16 February 2019

RSS Facebook

سوداگریز


تازه خبرونه

اووه تنه وسله وال طالبان په فارياب کې دسولې له بهيرسره  يوځاى شول .

اووه تنه وسله وال طالبان په فارياب کې دسولې له بهيرسره يوځاى شول .

کابل باختر دسلواغې شپږ ويشتمه : اووه تنه وسله و ال...

استاد دانش :  امارتي، عبوري اولنډ مهال حکومتونه  صفر نفطې  ته ستنيدل دي .

استاد دانش : امارتي، عبوري اولنډ مهال حکومتونه صفر نفطې ته ستنيدل دي .

کابل باختر دسلواغې شپږ ويشتمه : دافغانستان داسلامي جمهوريت دويم مرستيال...

جمهوررئیس غني د ترکیې د دفاع وزیر خپل حضور ته ومانه

جمهوررئیس غني د ترکیې د دفاع وزیر خپل حضور ته ومانه

کابل باختر دسلواغې شپږ ويشتمه : د افغانستان د اسلامي جمهوریت...

Youtube Player

khantry design

سوداگریز

سوداگریز

کابل باختر دسلواغې شپږ ويشتمه :
اووه تنه وسله و ال طالبان نن له خپلو جنګي  وسايلو سره دفارياب  په ولايت کې دسولې له بهير سره  يوځاى شول
دفارياب ولايت  دامنيې قوماندانۍ وياند عبدالکريم يورش  باختراژانس ته وويل دوسله والو طالبانو داوو کسيزې ډلې سرګروپ  ملا شيرمحمد دخپلو شپږو  تنو افرادو په ګډون  له دولت سره له مخالفت څخه لاس واخست اوله خپلو جنګي وسايلو سره دقيصار ولسوالۍ له ملي پوليسو سره يوځاى شو
  ملاشيرمحمد له دوو کلونوراپديخوا دفارياب ولايت دقيصار  ، غورماچ  ، المار  او پښتونکوت  په ولسواليو کې  دوسله والو مخالفانوپه ليکو کې په دولتي ضد فعاليتونو بوخت وو .
  ختم- ف_ اکرم

 

کابل باختر دسلواغې شپږ ويشتمه :
دافغانستان داسلامي جمهوريت دويم مرستيال استاد سروردانش نن دجمعې دورځې له غرمې مخکې دسلواغې  دمياشتې دشپږ ويشتمې  له افغانستان څخه دشوروي ځواکونو دوتلو دديرشمې کاليزې دنمانځنې په غونډه کې چې دجمهوري رياست په ارګ کې جوړه شوې وه وينا وکړه .
دجمهوري رياست مطبوعاتي دفتر باختراژانس ته خبرورکړ دجمهور رييس مرستيال  دسلواغې دمياشتې د ٢٦ نيټې له افغانستان څخه دپخواني شوروي دځواکونو دوتلو او دمجاهدينو دبريالتوب ددرناوي په ترڅ کې دافغانستان دخلکو دټولو شهيدانو او دغه راز دهېواد دجهاد ديوه بنسټ  ايښودونکي په توګه دصبغت الله مجددي  چې په دې وروستيو وختو کې وفات شو په پاک روح درود  ووايه .
استاد دانش دجهاد دوره دهېوادد سياسي   تاريخ ډيره وياړلې دوره، يوستر ملي پاڅون او په تاريخ کې زرينه پاڼه وبلله او ويې ويل دافغانستان خلک مجاهدين دي او هيڅوک  نه شي  کولاى  دغه وياړلې  سکه په خاصې ډلې اوجماعت پورې منحصره وبولي .
ده له جهاد وروسته انحصار غوښتنې او ځان غوښتنې چې ددې سبب شوې چې دافغانستان دخلکو دجهاد هيله تر سره نه شي يو تريخ واقعيت وباله خو ويې ويل چې داپه دې ماناهم نه ده چې څوک دجهاد ټول ارزښتونه  ترپوښتنې لاندې وشي .
  استاد دانش وويل زموږ دبرياليتوب او دشوروي اتحاد دماتې ډير مهم عامل دا و څرنګه چې په هغه وخت کې نه قومي او ژبني  تفرقې شتون درلود او نه هم مذهبي او سمتي اختلافات ، ټولو يوه واحده موخه تعقيبوله   خو له برياليتوب وروسته په ځان غوښتنې اخته شو هرې ډلې يواځې ځان برحقه بلله او هرڅه يې يواځې اويوځاى دځان لپاره غوښتل او نورې ناحقه او دځان دښمن بلل او په همدې دليل ناکام پاتې شو
ده په دې باندې په ټينګار سره چې دافغانستان خلک نن هم  په ورته دريځ کې  دي وويل: موږ بايد نن له بل هروخت څخه زيات په خپل سياسي وحدت اوملي وحدت ټينګار وکړو اوله هر راز ناخوالو او ناروا څخه لاس واخلو او په خپل سياسي ټينکاو اوملي ګټو فکر وکړو .
دجمهور رييس مرستيال دسولې دخبرو ګړنديتوب  ته په اشارې  سره هم وويل چې خلک دسولې له امله انديښمن نه دي بلکې سوله دټولوخلکو هيله اوارمان دى اوموږ په دې ترڅ کې چې دسولې لپاره دهر راز خبرو هرکلى کوو خو په دې اړوند داسې کليدي ټکي شتون لري چې بايد دپاملرنې وړوګرځي .
استاد دانش  ټينګاروکړ چې دسولې هر راز طرحه دې بايد په داسې ډول طراحي او مديريت نه شي چې موږپه شاتک وګړو او د دولت جوړولو پرته چې اتلس کاله مخکې  پيل شوې ده نيمګړي  پريږدو اوبيا له صفر څخه پيل کړو .
هغه کسان چې يوځل بيا دلنډ مهال دولت شعار ورکوي بايد په دې پوه شي چې زموږ دغه طرحه بيا په شاتمبوي .
ده په دې بيان سره چې دخلکو ژوره انديښنه له خطر سره ددولت دنظام او داساسي بنسټونو دمخامخ کيدو له امله ده،وويل:  دغه انديښنه پرځاى ده ځکه اوسني سياسي نظام دهغو ارزښتونو پربنسټ رامنځته شوى دى چې دخلکو دتاريخي ارمانونو او هيلو زيږنده دى اوموږ له طالبانوڅخه چې زموږ اساسي قانوني يې له لويديځ  څخه کاپي بولي، نه ګيله لرو اونه له دې څخه پرته کومه هيله ځکه دغه ډله په خپل ټول هويت او ماهيت سره په بهرنيانو او دهغوى دپالسيو  په کاپي پورې تړاو لري .
استاد دانش داوسني نظام  ساتنه ، اساسي قانون او ددې نظام دلاس ته راوړنو  دفاع ديوې دايمي سولې اصلي  شرط وباله او زياته يې کړه چې هر راز بې لاريتوب اويا له اساسي قانون او نظام څخه تيريدنه په هيڅ صورت دافغانستان دخلکو دمنلو وړ نه دى .  
دجمهور رييس مرستيال په دې باندې په ټينګار سره چې دسولې هيڅ راز پروسه دافغانستان ددولت  له شتون پرته ښې  پايلې نه لري دافغانستان په قضيه کې له ټولو شښکيلو اړخونو څخه وغوښتل چې دافغانستان دخلکو ديواځني مشروع او قانوني استازي په توګه دافغانستان ددولت په غياب کې هيڅ پروسه تعريف نه کړي .
ده انتخابات په افغانستان کې دباثباته راتلونکي  دتامينولو لپاره يواځنۍ مشروع او ډآدمنه  لاره وبلله اوڅرګنده يې کړه چې دامارتي ،عبوري او لنډ مهالو حکومتونو او دورته حکومتونو په ګډون دبديل هر راز لاره  تيرو وختونو ته ستيندل  او دصفر نقطې  ته ستنيدل دي
استاددانش وويل  هغو ستونزو ته په پاملرنې  سره چې د ولسي جرګې په انتخاباتو کې رامنځته شول او هغه  سلامشورې چې دحکومت دمشرتابه له خوا ترسره شوې دجمهوري رياست  دانتخاباتو دنوماندانو ، سياسي ګوندونو ، مدني بنسټونو او دنړيوالې ټولنې په ګډون دانتخاباتو په چارو کې ټولو ښکيلو اړخونو په يوه غږ او درايو په اتفاق ټينګاروکړ چې ډير ژر دې دانتخاباتو دقانون دتعديل په ګډون يولړ اصلاحات عملي شي
ده وويل چې له نيکه مرغه  دانتخاباتو دقانون تعديل له ټولو بې اعتماد يوسره سره  په داسې ډول ترسره شو چې د جمهوري رياست دانتخاباتو دنوماندانو ، سياسي ګوندونو ، په انتخاباتو پورې اړوند دمدني بنسټونو او دحکومت دلوري په ګډون دټولو  ښکيلو لوروترمنځ دنظر موافقې او ديوې اجماع زمينه برابره  شوه
دجمهور رييس مرستيال وويل چې اوس د ټولو اړخونو دهمکارى لپاره  زمينه برابره  شوې ده اوموږ دقانون دتطبيق په پړاو کې يو
ده له ټولو سياسي او مدني ډلو څخه وغوښتل چې دقانون  دتطبيق په پړاو کې هم همکاري وکړي چې خلک په رښتينې توګه دځواکمنو ، ظرفيت لرونکو ، مسوولو اوځواب ورکوونکو انتخاباتي بنسټونو درامنځته کيدو شاهدان واوسي .  په دېغونډه کې دحکومت اجراييه رييس ډاکتر عبدالله عبدالله دملي شورا دمشرانو جرګې   رييس فضل هادي  مسلميار  او دهېواد سياسي يوشخصيت عبدالهادي ارغنديوال  هم ويناوې وکړې اودافغانستان ددولت اوخلکو دمحوريت او دهېواد داساسي قانون ، سياسي نظام ،  دخلکو دمدني او سياسي ازاديو ، دبشر دحقوقو  او دنويو ارزښتونو په شان دارزښتونو په ساتنې سره دمستقيمو خبرو له لارې ددايمي سولې  په تامينولو باندې ټينګار وکړ .
  ختم_ عطاالله _ اکرم

کابل باختر دسلواغې شپږ ويشتمه :
د افغانستان د اسلامي جمهوریت جمهوررئیس محمد اشرف غني د مونیخ امنیتي کنفرانس په څنډه کې نن سهارد ترکیې د دفاع وزیر هلوسي اکارخپل حضور ته ومانه.
دجمهوررييس دوياند دفترباخترآژانس ته خبرورکړ.
په دې کتنه کې دواړو لورو د امنیت، د ترهګرۍ ضد ګډې مبارزې او د پولیسو د روزنې په اړه بحث او خبرې وکړې.
د ترکیې د دفاع وزیر وویل، هېواد به یې په بېلابېلو برخو کې په ځانګړي ډول د پولیسود روزنې په برخه کې له افغانستان سره همکاریو ته دوام ورکړي.
د هېواد جمهوررئیس په بېلابېلو برخو کې د ترکیې هېواد د دوامدارو همکاریو قدرداني وکړه او ويې ویل، په سیمه ییز همکاري او همغږي کولی شي د تروریزم پدیده له منځه یوسي.پاى- فضل واحد

 

کابل باختر دسلواغې شپږ ويشتمه :
دايران دبهرنيو چارو وزارت وياند  دهندوستان په سرينګر  کې تروريستي پيښه چې لسګونو تنو ته دمرګ ژوبلې داوښتو سبب شوه په کلکه  وغندله او ددغې ترخې پيښې درامنځته  کيدوله امله يې ددوست هېواد هندوستان دولت او ملت ته د ډاډ ګيرنې مراتب څرګند کړل او دپيښر دقربانيانو له کورنى سره يې همدردي او غمرازي  څرګنده کړه .
هندي رسنيو پرون خبرورکړ چې ددغه هېواد دامنيتي ځواکونو دکاروان په تګلوري  کې په يوه موټر کې دځاى پرځاى شوي بم دچاودنې له امله  ٤٤  تنه هندي  نظامي او امنيتي ځواکونه ووژل شول او  ٢٠ تنه نور ټپيان شول .
  ختم_ عطاالله _ اکرم

 

کابل باختر دسلواغې شپږ ويشتمه :
دهند تر ادارې لاندې کشيمر کې ديوه ځانمرګي بريد له امله د پوليسو څه ناڅه څلور څلويښت تنه مامورين وژل شوي دي .
دا دڅه دپاسه يوې لسيزې په بهير کې په کشمير  کې دسر ډير  دروند زيان بلل شوى دى .
باختراژانس دپاکستان دجيو خبري شبکې  له خولې خبرورکړ په دې بريد کې چې پرون په سرينګر ښار کې ترسره شو په لسګونه تنه ټپيان شول
دغه بريد هغه وخت رامنځته شو چې په چاوديدونکو توکو بار موټر يوه ځانمرګي بريدګر  خپل چاوديدونکي توکي دپوليسو دسپرلۍ له بس موټر سره ټکر کړ .
   دجيش محمد په نامه په پاکستان کې يوې ميشتې جدايي غوښتونکي  ډلې ددغه بريدمسووليت منلى دى .
دخپرو شويو رپوټونوله مخې دغه بريد هغه وخت ترسره شو چې داويا لېږدونکو وسايطو په ګډون يوه کاروان کابو  ٢٥٠٠ تنه پوځيان دسرينګر _جمو په لويه لاره کې ځاى پرځاى کول .
دنړيوالو خبري اژانسونو دخبرله مخې، دځانمرګي بريدګر موټر له  ٣٠٠ څخه تر  ٣٥٠ کيلوګرامو  پورې چاوديدونکي توکي لېږدول
محمد يونس هغه خبريال چې له پيښې  څخه څوشيبې  وروسته دپيښې   ساحې ته رسيدلى دى ويلي دي چې دغه چاودنه يوه له هغو ډيرو قوي   چاودنو څخه وه چې غږ يې ددغه ښار تر څو کيلومتري واټن پورې اوريدل شوى دى او ده دمړو داسې ټوټې او وينه ليدلې ده چې ددغه لوى لارې تر سل کيلومترى واټن پورې خوره وره شوې وه
دپيښې ټپيان په سرينګر  ښار کې داردو داډې  ٩٢ لمبر روغتون ته لېږدول شوي دي او دهغوى ديو شمير کسانو حالت خراب بلل شوى دى چې ښايي دسردزيان شمير لوړ شي .
دکشمير  دپوليسو رييس دفرانسې خبري اژانس ته ويلي دي چې چاوديدونکي  توکي ددغه پوځي کاروان په يوه موټر کې ځاى پرځاى کړى شوي و
دملګروملتو سازمان او دامريکا متحده ايالاتو دغه بريد غندلى دى .
هند اوپاکستان دکشمير دمسلمانانو استوګنې په سيمې دواکمنۍ  ادعا کوي اوله دغو دواړو هېوادونوڅخه هر يو له دغې سيمې  څخه ځينې برخې په واک کې لري .
  ختم- ف _ اکرم

 

پچیراګام - ننګرهار - باختر دسلواغې شپږ ويشتمه
د۲۰۱ سیلاب قول اردو دلمړی نمبرسرحدی لوا منسوبانو له نوروامنیتی ځواکونوسره یوځای پرون دننګرهارولایت پچیراواګام ولسوالی په اړوندو سیموکی یولړچاڼیزعملیات ترسره کړي چی په ترڅ کی یی دیادی ولسوالی (زمرخیل ، مورګۍ او مره قلعه) سیمی تصفیه اولټونې شوی دى چی دتصفیه اولټونې پرمهال (۴) تنه وسله وال طالبان هریو نورزاده ، شریف الله ، محمدالله اوقدرت خان له (۲)ماینونواودداشکې له ١٦٠ ګوليو سره یوځای نیول شوي دي.
پاى- فضل واحد

کابل باختر دسلواغې شپږ ويشتمه :
دباميانو ولايت يوشمير اوسيدونکو پرون په يو اعتراضيه حرکت کې دپاکستان دپښتنو  له ملي حرکتونو سره خپل ملاتړ اعلام کړ .
دباختراژانس دخبرله مخې ، دغواعتراض کوونکو دپاکتسان دپښتنو له هغو مدني حرکتونو  سره چې دهغه ظلم او ستم په اړوند چې ددغه هېواد دحکومت له لوري دپاکستان دپښتنو پرخلاف ترسره کېږي   خپل ملاتړاعلام کړ  او له نړيوالې ټولنې څخه يې وغوښتل تر څو دبشر دحقوقو دنقض په باب  چې دپاکستان ددولت له لوري ترسره کېږي چوپه خوله غوره نه کړي .
اعتراض کوونکو په دې غونډه کې وويل چې دپاکستان پښتانه اوبلوڅ دزياتې مودې راپديخوا دپاکستان ددولت تر ظلم او ستم لاندې دي او نړيواله ټولنه دې بايد  د پاکستان دحکومت په دغو کړنو سترګې پټې نه کړي .
داپه داسې حال کې ده چې څو ورځې مخکې دپښتنو دساتنې د غورځنګ فعال ارمان لوني  دپاکستان دپوليسو له خوا  له نيول کيدو وروسته ووژل شو .
  ختم _عطاالله – اکرم

کابل باختر دسلواغې شپږ ويشتمه :
دسياسي تاوتريخوالي تر عنوان لاندې يو کتاب پرون دجوزجان په ولايت کې پرانستل شو .
دباختراژانس  دخبريال دخبرله مخې،  دجوزجان ولايت داستنياف  څارنوالى درياست دتحقيق په چارو دڅارنې دڅارنوال څيړونکي همايون رباني دليکنې دسياسي تاوتريخوالي ، نه اغيزمنه پاليسي يا دنظامي ځواکونو قلت  )   کتاب په څلورو فصلونو او په يوسلو شلو مخونو کې دزرو ټوکو په تيراژ چاپ شوى دى چې دسياسي  تاوتريخوالي ، دسياسي تاوتريخوالي دتبين ، اړو دوړ ،  داړو دوړ دحل اوله ياغيانو سره دمقابلې په باب يې څرګندونې  کړې دي دجوزجان ولايت په مرکز شبرغان ښار کې پرانستل شو
ددغه کتاب دپرانستلو په غونډه کې دملکي او نظامي ادارو رييسانو دتحصيلي اوتعليمي بنسټونو استادانو فرهنګيانو ، ليکوالو شاعرانو ، دمدني ټولنې فعالانو او درسنيو کارکوونکو برخه لرله .
  ختم_ عطاالله _ اکرم


 

کابل باختر دسلواغې شپږ ويشتمه :
د ډار اچوونکو دډلې ديوه قوماندان په ګډون اته تنه ډار اچوونکي پرون په غزني ولايت کې ووژل شول
دغزني دوالي وياند محمد عارف نوري باختراژانس ته وويل چې دغه ډار اچوونکي دملي اردو په عملياتو  او دناتو دهوايي قواوو په بريد کې دغزني دقره باغ او داندړو ولسواليو په مربوطاتو کې ووژل شول .
نوري زياته کړه چې په دغو پيښو کې دوه تنه ډار اچوونکي ټپيان او ددښمن دوه موټرونه ويجاړ شوي دي .
  ختم_ عطاالله _ اکرم

 

Friday, 15 February 2019 11:37

اعلاميه

کابل باختر دسلواغې شپږ ويشتمه :
دافغانستان داسلامي جمهوريت دبهرنيو چارو وزارت اعلاميه
دافغانستان داسلامي جمهوريت دبهرنيو چارو وزارت  دهند جمهوريت په جمو او کشمير کې ډار اچوونکي بريد په کلکه غندي .
دافغانستان داسلامي جمهوريت دولت دهندوستان دپوليسو د څلويښتو تنو ځواکونو دوژل کيدو  په خاطر ددوست هېواد دهندجمهوريت خلکو او دولت ته دهمدردى  اوډاډګيرنې  په څرګندولو سره يوځل بيا له دغه ګډ دښمن سره په مبارزه کې  دهېوادونو دنږدې همغږى اوهمکارى  په اړتيا باندې ټينګار کوي .
  ختم_عطاالله  _ اکرم

Page 1 of 7380