25 February 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

ورزشی

کابل/دمرغومي۲۴مه/باختر
د کرکټ د نړيوالې شورا د درجه بندۍ له مخې، درې افغان ورزشکارانو د کرکټ د نړيوالو غوره ورزشکارانو په نوملړکې ځاى ونيو.
د هېواد د کرکټ بورډ وياند  فريد هوتک د باختر آژانس خبريال ته وويل چې په ٢٠ آوريزولوبوکې د بالرانو ترمنځ راشد خان لومړى مقام او مجيب الرحمن دويم مقام ترلاسه کړ.
راشدخان او مجيب الرحمن ووه بالران دي چې په٢٠  آوريزو تجارتي سياليوکې  زياتې لوبې کړې دي.
په همدې حال کې په نړۍ کې د "آل روندر" په لوبغاړوکې محمد نبي د ٣١٩ امتيازونو په لرلو سره لومړى مقام ترلاسه کړى دى.
په کرکټ کې "آل روندر" هغه لوبغاړي ته ويل کېږي چې هم په بالنګ او هم په بيټنګ کې فعاله ونده واخلي.
ختم-  سعيده – اکرم

 

کابل/د مرغومي ۲۲ مه/باختر
د افغانستان د کرکټ ملي ټيم نن له کابل څخه عربي متحده اماراتو ته سفر کوي.
د هېواد د کرکټ بورد وياند فريد هوتک د باختر آژانس خبريال ته وويل: د دغه سفر موخه په تمريناتي کمپ کې ګډون او د نړيوال جام او آسيايي جام سياليو لپاره تيارى بلل شوى دى.
د هوتک د څرګندونو له مخې: دغه تمرينونه په دغه کمپ کې سبا پيلېږي او ١٢ ورځې دوام مومي.
ختم- سعيده - اکرم

کابل/دمرغومې۲۲مه/باختر
د افغانستان د کرکټ بورډ ادارې مسوولین وايي چې افغان کرکټ ملی لوبډله د نورو کلونو په پرتله په ۲۰۲۱ کال کې ډېرې لوبې لري.
که څه هم په ۲۰۲۰ کال کې افغان لوبډله له بېلابېلو لوبډلو سره لوبې لري، خو په ۲۰۲۱ کال کې نسبت نورو کلونو ته افغان لوبډله په بېلابېلو فرمټونو کې زیاتې لوبې لري.
په ۲۰۱۷م کال کې د کرکټ بورډ د نړیوالې شورا له لورې ترتیب شوي مهالوېش کې چې تر ۲۰۲۳م کال پورې پکې ټولې لوبې ښودل شوې، افغانستان پکې په راروان میلادي کال کې تر ټولو زیاتې لوبې لري.
د افغانستان د کرکټ بورډ ادارې ویاند فرید هوتک نن باختر اژانس ته وویل چې افغان لوبډله په۲۰۲۱ م کال کې له آیرلینډ سره یوه ټېسټ، درې پنځوس اوریزې، درې شل اوریزې، له زمبابوی سره دوه ټیسټ درې شل اوریزې، له هندوستان سره درې پنځوس اوریزې، له سریلانکا سره درې پنځوس اوریزې، درې شل اوریزې، له متحده عربي اماراتو سره دوه پنځوس اوریزې ، له پاکستان سره درې پنځوس اوریزې او په همدې کال کې به له زمبابوی سره یوه ټیسټ درې پنځوس اوریزې او دوې شل اوریزې نورې لوبې هم وکړي.
دا په داسې حال کې ده چې افغان کرکټ ملي لوبډله د روان میلادي کال په مارچ کې هم له آیرلینډ لوبډلې سره درې ۲۰ آوریزې لوبې کوي.
یادې سیالۍ د مارچ په شپږمه، اتمه او لسمه د افغانستان په کوربتوب د هندوستان په ګریټر نویدا کرکټ لوبغالي کې ترسره کېږي.
پای/وصال

 

کابل/دمرغومي۲۲مه/باختر
د افغانستان د کرکټ بورډ مسوولین وايي چې افغان کرکټ ملي لوبډله د روان میلادي کال په مارچ کې له آیرلینډ لوبډلې سره درې ۲۰ آوریزې لوبې کوي.
د کرکټ بورډ ویاند فرید هوتک باختر اژانس ته وویل چې یادې سیالۍ د مارچ د په شپږمه، اتمه او لسمه د افغانستان په کوربتوب د هندوستان په ګریټر نویدا کرکټ لوبغالي کې ترسره کېږي.
دا په داسې حال کې ده چې د آیرلینډ لوبډلې هم د افغانستان د کرکټ له ملي لوبډلې سره دوه اړخېزې سیالۍ درلودې، خو د ايرلينډ کرکټ ادارې ویلي چې یادې سیالۍ د مالي محدوديتونو له امله نه شي ترسره کولې.
پای/وصال

 

Page 5 of 599