15 August 2020

RSS Facebook

سوداگریز


تازه خبرونه

بايرن مونيخ بارسلونا ته ماتې ورکړه

بايرن مونيخ بارسلونا ته ماتې ورکړه

-کابل/ دزمري ٢٥مه /باختر: د اسپانيا د بارسلونا د فوټبال ټيم...

پنځه پوځيان  په دايکنډي کې شهيدان شول

پنځه پوځيان په دايکنډي کې شهيدان شول

-کابل/ دزمري ٢٥مه /باختر: پنځه پوځيان تېره شپه په دايکنډي...

Youtube Player

khantry design

سوداگریز

سوداگریز

 کابل / د زمري ٢٤مه / باختر
په کندز- تخار لويه لاره کې نوې نښته کې په وسله والو طالبانو پورې شپږ وسله وال کسان ووژل شول.
دغه جګړه تېره شپه هغه وخت رامنځته شوه چې لسګونو يرغلګرو په دې لويه لاره کې  د پوځيانو پر پوستې يرغل وکړ.
د هېواد په شمال کې د ځانګړو عملياتو د لومړي لوا د رسنيو دفتر د يوې خبرپاڼې په خپرولو سره ويلي دي چې په نښته کې شپږ يرغلګر وژل شوي دي.
وسله والو طالبانو تراوسه په دې اړه څه نه دي ويلي.
پاى \ ذ

 کابل / د زمري ٢٤مه / باختر
په کونړکې شپږ پاکستاني ډاراچوونکي په هوايي بريد کې ووژل شول.
پر دغو ډار اچوونکو تېره شپه ډيورنډ کرښې ته څېرمه ماڼوګي کلي کې بريد وشو.
د هېواد په ختيځ کې يوه جګپوړي قوماندان باختر آژانس ته وويل: دغه ډار اچوونکو کله چې په خپل پټنځي کې د يولړ ډار اچوونکو بريدونو په سازمان ورکولو بوخت وو؛  بريد وشو.
په هوايي بريد کې د ډار اچوونکو پټنځاى له ټولو جنګي وسايلو سره يې له منځه يوړل شو.
د يو بل خبر له مخې:
په  کونړ کې په يوه نښته کې درې وسله وال طالبان ووژل شول.
دغه نښته تېره شپه په څوکې ولسوالۍ کې هغه وخت وشوه چې وسله والو طالبانو د پوځيانو د سپرلۍ پر کاروان ډزې وکړې.
پاى \ ذ

 کابل / د زمري ٢٤مه / باختر
د افغانستان اسلامي جمهوري دولت له پلڅرخي جېل څخه دولت د وسله والو طالبانو۸۰ بنديان آزاد کړل.
د باختر آژانس د خبر له مخې؛ دغه بندیان په هغه ٤٠٠ کسيز فهرست کې شامل وو چې مشورتي لویې جرګې د هغوی پر آزادېدو موافقه وکړه او حکومت ته یې د هغوى د آزادولو صلاحیت ورکړ چې د سولې بهير د چټکتیا او د افغانانو ترمنځ د مخامخ خبرو د ډېر ژر پیل کېدو سبب شي او سراسري او دایمي اوربند ټينګ شي.
هغوى ژمنه کړې ده چې له آزادېدو وروسته سوله يیز ژوند پیلوي او د افغانستان د خلکو پر وړاندې به جګړه و نه کړي.
دایمي سولې ته د رسېدو لپاره اړتیا ده چی ټول لوري خپلو مسوولیتونو او موافقو ته په پام سره، لازم اقدامات ترسره کړي چې د وقت د ضایع کېدو مخه ونیول شي.
ختم/ع

 کابل / د زمري ٢٤مه / باختر
په زابل کې په طالبانو پورې اړوند اته یرغلګر له پوځيانو سره په نښته کې ووژل شول.
پر دغو طالبانو پرون مازیګر د شاجوی ولسوالۍ بازار ته څېرمه هغه وخت برید وشو چې پر یوې پوځي قرارګاه يې د برید نیت درلود.
د هېواد په جنوب کې د اتل قول اردو د یوې خبرپاڼې په خپرولو سره ويلي دي چې د پوځیانو په ډزو کې ٨ وسله وال طالبان ووژل شول او ١٥ نور يې ټپیان شول.
وسله والو طالبانو تراوسه په دې اړه څه نه دي ویلي.
د يوبل خبر له مخې:
پوځيانو په زابل کې د اتو ماینونو په کشف سره، د دغه ولایت په ګڼ مېشتو لارو کې د یولړ چادونو مخه ونیوله.
وسله والو طالبانو د دغو ماینونو د ښخولو عاملين بلل شوي دي، خو دغې ډلې تراوسه په دې اړه څه نه دي ویلي.
ختم/ع

 کابل / د زمري ٢٤مه / باختر
په روزګان کې پر یوې پوځي قرارګاه د وسله والو طالبانو په ناکام برید کې درې ځانمرګي بریدګر ووژل شول.
دغه يرغلګر هدف ته له رسېدو مخکې د پوځيانو په ډزوکې ووژل شول.
د رارسېدلو خبرونو له مخې؛ دغو یرغلګرو غوښتل يې چې ترینکوټ ښار ته څېرمه پر یوې پوځي قرارګاه برید وکړي.
د هېواد په جنوب کې د اتل قول اردو د رسنیو دفتر د یوې خبرپاڼې په خپرولو سره ويلي دي چې د پوځيانو په ډزوکې درې ځانمرګي یرغلګر وژل شوي دي.
قول اردو مني چې یرغلګرو ځانونه ترینکوټ ښارته څېرمه پر یوې پوځي قرارګاه د برید په خاطر چمتو کول.
وسله والو طالبانو تراوسه په دې اړه څه نه دي ویلي.
په یو بل خبرکې ویل شوي دي چې په روزګان کې څلور وسله وال طالبان په بريدونوکې وژل شوي دي.
پر دغو طالبانو په تېرو ٢٤ ساعتو کې هغه وخت بريدونه وشول چې په ترینکوټ ښار او دهراوود او چارچینو ولسواليو کې په ډار اچوونکو فعالیتونو بوخت وو.
دغه راز پولیس او د ملي اردو ځواکونه وايي چې په روزګان کې د لسو ماینونو په کشف سره، د یولړ چاودنو مخه ونیوله.
دغه ماینونه د روزګان په ګڼ مېشتو لارو کې ځای پرځای شوي وو.
وسله والو طالبانو تراوسه په دې اړه څه نه دي ویلي.
ختم/ع

 کابل / د زمري ٢٤مه / باختر
د اطلاعاتو او فرهنګ وزارت سرپرست هرات ته د خپل سفر د پروګرام په دوام، پرون د هرات له يوشمېر فرهنګيانو، ليکوالو او هنرمندانو سره وکتل.
په دې کتنه کې چې د هرات والي سېد عبدالواحد قتالي هم حاضر و؛ په دغه ولايت کې په فرهنګي ډګر او په ځانګړې توګه د تاريخي آثارو او آبداتو په برخه کې يې شته ستونزې بيان کړې او د اطلاعاتو او فرهنګ وزارت له سرپرست څخه يې وغوښتل چې په يادو برخو کې هرات ته زياته پاملرنه وشي.
قتالي د اطلاعاتو او فرهنګ وزارت سرپرست ته وويل: هرات دې د هېواد د تمدن او فرهنګ د مرکز په توګه وپېژندل شي.
وروسته د اطلاعاتو او فرهنګ وزارت سرپرست محمد طاهر زهير د مايکل باري له خولې ( هرات د اسلامي تمدن فلورانس) وباله او ويې ويل: د هرات ادبي متون او  عرفاني سرچينې په ټوله نړۍ کې د وياړ دي.
زهير د هېواد ٤٠ کلن بحران د دې سبب وباله چې فرهنګ څنډې ته شو او د هرات له فرهنګيانو يې وغوښتل چې له اطلاعاتو او فرهنګ وزارت سره مرسته وکړي چې فرهنګ له څنډې څخه متن ته راشي.
د اطلاعاتو او فرهنګ وزارت سرپرست د هرات له خلکو او سيمه ييزې ادارې څخه وغوښتل چې د تاريخي او لرغونو آثارو او فرهنګي منظرو په ساتنه کې زياته همکاري او پاملرنه وکړي.
د اطلاعاتو او فرهنګ وزارت نوماند وزير، د افغانستان د اسلامي جمهوريت د جمهوررييس له پاملرنې او ملاتړه قدرداني او مننه وکړه او په راتلونکو پنځو کلونوکې يې د فرهنګي خوځښت خبر ورکړ.
په دغه پروګرام کې محمد داوود منير، داوود عرفان، توحيد رحماني او د هرات د اطلاعاتو او فرهنګ رييس آريا رووفيان هم ويناوې وکړې او خپل فعاليتونه، لاسته راوړنې او ستونزې يې بيان کړي.
پاى \ ذ\ وهاج

 وي او اې / د زمري ٢٤مه / باختر
د امریکا د متحده ایالاتو جمهورريیس دونالد ټرمپ پرون وویل چې متحد عربي امارات او اسرائیل د ديپلوماتیکو اړیکو پر پیل کولو موافقه وکړه.
ښاغلي ټرمپ دغه پېښه یوه واقعي تاریخي شېبه وګڼله او خبریالانو ته یې وویل: ‌            تمه لرم چې نور عربي او مسلمان هېوادونه د عربي متحده اماراتو لار خپله کړي.
متحد عربي امارات د خلیج لومړنی او د عربي نړۍ دریېم هېواد دی چې له اسرائیلو  سره فعاله ديپلوماتیکې اړیکې ټینګوي. له دې دمخه مصر او اردن یوازيني دوه عربي هېوادونه وو چې له اسرائیلو سره یې فعال ديپلوماتیک روابط درلودل.
په راتلونکو اوونیو کې به د اسرائیل او عربي متحده اماراتو پلاوي سره وګوري چې پانګې اچونې، سیاحت، مستقیمو الوتنو، امنیت، ارتباطاتو، روغتیا، د سفارتونو د جوړولو او نورو مهمو مسایلو په هکله دوه اړخیزې موافقې لاسلیک کړي.     
د امریکا د بهرنو چارو وزیر مایک پمپیو او یو شمېر نورو امریکایي مقاماتو د اسرائیل او اماراتو د اړیکو د عادي کېدو د موافقې په هکله غبرګون څرګند کړی دی.  
ښاغلي پمپیو د یوې اعلامیې په خپرولو سره د اسرائیل او عربي متحده اماراتو ترمنځ     د سولې موافقه د منځني ختیځ لپاره یوه تاریخي ورځ وګڼله.
د امریکا په متحده ایالاتو کې د عربي متحده اماراتو سفیر یوسف العتیبه، ددې موافقې  په هکله وویل: د اسرائیل او عربي متحده اماراتو ترمنځ د اړیکو د بشپړه عادي کولو نننۍ اعلامیه د دپلوماسۍ او سیمې لپاره یو بریالیتوب دی چې کړکیچونه راکموي او         د مثبت بدلون لپاره نوې انرژي رامنځته کوي.   
پاى \ ذ

کابل / د زمري ٢٤مه / باختر
درې ښځې او يو ماشوم په قندهارکې د ماين په چاودنه کې ووژل شول او شپږ تنه       نور ټپيان شول.
چاودنه پرون په پنجوايي ولسوالۍ کې هغه وخت وشوه چې د يوې کورنۍ د سپرلۍ  موټر په ښخ کړاى شوي ماين وخوت.
د قندهار د والي مرستيال حاجي آغالالى دستګيري باختر آژانس ته وويل: په چاودنه کې درې ښځې او يو ماشوم وژل شوي او د موټرچلوونکي په ګډون يوه ښځه او څلور ماشومان ټپيان شوي دي.
ده چې په قندهار روغتون کې د ټپيانو د احوالو پوښتنه يې کوله؛ وسله وال طالبان يې د دغې پېښې عاملين وبلل.
وسله والو طالبانو تراوسه په دې اړه څه نه دي ويلي.
په يو بل خبر کې ويل شوي دي چې په قندهار کې په خورو ورو نښتو کې ٦ وسله وال طالبان وژل شوي او ٥ نور يې ټپيان شوي دي.
دغه نښتې په تېرو ٢٤ ساعتو کې د قندهار پر ځينو سيمو د وسله والو طالبانو له بريدونو وروسته شوې دي.   
پاى \ ذ

 کابل / د زمري ٢٤مه / باختر
د اطلاعاتو او فرهنګ وزارت سرپرست د کمال الدين بهزاد مقبرې ته لاړ او د ارواښاد پر آرامګاه يې د ګلانو ګيډۍ کېښوده او د ميناتورۍ بنسټ ايښودونکي روح       ته يي دعا وکړه، د کاشۍ نندارتون يې پرانيست او د هرات له سنتې کاشۍ څخه يې ليدنه وکړه.
وروسته د هرات جامع جومات، د اختيارالدين کلا، د هرات موزيم، د کمال الدين بهزاد او د ارتباطاتو نندارتونونه يې وکتل.
د اطلاعاتو او فرهنګ وزارت يو شمېر مرکزي رييسانو، د هرات د اطلاعاتو او فرهنګ رييس او کارکوونکو د ښاغلي زهير ملګرتيا کوله.
د اطلاعاتو او فرهنګ وزارت سرپرست، د فرهنګي آثارو او تاريخي اماکنو د وضعيت د ښه والي په اړه، اړوندو رياستونو ته لازمې لارښوونې وکړې.
پاى \ ذ

 کابل / د زمري ٢٤مه / باختر
په هغه پروګرام کې چې د هرات په اطلاعاتو او فرهنګ رياست کې په همدې مناسبت جوړ شوى و، د اطلاعاتو او فرهنګ رييس آريا رووفيان او يو شمېر همکاران يې، خپلې لاسته راوړنې، پروګرامونه او ستونزې د اطلاعاتو او فرهنګ وزارت له سرپرست سره شريکې کړې.
د اطلاعاتو او فرهنګ وزارت سرپرست د دغه مطلب په بيان سره چې هرات د درېيو دورو ( د غزنويانو، سامانيانو او غوريانو د اسلامي تمدن) ميراث لرونکى دى او مهم مقام لري، د اسلامي تمدن زړه او ډېره ځلانده دوره پېژندل کېږي.
زهير د اطلاعاتو او فرهنګ رياست له رييس او کارکوونکو سره ژمنه وکړه چې په   لنډه موده کې د فرهنګي مديريت شکل بدلوو.
هغه زياته کړه: مديريت بايد له څوګونې حالت څخه ووځي او ټول اماکن او فرهنګي ميراثونه د اطلاعاتو او فرهنګ وزارت له لوري په مستقيم ډول مديريت، ساتنه، څارنه او مرمت شي او دغه راز عوايد يې د دولت حساب ته ولېږدول شي.
د اطلاعاتو او فرهنګ وزارت سرپرست دغه راز په دغه پروګرام کې وويل: زموږ پاليسي په عمل پورې تړلې ده او د اطلاعاتو او فرهنک وزارت په عيني او عملي        بڼه بايد عايد لرونکى شي.
پاى \ ذ

Page 5 of 8944