24 February 2020

RSS Facebook

سوداگریز


تازه خبرونه

د سولې په بهير کې د ښځو ليدلورى مشخص دى

د سولې په بهير کې د ښځو ليدلورى مشخص دى

کابل/ د کب ٤ مه/ باختر د سولې په چارو...

  افغانستان د کرونا ویروس د مخنیوي لپاره له ایران سره په موقتي ډول تګ راتګ دروي

افغانستان د کرونا ویروس د مخنیوي لپاره له ایران سره په موقتي ډول تګ راتګ دروي

کابل/ د کب ٤مه/ باختر د افغانستان اسلامي جمهوریت د کرونا...

په تهران کې د افغانستان سفارت خپل قونسلي خدمتونه وځنډول

په تهران کې د افغانستان سفارت خپل قونسلي خدمتونه وځنډول

کابل/ د کب ٤مه/ باختر په تهران کې د افغانستان سفارت...

Youtube Player

khantry design

سوداگریز

سوداگریز

ورزشی

کابل/ د لړم ٢٦مه/ باختر
د افغانستان د فوټبال ملي ټيم له يوې ورځ استراحت وروسته په دوشنبې ښارکې د قطر له ملي ټيم سره د لوبې لپاره خپل تمرينونه پيل کړل.
ټاکل شوې ده لوبه د سه شنبې په ورځ د افغانستان په وخت د ماښام په شپږ نيمو بجو د دوشنبې ښار په مرکزي لوبغاړي کې ترسره شي.
د افغانستان د فوټبال ملي ټيم د آسيا د ملتونو جام او نړيوال جام په مقدماتي سياليوکې په خپله وروستۍ لوبه کې له هند سره د يو په مقابل کې په يو سره لوبه برابره پاى ته ورسوله.
افغانستان اوس په خپل ګروپ کې څلورامتيازونه لري او اوس هم دغو دوو مهمو نړيوالوسياليو ته د لارې موندنې لپاره هيلې شته.
د افغانستان د فوټبال د ملي ټيم ښوونکي انوش دستګير باختر آژانس ته وويل چې زده کوونکي يې د قطر له ځواکمن ټيم سره سترې سيالۍ ته چمتو دي.
هغه وويل: قطر په آسيا کې د فوټبال يو ځواکمن ټيم دى، خو موږ هم په دې لوبه کې د برياليتوب لپاره انګېزه لرو. زما زده کوونکي پوهيږي چې د آسيا ملتونو جام او د نړيوالجام سياليو ته د لارې موندنې لپاره ددغې لوبې برياليتوب څومره مهم او برخليک ټاکوونکى دى.
ختم - ج - اکرم


 

کابل/ د لړم ٢٦مه/ باختر
د خراسان ټيم د ننګرهار د واليبال د سراسري سياليو اتلولي وګټله.
دغه ټيم په پاى لوبه کې د غلام حيدر جيلاني ټيم ته په ماتې ورکولو سره د اتلوالۍ جام وګاټه.
دغه سيالۍ د ننګرهار د خراسان پوهنتون، د بېلابېلو ولايتونو د شپږو ټيمونو په ګډون په جلال آباد ښارکې په لاره اچول شوې وې.
د خراسان ټيم د کابل ښاروالۍ او نور رحمان تره خېل ټيمونو ته په ماتې ورکولو سره پاى لوبې ته لاره وموندله او په مقابل کې د غلام حيدر جيلاني ټيم د کابل ښاروالۍ او جهان سپورټ ټيمونو ته په ماتې ورکولو سره دغه پړاو ته رسېدلى و.
دواړو ټيمونو ښه لوبه وکړه، خو د خراسان ټيم د يوه په وړاندې په دوو سره لوبه وګټله.
د خراسان پوهنتون يوه مسوول باختر آژانس ته وويل چې دغه سيالۍ د سولې لپاره د سياليو په نامه په هېوادکې د سولې او دوستۍ او د ځوانانو ترمنځ د ورزش د ودې او بنسټيز کېدو په موخه پيل شوې وې.
ختم-ج - اکرم

 

کابل/دلړم۲۵مه/باختر
د افغانستان د کرکټ ملي لوبډله د ویسټ انډیز لوبډلې پر وړاندې نن ماښام شپږ بجې خپله دویېمه سیالي ترسره کوي.
دا په داسې حال کې ده چې له دې وړاندې د افغانستان د کرکټ ملي لوبډلې د ویسټ انډیز لوبډلې پر وړاندې درې یو ورځنۍ او یو شل اوریزه سیالۍ بایللې دي.
د کرکټ بورډ مسوولین وايي چې افغان لوبډله د دویېمې شل اوریزې سیالۍ لپاره پوره چمتوالی لري او تمه ده چې دغه سیالي نن ماښام پر شپږو بجو او بله سیالي سبا ترسره شي.
د افغانستان او ویسټ انډیز لوبډلو ترمنځ د شلو او پنځوسو اوریزو سیالیو لړۍ د نوامبر میاشتې په شپږمه پيل شوي دي چې په دې سیالیو کې افغانستان درې یو ورځنۍ او یوه شل اوریزه لوبو کې ماتې خوړلې ده.
تمه ده چې د روانې میلادي میاشتې په ۲۷ مه به د افغانستان او ویسټ انډیز د کرکټ لوبډلې یو ټېسټ سیالي هم وکړي.
پای/وصال

کابل /دلړم ٢٥مه / باختر :
په سرپل کې دسولې اودوستۍ  دجام  دفوټبال  سيالي  نن دښاروالۍ دصداقت ټيم  په اتلوالى سره  پاى ته ورسېدې .
  دباختراژانس دسيمه ييز خبريال دخبرله مخې،  دغه سيالۍ ددوو ډلو داتو ټيمونوترمنځ  دلړم په اتمه پيل شوې وې   او په وروستۍ لوبه کې يې  دښاروالۍ دصداقت ټيم  ددوو په وړاندې  په دريو سره  دامام يحيى  ليسې ټيم ته ماتې ورکړه  او دسولې او دوستۍ دجام داتلوالى  کپ يې ترلاسه کړ .
  ددغوسياليو دپاى په مراسموکې د فرهنګي چارو کارپوه  او دوالي استازي  عبدالله اکبري  ،ښاروال ، داطلاعاتواوفرهنګ رييس ، دملي امنيت مرستيال  ددولتي ادارو رييسانو ، قومي مشرانو ، دبدني روزنې مدير اودسرپل  ځوانانو او ورزشکارانو  ګډون درلود .
  دسرپل دوالي استازي  له ښاروال څخه په  قدردانۍ سره  ، له ورزشکارانو څخه  وغوښتل  چې  د سولې او دوستۍ  اودملي يو والي  اوپيوستون دتحقق لپاره  هڅه وکړي . 
دسرپل ښاروال ورزش دسولې  پيغام راوړونکي  وباله  او له ورزشکارانو څخه يې وغوښتل  چې ورزشي اخلاق  رعايت کړي   دلوبو اصولو او قوانينو ته  پابند واوسي او په پاى کې  دلومړي  ، دويم اودريم مقام  په ګټوونکو جايزې او نغدي سوغاتونه هم  وويشل شول .
  ختم- ف – اکرم

 

Page 10 of 598