19 November 2019

RSS Facebook

سوداگریز


تازه خبرونه

جمهورريیس غني د ننګرهار د ولسي پاڅون له قومندانانو سره وکتل

کابل/ دلړم۲۸مه/باختر د افغانستان د اسلامي جمهوریت جمهورريیس محمد اشرف غني...

پنځه وسله وال طالبان په پکتیا کې ووژل شول

کابل/دلړم۲۸مه/باختر د پکتیا د ځاځي آریوب او سېدکرم ولسوالیو په مربوطاتوکې...

Youtube Player

khantry design

سوداگریز

سوداگریز

ورزشی

کابل /دوږي ٣٠مه / باختر
دافغانستان دکرکټ ملي ټيم دشل اوريزو درې اړخيزو سياليو دلوبو په دوام نن دبنګله ديش له ټيم سره لوبه کوي .
دغه لوبه دافغانستان په وخت مازيګر پنځه بجې  به پيل شي .
دافغانستان ټيم په پرونۍ لوبه کې دزيمبابوي  دټيم په وړاندې د٧ ويکتو په توپير سره ماتې وخوړه .
دافغانسان دکرکټ بورد مسوول فريد هوټک باختراژانس ته وويل: دپرونۍ ماتې په خوړلو سره هم دافغانستان دکرکټ ملي ټيم ددغو سياليو وروستي پړاو ته لاره موندلې ده .
هغه زياته کړه: تراوسه پورې افغانستان درې لوبې  ترسره کړي دي چې دوه لوبې يې  ګټلي اويوه لوبه يې بايللې ده . خو سره له دې  هم دسپتمبر په څليرويشتمه نيټه به په وروستي  پړاو کې دافغانستان ټيم دبنګله ديش له ټيم سره لوبه وکړي
دکرکټ شل اوريزې درې اړخيزې سيالۍ د روان کال دسپتمبر دمياشتې په څوارلسمه نيټه دافغانستان ، بنګله ديش اوزيمبابوي دټيمونو ترمنځ پيل شوې  .
دافغانستان دکرکټ  ملي ټيم په لومړى لوبه کې د٢٨منډو په توپير سره دزيمبابوي ټيم ته ماتې ورکړه او په دويمه  لوبه کې دکوربه هېواد بنګله ديش ټيم ته د٢٥منډو په توپير سره ماتې ورکړه او ګټوونکي شو
ددغوسياليو لړۍ دسپتمبر دمياشتې تر څليرويشتمې نيټې پورې دوام مومي
  ختم_ سعيده _ اکرم

 

کابل /دوږي ٣٠مه / باختر
د افغانستان د اسلامي جمهوریت جمهورريیس محمداشرف غني نن له غرمې مخکې د فوټبال فدراسیون د رهبرۍ غړو او د طوفان هریرود او شاهین اسمایي فوټبال ټیمونو له ورزشکارانو سره وکتل او د افغانستان د فوټبال غوره لیګ په اتم پړاو کې یې د طوفان هریرود ټیم ته د اتلولۍ مبارکي وویله.
دجمهوررييس دوياند دفترباخترآژانس ته خبرورکړ.
په دې کتنه کې چې په چهارچنارماڼۍ کې وشوه، په پیل کې د افغانستان د فوټبال فدراسیون ريیس محمد یوسف کارګر ورزش ته د جمهورريیس له پاملرنې او د افغانستان فوټبال غوره لیګ اتم پړاو څخه د دولت د ملاتړ مننه وکړه.
هغه زیاته کړه، له دې ملاتړ سره په ملي او نړیوالو ډګرونو کې د هېواد د ورزشکارانو د ویاړ کچه زیاتېږي.
کارګر څرګنده کړه، د "یو  ولس او یو غږ" تر شعار لاندې د افغانستان د فوټبال غوره لیګ اتم پړاو ترسره شو او له امنیتي او دفاعي ځواکونوڅخه یې د یادو سیالیو د امنیت د تامین له امله مننه وکړه.
وروسته جمهورريیس غني د افغانستان د فوټبال غوره لیګ اتم پړاو د اتلانو ټیم او د دې دور د نایب اتلانو او نورو ټولو ورزشکارانو د همت او زیار ستاینه وکړه او ويې ویل، تاسې د هیلې نښه او د افغان ملت د عزم او ارادې تمثیلونکي یاست او دا مو ثابته کړه چې د افغانستان خلک زور، ترور او وحشت ته نه تسلیمېږي.
جمهورريیس زیاته کړه: تاسې وښوده چې د سیالۍ قوانین مراعاتوئ او په ټولو برخو کې باید ستاسې هڅې نمونه وي.
د هېواد جمهورريیس دې ته په اشارې چې د ورزش پیاوړي کول د دولت دنده ده وویل، دولت د همدې لپاره د افغانستان د فوټبال غوره لیګ اتم پړاو تمویل کړ.
د افغانستان د اسلامي جمهوریت جمهورريیس د خپلو خبرو په پای کې وویل، پر ورزش زیاته پانګونه کېږي. هغه زیاته کړه، د طوفان هریرود او شاهین اسمایي فوټبال ټیمونو هر غړي سره به د دولت له بودجې څخه پنځوس زره افغانۍ مرسته وشي او د افغانستان د فوټبال فدراسیون مسوولینو څخه یې وغوښتل چې د دغه فدارسیون د روزونکو او غړو د ستایلو وړاندیز ترتیب کړي.#پاى-ع

 

کابل /دوږي ٣٠مه / باختر
دهېواددشپاړلس کلنو ځوانانو دفوټبال ټيم داسيا دملتونوجام په مقدماتي سياليو کې په دوېمه لوبه کې دمالديف ټيم ته ماتې ورکړه .
دباختراژانس  دخبرله مخې ،  دغه لوبه دافغانستان ټيم دصفر په وړاندې  په درېو سره وګټله .
دافغانستان ټيم څلور  امتيازه وګټل، دافغانستان ټيم په دغو سياليو کې دايران ، مالديف   او فلسطين له ټيمونوسره هم ګروپ دى .
دهېواد دشپاړلس کلنو  ځوانانو ټيم په لومړى لوبه کې دفلسطين دټيم په وړاندې  لوبه برابره پاى ته ورسوله او ټاکل شوې ده درېمه لوبه دايران له ټيم سره ترسره کړي او دبرياليتوب په صورت کې به ددغو سياليو بل پړاو ته لاره ومومي .
داسيا دملتونو جام پوټبال دشپاړلس  کلنو مقدماتي سيالۍ دايران په  همدان ښار کې  ترسره کېږي .
  ختم_ سعيده _اکرم

 

کابل /دوږي ٣٠مه / باختر
دهېواد دفوټبال ملي ټيم دفيفا دفوټبال په نړيوال فدراسيون کې په نوې رده بندۍ کې درې درجې لوړ شو
دباختراژانس دخبرله مخې، په دغې رده بندۍ کې  دهېواد دفوټبال  ټيم د نړۍ د١٤٩ځاى څخه دنړۍ ١٤٦ ته لوړ شو .
ختم_ سعيده  اکرم

Page 8 of 590