15 August 2018

RSS Facebook

سوداگریز


تازه خبرونه

د هرات د نړيوال هوايي ډګر د پراختيا په اړوند خبرې وشوې

کابل \باختردزمري دمياشتې ٢٣نيټه : د ملکي هوايي چلند د خپلواکې...

په فراه کې دوه تنه وسله وال طالبان ووژل شول

کابل \باختردزمري دمياشتې ٢٣نيټه : دوه تنه وسله وال طالبان پرون...

په بغلان کې اعتراضونه پاى ته ورسيدل

کابل \باختردزمري دمياشتې ٢٣نيټه : د بغلان د زاړه ښار په...

Youtube Player

khantry design

سوداگریز

سوداگریز

ورزشی

کابل\باختر\ دچنګاښ ٢٥ مــــه

د هرات ولايت دفوټبال دلومړى لاس سياليو پرون مازيګر دارياى غوريان اودخراسان دټيمونو له لوبې سره دوام وموند.

د هرات ولايت د ورزشي امريت مرستيال ضيا الحق ضيا باختراژانس ته وويل: دخراسان ټيم ديوې په مقا بل کې پردوو سره دارياى غوريان ټيم ته ماتې ورکړه.

 دغه سيالۍ دفوټبال دلومړى لاس دلسو ټيمونو ترمنځ په هرات ولايت کې پيل شوي دي.

ديو بل خبر له مخې : ټاکل شوې ده نن ما زيګر  د کابل ښار دفوټبال دغوره ليګ دټيمونو په سياليو کې دسري مياشتې اود جوانان ا زادي ټيمونه لو به و کړي .

 دغه سيالۍ داتلسو ټيمونو ترمنځ په کا بل ښار کې پيل شوي دي

کابل باختر د چنګاښ څليرويشتمه

  دخوست ښار دواليبال ټيم په وروستي لوبه کې وکولاي شول  ديوې په مقابل کې په دوو سره دپښتونخوا دبنو دواليبال  ټيم ته ماتي ورکړي او  اتلولي جام ترلاسه کړي .

   په خوست ښار کې دواليبال  سيالۍ دپاکستان  دپښتونخوا  ديو ټيم په ګډون  د ١٥ ټيمونو په شمول پيل شوي وي .

  دخوست والي عبدالجبار نعيمي ددغوسياليو  د اتلولي په مراسموکې باختر اژانس ته وويل  چې دواليبال  سيالۍ دده له  خوا دسولۍ ګډ ژوندانه او دهيواد ترقي اوسمسورتيا  ته دپاملرني په مقصد پيل شوي دي .

  دواليبال  دسياليو داتلولي   په مراسموکې  د خوست والي په دغه ولايت کې دورزش دودې او پرمختګ له امله  خوښئ څرګنده کړه  اوژمنه يي وکړه چې ددغه ولايت دځوانانو ترمنځ به د ورزش دپراخ بنسټه  کيدو  لپاره زياتي هلې ځلې وکړي .

 ددغو مراسمو  په پاى کې برخه والو ټيمونو ته جايزې  اوورزشي لوازم  ورکړي شول .

کابل باختر د چنګاښ څليرويشتمه

 دزونونو  دکرکټ دسياليو وروستي نيمايي پړاو نن دعينکو دمسو دکان او دامير بند د ټيمونو په لوبي سره  پيليږي .

 دغه سيالۍ چې دپنځه زونونو د ټيمونو ترمنځ په کابل کې  ترسره شوي دي  وروستي  نيمايي  پړاو  يي نن دعينکو دمسو دکان او دامير بند د ټيمونو په لوبي سره  پيليږي .

   دافغانستان دکرکټ بورد درسنيو دمسوول فريد هوټک د څرګندونو له مخې  ددغو سياليو په دوام  پرون دسپين  غر او د عينکو دمسو دکان ټيمونه لوبه کوي چې لومړى لوبه دسپين  غر ورزشکارانو پيل کړه او سيال ټيم ته يي  دوه سوه پنځه څلويښتو منډي هدف ورکړ چې دعينکو دمسو دکان ټيم ورکړي شوي هدف پوره کړاولوبه يي وګټله . 

 ديو اړونده  خبرځاى دڅرګندونو له مخې  رشيد ځدران په څلور نوي منډو سره ددغو سياليو بريالي لوبغاړي وپيژندل شو .

کابل باختر د چنګاښ څليرويشتمه

 دکابل ښار دفوټبال دغوره ټيمونو دسياليو  په دوام پرون مازيګر  دکابل دځوانانو ټيم  د جوانان ميهن  له ټيم سره لوبه وکړه .

 دهيواد دفوتبال  فدراسيون درسنيو مسوول احمد شاه ساير دڅرګندونو له مخې په دې  کتنه کې دکابل دځوانانو ټيم ديوې په مقابل کې په څلورو  د جوانان ميهن ټيم ته ماتي ورکړه .

  دغه سيالۍ داتلسو غوره ټيمونو ترمنځ پيل شوي دي .

 ديوبل خبر له مخې دهرات ولايت  دفوټبال دلومړي لاس سياليو پرون مازيګر  په يوى لوبي سره دوام وکړ .

 دهرات ولايت دورزشي آمريت مرستيال  ضيا الحق ضيا باختر اژانس ته وويل په دي کتنه کې دپامير ټيم  دصفر په مقابل کې په يوي سره داميد ټيم ته ماتي ورکړه .

 دغه سيالۍ دلومړى لاس  دلسو ټيمونو ترمنځ په دغه ولايت کې پيل شوي دي  چې په دوام يي نن دخراسان  او اريا ټيمونه لوبه کوي .