16 October 2018

RSS Facebook

سوداگریز


تازه خبرونه

د وېش دروازې تړل کېدل دويمې ورځې ته وغځېدل

قندهار باختر د تلې ۲۳ مه د قندهار ولایت د...

په ننګرهارکې ۳۴۰ تنه سرتېري د ټولنې خدمت ته وړاندې شول

جلال اباد باختر د تلې ۲۳ مه په ننګرهار ولایت کې...

Youtube Player

khantry design

سوداگریز

سوداگریز

ورزشی

نړيوالې خبري منابع  \باختردزمري دمياشتې٧نيټه :
د منځنې اسیا له پنځلس کلنۍ څخه کم عمره ځوانانو د فوټبال سیالیو په لړکې افغانستان، ترکمنستان ته ماتې ورکړه.                                                               
د افغانستان د فوټبال فدراسیون د معلوماتو له مخې، په دې لوبه کې افغان لوبډلې       د ترکمنستان د فوټبال لوبډلې په وړاندې ۳ د صفر په پایلې سره بریا خپله کړه. 
له دې وړاندې افغان کمکیو ځوانانو قرغزستان ته ۲ د ۱ په وړاندې ماتې ورکړې وه، خو له ایران نه يې ۱ د صفر او د تاجکستان نه یې ۳ د صفر په وړاندې ماتې خوړلې وه.
افغانستان په دغو سیالیو کې له دوو بریاوو او دوو ماتې وروسته خپله وروستۍ ګروپي لوبه د ازبکستان په وړاندې کوي.                                               
د يادونې وړ ده چې د افغانستان د فوټبال له پنځلس کلنۍ څخه د کم عمره ځوانانو لوبډلې تېرکال د دغه سیالیو اتلولي ترلاسه کړې وه .                                    پاى \ ذکرالله \

ښرنه باختر د زمري ۷ مه
د پکتیکا فوټبالران وایي چې په پکتیکا کې له کلونو را په دې خوا د فوټبال لوبې په غیر رسمي ډول ترسره کېږي خو د فوټبال فدارسیون یې د فدارسیون د رسمي کولو غمه نه خوري.
دوی وایي: په دغه ولایت کې تر نورو ولایتونو زیات او ښه فوټبالران شته خو چا ورته خاصه پاملرنه نه ده کړې.
په پکتیکا کې د فوټبال فدارسیون سرپرست محمد امین همت د  باختر اژانس سیمه یېز خبریال ته وویل چې د فوټبال د عمومي فدراسیون له لوري د دغه ولایت فوټبالرانو ته هیڅ پاملرنه نه ده شوې او له دولسو کلونو را په دې خوا په یوه او بله بهانه غلول کېږي.
همت وایي: په پکتیکا کې یې نږدې درې کاله د فوټبال فدارسیون تش په نوم سرپرستي وکړه او تر اوسه یې د ولایت لپاره هیڅ سهم نه دی ورکړل شوی.
هغه زیاتوي چې په مرکز کابل کې یې له څو ولایتونو سره په ګډې همغږۍ د تحصن خېمې درولې او دغه خېمې به تر هغو ولاړې وي ترڅو چې د ولایتونو د فدراسیونونو لپاره د نماینده ګانو ټاکڼې نه وي ترسره شوي.
بل لور ته د پکتیکا فوټبالران له عمومي فدراسیون څخه شکایت کوي او وایي چې دوی ته هیڅ پاملرنه نه کیږي.
دوی وایي: دا څوم کال دی چې له عمومي فدراسیون څخه غوښتنې کوي چې په پکتیکا کې دې د فوټبال فدارسیون رسمي شي خو له فساد او درغلیو ډک فدارسیون یې غمه نه خوري.
دوی د فوټبال له عمومي فدراسیون څخه غوښتنه کوي چې په پکتیکا کې دي د فوټبال فدراسیون رسمي شي او د دغه ولایت فوټبالرانو ته دې پاملرنه زیاته شي.
ویل کېږي چې تر دې مهال په پکتیکا ولایت کې هیڅ یوه لوبه هم رسمي فدارسیون نه لري.
پای/وصال

نړيوالې خبري منابع \ باختردزمري دمياشتې ٣ نيټه : د افغانستان کرکټ بورډ نن د ایرلند پر وړاندې د نړیوالو ۲۰ آوریزو او یو ورځنیو سيالیو لپاره ملي لوبډله اعلان کړه . د لوبغاړو د غوراوي کمېټې مشر نوروز منګل د دوه مختلفو فارمټونو لپاره د لوبډلې ځانګړنو ته په اشارې وویل: دوی دغو سیالیو ته وړ او ځوان لوبغاړي ټاکلي دي چې نتیجه به‌يې د راتلونکي نړیوال جام لپاره هم اغېزمنه وي. په اعلان شوې لوبډله کې د حضرت‌الله ځاځی، وفادار مومند، سید احمد شیرزاد په څېرځوان لوبغاړو ته چانس ورکړل شوی او د ملي لوبډلې پخوانی لوبغاړی میرویس اشرف هم بېرته راستون شوی دی. د لوبغاړود غوراوي کمېټه وايي چې شاه پورځدراڼ، نورعلي ځدراڼ اوحمید حسن د ټپونو له امله تر درملنې لاندې دي، نو ځکه د غواروی په بهیر کې په پام کې نه‌ دي نیول شوي. افغانستان د را روانې اګست میاشتې له ۲۰مې نيټې څخه تر ۳۱مې نېټې پورې د ایرلند پروړاندې د ایرلند په کوربه ‌توب درې ۲۰ اوریزې او درې یو ورځنۍ سیالۍ لري. پاى \ ذکرالله \
نړيوالې خبري منابع \ باختردزمري دمياشتې ٣ نيټه : د مرکزي اسیا د فوټبال په سیالیوکې د افغانستان د پنځلس کلنو تنیکو ځوانانو فوټبال لوبډلې د قرغزستان لوبډلې ته ماتې ورکړه. د افغانستان او قرغزستان ترمنځ دا سیالي پرون د ازبکستان د پخټاکور په لوبغالي کې ترسره شوه چې افغان ځوانانو وکولای شول د لوبې په لومړۍ نیمایي کې دوه ګولونه ووهي. قرغزستان بیا په دويمه نیمايي کې یو ګول وواهه او له دې سره لوبه افغانستان ۲ د یو پر وړاندې وګټله. د ۱۵ کلنو ځوانانو ترمنځ د مرکزي اسیا د فوټبال سیالۍ تېره اوونۍ د ازبکستان، افغانستان، تاجکستان او قرغزستان لوبډلو ترمنځ پیل شوې دي . پاى \ ذکرالله \
Page 10 of 540