20 June 2019

RSS Facebook

سوداگریز


تازه خبرونه

په بلخ کې څه د پاسه ٢٥٠٠ تنو د انتخاباتو لپاره نومونه ثبت کړي دي

په بلخ کې څه د پاسه ٢٥٠٠ تنو د انتخاباتو لپاره نومونه ثبت کړي دي

کابل/باختر/دغبرګولي٣٠مه د بلخ د انتخاباتو د خپلواک کمېسيون مسوولين وايي...

په غزني کې د يوې چاودنې مخه ونيول شوه

په غزني کې د يوې چاودنې مخه ونيول شوه

- کابل/باختر/دغبرګولي٣٠مه د غزني د ملي امنيت رياست منسوبینو تېره شپه...

لويه څارنوالي د برېښنا پوروړي تر عدلي تعقيب لاندې نيسي

لويه څارنوالي د برېښنا پوروړي تر عدلي تعقيب لاندې نيسي

کابل/باختر/دغبرګولي٣٠مه د افغانستان برېښنا شرکت او لویې څارنوالۍ ترمنځ د...

Youtube Player

khantry design

سوداگریز

سوداگریز

 کابل/باختر/دغبرګولي٣٠مه
د بلخ د انتخاباتو د خپلواک کمېسيون مسوولين وايي چې تر اوسه پورې څه دپاسه  دوه زره پنځه سوه تنو په دغه ولايت کې د انتخاباتو لپاره په تقويتي پروګرام کې نومونه ثبت کړي دي .
دباختر آژانس د سيمه ييز خبريال د خبرله مخې: د بلخ د انتخاباتو د خپلواک کمېسيون سرپرست عزت الله آرمان چې د يوشمېر مدني فعالانو او بنسټونو په غونډه کې د رايې ورکوونکو د تقويتي نوم ليکنې په بهيرکې د ښځو د هڅولو لپاره خبرې کولې وويل چې له امنيتي ګواښونو له شتون سره سره بيا هم په دغه ولايت کې د تقويتي نوم ليکنې لپاره د هېوادوالو شتون پراخ دی او څه دپاسه ٢٥٠٠ چې ۴۷ سلنه يې ښځې دي؛ تر اوسه پورې نومونه ليکلي دي.
د رايې ورکوونکو د تقويتي نوم ليکنې بهير د روان کال د غبرګولي له ١٨مې څخه  پيل شوى دى او د چنګاښ تر٨مې پورې دوام مومي.
پاى\ ذ

- کابل/باختر/دغبرګولي٣٠مه
د غزني د ملي امنيت رياست منسوبینو تېره شپه په دغه ولايت کې د يوې چاودنې    مخه ونيوله.
د غزني د والي وياند محمدعارف نوري نن په خبري غونډه کې وويل: د دغه ولايت  د ملي امنيت رياست د ځانګړو ځواکونو په عملياتو کې يو رنجر موټر چې چاويدونکي توکي پکې بار و او يو موټرسايکل د غزني د خوږياڼيو ولسوالۍ په خواجه خېلو کلي کې ضبط کړل.
هغه زياته کړه چې په عملياتوکې د طالبانو يو مهم کس ونيول شو او يو ساتونکى يې ووژل شو.
هغه زياته کړه: دغه رنجر موټر پخوا د وسله والو طالبانو لاسته ورغلى و او غوښتل یې له هغه څخه په ګټې اخيستنې سره په غزني ښارکې ځانمرګى بريد وکړي.
پاى \ذ

 کابل/باختر/دغبرګولي٣٠مه
د افغانستان برېښنا شرکت او لویې څارنوالۍ ترمنځ د ګډو همکاريو هوکړه ليک نن لاسليک شو.
د افغانستان برېښنا شرکت د هغو کسانو او اشخاصو د عدلي او قضايي تعقيب په موخه چې په غيرقانوني ډول د برېښنا له انرژۍ څخه ګټه اخلي؛ د لويې څارنوالۍ له ادارې سره يو هوکړه ليک لاسليک کړ.
دغه هوکړه ليک د لويې څارنوالۍ مرستيال څارنپوه نورحبيب جلال او د افغانستان برېښنا شرکت اجراييوي لوى رييس انجنير امان الله غالب لاسليک کړ.
د دغه هوکړليک پر بنسټ د افغانستان په کچه د برېښنا د غلو او ناوړو ګټې اخيستوونکو (دعدلي تعقيب لپاره د لويې څارنوالۍ او برېښنا ) ګډه کمېټه جوړه شوې ده او په خپل وخت د هغو کسانو شهرت چې د برېښنا انرژي غلا کوي يا د برېښنا تاسيساتو ته زيان رسوي، د جزا کود د صراحت په رڼا کې د عدلي تعقيب په غرض لويې څارنوالۍ ته ورپېژني.
لويه څارنوالي په جدي توګه قضيې څېړي او پايله يې د افغانستان له برېښنا شرکت او خلکو سره شريکوي.
پاى \ف\ ذ

 کابل/باختر/دغبرګولي٣٠مه
د افغانستان د اسلامي جمهوریت جمهورريیس محمداشرف غني د هېواد د فوټسال ملي لوبډلې د لاسته راړونو په خاطر د افغانستان خلکو ته مبارکي وویله.
د جمهوررییس د ویاند دفتر باختر آژانس ته خبر ورکړ:
جمهورريیس د وروستیو لاسته راوړنو او ویاړونو په خاطر د هېواد د فوټسال ملي لوبډلې له مسوولینو، روزونکي او لوبغاړو څخه مننه وکړه او ویې ویل: اوسنۍ لاسته راوړنې موږ ته د قهرمانۍ په څېر دي او هره پایله مو چې د لوبې په وروستۍ ورځ (فاینل) ترلاسه کړه؛ د قهرمانۍ حکم به ولري.
جمهورريیس اړوندو مسوولینو ته لارښوونه وکړه، د سیالیو په وروستۍ ورځ د حضور لپاره دې د ایران اسلامي جمهوریت ته لوړپوړی دولتي پلاوی واستوي، دغه راز یې د جمهوري ریاست د چارو ادارې او د بدني روزنې لویو ریاستونو ته لارښوونه وکړه چې کابل ته د یادې لوبډلې د راستنېدو پر مهال د تاوده هرکلي په خاطر لازم ترتیبات ونیسي او د ستایلو لپاره دې ارګ ته هم راوبلل شي.
جمهورريیس محمد اشرف غني وویل: نن به د هېواد د فوټسال ملي لوبډلې روزونکي او غړو سره د ټیلیفوني خبرو ترڅنګ د دوی د زیار او هڅو قدرداني وکړي.#
پای – ف

 کابل/باختر/دغبرګولي٣٠مه
د افغانستان د اسلامي جمهوريت جمهوررئیس محمداشرف غني نن له غرمې مخکې د افغانستان د تاریخي څېړنیز مرکز د کتابتون او آرشیف دبرخې د پرانيستې مراسمو کې ګډون او وینا وکړه.
د جمهوررییس د ویاند دفتر باختر آژانس ته خبر ورکړ:
په پیل کې د جمهوري ریاست ستر سلاکار عبدالغفور لېوال د هېواد تاریخ او تاریخي آثارو ته د  جمهورريیس له ځانګړې پاملرنې څخه د مننې ترڅنګ د افغانستان ځینې تاریخې نسخې چې په لندن کې د افغانستان د تاریخي مطالعاتو مرکز په همکارۍ برابرې شوې وې، د آرشیف کتابتون ته وسپارلې.
لېوال په لندن کې د افغانستان د تاریخي مطالعاتو مرکز په اړه چې ډاکټر وارث وزیري یې رئیس دی، معلومات ورکړل او وې ویل، په هغه مرکز کې د افغانستان اړوند د تاریخي آثارو ۲۰۰۰ نسخې په فزیکي ډول او ۳۰ زره نسخې په ډیجیټالي ډول موجودې دي او د دغه مرکز رییس ژمنه کړې چې په راتلونکو پړاوونو کې به نورې نسخې هم د افغانستان د تاریخي څېړنیز مرکز آرشیف ته وسپاري.
هغه زیاته کړه: له یادو تاریخي نسخو څخه علمي او څېړنیزه، استنادي او آرشیفي استفاده کولی شو.
عبدالغفور لېوال وړاندیز وکړ، یاد آثار چې په انګلیسي، فرانسوي او اردو ژبو لیکل شوي دي، د سرحداتو په اړه اسناد، د تاریخي معاهداتو کاپي، انځورونه او نقشې پکې شامل دي، د هېواد په ژبو وژباړل شي، خلکو او علومو اکاډمۍ ته دې په واک کې ورکړل شي.
وروسته د هېواد جمهوررییس د عبدالغفور لېوال له هڅو څخه د قدردانۍ ترڅنګ وویل: که چېرې د خپل هېواد په تاریخ پوه نشو، تېرې تېروتنې به تکرار کړو، هغه څه چې زما لپاره خواشینوونکی دی، د افغانستان نه پېژندنه ده.
جمهوررئیس غني څرګنده کړه: د افغانستان له پېژندنې پرته منابع، شتمنۍ او له هغه څخه د استفادې په ډول نه پوهېږو.
جمهوررئیس دغه راز په لندن کې د افغانستان د تاریخي مطالعاتو مرکز د همکارۍ مننه وکړه او وې ویل، موږ باید د تاریخ له لارې راتلونکي سره د تېر د وصل حلقه واوسو او اړتیا ده چې زموږ نوی نسل افغانستان پېژندونکی وي.
جمهوررئیس غني د لوړو زده کړو وزارت او کابل پوهنتون ته لارښوونه وکړه چې د ژباړې ګډ مرکز جوړ کړي چې په هغه کې دغه آثار د افغانستان ژبو ته وژباړل شي او څېړونکو او محصلینو ته ورسېږي.
دغه راز جمهوررئیس غني او محمد صدیق پتمن د افغانستان د تاریخي ځایونو او شخصیتونو د انځورونو دوه البومونه آرشیف ته وسپارل او د هېواد جمهوررئیس په دې اړه وویل، اوس د دې وخت رسېدلی چې د تاریخي آثارو شخصي کلیکسیونونه آرشیف ته وسپارو.#
پای – ف

Thursday, 20 June 2019 11:38

مطبوعاتي اعلامیه

 کابل/باختر/دغبرګولي٣٠مه
په جلال آباد ښارکې د نننۍ تروریستي پېښې په اړه مطبوعاتي اعلامیه
د هېواد جمهورريیس د افغانستان د دښمنانو او فتنه ګرو دغه جنایت په سختو ټکو غندي چې نن سهار یې د جلال آباد ښار د دویمې ناحیې اړوند سیمه کې د ماین د چاودنې له امله زموږ یو هېوادوال شهید او یو شمېر نور ټپیان کړل.
وحشي تروریستان به د دغه ډول بریدونو او جنایتونو په ترسره کولو سره نه خپله ماته پټه کړای شي او نه به هم په روښانه راتلونکي زموږ د خلکو باور او ټینګه اراده کمزورې کړي، ځکه افغان امنیتي او دفاعي ځواکونه به د هېواد په هر ګوټ کې هغوی پیدا او له منځه یوسي.
جمهوررئیس غني اړوندو ارګانونو ته د یادې پېښې د هراړخیزې څېړنې ترڅنګ د قربانیانو له کورنیو سره د خواخوږۍ او غمشریکۍ ترڅنګ مسوولینو ته د ټپیانو د سالمې درملنې لارښوونه کړې ده.#
پای - ف

Thursday, 20 June 2019 11:16

تبصره

 کابل/باختر/دغبرګولي٣٠مه
د افغانستان لپاره د امريکا د بهرنيو چارو وزارت ځانګړي استازي زلمي خليلزاد         ويلي دي چې امريکا په افغانستان کې د دايمي سولې لپاره هڅه کوي.
د باختر آژانس مفسر ليکي :
په قطرکې د طالبانو د سياسي دفتر وياند سهيل شاهين په وروستيوکې په خپل ټويترکې  له افغانستان څخه د بهرنيو ځواکونو د وتلو په باب له امريکا سره د موافقې خبرې کړې دي او ويلي يې دي چې امريکا له طالبانو سره ژمنه کړې ده چې د افغانستان په کورنيو چاروکې لاسوهنه ونه کړي.
د سهيل شاهين دغه څرګندونې د افغانستان لپاره د امريکا د بهرنيو چارو وزارت د ځانګړي استازي زلمي خليلزاد غبرګون له ځان سره لري.
خليلزاد چې تر اوسه پورې يې له طالبانو سره د خبرو شپږ پړاوونه تېرکړي دي او د طالبانو له استازو سره د خبرو د اووم  پړاو د ترسره کولو لپاره تيارى نيسي؛ په ډانګ پيلي ډول ويلي دي چې د امريکا لپاره د سولې هر اړخيزه موافقه طرحه ده. 
هغه ټينګار کړى دى: ترهغه وخته پورې چې په څلورو اصولو بشپړه او هر اړخيزه موافقه ونه شي؛ د بل هېڅ څيز په باب موافقه ونه شي.
د خليلزاد د څرګندونو له مخې: په دغو څلورو اصولوکې د دې تضمين چې د افغانستان له خاورې څخه د نورو هېوادونو په تېره بيا د امريکا ګټو پرخلاف کار وانخيستل شي؛  د بين الافغاني خبرو اترو لپاره فرصت مساعد شي، د امريکايي ځواکونو وتل او هر اړخيز او تلپاتی اوربند شامل دي.
په دوحه کې د طالبانو د ويندوى له څرګندونو څخه جوتيږي چې دغه ډله يوازې يوه  غوښتنه لري او هغه له افغانستان څخه د بهرنيو ځواکونو وتل دي. په داسې حال کې  چې د امريکا او په اروپا او نورو هېوادونوکې د هغې د متحدينو لپاره، له افغانستان څخه وتل يو لومړيتوب نه دى، بلکې هغوى خپل پوځي شتون په هغوعواملو پورې اړوند بولي چې تر اوسه پورې نه حل شوي پاتې دي.
د امريکا او د هغې د متحدينو له نظره، د ډار اچونې خطر هماغه شان د افغانستان او سيمې له ناحيې څخه متصور دى او دغه انديښنه د سياسي ټولنو په يوه موافقه کې د لرې کېدو وړ کېداې شي.
هر اړخيزه سوله يوازې په معاملې او يا له طالبانو سره په موافقې سره امکان منونکى نه دى، بلکې په دغه شان يوه موافقه کې د افغانستان د دولت ګډون يو اړين کار دى.
نو طالبان دې له دې زيات چې د بهرنيو ځواکونو د وتلو غوښتنه وکړي، ښه به وي د يوې هراړخيزې سولې په لټه کې وي او دا کار به هغه وخت امکان ولري چې د افغانستان له دولت سره خبرې پيل کړي او د دغه بهير د اعتماد جوړونې لپاره په لومړي ګام کې د اوربند انفاذ لازمي دى.
په داسې حال کې چې طالبانو د سياسي هڅو ترڅنګ، خپل پوځي تحرکات ګړندي کړي دي او د خپل نفوذ ساحې د پراختيا په لټه کې دي؛ دغه چلند يوازې جګړه سختوي او د اعتماد فضا زيانمنوي. ترهغه وخته پورې چې طالبان په يو هر اړخيز اوربند موافقه ونه کړي؛ د نورو مطالبو حل کول به بې ګټه وي. په داسې حال کې چې د سولې خبرو اترو ته په دغه شان نظر سره، طالبان زيات سياسي او امتياز غوښتونکى اړخ لري.
طالبان بايد په دې پوه شي چې د افغانستان ستونزه د پوځي حل لاره نلري، يوه ولايت او يا مهم اداري واحد ته د لاسرسي لپاره د هغوى بې ګټې هڅې، د دغې ادعا ثبوت دى.
خلک طرحه کوي: په افغانستان کې د بهرنيو هېوادونو د متضادو ګټو پيچلتيا طالبان د پرديو له ګټوڅخه د ملاتړ تګلوري ته برابر کړي دي او دغه ډله هره ورځ له يوې نوې ستونزې سره مخامخ کېږي او د قدرت او شخصي نفوذ د ترلاسه کولو لپاره د هغوى هڅې دملي ګټو په بيه دي. افغانستان د سيمې د هېوادونو او سترو قدرتونو د جګړې په ډګر بدل شوى دى. په داسې حال کې چې هر يو يې په افغانستان کې د ستونزو د سياسي حل او فصل د لارې پرسر خنډونه دي او هر يو د افغانستان په خاوره کې خپلو سيالانو ته د ستونزو د پيدا کولو لپاره هڅه کوي.
د امريکا او نورو هېوادونو پوځي شتون په افغانستان کې يو حضور تعريف شوى دى او د ملګروملتو سازمان د امنيت شورا له پريکړې سره سمون لري. هغوى د يوه ماموريت د ترسره کولو او د يوه مسووليت د لرې کولو لپاره دلته راغلي دي او بايد د هغوى وتل هم مسوولانه وي او دغه تړلتيا په يوې هر اړخيزې سولې پورې تړاو لري، هغه سوله چې د ګاونډيو هېوادونو او ستروقدرتونو تضمين او ضمانت له ځان سره ولري.
پاى \ف\ ذ

 کابل/باختر د غبرګولي ۳۰ مه
لس وسله وال طالبان په غورکې له پوځيانو سره په نښته کې ووژل شول.
د غور د امنيې قوماندانۍ د امنيت آمر سيد رضا حسيني باختر آژانس ته وويل چې دغه وسله وال طالبان د فيروزکوه په لويديځو سيموکې په پوځي عملياتو کې ووژل شول.
په عملياتو کې ۷ طالبان اسيران شوي او ١٤ نوريې ټپيان شوي دي.
حسيني زياته کړه: په عملياتوکې د امروتک، شترخانې او سوخته کلي د پوځيانو لاسته ورغلي دي.
پاى \ ذ

کابل/باختر د غبرګولي ۳۰ مه
د نيمروز پوليسو يو سړى پرون د نشه يي توکو د لېږدونې په ګومان ونيو.
د نيمروز د امنيې قوماندانۍ مطبوعاتي مسوول ابراهيم امنيي د باختر آژانس خبريال            ته وويل: دغه سړى ٥٨ کپسوله هيروئين يې د ستونې له لارې تېرکړي و او غوښتل هغه له هېواد څخه بهر ته ولېږدوي چې د نيمروز د امنيې قوماندانۍ د نشه يي توکو پرخلاف مبارزې د مديريت کارکوونکو یې وینو.
پاى \ذ

 کابل/باختر د غبرګولي ۳۰ مه
پنځه وسله وال طالبان نن په پکتيکا کې ووژل شول.
په ختيځ زون کې يوه جګپوړي پوځي قوماندان د باختر آژانس خبريال ته وويل چې د پکتيکا په برملې ولسوالۍ کې د وسله والو طالبانو پر يوه پټنځي هوايي بريدونه وشول  چې له پنځه طالبان ووژل شول او د دښمن پټنځى هم ویجاړ شو.
پاى \ذ

Page 1 of 7784