17 February 2019

RSS Facebook

سوداگریز


Youtube Player

khantry design

سوداگریز

سوداگریز

ورزشی

کابل باختر د سلواغې  څوارلسمه :
دژمنيو ورزشونو لوبو ته په پاملرنې سره چې  داتصالاتو دمخابراتي شرکت په مالي ملاتړ  دبېلابېلو ولايتونو دورزشکارانو په ګډون  په باميانو ولايت کې  ترسره شوې  کيداي شي  وويل شي  چې په هېواد کې ژمني ورزشونه دودې په حال کې دي .
په دې لوبو کې چې دوه ورځې دوام وکړ  د هېواد له بېلابېلو ولايتونو څخه دديرشو  تنو نجونو په ګډون دوه سوه تنو ورزشکارانو پکې ګډون کړي و .  چې په پاى کې  بامياني ورزشکاران  وکولاى شول  په ټولو  دغو ورزشي څانګو کې لومړى مقامونه ترلاسه کړي .
دنجونو دسکي  په برخه کې فاطمې نظري  او د هلکانو دسکي په برخه کې نصرالله عصمتي  ، د اسنو بورد په برخه کې مصطفې او د کرولينګ په برخه کې زينب  رضايي  چې ټول دباميانو ولايت ورزشکاران دي لومړى مقامونه وګتل .
   داتصالاتو دمخابراتي شرکت کله يې چې په افغانستان کې په خپل فعاليت پيل کړى دى دکرکټ  ، واليبال ، وزلوبې ، بايسکل ځغلولو او تکواندو دورزشونو په برخه کې  مالي ملاتړ کړى دى . او  په نږدې راتلونکې کې به په مزارشريف ښار کې دوزلوبې سيالى ترسره شي . او دښځو دنړيوالې ورځې په وياړ  دژمنيو ورزشونو په برخه کې  دکنگل پرمخ داسکيت  سيالى دښځو لپاره په بند امير کې  ترسره کېږي .
  ختم_ ج _ اکرم

 

-کابل باختر د سلواغې  څوارلسمه :
دهېواد دکرکټ دملي ټيم لوبغالو نن  دهندوستان  په بنګلور کې په خپلو تمرينونو پيل وکړ .
دکرکټ بورد وياند فريد هوټک باختراژانس ته وويل چې دهېواد دکرکټ  ملي ټيم  دهند  په بنګلورښار کې يوه تمريناتي سيالى  ترسره کړل .
  په دې لوبه کې  دهېواد دکرکټ دملي ټيم لوبغالوپه دوو ډلو  وويشل شول او په  خپل منځ کې  لوبه وکړه .
دکب دمياشتې په دويمه نيټه  دهېواد دکرکټ دملي ټيم سيالۍ دايرلند له ټيم سره پيلېږي .
  ختم_ ج – اکرم

 

کابل باختر دسلواغې  ۱۳ مه
د هېواد د کرکټ د ملي ټيم پېژندل شوي لوبغاري راشد خان ويلي دي چې د کرکټ په هغو نړيوالو سياليوکې چې په راتلوونکي ميلادي کال کې ترسره کيږي؛ د هېواد د کرکټ ملي ټيم به ښه برياليتوبونه ترلاسه کړي .
دباختر آژانس د خبرله مخې: راشدخان دغه څرګندونې د نړيوالو ۲۰ آوريزو سياليو د جدول له اعلام وروسته کړې او ويې ويلي دي چې د افغانستان خلک د کرکټ لوبه خوښوي او دغه لوبه نوى نسل دوام ورکوي .
افغانستان په دغو سياليوکې د هند، انګلستان او جنوبي افريقا له ټيمونو سره په يو ګروپ کې دی.
ټاکل شوې ده دغه سيالۍ په راتلوونکي ميلادي کال په استراليا کې ترسره شي. راشد خان په دې باب ويلي دي: په دغوسياليوکې ښه برياليتوبونه به ولرو.
  ختم- سعيده – اکرم

کابل / باختر/ د سلواغې دمياشتې ٩ نيټه :
د کرکټ نړيوال فدراسيون د ٢٠٢٠ کال دکرکټ د نړيوال جام د سياليو د ترسره کېدو نېټه اعلام کړه  .
د هېواد د کرکټ بورد د خپرونو آمر فريد هوتک چې په دې باب يې د باختر آژانس له خبريال سره خبرې کولې؛ زياته کړه چې دغه سيالۍ د ۱۶ ټيمونو ترمنځ د استراليا په اوو ښارونوکې ترسره کېږي.
د ده دڅرګندونوله مخې: د افغانستان د کرکټ ملي ټيم به په (بي) ګروپ کې دهند، جنوبي افريقا او د انګلستان له ټيمونو سره سيالي وکړي .
د هوتک د څرګندونوله مخې: دغه سيالۍ د ٢٠٢٠ کال د ا کټوبر د مياشتې په ١٨ مه پيل او د نوامبر د مياشتې تر ١٥مې پورې دوام کوي.
پاى \ج\ذ

Page 2 of 550