چي د شمالي ولایتونو امنیت د مرکزي حکومت لپاره لومړیتوب دی ځکه، چي دا ساحه د هېواد لپاره ځانګړی اقتصادي ارزښت لري او مخالفینو هم له همدې خاطره دې ساحې ته توجه زیاته کړې ده.
محب زیاته کړه، چي په امنیتي حالت کي باید بنیادي بدلون  رامنځ ته شي او د غیر مسوولو وسله والو پر ضد د امنیتي ځواکونو اقدامات غوڅ شي چې د بلخ ولسونه د ذهني او فزیکي امنیت خاوندان شي.
هغه یادونه وکړه،‌ چي له نيکه مرغه د سولې په ارتباط ولسي پوهاوی زیات شوی دی او دا د دې باعث کېږي، چي ملت یوې داسي سولي ته ورسېږي، چي د ټولو جګړو پای ته رسول وي او تر نورو نومونو لاندي نوي جنګونه او جنجالونه جوړ نه شي.
پاى- حبيب- سادات

 

کابل /دسلواغې ٧مه / باختر:
دملي امنيت لوى رياست په لغمان کې  دډار اچوونکو د څلور کسيزې شبکې دنيولو خبرورکړى دى .
دباختراژانس دخبرله مخې، دملي امنيت لوى رياست  په دې اړوند ديوې خبرپاڼې په خپرولو سره ويلي دي چې دغه کسان دطالبانو په ډلې پورې اړوند دي  او دتورغر اودکابل _ جلال اباد داووم لمبر لوى  لارې په سيمو کې په ډار اچونکو فعاليتونو بوخت وو چې دملي امنيت دلوى رياست دخاصو قطعاتو د ځواکونو په عملياتو کې ونيول شول .
  ختم_ عطاالله _ اکرم


 

کابل /دسلواغې ٧مه / باختر:
په ننګرهار کې دطالبانو په ډله کې دغړيتوب په اړوند يوسړى  ونيول شو
دغه سړى نن  غرمه له نهه  څلويښتو زرو سعودي ريالو او له اووه سوه زره پاکستاني کلدارو  سره دملي اردو دسرتيرو  له لوري دشيرزادولسوالۍ  بازارته څېرمه  ونيول شو .
دهېواد په ختيځ کې سېلاب قول اردو باختراژانس ته ديوې  خبرپانې په لېږلو سره ويلي دي چې نيول شوي سړى په لومړنيو څيېړنو کې دطالبانو په ډله کې په غړيتوب اعتراف کړى دى .
  ختم_ عطاالله_اکرم

 

کابل /دسلواغې ٧مه / باختر:
د افغانستان داسلامي جمهوریت جمهورريیس محمد اشرف غني نن له غرمې مخکې د افغانستان د ولسي جرګې له ريیس میر رحمان رحماني سره په ارګ کې وکتل.
دجمهوررييس دوياند دفترباخترآژانس ته خبرورکړ.
په دې کتنه کې، د هیواد د ولسي جرګې ريیس په تېرو څلورنیمو میاشتو کې د ترسره شویو غونډو، اجراآتو، د بودجې دتصویب او فرمانونو په اړه جمهوررئیس غني ته راپور ورکړ. هغه همداراز د هیواد د اجرائیه قوې او مقننه قوې ترمنځ د همغږۍ د زیاتوالي لپاره د جمهوررئیس د اقداماتو او هڅو ستاینه وکړه.
جمهوررئیس غني د ولسي جرګې له اجراآتو د مننې ترڅنګ د دې جرګې فعالیتونه دپام وړ وبلل وې ویل، د افغانستان د ولسي جرګې غړو د هیواد ملي ګټو ته په پام د ۱۳۹۹ مالي کال ملي بودجه پر وخت تصویب کړه. هغه زیاته کړه، دغه کار د دولت د پلانونو او اساسي برنامو د تطبیق لپاره ارزښتناک دی.
د هیواد جمهوررئیس همداراز د درې ګونو قواوو ترمنځ د همغږۍ پر زیاتوالي ټینګار وکړ وې ویل، د ولسي جرګې او مشرانو جرګې له کمېسیونونو سره به غونډې دوام ولري او د اجرائیه قوې او مقننه قوې ترمنځ د همغږۍ کچه به نوره هم زیاته شي. #پاى- ع

 

کابل /دسلواغې ٧مه / باختر:
  دننګرهار په شيرزاد کې  دډار اچونې ضد عملياتو په دوام لس وسله وال طالبان ووژل شول .
پوځيان وايي چې په نويو لاس ته راوړنوکې دشيرزاداوولس کلي دډار اچونکو له شتون څخه پاک شول .
دډار اچونې ضد دغه عمليات دملي اردو او دملي پوليسو دسلګونو منسوبينو په ګډون او دهېواد دهوايي پوځ په ملاتړ يوه مياشت مخکې پيل شوي او په قوت سره دوام لري .
دهېواد په ختيځ کې سېلاب قول اردو ديوې خبرپاڼې په  خبرولو سره ويلي دي چې په شيرزاد کې دډار اچونې ضد عملياتوپه  بهير کې  په نويو نښتو کې دطالبانودډلې  لس غړي ووژل شول .
په خبرپاڼه کې زياته شوې ده چې په تېرو  ٢٤ ساعتو کې دشيرزاد اوولس کلي دډار اچوونکو له شتون څخه پاک شول .
دهېواد په ختيځ کې پوځي مقامات وايي چې دډار اچونې ضد عملياتو له پيل څخه ديوې مياشتې په بهير کې  دشيرزاد زياتره سيمې دطالبانوله شتون څخه پاکې شوې دي .
هغوى وايي چې په بشپړه توګه دامنيت دټينګښت او دحکومتوالى  اوبيا رغاونې دبهير د بيا پيلولو  لپاره دطالبانو له شتون څخه دشيرزاد په پاکو شويو برخو کې  ددايمي قرارګاوو په جوړولو  بوخت دي .
ختم _ ف _ اکرم

کابل /دسلواغې ٧مه / باختر:
دکانونو او پتروليم وزارت او ددغه وزارت  دهمکاريو بنسټونو ترمنځ  پرون دهمکارى نهه  هوکړه ليکونه لاسليک شول .
دباختراژانس دخبرله مخې ،  دکانونو اوپتروليم وزارت سرپرست عنايت الله  مومند ددغو هوکړه ليکونو دلاسليک کولو په وخت کې   وويل چې ددغو هوکړه ليکونو موخه  په هېواد کې دکانونو دراايستلو دظرفيت لوړول دي .
دهغه دڅرګندونوله مخې ، دغه هوکړه ليکونه دکانونواوپتروليم  وزارت اودسوداګرى اوپانګونې  خونې ، دصنايعو  او کانونودخونې ، په افغانستان کې دبين المللي  سوداګرى دخونې ، دښخو دسوداګرى او صنايعو دخونې ، دافغان جرمن دسوداګرى او صنايعو د خونې ، دژوندانه دچاپيريال ساتنې دملي ادارې ،  کابل پوهنتون ، دکابل پولي تخنيک پوهنتون اودصلاح کنسرسيوم ترمنځ لاسليک شوي دي .
دکانونو اوپتروليم  وزارت سرپرست زياته کړه چې خصوصي  برخه دکانونو په راايستلو کې  ارزښتناک رول لري او ددغو هوکړه ليکونو په تطبيق سره به دکانونو دراايستلو په برخه کې دافغانستان ظرفيت لوړ شي اودکانونودراايستلو په برخه کې دکانونو اوپتروليم وزارت عوايد به هم لوړ شي .
  ختم_ ف _اکرم

 

کابل /دسلواغې ٧مه / باختر:
دژوندانه دچاپيريال ساتنې ادارې په يوه خبري غونډه کې  په کابل ښار کې  دهوا  ١٣٦ ککړونکو سرچينو دتړل کېدو خبرورکړ .
دباختراژانس دخبرله مخې، دژوندانه دچاپيريال ساتنې  دادارې رييس شاه زمان ميوندي چې دکورنيو چارو وزارت او دکابل  ښاروالۍ له استازو سره په يوګډ خبري کنفرانس کې خبرې کولې وويل: دتېرو ٢٧ ورځو په بهيرکې  دلوړپوړيزو وداينو ، ښارګوټو ، ريګريشن ، دخښتو دپخولو  ، هوټلونو ، رستورانتونو ، حمامونو ، سقابو او فابريکو په ګډون دهوا دککړونکو له  ٤١٦اصنافو  او سرچينو څخه څارنه شوې ده .
هغه زياته کړه چې له دې جملې څخه دهوا ١٣٦ ککړونکې سرچينې  تړلې شوې  او د ١٣٢ سرچينوسيستم اصلاح شوى دى او دهوا د ٨٢ ککړونکو سرچينو څخه دسيستم داصلاح ژمنه اخستل  شوې ده .
ميوندي وويل چې دترافيکو  دملي ادارې دڅارنې په پايله کې   ١٥٨٤ لېږدونکې واسطې  چې دژوندانه  دچاپيريال سرغړونې يې لرلې  پيژندلې  شوې او له دې جملې  څخه  ٣٩٨ لوګي پيداکوونکې واسطې درولې شوې دي  هغه وويل  ټاکل شوې ده دلوړپوړو ودانيو ، حمامونو ، روغتونونو اودنورو اصنافو خاوندان سرغړونکي وپېژندل شي اودقانوني پړاونو له تېرولو وروسته عدلي اوقضايي بنسټونو ته وروپېژندل شي .
ميوندي دهوا په ککړتيا  پورې داړوندو مسئلو ترپوشښ لاندې نيولو په موخه يې  ددولتي اوخصوصي رسنيو له مسوولانوسره دګډوغونډو جوړول ، دماسک دويش کمپاين ، دجمعې په ورځو دخطبواورول  اودهوادککړتيا په باب دکابل ښار له بېلابېلو قشرونو څخه دښاري خبرو اتروترسره کول دپوهاوې ورکونې دکمېټې اودکابل ښاروالۍ دفعاليتونو په توګه وبلل .
هغه دغه راز  وويل  چې دتقنين کمېټې داجرااتو په پايله کې له تايرونو ، پلاستيک او ربړ څخه دګټې اخستنې دبندولو اودلوګي  دتصفيې دفلتر داجباري درولو په باب ددوو حکمونو مسودې ، برابرې  او دجمهور رييس له لوري لاسليک شوي دي
ميوندي زياته کړه دنفتي توکو دکيفيت دڅارنې  کمېټه چې دستندرد ملي ادارې تر نظر لاندې دکابل ښار دتيلو په ټانکونو کې دنفتي توکو په تېره بيا دديزلو اوپترولو دکيفيت دڅارنې لپاره جوړه شوې ده  له يوې مياشتې راپديخوا دکابل ښار په ټولو سيمو کې  دتيلو له ټانکونو   څخه  دنمونې اخستنې بهيرپيل کړى دى چې دبې کيفته نفتي توکو دوړاندې کولو مخه ونيول شي .
دژوندانه دچاپيريال ساتنې دملي ادارې درپوټ له مخې دطبيعي عواملو اودهوا دککړتيا دمخنيوي لپاره دمسوولو ادارو دجدي اقداماتوپه پايله کې  دروان کال دمرغومې دمياشتې له لسمې نيټې څخه وروسته دکابل ښار دهوا دککړتيا په کچه کې ديادونې وړ کمښت رامنځته شوى دى .
  ختم-عطاالله_اکرم


 

Page 1 of 8491