25 February 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

ورزشی

-کابل / دسلواغې  ٢٥مه / باختر :
په ننګرهار کې دفقيد جاپاني مرستندوى تتسوناکامورا دجام دفوتبال سياليو پرون په دوو لوبو سره دوام وکړ .
په دغو لوبو کې ددغوسياليو  کوربه دننګرهار دفوتبال  ټيم دصفر په وړاندې په دوو سره خوست ته ماتې ورکړه او دکابل لوبغاړو هم ددووپه مقابل کې په دريو ګولونوسره دلغمان په وړاندې  ماتې وخوړه .
دغه سيالۍ دفقيد جاپاني مرستندوى تتسو ناکامورا دخدمتونو ددرناوي په خاطر دننګرهار  دمرکز جلال اباد ښار په ورزشي ډګر کې پيل شوي دي .
دغه سيالۍ دکابل _ لغمان ،خوست اودننګرهار  دټيمونو ترمنځ پيل شوي دي .
  دافغانستان دفوتبال فدراسيون رييس يوسف کارګر وايي دغه سيالۍ زموږ خلکو ته دجاپاني مرستندوى دکړنو  ددرناوي تر څنګ دځوانانو ترمنځ دفوتبال په وده کې هم مرسته کوي .
يوسف کارګر چې ددغوسياليو دنندارې لپاره ننګرهار  ته تللى دى  وايي چې  په هېواد کې دثابتو ليکونو تر څنګ به په هېواد کې دفوتبال دودې لپاره مناسبتې سيالۍ  هم زياتې کړي . ختم _ عطاالله +_ اکرم

کابل/ د سلواغې ١٤مه/ باختر
د سعودي عربستان د فوټبال فدراسيون پرون د افغانستان له فوټبال فدراسيون سره د همکارۍ تفاهم ليک لاسليک کړ.   
د فوټبال فدراسيون د خپرونو مسوول شمس اميني باختر آژانس ته وويل چې د عربستان د فوټبال فدراسيون مسوولينو د دغه هوکړه ليک د لاسليک په وخت کې د افغانستان د فوټبال فدراسيون د وروستيو برياليتوبونو يادونه وکړه او د افغانستان فدراسيون مشرتابه ته يې د زياتو همکاريو ژمنه وکړه .
د هېواد د فوټبال فدراسيون رييس محمد يوسف کارګر د سعودي عربستان او افغانستان د فوټبال فدراسيونونو ترمنځ د همکارۍ د تفاهم ليک لاسليک کول د هېواد د فوټبال په وده کې ارزښتناک وبلل او د دغو همکاريو پر دوام يې ټينګار وکړ.  
د تمريني کمپونو، د مديريت په برخوکې د روزنيزو ورکشاپونو، بازار موندنې،  ادارې، مربي ګرۍ او نورو برخوکې هغه موارد دي چې سعودي عربستان د فوټبال فدراسيون د افغانستان د فوټبال له فدراسيون سره همکاري کوي.
پاى \ج\ ذ

 

کابل/ باختر/ د سلواغې١٣مه/ باختر 
دقلعه شيخ دواليبال ټيم په ننګرهار کې  دواليبال دسياليو اتل شو.
دغه ټيم  په پاى لوبه کې پچير آګام منتخب ټيم ته په ماتې ورکولو سره داتلوالى جام           ترلاسه کړ.
دسپين غر ولسوالۍ  دحافظانو دواليبال ټيم په دغو سياليو کې دريم مقام وګاټه.
په دغو سياليو کې دخوږياڼيو ، پچيراګام او دچپرهارله ولسواليو څخه ٢٤ټيمونو ګډون           کړي وو.
دواليبال ددغو سياليو ترسره کوونکي دسپين غر دځوانانو بنسټ وايي  چې دغه سيالۍ  دپاکستاني کلدارو پرځاى  دافغانۍ پيسو درواجولو  او دځوانانو ترمنځ  دورزش درواجولو په مقصد پيل شوې وې.
پاى \ ج\   ذ

 

کابل/ باختر/ د سلواغې١٣مه/ باختر
دکرکټ د چلنج کپ سيالۍ  دقندهار په کوربه توب پيل شوې .
دغه سيالۍ  دفراه ، قندهار ، نيمروز او دروزګان دولايتونو دټيمونوپه ګډون دقندهار ښار دعينو مينې په لوبغاړلي کې  پيل شوي دي .
دقندهاردبدني روزنې او ورزش رييس احمدولي مديراغا وايي ؛  چې دکرکټ دغه سيالۍ د ځوانانو ترمنځ دورزش  درواجولو په مقصد پيل شوي دي.
دقندهار دوالي وياند عبدالحنان منيب له ځوانانو څخه وغوښتل چې  له نشه يي توکو او وسلو څخه دې  ډډه وکړي  او ورزش ته مخه وکړي.
پاى\ \ ذ

 

Page 2 of 599