06 December 2019

RSS Facebook

سوداگریز


تازه خبرونه

څوارلس تنه دجنايي جرمونوپه تور ونيول شول

څوارلس تنه دجنايي جرمونوپه تور ونيول شول

کابل / د ليندۍ دمياشتې ١٤ مه / باختر...

دجوزجان بڼوالو دکار وسايل ترلاسه کړل

دجوزجان بڼوالو دکار وسايل ترلاسه کړل

کابل / د ليندۍ دمياشتې ١٤ مه / باختر...

يو قاتل ونيول شو

يو قاتل ونيول شو

کابل / د ليندۍ دمياشتې ١٤ مه / باختر : دکابل...

Youtube Player

khantry design

سوداگریز

سوداگریز

کابل / د ليندۍ دمياشتې ١٣ مه / باختر : 
دپوهنې  وزارت هيئت نن د لومړنۍ دورې څه دپاسه شپږسوه شپيته زره ټوکه کتابونه دبلخ دپوهنې ته ورکړل.
د باختراژانس دخبرله مخې : دغه کتابونه د بلخ د پوهنې د رييس په شتون د پوهنې وزارت دهيئت له لوري د بلخ  ولسواليو د پوهنې په امرانو وويشل شول .
د بلخ دپوهنې رييس علي الله اميري  وويل ؛ په دې لومړنۍ دوره کې ډول ډول کتابونه شته  چې له لومړي ټولګي څخه ترشپږم ټولګي پوري شامليږي اودغه کتابونه د اداري پړاونو له ترسره کولو وروسته د زده کوونکو په واک کې ورکول کېږي.
پاى \ ذ


 

کابل / دليندۍ ۱۳ / باختر
دپوليسو مسوبانو په کابل ، خوست او کندز کې اته تنه  دوسله والې غلا او دعامه نظم  دګډ وډلو په اړوند ونيول .
دکورنیو چارو وزارت مطبوعاتی دفتر باختر آژانس ته وویل: په دوی کې له اوومې ناحیې څځه  دوه تنه دغیر قانوني وسلو دلېږدولو او دعامه نظم   دګډوډولو په اړوند  له دوو وسلو سره ،او دوه تنه نور دکابل ښار له شپږمې ناحیې څخه ددوکان دغلا په اړوند ونيول شول .
دخوست دامنیې قوماندانۍ پوليسو دوه تنه ددغه ولایت په مرکز کې دوسله والې غلا ، نغدو پیسو ، دکور دمالونو ،له دوو وسلو ،دوو مخابرو ،او یو ولچګ سره ونیول .  دکندز دامنیې قوماندانۍ پولیسو دوه تنه دنغدو پیسو په اړوند ددغه ولایت په مرکز کی  ونیول. پای شکریه خروټې

 

کابل/ د لېندۍ ١٣مه/باختر
په نړيوالو بازارونوکې نن يو انس سره زرپه ١٤٨٠ډالرو وړاندې کېږي.
د پښتنې بانک د سرو زرو د مارکيټ يوه پلورونکي قاهرخان نن ددغه خبرپه تاييد سره باختر آژانس ته وويل چې نن د کابل په بازارونوکې يوګرام الجزايري سره زر٣٧٠٠ يو ګرام مصري سره زر په٣٥٥٠ افغانيو، کويټي په٢٩٠٠ افغانيو، سنګاپوري په٢٩٠٠ افغانيو،  بحريني په٢٨٥٠ افغانيو، عربي په٢٨٥٠ افغانيو، ايراني په٢٦٠٠ افغانيو او يو ګرام روسي په ٢١٠٠افغانيو پلورل کېږي.     
پاى / سعيده

 

چاریکار /دلېندۍ۱۳/باختر
یو سړی نن د پروان په سید خیلو ولسوالی  کی دنشه یې توکو دپلورلو په شک ونیول شو .
دپروان دامنیې قوماندانۍ د مطبوعاتي دفتر مسوول دیوې  خبرپاڼې په لېږلو سره باختر آژانس ته وویل: دغه سړی د نشه یې توکو دپلورلو په وخت کې دسید خېل ولسوالۍ دپوليسو له خوا لاس په لاس ونیول شو .
له دغه سړي څخه ۱۸ کيلو ګرامه بنګ دانه چې له هغه څخه چرس تر لاسه کېږي او یوه اندازه چرس او هېرویین تر لاسه شول ، پای شکریه خروټې

 

کابل / دلیندی ۱۳/باختر
په بلځ کې تېره شپه دطالبانو یو مشهور قوماندان له پوځیانو سره په نښته کې ووژل شو .د۲۰۹ شاهین قول اردو ویاند ، محمد حنیف رضایې باختر آژانس  ته وویل چې دوسله والو طالبانو یوسيمه ییز قوماندان په همدرد مشهور یار محمد دبلخ دچار بولک ولسوالی په مربوطاتو کی له یوه ملګری سره یې ووژل شو .
رضایې زیاته کړه چې په دې نښته کې دوه نور وسله وال طالبان ټپیان شول .
پای- شکریه خروټی

کابل / دليندې ١٣مه / باختر :
دلوګر ولايت دليسو څه دپاسه  دوه زره فارغانو دتېرو  څلور کلونو په بهير کې دلنګن په روزنيز مرکز کې دانګليسي ژبې اوکمپيوتر  په برخو کې زده کړې وکړې .
دغه ټکى دلنګن دروزنيز مرکز مسوول عبدالفتاح مفلح  نن دهغو ځوانانو دفراغت په غونډه کې چې نوي له دغه مرکز څخه فارغ شوي دي بيان کړ .
هغه زياته کړه په دې دوره کې دلوګر ولايت دليسو اته ويشت  تنه فارغ هلکان او نجونې دانګليسي ژبې اودکمپيوتر په برخو کې زده کړې کړي دي او دفراغت  سندونه يې ترلاسه کړل .
دلوګر ولايت داطلاعاتواوفرهنګ رييس عبدالرحمن تسل له دغه مرکز څخه  په مننې سره وايي ځوانانو اوزده کوونکوته دزده کړې  ښه زمينه برابره شوې ده .
هغه دلوګر  له ځوانانو څخه وغوښتل چې دعلم او پوهې دزده کړې په لاره کې  زياتې هلې ځلې وکړي .
  ختم_ ج –اکرم

کابل / دلېندۍ ١٣مه / باختر :
دپکتيا په جاني خيلو ولسوالۍ کې ديوه روغتون دجوړولو کار پيل شو .
دغه روغتون دشلو بسترو په ظرفيت جوړېږي چې داخلي ، جراحي او نسايي  او ولادي څانګې به ولري
دپکتيا والي شميم کټوازۍ دباختراژانس خبريال ته وويل چې دغه روغتون دايتاميليونو افغانيو په لګښت په يوکال کې ددولت له بودجې څخه جوړېږي . دعامې روغتيا وزارت ټاکل شوې ده دغه روغتون  دډيرې  پرمختللي طبي وسايلو ، ډاکترانو ،روغتيا پالې ښځيې او نارينه دروغتيايي خدمتونو لپاره سمبال کړي .
داپه داسې حال کې ده چې همدا اوس دپکتيا دجاني خيلو ولسوالۍ اوسيدونکي دروغتيايي مرکزونودکموالي  او هم دکيفيت دنه ښه والي په دليل دروغتيايي خدمتونو  په وړاندې کولو کې په دې اړ دي  چې خپل ناروغان دسختو لارو په وهلو سره دښار روغتونونو ته ولېږدوي .
دپکتيا دعامې روغتيا رييس ولايت خان احمدزي وايي چې دوى دپکتيا  په لرو پرتو سيمو کې ددغه شان روغتونونود جوړول دکار په لارښود کې  لري
هغه وويل چې ددغو روغتونونو په جوړولو سره دپکتيا ټول اوسيدونکي به په معياري  روغتيايي خدمتونو لاسرسي  پيداکړي .
  ختم_ عطاالله_ اکرم

 

کابل / دليندې ١٣مه / باختر :
دهلمند دپوليسو يوه مقام له خپل  زوى سره نن سهار دناپېژاندو وسله والو کسانو په بريد کې شهيد کړى شو .
دهلمند دپوليسو دقوماندانۍ دجلب اوجذب  مرستيال  افسر فتح محمد په لښکرګاه  ښار کې دخپلې دندې  په لور روان و چې دناپېژاندو وسله والو کسانو له خوا پرې بريد وشو او شهيدکړى شو .
دهلمنددپوليسو يوه مقام دباختراژانس له سيمه ييز خبريال سره په خبرو کې دغه پېښه تاييد کړه اوويې ويل  چې وسله والو کسانو پر افسر فتح محمد او زوى يې له بريد وروسته په تېښتې بريالي شول او دهغوى دپېژندنې او نيولو لپاره  هلې ځلې دوام لري .
تراوسه پورې  ددغې پېښې  مسووليت چاپرغاړه نه دى اخستى خو سيمه ييزې  سرچينې  وسله وال طالبان ددغې پېښې عامل بولي .
  ختم_عطاالله_اکرم

کابل / دلېندۍ ١٣مه / باختر :
دافغانستان دفوټبال داتلانو دليک دسياليو دويم پړاو په اتو زونونوکې  ترسره شوې .
دافغانستان دفوټبال فدراسيون وياند شمس اميني باختراژانس  ته وويل  چې ددغوسياليو دترسره کولو هدف په افغانستان کې د فوټبال  پرمختګ دى .
ددغو سياليو مقدماتي پړاوڅومياشتې مخکې  دهېواد په ولايتونوکې  پيل شوي و ، او دهر ولايت  اتل ټيمونه  ددغوسياليودويم پړاو ته  لاره وموندله .
ددغوسياليو دويم پړاو پرون دهېواد په اتو زونونوکې پيل شو .او پنځه ورځې به دوام وکړي .
ددغه پړاو له پاى ته رسېدو او دزونونو داتو ټيمونوله  مشخص کېدو وروسته به  دغه ټيمونه داتلانو ليک په وروستي پړاو کې په پايتخت کې داتلوالۍ جام دترلاسه کولو په خاطر سيالي وکړي .
  ختم_ ج _ اکرم

 

کابل / دلېندۍ ١٣مه / باختر :
دپوهنې وزارت سرپرست ډاکتر محمد ميرويس بلخي دښځو په وړاندې د تاوتريخوالي  پرخلاف  دمبارزې دکمپاين په غونډه کې  ټينګاروکړ چې دښځو پرخلاف  له تاوتريخوالي سره دمبارزې فرهنګ په بنسټيز کولو کې دښځو او نارينه و ونډه برابره ده .
دباختراژانس دخبريال دخبرله مخې ، په دې غونډه کې چې پرون جوړه شوه دپوهنې وزارت  سرپرست دښځو پرخلاف دتاوتريخوالي او په ټولنه کې دښځو پرخلاف دتاوتريخوالي دزياتوالي يومهم عامل  دتاوتريخوالي په وړاندې ددوى چوپتيا وبلله او نجونوته دپوهې ورکولواو په ښوونځيو اودروزنيزو مرکزونوکې دبرابرۍ فرهنګ په بنسټيز کولو کې دپوهنې وزارت  په اساسي رول ټينګاروکړ
دغه راز  ډاکتر بلخي دپوهنې په بنسټونو کې دښځو پرخلاف دتاوتريخوالي دله منځه وړلو په لاره کې د بومي او دسيمه ييزو ظرفيتونو دزياتې مطالعې او استفادې غوښتنه وکړه .
په دې غونډه کې  دپوهنې وزارت دجندر دامريت  سرپرستې فرشتې سادات هم دښځو پرخلاف دتاوتريخوالي دله منځه وړلو په لاره کې دپوهنې وزارت  پروګرامونه بيان کړل  اودښوونې او روزنې په بنسټونوکې دځورونې دبندولو دپاليسۍ دبشپړولو او په راتلونکو ورځو کې دهغه دپرانستلو په باب معلومات ورکړل .
ختم_ ج _ اکرم

Page 5 of 8326