30 September 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

ورزشی

 

کابل/ د وږي ۲۵مه/ باختر

د افغانستان د اسلامي جمهوریت جمهوررئیس محمداشرف غني نن ماښام د کرکټ بورډ رهبري، د کرکټ ملي ټيم غړو او د شپږېزې کرکټ لیګ اووم پړاو سیالیو لوبغاړو سره په سلام خانې ماڼۍ کې وکتل.

په دغه کتنه کې چې د جمهوررئیس لومړي مرستیال او یو شمېر لوړ پوړو دولتي مقاماتو هم حضور درلود، په پیل کې د کرکټ بورډ لوی رئیس فرهان یوسفزي جمهوررئیس څخه د مننې پرمهال وویل، له ښه مرغه نن د کرکټ ورزشکاران په ملي او بین المللي سیالیو کې ګډون کوي او وطن ته ویاړ او عزت راوړي.

یوسفزي د کرکټ ورزشکارانو ته وویل، د ورزش قوانینو او ډسپلین ته پاملرنه وکړئ، تاسې هغه اتلان یاست چې د هیواد درې رنګه بیرغ چې زموږ هویت او ویاړ دی، رپوئ او د جمهوریت استازیتوب کوئ.

وروسته د جمهوررئیس لومړي مرستیال امرالله صالح د کرکټ ورزشکارانو ته د ښه راغلاست پر مهال وویل، هغه ویاړونه چې تاسو افغانستان ته راوړي، موږ پرې ویاړو.

هغه زیاته کړه، د کرکټ د ورزشکارانو رول د افغانستان په یووالي کې مهم دی. تاسې خلکو ته خوښي راوړې، حکومت پر تاسې لازیاته پانګونه کوي او کرکټ به په ټول هیواد کې پراختیا ومومي.

جمهوررئیس غني د کرکټ بورډ رهبري پلاوي، د کرکټ ملي ټیم غړو او د شپږیزې لیګ اووم پړاو سیالیو لوبغاړو ته د ښه راغلاست پر مهال وویل، تاسې د افغانستان ویاړ او راتلونکی یاست او زموږ ولس ته مو خوښي راوړې ده.

هغه زیاته کړه، د حکومت رهبري، د خدمت ټیم دی او ویاړو چې د ارګ په سلامخانې ماڼۍ کې د افغانستان اتلانو ته هرکلی وایوو.

جمهوررئیس د شپږېزې کرکټ لیګ اووم پړاو سیالیو د هر ټیم نوم واخېست او وې ویل، په خپلو ټیمونو مو ښکلي نومونه اېښي دي، ستاسې په رګونو کې د اتلانو وینه جریان لري او دا وطن تل اتلانو ساتلی دی.

هغه زیاته کړه، تاسې اوس په بین المللي ډګرونو کې سیالي کوئ او د سیالیو له اصولو سره بلد یاست، ستاسې پیاوړې مټې او ځلېدونکي څېرې موږ ته هیله رابښي.

دغه راز په دې کتنه کې د کرکټ بورډ لوی رئیس فرهان یوسفزي او د کرکټ بورډ غړي هارون میر، هغه بیټ چې د کرکټ ملي ټیم غړو پرې خپل لاسلیکونه کړي وو، جمهوررئیس ته ډالۍ کړ.

 

کابل / د وږي ٢٥مه / باختر
سنګر د فوتبال ټيم د ستاره هاى بنين ټيم ته په ماتې ورکولو سره د کابل د نجونو د فوټبال سياليو وروستي پړاو ته لاره وموندله.
د افغانستان د فوټبال فدراسيون وياند شفيع شاداب باختر آژانس ته وويل چې د کابل د نجونو د فوټبال سياليو نيمه پايلوبه د سنګر او ستاره هاى بنين تيمونو ترمنځ د فوټبال فدراسيون په لوبغالي کې ترسره شوه.
دغه لوبه د دوو په وړاندې په شپږو سره د سنګر ټيم په ګټه پاى ته ورسېده.
ختم - ج -اکرم

کابل / د وږي ٢٥مه / باختر
د افغانستان د کرکټ د ملي ټيم لوبغاړي راشد خان آرمان، محمد نبي عيسى خېل او مجيب ځدران د حيدرآباد له سن رايزرس ټيم سره يوحاى شول.
دغه خبر د حيدرآباد ټيم په خپله رسمي فېسبوک پاڼه کې خپور کړى دى او د دغو درېيو لوبغاړو د راتګ هرکلى کړى دى.
محمدنبي عيسى خېل او راشد خان آرمان په روان کال کې هم د هندوستان په (آى.پي.ال) سياليو کې په حيدرآباد ټيم کې لوبه کوي.
د هندوستان د (آى.پي.ال) د کرکټ سيالۍ د روان کال د وږي په ٢٩ مه په عربي متحدو اماراتو کې پيلېږي او په همدې خاطر دغه درې افغان لوبغاړي عربي متحدو اماراتو ته سفر کړى دى.
دغه افغان لوبغاړي په لوړ امتياز سره به په حيدرآباد ټيم کې لوبه وکړي.
ختم- ج -اکرم

 

کابل / د وږي ٢٥مه / باختر
په غور کې د "سولې او دوستۍ" ترنامه لاندې د شطرنج سيالۍ پرون د ځوانانو ترمنځ پيل شوې.
د غور د بدني روزنې او ورزش د آمريت يو مسوول باختر آژانس ته وويل چې په دغو سياليو کې د غور له بېلابېلو سيمو څخه ٤٥ ځوانان ګډون لري او د يوې اوونۍ لپاره دوام کوي.
هغه وويل چې دا په روان کال کې په غور کې د شطرنج لومړنۍ سيالي ده.
ختم- شکريه -اکرم

Page 4 of 614