24 August 2017

RSS Facebook

سوداگریز


تازه خبرونه

د ملي امنیت سلاکار په کابل کې د ملګرو ملتو له استازي سره د سولې پر بهير خبرې وکړې

کابل_باختر د وږي د مياشتې١ د افغانستان د اسلامي جمهوریت د...

پوهاند محمدرسول باوري مطيع الله روهيال وستايه

کابل \باختر دوږي دمياشتې لومړۍ نيټه : د اطلاعاتو او...

د سترو مالیه ورکوونکو لپاره د برېښنایي خدمتونو سیستم پرانیستل شو

کابل_باختر د وږي د مياشتې١ د سترو مالیه ورکوونکو لپاره د...

Youtube Player

khantry design

سوداگریز

سوداگریز

ورزشی

کابل باختر دزمري  اووه ويشتمه :
دزمري دمياشتې داته ويشتمې دجام دباسکتبال  لوبې پيل شوې .
دغه سيالۍ دهرات ولايت دورزش د امريت له خوا او دهرات ښاروالۍ په همکارۍ او دافغانستان دمدافعانو په ملاتړ د هېواد دخپلواکۍ دبيرته ترلاسه کولو داته نوي  يمې کاليزې دهرکلى په خاطر پيل شوي دي .
دهرات ولايت دورزش  دادارې مسوول  باختراژانس ته وويل چې دباسکتبال  دغه سيالۍ  دهرات ښار او دهرات دښاري شورا داتلسو کلپونو او دکابل ، قندهار ،بلخ ، ننګرهار او دهلمند دولايتونو دورزشي  ټيمونو ترمنځ پيل شوي دي .
ده ددغوسياليو  موخه دهېواد دخپلواکۍ دبيرته ترلاسه کولو دکاليزې پرتمينه  نمانځنه او دپوځيانو ملاتړ وباله او ويې ويل چې په دغوسياليو کې به دهرات دباسکتبال غوره څيرې  هم وپيژندلې شي .

کابل باختر د زمري پنځه ويشتمه :
د افغانستان د تکواندو ټيم په آسيايي  سياليو کې د ګډون په مقصد ازبکستان ته لاړ.
د هېواد د بدني روزنې رييس همايون خيري په دې اړوند دباختر آژانس خبريال ته وويل: سره له دې چې دافغانستان د تکواندو ورزشکارانو ته امکانات کم دي، خو له  نورو ورزشکارانو څخه د دوى روحيه لوړه ده .
ده وويل: د (IFP)  يا د تکواندو د دريم پړاو سيالۍ د روانې مياشتې په اتلسمه نيټه په تاشکند کې ترسره کيږي .
د افغانستان  دتکواندو  فدراسيون رييس شعيب  رحماني وويل چې په نهو تنو تکواندو کارانو سربيره يو ښوونکى او يو لارښود هم له دوى سره ملګرتيا کوي .
د هېواد د تکواندو ملي ټيم  په ۲۰۱۲م کال کې د ITF)   (د دويم پړاو په سياليوکې د سپينو زور اته مډالونه او د ژيړو درې مډالونه ترلاسه کړي وو .

 کابل \ باختر دزمري دمياشتې  ٢٠ :
دهمت دکرکټ ټيم پرون په لوګرولايت کې دعمران  وطنوال   دکرکټ په ټيم بريالى شو  او دغه ټيم دلوګر دسياليو اتل شو.
دلوګرولايت دکرکټ بورد مسوول محمداجان حقيار باخترآژانس ته وويل:  داتلانو دجام په نامه دکرکټ  سيالۍ له لسو ورځو را په دې خوا دلوګرولايت  په مرکز کې   پيل شوې وې چې په پاى کې  لوبه دهمت او دعمران وطنوال دکرکټ دټيمونو ترمنځ  وشوه .
ده وويل په دې لوبه کې دهمت ټيم لومړى توپ وهنه وکړه او په شلو  آورونو کې يې دعمران وطًنوال  ټيم  ته  ١٤٥ منډې هدف وټاکه   ؛چې عمران وطنوال ټيم  ونه کړاى شوى ټاکلې  هدف   پوره کړي  او ددغو سياليو دوم مقام يې وګاټه.
دهمت د کرکټ  د ټيم يو لوبغاړي مطيع الله  ددغو سياليو غوره لوبغاړى  وټاکل شو.
حقيار زياته کړه  دغه سيالۍ دآريانا خضر دکرکټ  دټيم له خوا دلوګر ولايت دکرکټ بورد  په همکارۍ   دځوانانو ترمنځ  د همغږۍ او دهمکارۍ درامنځته کولو  اودکرکټ  دودې او دغوره څيرو  دپيژندلو په مقصد پيل شوى و  چې له مرکز او دمحمداغې دولسوالۍ څخه  ١٢ ټيمونو  ټيم پکې ګډون کړى و.

-کابل باختر دزمري اتلسمه :
ددنمارک  دنجونو دفوټبال  دملي ټيم افغان لوبغاړې  ناديه نديم دهالندپه وړاندې په وروستۍ لوبه کې ښه وځليده .
دباختراژانس دخبرله مخې سره له دې چې ددنمارک ټيم ونه کړاى شول له  هالند څخه داروپا دملتونوجام ترلاسه کړي خو هغه څه چې دپاملرنې وړ دي ددغه ټيم دافغان لوبغاړې ناديه نديم ځلښت دى .
دې په شپږمه دقيقه کې ددنمارک دملي ټيم ديو ګول خاوند کړ .
ناديه نديم ٢٩ کلنه ده او ددنمارک دملي ټيم له غړيتوب سره جوخت دامريکا دمتحده ايالاتو دپورتلند ترونس دفوټبال په کلپ کې  لوبه کوي .
دناديه نديم پلارچې داردو يو افسر وو په ٢٠٠٠ کال کې په افغانستان کې دطالبانو له خوا ووژل شو .
ناديه دخپل پلار له مړينې وروسته دافغانستان له هرات ولايت څخه ووته او مهاجره شوه .
دې فوټبال له خپلو هلکانو سره دمهاجرتونو په يوکمپ  کې پيل کړ تر دې چې ناديې په ٢٠٠٩ کال کې ددنمارک دفوټبال غړيتوب ترلاسه کړ .

Page 1 of 491