28 January 2020

RSS Facebook

سوداگریز


تازه خبرونه

 دهېواد په ختيځ کې دڅلورو ډاراچوونکو نيول کېدل

دهېواد په ختيځ کې دڅلورو ډاراچوونکو نيول کېدل

کابل /دسلواغې ٧مه / باختر: څلور ډار اچوونکي دهېواد په ختيځ...

طالبانو په سرپل کې دروغتيايي ټيم غړي ازاد کړل .

طالبانو په سرپل کې دروغتيايي ټيم غړي ازاد کړل .

کابل /دسلواغې ٧مه / باختر: طالبانو يو ګرځنده...

Youtube Player

khantry design

سوداگریز

سوداگریز

کابل /دسلواغې ٧مه / باختر:
  په بلخ کې  دشاهين عملياتو په دوام تراوسه پورې ددغه ولايت دنهر شاهي دبلخ ولسواليو  دطالبانو له شتون څخه  په بشپړه توګه پاکې شوي دي .
د  ٢٠٩ شاهين قول اردو وياند محمد حنيف رضايي باختراژانس ته وويل دشاهين عمليات چې څو ورځې مخکې دبلخ ولايت په څو ولسواليو کې  ترسره شوي وو  تراوسه پورې  ددغه ولايت  د نهر شاهي  او دبلخ ولسواليو  دطالبانو له شتون څخه پاک شوي دي .
هغه زياته کړه چې دغه عمليات دبلخ دشورتيپې ، زارع ،  چمتال او چاربولک  ولسواليودپاکولو  په موخه دوام لري او تراوسه پورې څه دپاسه پنځوس طالبان وژل شوي دي او دغو ولسواليو کې  په لسګونوکلي ددغې ډلې له شتون څخه پاکې شوې دي .
  ختم_عطاالله _ اکرم                                        

کابل /دسلواغې ٧مه / باختر:
څلور ډار اچوونکي دهېواد په ختيځ کې له پوځيانو سره په نښته کې ووژل شول .
په دغو کسانو تېره شپه  په کونړ اوننګرهار کې بريدونه شوي دي  .
دهېواد په ختيځ کې يوه پوځي مقام باختراژانس ته وويل چې نيول شوي کسان دطالبانو اوداعشيانو دډلې غړي وو .
هغه وويل: دغه ډار اچوونکي په ډار اچوونکوفعاليتونوبوخت وو چې پرې بريدونه وشول .
له نيول شويو کسانو څخه يوه اندازه جنګي وسايل او نشه يي توکې ترلاسه شوي دي .
په يوبل خبر کې ويل شوي دي چې په کونړ کې  دوه داعشيان دولت ته تسليم شول .
ملا سحرګل  او ملا سعيد الله  کلونه کلونه  دکونړ په ځينوبرخو کې په ډار اچوونکو فعاليتونوبوخت وو .
دهېواد په ختيځ کې سيلاب قول اردو په يوه خبرپاڼه کې  وايي چې  دغه داعشيان هغه څه چې په تيرو وختونوکې دخپل هېوادوالودوينې تويولو اوورانکار فعاليتونه ترسره کړي و پښيماني وښودله او ويې ويل  چې له دې وروسته به دهېواد دبيا رغاونې اودامنيت په تامينولو کې ونډه واخلي .
  ختم_ عطاالله _ اکرم

کابل /دسلواغې ٧مه / باختر:
  طالبانو  يو ګرځنده  روغتيايي  ټيم غړي چې دولس ورځې مخکې دسرپل  په کوهستاناتو  ولسوالۍ کې نيولي وو پرون ازاد کړل
دسرپل  دعامې روغتيا رييس ډاکټر نور احمداسحق زي دباختراژانس خبريال ته وويل چې طالبانو دغه ګرځنده روغتايي ټيم چې پکې قابله ، دواکسيناتور، ډاکټر اوفارمسست شامل وو دولس ورځې مکې ددغې ولسوالۍ دسړک په تګلوري  کې تښتولي وو .
ديادونې وړ ده چې طالبانو هر وخت ددغه سړک په تګلوري کې مسافران له موټر څخه ښکته کوي او له ځانه سره يې بيايي .
  ختم_سعيده _ اکرم

 

کابل /دسلواغې ٧مه / باختر:
اته وسله وال طالبان پرون دبادغيس ولايت په بالامرغاب  ولسوالۍ کې  دکوماندو دځواکونو دهوايي اوځمکنيو عملياتو له امله ووژل شول .
دهېواد په لويديځ کې دکوماندو ددويمې لوا مطبوعاتي دفتر باختراژانس ته خبرورکړ چې  دغه عمليات په يووخت کې  په بالامرغاب ولسوالۍ  کې دهوا او ځمکې له خوا ترسره شول . چې په بادغيس کې دوسله والو طالبانو دډلې دمهم قوماندان ملا اخند زاده اته وسله وال  افراد ووژل شول اوپنځه  تنه نور ټپيان شول .  هغه وويل چې په دغه نښته کې  پوځيانو ته زيان نه دى اوښتى .
  ختم_سعيده _ اکرم

 

کابل /دسلواغې ٧مه / باختر:
دلوګر داطلاعاتواوفرهنګ رياست او دلنکن روزنيز مرکز دمطالعې  دفرهنګ دبنسټيزه کول او کتاب ته دلاس رسى زمينه په انلاين ډول برابره کړې ده .
دباختراژانس دسيمه ييز خبريال دخبرله مخې ، دلوګر داطﻻعاتواوفرهنګ رييس وايي چې ددغه ولايت په عامه کتابتون کې  ١٢ زره ټوکه بېلابېل کتابونه شته چې له هغې جملې څخه پنځه زره  پنځه سوه ټوکه يې ديتابس کې ثبت شوي  دي اودکتاب مينه وال کولاى شي په انلاين ډول ترې  استفاده وکړي او چاپي کتابونه له عامه کتابتون څخه ترلاسه کولاى شي .
هغه زياته کړه چې دکتابونو ديتابـس دلوګر داطلاعاتواوفرهنګ رياست له ټولنيزې  صفحې خپرېږي  او دغه رياست هڅه کوي چې ټولو کتابونو ته دلاسرسۍ  زمينه په انلاين ډول برابره کړي .
ختم_ شکريه_اکرم

 

کابل /دسلواغې ٧مه / باختر:
دنيمروز اوسيدونکي څه ناڅه يو ميليون افغانۍ او ١١٢ جريبه ځمکه سږ کال  ددغه ولايت له پوهنې سره  مرسته کړې ده .
دنيمروز دپوهنې رييس مسعود نوري دباختر اژانس خبريال ته وويل چې پوهنې ته دخلکودمرستې په پيسو ښوونځيو ته دتجهيزاتو دپيريدو او دټولګيو ترميمولو په خاطر لګول شوي دي .
نوري زياته کړه چې په دغه ولايت کې په نوي کال کې دخلکو په مرستې ٣٥ ښوونځي جوړېږي .
دنيمروز  اوسيدونکي وايي چې ددغه ولايت دپوهنې رياست له زياتو ستونزو سره مخامخ دي او ددوى مرستې  ته اړتيا لري .
  دنيمروز دولايتي شوراغړي هم وايي چې حکومت مالي ستونزو سره مخامخ دي اودپوهنې دستونزو دحل لپاره کافي بودجه نه لري .
دنيمروز دولايتي شورا مرستيال مولوي ګل احمد احمدي په دغه ولايت کې دخلکو مرسته دپوهنې په غښتليا   او ودې  کې اغيزه لري .
ختم_ شکريه _اکرم

کابل /دسلواغې ٧مه / باختر:
دميدان وردګو ولايت  دملي امنيت  درياست ځواکونو دجلريز ولسوالۍ لپاره  دطالبانو داستخباراتو دمرستيال په ګډون  دطالبانو پنځه کليدي کسان چې له خلکو څخه يې باج اخستل  پرون  دميدان وردګو ولايت په جلريز ولسوالۍ کې دعملياتو په بهير کې ونيوه .
دميدان وردګو ولايت دملي امنيت  درياست  يومسوول باختراژانس ته وويل  چې ددغه رياست منسوبينو  دجلريز ولسوالۍ داحمد خيلو او محمد نور خيلو په کليو کې دطالبانو په پټځيو عمليات ترسره کړل  چې په پايله کې يې  ددغه ولايت  دجلريز ولسوالۍ لپاره دباج اخستنې مسوول او داستخباراتو دمرستيال په ګډون  ددغې ډلې  پنځه مهم غړي  ونيول شول .
  هغه وويل : په دغوعملياتو کې  يوشمېر  وسلې او مهمات هم ترلاسه شوي دي .
ختم_ ج _ اکرم

 

کابل /دسلواغې ٧مه / باختر
د افغانستان داسلامي جمهوریت جمهورريیس محمد اشرف غني تېر ماښام د اداري اصلاحاتو او ملکي خدمتونو خپلواک کمېسیون ريیس احمد نادر نادري سره په ارګ کې وکتل.
دجمهوررييس دوياند دفترباخترآژانس ته خبرورکړ.
په دې کتنه کې چې د کمېسیون یو شمېر ريیسانو هم حضور درلود، لومړی احمد نادر نادري د اداري اصلاحاتو او ملکي خدمتونو خپلواک کمېسیون د کړنو راپور او همداراز د بشري منابعو مدیریت یا HRMIS تطبیق، د ملکي خدمتونو تشکیلاتو، د دولت  د تشکیلات او کادري چارو کې د پرمختګ په اړه جمهورريیس ته معلومات ورکړل.
جمهورريیس غني د هېواد په ادارو کې د اصلاحاتي برنامو د ایجاد او تطبیق له امله د اداري اصلاحاتو او ملکي خدمتونو خپلواک کمېسیون له رهبرۍ د مننې ترڅنګ، د ملکي خدمتونو د تشکیلاتو په ځانګړي ډول د دولت د تشکیلاتو او کادري چارو په اړه هر اړخیز بحث وکړ او په دې برخه کې یې لازمې لارښوونې وکړې.
همداراز د هېواد جمهورريیس د ادارو د رهبرۍ په کچه د مختلفو لایحو د شمېر زیاتوالي اړتیا او نه اړتیا، په ځانګړي ډول د معینیتونو په شمېر بحث وکړ او په دې اړه یې د اداري اصلاحاتو او ملکي خدمتونو خپلواک کمېسیون ته لازمې لارښوونې وکړې.# پاى- ع

 

کابل /دسلواغې ٧مه / باختر:
د بهرنیو چارو وزارت سیاسي معین او سرپرست محمدهارون چخانسوري، پرون له غرمې وروسته، په کابل کې داستوګن د سويډن شاهي هېواد سفیرې آغلي کارولن ویسیني سره، په خپل کاري دفتر کې وکتل.
دبهرنيوچارو وزارت مطبوعاتي دفترباخترآژانس ته خبرورکړ.
په پیل کې، د سوېډن سفیرې د افغانستان اسلامي جمهوریت د بهرنیو چارو وزارت سیاسي معین او سرپرست ته د دندې د پیل مبارکي ورکړه، وروسته ېې افغانستان دولت او خلکو ته، په ایران کې د اوکرایني شرکت د الوتکې راغورځېدو په اړه چې پکې یو شمېر افغان وګړو ژوند له لاسه ورکړی وو، د خپلې خواخوږې او تسلیت مراتب څرګند کړل.
د دې په دوام، دواړو لورو په سیمه کې د وروستیو انکشافاتو او علاقې وړ موضوعاتو په اړه خبرې وکړې او د افغانستان اقتصادمحوره بهرني سیاست، اقتصادي همکاریو، د سوداګرۍ د پراختیا، د پانګې اچونې او د سیمه ییزې نښلېدا په تړاو نظریات سره شریک کړل. پاى- ع


 

کابل /دسلواغې ٧مه / باختر:
د بهرنیو چارو وزارت سیاسي معین او سرپرست محمد هارون چخانسوري، پرون سهار، په کابل کې استوګن د فرانسی سفیر دېوېډ مارتینون، د آلمان سفیر پیتر پروګل او د بریتانیا سفارت شارژدافېر ګیلس لیور سره وکتل.
دبهرنيوچارو وزارت مطبوعاتي دفترباخترآژانس ته خبرورکړ.
په پېل کې، د درې هېوادونو استازو، چخانسوري ته د افغانستان اسلامي جمهوریت د بهرنیو چارو وزارت د سیاسي معین او سرپرست په توګه د هغه د کار پېل په خاطر د مبارکی مراتب وړاندی کړل او نوموړی ته ېې  په چارو کې د بریالیتوب هیله وکړه.
نوموړو سفیرانو دګډ اقدام له ګڼ اړخیزی برنامی(برجام) څخه د ایران د سرغړونو په اړه یې خپله دیمارشې چخانسوري ته وړاندې کړه او د هغې د جزئیاتو په اړه ېې بحث وکړ. هغوی همدغه شان له ایران سره د اختلاف د هواري میکانیزم رامنځ ته کولو په اړه، د برجام د ۶۳ مې مادې په چوکاټ کې هم معلومات وړاندې کړل.
چخانسوري یادشویوله درېواړو هېوادونو له سفیرانو څخه د مننې په څرګندولو سره زیاته کړه چې له هر هغه اقدام څخه به، چې په سیمه کې د سولې او ثبات د ټينګېدو لامل شي، قدرداني او ملاتړ وکړي.پاى- ع

Page 1 of 8490