20 May 2019

RSS Facebook

سوداگریز


تازه خبرونه

د هېواد په سویل ختیځ کې ۲۲ تنه وسله وال طالبان وژل شوي دي

کابل/باختر/ د غويي د میاشتې ۲۹ مه په تېرو څلرویشتو ساعتو...

Youtube Player

khantry design

سوداگریز

سوداگریز

ورزشی

کابل باختر دثور ٢٦ مه :
دپاراتکواندوسيالۍ تيره شپه دتکواندو  فدراسيون له خوا ددولسو ورزشکارانو ترمنځ ترسره شوې چې دکابل  ټيم ددغو سياليو اتل شو.
دباختراژانس دخبرله مخې،  په دې سياليو کې دکابل ، بلخ ، او دپکتيا دولايتونو دولسو تنو ورزشکارانو ګډون کړي و .  چې په نتيجه کې دکابل ټيم اتل شو اودبلخ ټيم دويم مقام وګاټه .
ويل کېږي چې داسيا دپاراتکواندو داتلوالى  سيالۍ  ترراتلوونکو دوو مياشتو پورې داردن په عمان ښارکې ترسره کېږي  او دافغانستان ټيم به په دغو  سياليو کې ګډون وکړي .
   ختم_ شکريه-اکرم

 

کابل/ باختر/ د غويي دمياشتې ٢۵مه
د کرکټ د نړيوال جام د سياليو تر پيل پورې ١٥ ورځې پاتې دي.
د کارپوهانو په باور: دهېواد دکرکټ ملي ټيم په دغو سياليو کې دګډون په خاطر بشپړ تيارى لري، ځکه ددغو سياليو تر پيل کېدو پورې څو نورې دوستانه لوبې ترسره کوي. څو دوستانه لوبو ته په پاملرنې سره چې د هېواد دکرکټ ملي ټيم ترسره کړي  دي؛ کولاى شو ووايو چې د هېواد د کرکټ دملي ټيم لوبغاړي د ګټلو او د يو بل وياړ د ترلاسه کولو په انګيزې سره په دغو سياليو کې ګډون کوي  .
دکرکټ د نړيوال جام۵۰ آوريزې سيالۍ ٤٤کاله مخکې د لومړي ځل لپاره په انګلستان کې ترسره شوې چې په دغه کال کې انګلستان د دغو سياليو اتلولي وګټله .
وروسته د استراليا، هند، پاکستان، نيوزلند او جنوبي افريقا د هېوادونو ټيمونو په دغو سياليو کې کارنامې لري. خو د افغانستان د کرکټ ملي ټيم په لنډه موده کې بريالى شو  د نړۍ دکرکټ دغوره ټيمونو په کتارکې ودريږي او زموږ د هېواد د ټيم ستوري د نړۍ په بېلابېلو ليګونو کې لوبې وکړي.
په بېلابېلو ليګونو کې د هېواد د کرکټ د ملي ټيم ورزشکارانو په ځليدو سره دغه هېلې غوړيدلې دي چې د هېواد دکرکټ ملي ټيم د کرکټ له ۵۰ آوريزو نړيوالو سياليو څخه په ډک لاس راستنيږي.
پاى \ج\ ذ

کابل/باختر/ د غويي د میاشتې ۲۳ مه
د هند د کرکټ د غوره جام سيالۍ د ممبى انډين د ټيم په اتلوالۍ سره پاى ته ورسيدې.
دغه ټيم يوازې د يوې منډې په توپير سره د چيناى سوپرکنيز پرټيم بريالى شو او د دغه جام اتلوالي يې وګټله.
د باختر آژانس د خبرله مخې: د هند د کرکټ د غوره ليګ سياليو د کرکټ د کلپونو د جام په وروستي پړاو کې د ممبى انډين ټيم يوازې د يوه امتياز په ګتلو سره وکولاى شول جام ترلاسه کړي .
د ممبى انډين ټيم په ٢٠ آورونو او د ٨ لوبغاړو په سوځيدو سره ١٥٠ منډې سيال ټيم ته هدف وټاکه، خو سيال ټيم په ٢٠ آورونو کې د ٧ لوبغاړو په سوځيدو سره ١٤٨ منډې وکړې او لوبه يې د ممبى انډين ټيم په وړاندې وبايلله.
دغه سيالۍ هر کال په هند کې د اتو ټيمونو ترمنځ ترسره کېږي او هر ټيم د اتلوالۍ د ګټلو لپاره په ميليونونو هندي روپيې لګوي او د نړۍ مشهور کرکټ بازان استخداموي.
پاى \ذکرالله 

 

 

-کابل باختردثور  ١٦مه :
دقندهار په ولايت کې دفوټبال  دورزشي لومړى خصوصي اکاډمي پرانستل شوه
  دهېواد په جنوب کې دورزش مسوولان هيله لري چې دپويا د فوټبال  اکاډمي په ډير لنډ ممکن وخت کې په دې حوزه کې دفوټبال دروزش دزده کړې په يواځني  مرکز بدله شي .
  دقندهار ولايت دبدني روزنې او ورزش مسوول مير اقا باختراژانس ته وويل چې په دې اکاډمي  کې تنکيو ځوانانو او ځوانانو ته په مسلکي ډول دفوټبال دلوبې او دهغې قوانين ورزده کېږي .
  له بلې خوا هم دغه اکاډمي به دفوټبال دلوبې دښوونکو  او حکمانو دروزنې په برخه کې هم فعاليت وکړي .
دقندهار دوالي مرستيال عبدالحنان منيب دپويا دفوټبال  د خصوصي اکاډمي پرانستل دهېواد په جنوب کې دځوانانو ترمنځ ددغې ورزشي  څانګې له ودې لپاره  يوه لاس ته راوړنه وبلله .
  فوټبال په وروستيو کلونوکې په افغانستان کې ديادونې وړ وده کړې ده .
لکه څنګه چې ځوانان هره ورځ په هېواد کې په دغه په زړه پورې  ورزش لاس پورې کوي .
خو دهېواد جنوب زياتره دناامنۍ په دليل فوټبال د افغانستان دنورو سيمو په نسبت  کمه وده کړې ده
ددغې حوزې دورزش مسوولان هيله لري  چې دپويا دفوټبال دخصوصي اکاډمي دکار په پيل سره  کرار کرار دغه  ورزشي څانګه دځوانانو ترمنځ زيات مينه وال پيداکړي او وده وکړي .
  ختم- عطاالله _اکرم

Page 1 of 561