20 October 2017

RSS Facebook

سوداگریز


تازه خبرونه

د جمهوررئیس غني په حضور کې یو ټوک تاریخي کتاب ملي موزیم ته تسلیم شو

د جمهوررئیس غني په حضور کې یو ټوک تاریخي کتاب ملي موزیم ته تسلیم شو

کابل باختر د تلې اووه ويشتمه یو ټوک هغه تاریخي کتاب...

دانسانانو لپاره  د ډيرو زهري خزنده  وژونکو  خطر .

دانسانانو لپاره د ډيرو زهري خزنده وژونکو خطر .

-نوي ډيلي باختر د تلې اووه ويشتمه : دهند دژوندانه دچاپيريال...

١٠٢ تنه ډار اچوونکي ووژل شول او ٤٤ تنه نور ټپيان شول .

١٠٢ تنه ډار اچوونکي ووژل شول او ٤٤ تنه نور ټپيان شول .

-کابل باختر د تلې اووه ويشتمه : دهېواد په يوشمير ...

Youtube Player

khantry design

سوداگریز

سوداگریز

ورزشی

قلات باختر د وږي د میاشتې ۵ مه
په زابل ولايت کې د واليبال د فدراسيون په نوښت او د سيمه يېز تجار اجمل پټان په مالي لګښت له تېرې يوې اوونۍ راهیسې د پنځو ولایتونو ترمنځ د وليبال پيل شوې سيالۍ د زابل په بریا سره پای ته ورسيدې.
دزابل،کندهار،هلمند، غزني او روزګان د والیبال فدراسیون مشر عبدالباري زابلوال باختر اژانس سره په ځانګړې مرکه کې وویل چې دغه سیالۍ د سولې تر نامه لاندې پيل شوی چې موخه یې ځوانان سولې او یووالی ته هڅول دي.
زابلوال زياته کړه چې په دغو سيالیو کې د زابل،قندهار،هلمند،روزګان او غزني ولایتونو شپږو لوبډلو برخه اخيستې وه چې په لومړي مقام کې زابل او دوهم مقام يې د روزګان ولایت خپل کړ.
بل خوا يو شمېر لوبغاړي وايي چې ورته سيالۍ د ورزش په وده او د لوبغاړو تر منځ د اړیکو په پیاوړتیا کې خورا موثر رول لرلی شي.
د دوي په خبره د والیبال په ګډون ټولې ورزشی لوبی د ځوانانو لپاره د سالم مصروفیت او له جګړو او نشه یي توکیو د را ګرځولو عمده علت دی او په کار ده چې زياته پاملرنه ورته وشي.
ديادونې وړ ده چې په زابل کې له څوکلونو راهيسې دواليبال لوبه مخ پرختميدو وه چي په دې سره به د دغو ولايتو ترڅنګ په زابل کې هم دواليبال لوبه مخ پر زياتيدو شي.

-متون باختر د وږي د مياشتې ۴ مه
خوست کې د (یووالي تر عنوان  ) لاندې دشپږو  ولايتونو د فوټبال ټیمونو سيالۍ پيل کړې.
د فوټبال د فدراسيون سرپرست عبدالفتاح واکمن باختر اژانس ته وویل چې، دغه سيالۍ د  اروزګان او خوست (ب) لوبډلو په لوبه کولو پيل شوې، چې لوبه د يو يو ګول په وهلو مساوي پای ته ورسېده.
د د ه په خبره، په لومړۍ ورځ يوه لوبه ترسره شوه، خو نورې ورځې به دوه دوه لوبې ترسره کېږي.
د فوټبال فډراسيون د سرپرست په وينا د يو غږ او يو شعار فوټبال روانې لوبې اووه ورځې دوام کوي.
يادې لوبې د ماسپيښين په درېيو بجو پيلېږي، چې پرون په لومړۍ لوبه کې خوست الف او ب لوبډلو په خپلو کې پيل کړې او د دويمې لوبې لپاره به د ميدان وردګو او پکتیا لوبډلې میدان ته راوځي. پای/وصال

هرات/ باختر د وږي  دويمه :
   د ورزشي فدراسيونونو يوشمېرهغه مسوولان چې په ٢٠٧ قول اردوکې د افغانستان د خپلواکۍ د بېرته ترلاسه کولو د ٩٨ يمې کاليزې د نمانځنې په مراسمو کې يې وړتيا ښودلې وه، وستايل شول .
د هرات ولايت د اطلاعاتو او فرهنګ رييس آريا رووفيان د دغو مراسمو د پرځاى کولو د کميسيون په استازيتوب د ورزشکارانو د کارنده او ارزښتناکې ونډې اخستنې له امله مننه او قدرداني وکړه او ورزشکاران يې په ټولو فرهنګي، ورزشي او ټولنيزو برخوکې فعال او مستعد ځواک وباله .
  ده ژمنه وکړه چې له دې وروسته به د سيمه ييز او ملي حکومت د مقاماتو له خوا د ورزش وياړلې ټولنې ته جدي پاملرنه وشي .
وروسته د دغه آمريت له خوا برابرې شوې جايزې او ستاين ليکونه  د فدراسيونونو په چارواکو وويشل شول .

کابل باختر دزمري  اووه ويشتمه :
دزمري دمياشتې داته ويشتمې دجام دباسکتبال  لوبې پيل شوې .
دغه سيالۍ دهرات ولايت دورزش د امريت له خوا او دهرات ښاروالۍ په همکارۍ او دافغانستان دمدافعانو په ملاتړ د هېواد دخپلواکۍ دبيرته ترلاسه کولو داته نوي  يمې کاليزې دهرکلى په خاطر پيل شوي دي .
دهرات ولايت دورزش  دادارې مسوول  باختراژانس ته وويل چې دباسکتبال  دغه سيالۍ  دهرات ښار او دهرات دښاري شورا داتلسو کلپونو او دکابل ، قندهار ،بلخ ، ننګرهار او دهلمند دولايتونو دورزشي  ټيمونو ترمنځ پيل شوي دي .
ده ددغوسياليو  موخه دهېواد دخپلواکۍ دبيرته ترلاسه کولو دکاليزې پرتمينه  نمانځنه او دپوځيانو ملاتړ وباله او ويې ويل چې په دغوسياليو کې به دهرات دباسکتبال غوره څيرې  هم وپيژندلې شي .

Page 9 of 500