03 July 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

ورزشی

-کابل / دچنګاښ ١١مه / باختر :
دهېواد حرفه يي ورزشکار حسين بخش صفري  ، دپرله پسې  دويم کال لپاره دجوجيتسو  دنړيوال فدراسيون  دازادې مبارزې په برخه کې  لومړى مقام وګاټه .
  دباختراژانس  دخبرله مخې، دصفري  نوم تېرکال  هم دجدول په سرکې و .
جوجيتسو يو رزمي  هنر اوپه اصل کې  جاپاني دى . او دجوجيتسو  تمرين  هدف له ټول بدن څخه استفاده دوسلې په توګه دمقابل لورى اودضربې هدف ده . حسين بخش  صفري په دغه ورزشي  برخه کې  ځلانده کارنامې  لري .
هغه دجوجيتسو  په نړيوالو  سياليو کې  چې په هند کې  ترسره شو خپلو دريو سيالانو  ته په ماتې سره د سرو زرو درې مډالونه ترلاسه کړل .
دغه راز په اسيايي  لوبو په سالون کې دننه دترکمنستان په عشق اباد کې د ٢٠١٧رزمي کال هنرونه چې ترسره شوي دي  وکولاى شول چې ددغوسياليو  دسرو زرو مډال ترلاسه کړي .
حسين بخش صفري دتېرکال دجوجيتسو  په اسيايي   سياليو کې چې د مغلستان هېواد په اولان باتور ښار کې دفول کونتکت يا د جوجيتسو  ازادې مبارزې کې دسرو زرو په مډال او دجوجيتسو دمبارزو په برخه کې  د برونز مډال ترلاسه کړ .
  ختم _ شکريه_ اکرم

-کابل / دچنګاښ ٩مه / باختر :
افغان غره ګرځېدونکو وکولاى شول  دپغمان له غره څخه  تېر شي او ځانونه  دکابل دشکردرې غره ته ورسوي .
دافغانستان  دغره ګرځېدنې فدراسيون  له دغو ځوانانو څخه  په هرکلي سره ديوې خبرپاڼې په خپرولو سره رسنيو ته ويلي دي،  هلې ځلې دوام لري  چې په دغه هېواد کې دغره ګرځېدنې ورزش وده وکړي .
ورزشکاران هم افغانستان ددغه ورزش لپاره ډير مناسب بولي . او هلې ځلې کوي  چې دغه ورزش دځوانانوتر منځ  پراخ کړي .
ددغه ټيم غړي اميري وايي  چې دپغمان غره ته  ختل ده ته  ډير خوندور و.
هغه زياته کړه  چې ورزشکارانو وکولاى شول  په ٢٤ ساعتو کې خاص ډنډ ته  چې دپغمان  اودشکردرې دغرونو ترمنځ موقعيت لري  ورسوي ، اوشپه هلته تېره کړي .
ددغه فدراسيون  فني مرستيال  رومل حيات وايي  چې دغه فدراسيون  هلې ځلې کوي  چې له افغانستان څخه متفاوته څېره  نړيوالو ته معرفي کړي .
هغه زياته کړه که چېرې  ددغې برخې دورزشکارانو دلارې پرسر  چلنجونه لري شي  هغوى کولاى شي  لوړو غرونو ته هم ځانونه ورسوي .
دافغانستان دغره ګرځېدنې فدراسيون په  ١٣٩١لمريز کال کې جوړ شو .
سره له دې چې په افغانستان کې دغره ګرځېدنې  فدراسيون  له جوړولو څخه  لنډ وخت  تېرېږي خو دغو ورزشکارانو وکولاى شول  چې څو نړيوالې جايزې هم ترلاسه کړي .
ختم _ج –اکرم

کابل / د غبرګولي ١٧ مه / باختر
د بامیانو په مرکز کې د ژوندانه چاپېریال ساتنې د نړیوالې ورځې په مناسبت، د بایسکل ځغلونې سیالۍ پيل شوه.
د باختر آژانس د سیمه ییز خبریال د خبر له مخې؛ د بامیانو د ژوندانه چاپېریال ساتنې رییس ابراهیم دادفر دغې سیالۍ د ترسره کولو موخه د روزشکارانو هڅونه او د خلکو لپاره د ژوندانه چاپېریال ساتنې ارزښت ياد کړ.
هغه زیاته کړه چې د بایسکل ځغلونې په دې سیالۍ کې په دوو بېلابېلو څانګو کې ٣٠ ورزشکارانو چې ١٠ يې نجونې او ٢٠ يې هلکان وو؛ سیالي وکړه.
په دې سیالۍ کې د نجونو په څانګه کې له صلصال او شمامه ټیم څخه ریحانه او د بامیانو له اطلاعاتو او فرهنګ ریاست څخه آرزو او له عقابانو ټیم څخه شکیبا او د هلکانو په څانګه کې له صلصال او شمامه ټیم څخه جمعه خان، له عقابانو ټیم څخه علي جان او نوروز په ترتیب سره لومړى، دویم او درېیم مقامونه ګټلي دي.
بایسکل ځغلوونکو نجونو څه ناڅه ١٨ کیلومتر واټن او هلکانو ٣٣ کیلومتره واټن وواهه.
ختم/ع

 

کابل/ د وري ٢مه/ باختر له ګلف لوبې سره د هراتي نجونو لېوالتيا زياته شوې ده. د محدودو امکاناتو، د ټولنې سنتي والي او له لسګونو نورو چلنجونو سره سره، د هرې ورځې په تېرېدو په هرات کې له ګلف لوبې سره د نجونو لېوالتيا زياتيږي. په هرات کې د نجونو د ګلف لومړنى کلپ شپږ کاله مخکې جوړ شو او ورو ورو د علاقمندۍ په زياتوالي سره د نجونو د ګلف کلپونه هم زيات شول. ټاکل شوې ده حکومت د هرات د پښتون پله په ساحه کې د ګلف يو لوبغالى جوړ کړي. د هرات د ګلف فدراسيون يوه مسوول باختر آژانس ته وويل چې د دغه لوبغالي په جوړېدو سره به په هرات کې د نجونو ترمنځ د ګلف لوبه وده وکړي. يوه نجلۍ تهمينه چې په هرات کې په ګلف لوبې بوخته ده؛ وايي: که چېرې دولت د نجونو ورزش ته زياته پاملرنه وکړي؛ ورزش به د نجونو ترمنځ په فرهنګ بدل شي. ختم- ج - اکرم

Page 1 of 603