17 February 2019

RSS Facebook

سوداگریز


تازه خبرونه

يو انس سره زر په ۱۳۲۱ډالرو وړاندې کېږي

يو انس سره زر په ۱۳۲۱ډالرو وړاندې کېږي

کابل\باختر\ دسلواغې د مياشتې۲۷ په نړيوالو بازارونوکې نن يو انس سره...

د طاق ظفر فوټبال لوبډلې پامیر لوبډلې ته ماتې ورکړه

د طاق ظفر فوټبال لوبډلې پامیر لوبډلې ته ماتې ورکړه

کابل/ باخترد سلواغې دمياشتې ٢٧نيټه : ...

Youtube Player

khantry design

سوداگریز

سوداگریز

ورزشی

ترینکوټ باختر د لیندۍ ۱۸ مه
په روزګان ولایت کې د فوټبال د اتو لوبډلو ترمنځ د یوالي تر نامه لاندې اتلس ورځنۍ سیالۍ پیل شوې.
د دغو سیالیو هدف د زون په کچه د اوولسو کلنو غوره څېرو په ګوته کول ښودل شوي دي.
په روزګان کې د فوټبال فدراسيون مشر ميرزا محمد اميرزوی باختر اژانس ته وویل چې د (B)  لوبډلو ترمنځ د پیل شویو سیالیو غوره لوبغاړي به په راتلوونکي کې په (A) لوبډله کې د لوبېدو چانس ترلاسه کړي.
امیرزوی وايي: د ورزش څخه يې هدف په دغه ولايت کې له جګړو څخه سولې ته د ځوانانو هڅول دي.
اميرزوی له ځوانانو غوښتنه کوي چې نور د جګړو او وروروژنې پرځای ورزش ته مخ کړي او د يوالي او ورورولۍ لاره غوره کړي.
په دغه ولايت کې لوبغاړي هم د جګړ ې له ښکېلو غاړو غوښتنه کوي چې جګړه بس کړي او په خپل منځ کې د يوالي لاره غوره کړي.
لوبغاړي وايي دغه ډول لوبې ورته مثبتې تمامېږي او د نورو  ورته سیالیو غوښتنه هم کوي،دوی له ځوانانو هم غوښتنه کوي چې له نشه یي توکو لاس واخلي، او ورزش ته مخ کړي.
روزګانيانو لوبغاړو له دولت څخه هم غوښتنه وکړه چې، په دغه ولايت کې دې د لوبو کولو لپاره يو معياري لوبغالی جوړ کړي او د ورزش په برخه کې دې ورته پرتې ستونزې حل کړي.
دا په داسې حال کې ده چې له دې وړاندې په دغه ولايت کې د ښاروالۍ رياست له لورې د فوټبال ۲۰ ورځنۍ لوبې هم پرلاره اچول شوې وې اوڅه موده وړاندې پای ته ورسېدې. پای/وصال

مهتر لام باختر د لیندۍ ۱۷ مه
د لغمان، ننګرهار او کابل ولایتونو د سوک وهنې په سیالیوکې لغمان ولایت وکولاى شو لومړی مقام وګټي.
د لغمان ولایت د بدني روزنې د آمریت مشر بادام ګل باختر آژانس ته وویل چې تېره ورځ د کابل، ننګرهار او لغمان ولایتونو د سوک وهنې ورزشکارانو خپل منځي سیالۍ ترسره کړې.
سرچینه زیاتوي چې د دغه ولایت ورزشکارانو وکولاى شول چې خپلو سیالانو ته په پرله پسې ډول ماتې ورکړي او د یادو سیالیو اتلولي ترلاسه کړي.
د بادام ګل د څرګندونو له مخې: دغه راز د قرغیو ولسوالۍ په چهارباغ سیمه کې هم د سوک وهنې د ۱۰۰ تنو ورزشکارانو ترمنځ خپل منځي دوستانه سیالۍ ترسره شوې.
د دغو سیالیو موخه د لوبغاړو هڅول او راتلوونکو مهو سیالیو ته د لوبغاړو چمتو کول بلل شوي دي.
پای/وصال


 

کابل  باختر دليندى څوارلسمه :
دهېواد له شل کلنۍ  څخه ښکته دفوټسال ټيم دتاجکستان ټيم ته په ماتې ورکولو سره داسيا دملتونو جام ته لاره وموندله .
دفوټبال فدراسيون دخپرونو مسوول شفيع شاداب باختراژانس ته وويل  دافغانستان ټيم وکولاى شول نن ديوې په وړاندې په څلورو سره دتاجکستان ټيم ته ماتې ورکړي .
شاداب زياته کړه دافغانستان له شل کلنۍ  څخه ښکته د فوټسال  ټيم له دې مخکې دترکمنستان  ټيم ته ماتې ورکړې وه  خو دايران ټيم دافغانستان ټيم ته ماتې ورکړې ده .
دى وايي  داسيا دملتونو دجام سيالي به په ازبکستان کې دراتلونکي  ميلادي مياشتې  په لومړيو کې  ترسره شي .
  ختم_ عطاالله _اکرم

 

کابل باختر د ليندى  دولسمه :
ټاکل شوې ده  دافغانستان دشل کلنو ځوانانو دفوټسال ملي ټيم د اسيا دمقدماتي سياليو په دوام نن دايران  دفوټسال له ټيم سره لوبه وکړي .
  دافغانستان  دفوټسال فدراسيون مطبوعاتي دفتر ديوې خبرپاڼې په خپرولو سره  ليکلي دي  چې دافغانستان  ټيم  په داسې حال کې دايران له ټيم سره سيالي کوي  چې پرون يې  ترکمنستان ټيم ته په پنځه ګولونو سره ماتې ورکړه .
  دافغانستان لپاره حسن علي جعفري  ، فرزاد محمدي ، مرتضي حيدري ، داوود يوسفي  او حميد حسيني  ګولونه ترسره کړل .
داسيا دشل کلنو دفوټسال دمنتخب ټيمونه د ٢٠١٩ ميلادي کال سياليو ته  دلارې موندنې لپاره  مقدماتي سيالۍ  دازبکستان په کوربه توب  پيل شوي دي .
  ختم_ ج – اکرم

 

Page 7 of 550