15 November 2018

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

ورزشی

نړيوالې خبري منابع \ باختردوږي دمياشتې ٧ نيټه :
افغان ورزشکارانو چې په اسیايي لوبو کې د ګډون لپاره اندونیزیا ته تللي دي،         
د برونزو دویم مډال یې خپل کړ. 
د کروش لوبې په څانګه کې پرون منصور سروري د ۹۰ کیلو څخه په پورته وزن کې واتوانیده ، چې د افغانستان لپاره د برونزو دویم مډال وګټي.
له دې مخکې خالد هوتک د اوشو په برخه کې د برونزو لومړنی مډال ترلاسه کړی و.
افغانستان په بېلابیلو برخو کې شا او خوا نوي ورزشکاران په اسیايي لوبو کې            د ګډون لپاره اندونیزیا ته استولي دي.
په روانو اسیايي لوبو کې چین د ۲۰۶ مډالونو په ګټلو، ددې سیالیو د جدول په  سر کې دی. تراوسه چینايي لوبغاړو۹۷ د سروزرو، ۶۴ د سپینو زرو او ۴۵ د برونزو مډالونه ګټلي دي        .   پاى \ ذکرالله \

کابل \ باختردوږي دمياشتې٦ نيټه :    
د افغانستان د کرکټ ملي ټيم د ايرلند د کرکټ په ملي ټيم بريالى شو.
د هېواد د کرکټ د ملي ټيم ورزشکارانو په لومړۍ يوه ورځنۍ ۵۰ آوريزه لوبه کې  تېره شپه کوربه ټيم ته د ٢٩ منډو په توپيرسره ماتې ورکړه .
د ايرلند د ټيم کپيتان وويل چې د راشد خان او مجيب الرحمن توپ اچونه د دوو ټيمونو ترمنځ زيات توپير رامنځته کړى دى.
د افغانستان د کرکټ ملي ټيم په پنځوسو آورونوکې د ٩ تنو لوبغاړو په سوځيدو سره  ٢٢٧ منډې جوړې کړې.
د هېواد د کرکټ د ملي ټيم توپ اچوونکو راشدخان، مجيب الرحمن، آفتاب علم او نبي عيسی خيل د کوربه ټيم توپ وهوونکي تر فشار لاندې را وستل او ويې نشو کړاى چې ټاکلي هدف پوره کړي.
سيال ټيم په اتلسم آور کې خپل ټول لوبغاړي له لاسه ورکړل.
د ايرلند د کرکټ د ملي ټيم کپيتان زياته کړه: زموږ لوبه د شرم وړ وه، هيله مو درلوده  چې د دوو شل آوريزو لوبو له بايللو وروسته په دې لوبه کې د افغانستان په پرټيم بريالي شوو.
دويمه يوه ورځنۍ لوبه سبا له غرمې وروسته په دوه نيمو بجو د ايرليند  د بلفاست په لوبغالي کې ترسره کيږي.
دغه لوبه دواړو ټيمونو ته مهمه ده. که چيرې افغانستان دغه لوبه وګټي، د دغو سياليو سریزه به وګټې.
پاى \ ج  \ ذ 

کابل باختر دوږي  پنځمه :
دافغانستان او ايرلند دملي ټيمونو ترمنځ لومړى پنځوس اوريزه لوبه نن  دکابل  په وخت  له غرمې  وروسته په دوه نيمو بجو دايرلند دبلغاست  په لوبغالي کې  ترسره کېږي .
افغانستان دوه شل اوريزه لوبې  ددوو په وړاندې په صفر سره تيره اوونۍ وګټلې .  ايرلند په تيرو اتو لوبو کې دافغانستان په وړاندې  برياليتوب نه دى ترلاسه کړى .
  ختم_ سعيده_ اکرم


 

کابل باختر دوږي  پنځمه :
دهرات ولايت دمقاماتو له غوښتنې  وروسته ټاکل شوې ده چې دافغانستان  دکرکټ بورد ،دکرکټ يو معياري  لوبغالي او دنجونو لپاره دکرکټ يو روزنيز مرکز جوړ کړي .
دهرات ولايت مرستيال محي الدين نوري دافغانستان دکرکټ بورد له عمومي رييس لطف الله مشعل سره په کتنه کې وويل ددغه بهير دچټکتيا په خاطر همکارې ادارې مکلفې دي چې دکرکټ بورد په واک کې ځمکه ورکړي .
نوري دغه راز دهېواد دکرکټ بورد له عمومي رييس  څخه وغوښتل چې په دغه ولايت کې  ددغه مرکز  خپلواک نمايندګى  جوړه شي .
په همدې  حال کې دافغانستان دکرکټ بورد عمومي رييس لطف  الله مشعل   ددغه مرکز دخپلواکې نمايندګۍ  دجوړولو دژمنې تر څنګ زياته کړه دهرات ولايت په لويديځه حوزه  کې به دکرکټ دودې  په برخه کې اساسي پاملرنه وکړي او ډير ژر  به په هرات کې دښونکيتوب دروزنې دپړاونو او دکرکټ دلوبو شاهدان به يو .
همدا اوس په هرات کې کرکټ په دووبرخو کې نجونو او هلکانو فعاليت کوي چې تراوسه يې  وکولاي شول  په بېلابېلو  برخوکې په جنوب زون کې له لومړى او دويم مقام څخه لاس ته راوړنې ولري .
  ختم_ سعيده _ اکرم

 

Page 9 of 542